Azərbaycan Respublikası Dövlət Gömrük Komitəsi

�Gömrük rəsmiləşdirilməsi üzrə mütəxəssislərə ixtisas attestatının verilməsi Qaydaları�nın təsdiq edilməsi haqqında

Əmr � 65

11 noyabr 1998-ci il

Azərbaycan Respublikası Gömrük Məcəlləsinin 9-cu maddəsinə əsasən, əmr edirəm:

1. �Gömrük rəsmiləşdirilməsi üzrə mütəxəssislərə ixtisas attestatının verilməsi Qaydaları� təsdiq edilsin (əlavə olunur).

2. �Gömrük rəsmiləşdirilməsi üzrə mütəxəssislərə ixtisas attestatının verilməsi Qaydaları� normativ-hüquqi akt kimi qeydiyyata alınması üçün Ədliyyə Nazirliyinə təqdim olunsun.

3. Bu Qaydalar Ədliyyə Nazirliyində qeydiyyata alındığı gündən qüvvəyə minsin.

4. İşlər İdarəsi (R.Həsənəliyev) Ədliyyə Nazirliyində qeydə alındıqdan sonra Qaydaların Komitənin bütün idarə, müstəqil şöbə və yerli gömrük orqanlarına göndərilməsini təmin etsin.

5. Əmrin icrasına nəzarət Gömrük Nəzarətinin Təşkili Baş İdarəsinə (A.Əliyev) tapşırılsın.

Komitə sədrinin səlahiyyətlərini icra edən

K.HEYDƏROV.

02 dekabr 2000-ci il tarixli 86 saylı Əmrə əsasən dəyişikliklərlə (�AzerSoft�)

Azərbaycan Respublikası
Ədliyyə Nazirliyində
qeydə alınmışdır

Qeydiyyat � 134

24 oktyabr 1998-ci il

�Təsdiq edilmişdir�
Azərbaycan Respublikası
Dövlət Gömrük Komitəsi

Əmr � 065

11 noyabr 1998-ci il

Gömrük rəsmiləşdirilməsi üzrə mütəxəssislərə ixtisas attestatının verilməsi QAYDALARI

1. Ümumi müddəalar

1.1. Hazırki əsasnamə gömrük rəsmiləşdirilməsi üzrə mütəxəssis kimi fəaliyyət göstərilməsi üçün ixtisas attestatının verilməsi qaydalarını müəyyən edir.

Bu qaydalarda gömrük rəsmiləşdirilməsi üzrə mütəxəssis (bundan sonra � mütəxəssis) dedikdə, Dövlət Gömrük Komitəsinin ixtisas attestatına (bundan sonra � attestat) malik olan fiziki şəxs başa düşülür.

Mütəxəssis fəaliyyətini Azərbaycan Respublikasının Gömrük Məcəlləsinə, Nazirlər Kabinetinin �Gömrük brokeri haqqında Əsasnamə�nin və �Azərbaycan Respublikasında gömrük brokeri fəaliyyətinə xüsusi razılıq (lisenziya) verilməsi qaydaları�nın təsdiq edilməsi haqqında 01.05.98-ci il tarixli 101 saylı qərarına, digər qanunvericilik aktlarına və hazırki Qaydalara əsasən həyata keçirir.

1.2. Bu qaydalara əsasən Azərbaycan Respublikasının Dövlət Gömrük Komitəsi tərəfindən Azərbaycan Respublikasının fiziki şəxsinə gömrük rəsmiləşdirilməsi üzrə mütəxəssis kimi fəaliyyət göstərməsinə hüquq verən attestat rəsmi sənəd hesab olunur.

1.3. Mütəxəssis gömrük brokerinin ştatında olmalı və onun adından gömrük rəsmiləşdirilməsi üzrə hərəkətləri yalnız ona verilmiş hüquqlar həcmində həyata keçirə bilər.

1.4. Gömrük brokeri və gömrük rəsmiləşdirilməsi üzrə mütəxəssis arasında münasibət əmək qanunvericiliyi tələblərinə əsasən təşkil edilir.

2. Gömrük rəsmiləşdirilməsi üzrə mütəxəssislərə olan tələblər

2.1. Mütəxəssis olmaq üçün fiziki şəxs Azərbaycan Respublikasının vətəndaşı olmalı, eyni zamanda təhsil səviyyəsinə malik olmaqla gömrük rəsmiləşdirilməsi üzrə ixtisas attestatını almaq üçün Dövlət Gömrük Komitəsinə müraciət olunmalıdır.

Gömrük, vergi və digər qanunvericiliyin tələblərini pozmuş şəxs mütəxəssis kimi fəaliyyət göstərə bilməz.

2.2. Gömrük rəsmiləşdirilməsi üçün zəruri olan əməliyyatların və gömrük işi üzrə digər funksiyaların gömrük brokeri adından həyata keçirilməsi üçün mütəxəssis aşağıdakı sahələr üzrə biliyə malik olmalıdır:

gömrük qanunvericiliyi və gömrük işi � gömrük rejimləri, mal və nəqliyyat vasitələrinin Azərbaycan Respublikasının gömrük sərhədindən keçirilmə qaydaları və şərtləri, gömrük ödənişlərin növləri, gömrük rəsmiləşdirilməsinin əsas və ilkin əməliyyatlarının həyata keçirilməsi qaydaları, gömrük məqsədləri üçün xarici-iqtisadi fəaliyyətin mal nomenklaturasına (XİF MN) uyğun malların təsnifatı və bəyan edilməsi, malların gömrük dəyərinin və mənşə ölkəsinin müəyyən edilməsi qaydaları, gömrük orqanları tərəfindən gömrük və valyuta nəzarətinin həyata keçirilməsi qaydaları, gömrük statistikası, gömrük işi sahəsində qanunvericiliyin pozulmasına görə məsuliyyət dərəcələri, gömrük xidmətinin təşkili, gömrük orqanlarının vəzifəli şəxslərinin statusu, hüququ və vəzifələri;
xarici iqtisadi fəaliyyət və onun dövlət tənzimlənməsi � xarici iqtisadi sövdələşmələrin bağlanması və icra edilməsi, qiymətlər, xarici ticarətdə sığorta və nəqliyyat şərtləri, qadağa və məhdudiyyətlər o, cümlədən lisenziyalaşdırma və sertifikatlaşdırma;
iqtisadiyyat, vergi, maliyyə-kredit, ödəniş-hesab və valyuta münasibətləri, bank işi;
mülki hüquq, beynəlxalq və dövlət hüququ, cinayət hüququ;
mütəxəssisin fəaliyyəti üçün zəruri olan informasiyanın avtomatlaşdırılmış işlənmə vasitələrindən istifadə edilməsi qaydaları.

2.3. Mütəxəssis attestatı almaq üçün namizəd, ali və ya orta ixtisas təhsilinə malik olmaqla, Dövlət Gömrük Komitəsi tərəfindən təşkil olunan xüsusi hazırlıq kurslarından və müsabiqədən keçməlidir.

Xüsusi hazırlıq kursları Dövlət Gömrük Komitəsinin Tədris Mərkəzində, müsabiqə isə Dövlət Gömrük Komitəsində yaradılan komissiya tərəfindən keçirilir.

Namizəd 2.2 maddədə qeyd olunan sahələr üzrə biliyə və təcrübəyə malik olduqda xüsusi hazırlıq kurslarını keçmədən müsabiqə edilə bilər.

3. Gömrük rəsmiləşdirilməsi üzrə mütəxəssisin ixtisas attestatı və onun fəaliyyət müddəti

3.1. Gömrük rəsmiləşdirilməsi üzrə mütəxəssisin attestatı, həmin attestat (attestatın forması əlavə olunur, əlavə � 1) sahibinin müəyyən olunmuş müddət ərzində gömrük rəsmiləşdirilməsi üzrə mütəxəssis kimi fəaliyyət göstərə bilməsini təsdiq edən sənəddir. İxtisas attestatının digər şəxsə verilməsinə icazə verilmir. Attestatdan Azərbaycan Respublikasının bütün ərazisində gömrük rəsmiləşdirilməsi üçün istifadə edilə bilər.

Attestat blankı ciddi hesabat sənədidir və onun qeydiyyat seriyası, nömrəsi vardır.

3.2. Gömrük rəsmiləşdirilməsi üzrə mütəxəssisin ixtisas attestatının fəaliyyət müddəti 3 il müəyyən olunur.

Gömrük rəsmiləşdirilməsi üzrə mütəxəssisin ixtisas attestatının qüvvədə olma müddətinin uzadılması onun verilməsi üçün müəyyən olunmuş qaydada həyata keçirilir.

3.3. Müddəti bitmiş attestat etibarsız hesab edilir.

3.4. Gömrük rəsmiləşdirilməsi üzrə mütəxəssisə ixtisas attestatının verilməsi və həmçinin ixtisas attestatının fəaliyyətinin bərpa edilməsinə görə Azərbaycan Respublikasının qanunvericiliyi ilə müəyyən edilən miqdarda bac alınır.

4. İxtisas attestatının verilməsi

4.1. Gömrük brokeri və yaxud gömrük brokeri kimi fəaliyyət göstərmək hüququ verən lisenziyanın alınmasına hazırlaşan hüquqi şəxs, ştatında olan əməkdaşa gömrük rəsmiləşdirilməsi üzrə mütəxəssis attestatının verilməsi üçün Dövlət Gömrük Komitəsinə yazılı müraciət edir.

4.2. Gömrük rəsmiləşdirilməsi üzrə mütəxəssisə ixtisas attestatının verilməsi üçün Dövlət Gömrük Komitəsinə aşağıdakı sənədlər təqdim edilməlidir:

hüquqi şəxsin vəsatəti;
gömrük rəsmiləşdirilməsi üzrə mütəxəssis kimi fəaliyyət göstərmək üçün hüquqi şəxsin ştatında olan əməkdaşın ərizəsi;
həmin əməkdaşın pasport məlumatları;
hüquqi şəxs və onun ştatında olan əməkdaş arasında bağlanmış əmək müqaviləsi və işə qəbul barədə əmrin surəti;
əməkdaşın müvafiq təhsilə malik olması haqqında sənədin təsdiq olunmuş surəti;
gömrük rəsmiləşdirilməsi üzrə mütəxəssisə ixtisas attestatının verilməsinə görə müəyyən edilmiş miqdarda yığımın ödənilməsi haqqında sənəd;
xüsusi kursun keçirilməsi və başa çatmasını təsdiq edən şəhadətnamənin surəti.

4.3. Təqdim olunmuş sənədlərə Dövlət Gömrük Komitəsi tərəfindən müəyyən olunmuş qaydada baxılır və mütəxəssis attestatı almaq üçün namizədin bu Qaydaların 2.2 bəndində qeyd olunan sahələr üzrə biliyə malik olub-olmaması müvafiq komissiya tərəfindən müsabiqə yolu ilə müəyyən edilir.

Müsabiqənin nəticələri müvafiq qaydada tərtib edilmiş sənəddə öz əksini tapır.

4.4. Hüquqi şəxs, mütəxəssis attestatı almaq üçün namizədin Qaydaların 2.2 bəndində göstərilən sahələr üzrə biliyə tam malik olmadığı halda onun Dövlət Gömrük Komitəsi tərəfindən təşkil edilən xüsusi hazırlıq kurslardan keçməsi üçün müraciət edə bilər.

4.5. Dövlət Gömrük Komitəsinə təqdim olunmuş sənədlər dolğun olduqda və gömrük rəsmiləşdirilməsi üzrə mütəxəssisə edilən müsabiqənin nəticələri qənaətbəxş olduqda attestat verilir.

4.6. Gömrük rəsmiləşdirilməsi üzrə mütəxəssisə ixtisas attestatı yalnız Dövlət Gömrük Komitəsi tərəfindən verilir.

4.7. Dövlət Gömrük Komitəsinə təqdim olunmuş sənədlərdə çatışmamazlıqlar aşkar edildikdə, ixtisas attestatının verilməsindən imtina edilir və bu barədə ərizəçiyə məlumat verilir. Çatışmamazlıqlar aradan qaldırıldıqdan və sənədlər təkrarən təqdim edildikdən sonra onlara yenidən baxılır və müvafiq qərar qəbul edilir.

4.8. Gömrük rəsmiləşdirilməsi üzrə mütəxəssisə verilmiş ixtisas attestatı ləğv edilə bilər, geri alına bilər, etibarsız sayıla bilər, onun fəaliyyəti dayandırıla bilər və mütəxəssis məhkəmənin qərarı ilə ixtisas attestatından məhrum edilə bilər.

4.9. İxtisas almaq üçün təkrar müraciətlərə, onun ləğv edildiyi, geri alındığı və ya ixtisas attestatının etibarsızlığı təsdiq edildiyi tarixdən altı ay sonra bunun üçün əsas olan səbəblərin aradan qaldırılması şərtilə və ya məhkəmənin müəyyən etdiyi müddət bitdikdən sonra baxıla bilər.

5. İxtisas attestatı

5.1. Attestatın əsli bir nüsxədən ibarət olaraq sahibinə verilir, attestatın verilməsini təsdiq edən sənədlər isə Dövlət Gömrük Komitəsində qalır. Əgər attestat yararsız hala düşərsə və ya itirilərsə, gömrük rəsmiləşdirilməsi üzrə mütəxəssis attestatın dublikatını almaq hüququna malikdir.

5.2. Attestatda aşağıdakılar göstərilir:

Dövlət Gömrük Komitəsinin adı;
attestat verilən fiziki şəxsin adı, familiyası, atasının adı, yaşadığı ünvan;
həyata keçirilməsinə attestat verilən fəaliyyət növü;
attestatın qüvvədə olma müddəti;
attestatın qeydiyyat nömrəsi və verilmə tarixi.

5.3. Attestat Dövlət Gömrük Komitəsinin sədri və yaxud onu əvəz edən şəxs tərəfindən imzalanır, imza DGK-nin gerbli möhürü ilə təsdiq edilir.

6. Gömrük rəsmiləşdirilməsi üzrə mütəxəssisin vəzifələri

6.1. Gömrük rəsmiləşdirilməsi üzrə mütəxəssisin vəzifələrinə aşağıdakılar daxildir:

a) təmsil etdiyi şəxsdən gömrük məqsədləri üçün alınmış sənədlərin doğruluğunun, həmçinin təmsil etdiyi şəxsin mal və nəqliyyat vasitələrinə səlahiyyətli olmasının yoxlanılması;

b) gömrük məqsədləri üçün zəruri olan sənədlərin tərtibi, bu məqsədlər üçün müəyyən olunmuş qaydada və müddətdə mal və nəqliyyat vasitələri, onların gömrük rejimləri haqqında dəqiq məlumatların verilməsi;

v) ödənilməli olan gömrük ödənişlərinin düzgün hesablanması, (malın kodunun XİF MN uyğun müəyyən edilməsi, mənşə ölkəsi, malın gömrük dəyərinin və miqdarının müəyyən edilməsi, yığılması gömrük orqanlarına həvalə edilmiş gömrük rüsumlarının, əlavə dəyər vergisinin, aksizin və digər vergilərinin dərəcələrinin bəyan edilən mallara uyğunluğu, seçilmiş gömrük rejimindən asılı olaraq gömrük ödənclərinin yığılma qaydalarının tətbiqi);

q) gömrük rəsmiləşdirilməsi və gömrük nəzarəti üçün zəruri olan sənədlərin və məlumatların vaxtlı-vaxtında gömrük orqanına təqdim edilməsi;

ğ) gömrük orqanının tələbinə əsasən malların və nəqliyyat vasitələrinin gömrük rəsmiləşdirilməsi zamanı iştirak etməsi və gömrük orqanlarının vəzifəli şəxslərinə köməklik göstərməsi;

d) ştatında olduğu gömrük brokeri tərəfindən bəyan edilən mal və nəqliyyat vasitələrinin uçotunun aparılması;

e) gömrük orqanının tələbinə əsasən Azərbaycan Respublikasının gömrük sərhədindən keçirilən mal və nəqliyyat vasitələrinin gömrük rəsmiləşdirilməsi üçün təqdim edilməsi;

ə) bəyan edilən mal və nəqliyyat vasitələrinə baytarlıq, fitosanitar, ekoloji və dövlət nəzarətinin digər növlərinin həyata keçirilməsinin təmin edilməsi;

z) təmsil etdiyi şəxsdən alınmış məlumatları yalnız gömrük məqsədləri üçün istifadə etməsi, həmin məlumatların Azərbaycan Respublikasının qanunvericiliyində nəzərdə tutulmuş qaydada qorunması və müdafiə edilməsi;

j) təmsil etdiyi şəxsə Azərbaycan Respublikasının gömrük qanunvericiliyinin tələblərinin izah edilməsi;

l) seçilmiş gömrük rejiminə uyğun gömrük rəsmiləşdirilməsi tam başa çatmayana qədər mal və nəqliyyat vasitələrinin təmsil etdiyi şəxsin sərəncamına verilməməsi şərtlərinə və məhdudiyyətlərə riayət etməsi.

m) eyniləşdirilmə vasitələrinin dəyişdirilməsi, zədələnməsi, məhv edilməsi, itirilməsi aşkar olunduqda, eləcə də mallar nəqliyyat, kommersiya və digər sənədlərdə göstərilən mallar haqqında məlumatlara uyğun gəlmədikdə, həmçinin buna bənzər digər səbəblər müəyyən olunduqda dərhal gömrük orqanlarının məlumatlandırılması.

6.2. Gömrük brokeri mütəxəssisə gömrük işinə aid qanunvericilik aktlarında nəzərdə tutulmuş vəzifələrdən savayı əlavə vəzifələr müəyyən edə bilməz.

7. Gömrük rəsmiləşdirilməsi üzrə mütəxəssisin hüquqları

7.1. Mütəxəssis fəaliyyətini həyata keçirərkən aşağıdakı hüquqlara malikdir:

a) gömrük orqanlarının dəvəti ilə gömrük rəsmiləşdirilməsində gömrük orqanları tərəfindən prob və nümunələrin götürülməsi zamanı iştirak etmək və götürülmüş prob və nümunələrin ekspertizasının nəticələri ilə tanış olmaq;

b) gömrük orqanlarının icazəsi ilə mal və nəqliyyat vasitələrini müayinə etmək, ölçmək və miqdarı müəyyən etmək, ekspertizanın aparılması üçün mallardan prob və nümunələr götürmək;

v) Azərbaycan Respublikasının gömrük işinə aid qanunvericilik aktlarında nəzərdə tutulmuş qaydada gömrük rəsmiləşdirilməsi üzrə əməliyyatların həyata keçirilməsi üçün gömrük orqanlarının icazəsi ilə gömrük nəzarət zonasına daxil olmaq;

q) Dövlət Gömrük Komitəsi tərəfindən müəyyən olunmuş qaydada gömrük orqanlarından məlumatlar və məsləhətlər almaq;

d) müəyyən olunmuş qaydada Azərbaycan Respublikası gömrük orqanlarının və onların vəzifəli şəxslərinin hərəkət və hərəkətsizliyindən əsaslanmış şikayət etmək.

İlkin əməliyyatlar zamanı:

a) mal və nəqliyyat vasitələrinin Azərbaycan Respublikasının gömrük ərazisindən çıxarılması niyyəti haqqında gömrük orqanlarının məlumatlandırılması;

b) ilkin əməliyyatların həyata keçirilməsi zamanı gömrük məqsədləri üçün zəruri olan sənədlərin hazırlanması;

v) mal və nəqliyyat vasitələrini müvəqqəti saxlanc anbarına yerləşdirilməsi.

8. İxtisas attestatının ləğv edilməsi

8.1. Gömrük rəsmiləşdirilməsi üzrə mütəxəssisə ixtisas attestatının verilməsi üçün əsas götürülmüş məlumatın yanlış olduğu və ya müəyyən edilmiş qaydalara riayət olunmadan verildiyi aşkara çıxarsa, Dövlət Gömrük Komitəsi tərəfindən Azərbaycan Respublikasının qanunvericiliyinə əsasən ixtisas attestatı ləğv edilir.

8.2. İxtisas attestatının ləğv edilməsinə əsas hesab edilə bilən faktlar gömrük orqanı tərəfindən müəyyən olunduqda, həmin faktlar rəsmi surətdə Dövlət Gömrük Komitəsinə təqdim edilməlidir.

8.3. Attestatın ləğv edilməsi haqqında qərar Dövlət Gömrük Komitəsi sədrinin və ya onu əvəz edən şəxsin yazılı sərəncamı ilə rəsmiləşdirilir. Ləğv etməyə dair qərar, ixtisas attestatının verildiyi tarildiyi tarixdən qüvvədədir.

8.4. Dövlət Gömrük Komitəsi ləğv etmə qərarı barəsində mütəxəssisi və ştatında həmin mütəxəssis olan gömrük brokerini yazılı surətdə məlumatlandırır.

8.5. Ləğv olunmuş attestat, bu barədə qərar qəbul olunduğu tarixdən 10 gün ərzində mütləq qaydada mütəxəssis və ya ştatında həmin mütəxəssis olan gömrük brokeri tərəfindən Dövlət Gömrük Komitəsinə qaytarılmalıdır.

9. İxtisas attestatının geri alınması

9.1. Gömrük rəsmiləşdirilməsi üzrə mütəxəssisin ixtisas attestatı aşağıdakı hallarda geri alınır:

a) mütəxəssis Azərbaycan Respublikası gömrük orqanları qarşısında öz vəzifələrini dəfələrlə yerinə yetirmədikdə;

b) sənədləri saxtalaşdırmaqda, oğurluq etməkdə, rüşvət almaqda, həmçinin dəfələrlə Gömrük Məcəlləsində nəzərdə tutulan hüquqpozmalar törətməkdə təqsirli olduğu təsdiq edildikdə;

v) kommersiya sirri olan və ya gizli məlumatlardan qanunsuz yolla istifadə edərək təmsil etdiyi şəxsə zərər vurduqda;

q) Azərbaycan Respublikası gömrük orqanlarının tələblərinə riayət etmədikdə və ya onları yerinə yetirmədikdə;

ğ) Azərbaycan Respublikasının vergi və ya digər qanunvericiliyini pozduqda.

9.2. Attestatın geri alınması haqqında qərar Dövlət Gömrük Komitəsi sədrinin və ya onu əvəz edən şəxsin yazılı sərəncamı ilə rəsmiləşdirilir. Geri alınma bu barədə qərar qəbul edildiyi tarixdən qüvvəyə minir.

9.3. Dövlət Gömrük Komitəsi geri alınma qərarı barəsində mütəxəssisi və ştatında həmin mütəxəssis olan gömrük brokerini yazılı surətdə məlumatlandırır.

9.4. Geri alınmış attestat bu barədə qərar qəbul olunduğu tarixdən 10 gün müddətində mütləq qaydada mütəxəssis və ya ştatında həmin mütəxəssis olan gömrük brokeri tərəfindən Dövlət Gömrük Komitəsinə qaytarılmalıdır.

10. İxtisas attestatının etibarsız hesab edilməsi

10.1. Gömrük brokerinin müflisləşməsi faktı məhkəmə qaydasında təsdiq edildikdə onun ştatında olan mütəxəssisin ixtisas attestatı etibarsız hesab edilir.

10.2. Attestatın etibarsızlığının təsdiq edilməsi Dövlət Gömrük Komitəsi sədrinin və ya onu əvəz edən şəxsin sərəncamı ilə rəsmiləşdirilir.

10.3. Dövlət Gömrük Komitəsi ixtisas attestatının etibarsızlığı təsdiq edilməsi barədə mütəxəssisi yazılı surətdə məlumatlandırır.

11. İxtisas attestatının fəaliyyətinin dayandırılması (bərpa edilməsi)

11.1. Gömrük rəsmiləşdirilməsi üzrə mütəxəssisin öz vəzifələrini vicdanla yerinə yetirməməsi barədə kifayət qədər əsaslar olduqda, Dövlət Gömrük Komitəsi ixtisas attestatının fəaliyyətini iki ay müddətinə qədər dayandıra bilər.

11.2. Mütəxəssisin fəaliyyətində ixtisas attestatının fəaliyyətinin dayandırılmasına əsas hesab edilə bilən faktlar gömrük orqanı tərəfindən müəyyən olunduqda həmin faktlar rəsmi surətdə Dövlət Gömrük Komitəsinə təqdim olunmalıdır.

11.3. İxtisas attestatının fəaliyyətinin dayandırılması (bərpa edilməsi) Dövlət Gömrük Komitəsinin sədri və ya onu əvəz edən şəxsin sərəncamı ilə rəsmiləşdirilir.

11.4. Dövlət Gömrük Komitəsi ixtisas attestatının fəaliyyətinin dayandırılması (bərpa edilməsi) barədə mütəxəssisi və ştatında həmin mütəxəssis olan gömrük brokerini yazılı surətdə məlumatlandırır.

12. Gömrük rəsmiləşdirilməsi üzrə mütəxəssisin məsuliyyəti

12.1. Gömrük qanunvericiliyinin və bu qaydaların tələblərinin pozulmasına görə gömrük rəsmiləşdirilməsi üzrə mütəxəssis mövcud qanunvericiliyə uyğun məsuliyyət daşıyır.

12.2. Dövlət Gömrük Komitəsindən ixtisas attestatını almış mütəxəssis gömrük rəsmiləşdirilməsi ilə əlaqədar əməliyyatları gömrük brokeri adından yerinə yetirdikdə, o, bu iş üçün gömrük brokeri tərəfindən vəkil edilmiş hesab olunur və gömrük brokerinin bunun əksini sübut etdiyi hallar istisna edilir.

Əlavə � 1

Azərbaycan Respublikasının Dövlət Gömrük Komitəsi

Gömrük rəsmiləşdirilməsi üzrə mütəxəssisin ixtisas attestatı

Dövlət Gömrük Komitəsinin ______________ saylı ___________________________ tarixli qərarına (əmrinə) əsasən____________________________________________ ___________________________________________________________________________

(fiziki şəxsin adı, familiyası, atasının adı, yaşadığı ünvan)

199____________ təvəllüdlü pasport seriyası ______________ nöm. ______________ gömrük brokeri adından gömrük rəsmiləşdirilməsi üzrə mütəxəssis kimi fəaliyyət göstərilməsi hüququ verilir.

Attestatın qüvvədə olma müddəti _________________ tarixdən _________________ tarixə qədər.

Dövlət Gömrük Komitəsinin sədri ____________________________

M.Y.

qeydiyyat nömrəsi və verilmə tarixi.

Qeyd: İxtisas attestatının nömrəsi dörd rəqəmdən ibarətdir.

� AzerSoft