Azərbaycan Respublikası Dövlət Gömrük Komitəsi
             Az | Ru | En |
          
 

  • Baş səhifə
  • Gömrük Komitəsi
  • Qanunvericilik
  • Gömrük prosedurları
  • Gömrük tarifləri
  • Hüquq mühafizə fəaliyyəti
  • Beynəlxalq əlaqələr
  • Statistika
  • Gömrük xəbərləri
  • Video materiallar
  • Faydalı istinadlar
  • Suallar və cavablar


    		•
    Gömrük Orqanlarının elektron xəritəsi          
             
     
    Poçt göndərilmə
    İnformasiya-Sorğu Mərkəzi
       
    Azərbaycan Respublikası Dövlət Gömrük Komitəsi

    «Müvəqqəti saxlanc (müvəqqəti saxlanc anbarları) haqqında» Əsasnamənin təsdiq edilməsi haqqında

    Əmr ¹ 66

    11 noyabr 1998-ci il

    Azərbaycan Respublikasının Gömrük Məcəlləsinin 9-cu maddəsinə əsasən 23-cü fəslinin müddəalarının həyata keçirilməsi məqsədilə əmr edirəm:

    1. «Müvəqqəti saxlanc (müvəqqəti saxlanc anbarları) haqqında» Əsasnamə təsdiq edilsin (əlavə olunur).

    2. «Müvəqqəti saxlanc (müvəqqəti saxlanc anbarları) haqqında» Əsasnamə normativ-hüquqi akt kimi qeydiyyata alınması üçün Ədliyyə Nazirliyinə təqdim edilsin.

    3. Bu Əsasnamə Ədliyyə Nazirliyi tərəfindən qeydiyyata alındığı gündən qüvvəyə minsin.

    4. İşlər İdarəsi (R.Həsənəliyev) Ədliyyə Nazirliyində qeydə alındıqdan sonra «Müvəqqəti saxlanc (müvəqqəti saxlanc anbarları) haqqında» Əsasnamənin gömrük orqanlarına göndərilməsini təmin etsin.

    5. Əmrin icrasına nəzarət Gömrük Nəzarətinin Təşkili Baş İdarəsinə (A.Əliyev) tapşırılsın.

    Komitə sədrinin səlahiyyətlərini icra edən

    K.HEYDƏROV.

    Azərbaycan Respublikasının
    Ədliyyə Nazirliyində
    qeydə alınmışdır.

    Qeydiyyat ¹-si 136
    24 noyabr 1998-ci il

    Nazir
    S.Həsənova

    «Təsdiq edilmişdir»
    Azərbaycan Respublikası
    Dövlət Gömrük Komitəsi

    Əmr ¹ 66
    11 noyabr 1998-ci il

    Komitənin sədri
    K.Heydərov

    Müvəqqəti saxlanc (müvəqqəti saxlanc anbarları) haqqında Əsasnamə

    1. Ümumi müddəalar:

    Bu Əsasnamə Gömrük Məcəlləsinin 23-cü fəslinin və «Azərbaycan Respublikasında gömrük anbarlarının və müvəqqəti saxlanc anbarlarının təsis edilməsinə xüsusi razılıq (lisenziya) verilməsi Qaydaları»nın təsdiq edilməsi haqqında Azərbaycan Respublikası Nazirlər Kabinetinin 13 aprel 1998-ci il tarixli, 73 saylı Qərarının müddəalarına uyğun olaraq işlənib hazırlanmışdır.

    1.1. Mallar və nəqliyyat vasitələri gömrük orqanlarına təqdim olunduğu andan və onların buraxılışına qədər, ya da seçilmiş gömrük rejiminə uyğun olaraq şəxsə verilənədək müvəqqəti saxlancda gömrük nəzarəti altında olurlar.

    1.2. Mallar və nəqliyyat vasitələri gömrük orqanına təqdim olunduğu andan müvafiq status alırlar.

    Azərbaycan Respublikasına gətirildiyi zaman təqdim etmə daşıyıcı, ya onun səlahiyyətli şəxsi tərəfindən mallar və nəqliyyat vasitələrinin Azərbaycan Respublikasının gömrük ərazisinə, ya da təyinat yerinə çatması haqqında gömrük orqanına xəbər verilməsindən ibarətdir.

    Azərbaycan Respublikası ərazisindən mallar və nəqliyyat vasitələri aparıldığı zaman təqdim etmə, malları və nəqliyyat vasitələrini aparan şəxs tərəfindən gömrük rəsmiləşdirilməsinin keçirilməsi üçün mal və nəqliyyat vasitələrini müəyyən olunmuş gömrük rəsmiləşdirilməsi yerlərinə gətirilməsi haqqında gömrük orqanına məlumatın verilməsindən ibarətdir.

    1.3. Azərbaycan Respublikasının gömrük ərazisində mallar və nəqliyyat vasitələrinin aparılacağı və çatdırılacağı yer yalnız müvəqqəti saxlanc anbarı ola bilər.

    Malların digər yerlərə daşınması (avtomobil və digər nəqliyyat vasitələri ilə) yalnız malları keçirən şəxsin fəaliyyət bölgəsində olan gömrükxananın və ya malın xarakterindən (məsələn, valyuta və valyuta sərvətləri, silah və s.) asılı olaraq həmin ərazidə onların rəsmiləşdirilməsinin aparılması məqsədə uyğundursa, yuxarı gömrük orqanının razılığı əsasında, digər hallarda isə gömrük işi haqqında qanunvericiliyinin tələblərinə uyğun surətdə həyata keçirilir.

    1.4. Müvəqqəti saxlanc anbarının sahibi tərəfindən qeydiyyata (uçota) alınan və daimi gömrük nəzarəti altında olan mallar və nəqliyyat vasitələrinin gömrük rəsmiləşdirilməsi, onların gömrük orqanına təqdim edildiyi andan etibarən üç saat müddətində başa çatarsa, onda müvəqqəti saxlanc gömrük rəsmiləşdirilməsi mərhələsi kimi tətbiq edilmir. Qeydiyyatın aparılmasını daşıyıcı mütləq təmin etməlidir.

    1.5. Müvəqqəti saxlanc xüsusi olaraq ayrılmış və quraşdırılmış tikililərdə və ya digər yerlərdə (müvəqqəti saxlanc anbarlarında) həyata keçirilir.

    1.6. Müvəqqəti saxlanc anbarları Gömrük Məcəlləsi və «Azərbaycan Respublikasında müvəqqəti saxlanc anbarlarının təsis edilməsinə xüsusi razılıq (lisenziya) verilməsi Qaydaları»nın təsdiq edilməsi haqqında Azərbaycan Respublikası Nazirlər Kabinetinin 13 aprel 1998-ci il tarixli, 73 saylı Qərarının tələblərinə uyğun olaraq gömrük orqanlarının icazə verdiyi müəyyən olunmuş yerlərdə təsis oluna bilər.

    Beynəlxalq əlaqələri, Azərbaycan Respublikasının gömrük sərhədindən keçirilən malların qəbulunu, yükləmə, boşaltma və verilməsi əməliyyatlarını həyata keçirən hava, dəniz limanlarında, aerodromlarda, dəmiryolu stansiyalarında, meydançalarında, habelə beynəlxalq avtomobil əlaqələri olan Azərbaycan Respublikasının dövlət, ya da gömrük sərhədi buraxılış məntəqələri ərazilərində müvəqqəti saxlanc anbarlarının olması mütləq vacibdir.

    1.7. Müvəqqəti saxlanc anbarları, idarələr və təşkilatlar tərəfindən aşağıdakı tələblərə müvafiq olaraq təsis oluna bilər:

    • Azərbaycan Respublikası ərazisində yerləşməsi;
    • Azərbaycan Respublikası qanunvericiliyinə uyğun yaradılması və hüquqi şəxs statusunun olması;
    • müvəqqəti saxlanc anbarının təsisinə dair DGK tərəfindən verilmiş lisenziya əsasında.

    2. Müvəqqəti saxlanc anbarlarının tipləri

    2.1. Müvəqqəti saxlanc anbarları açıq tipli, yəni bütün mallar üçün və qapalı tipli, yəni saxlanması xüsusi şərait tələb edən nəqliyyat vasitələri və mallar üçün nəzərdə tutulur.

    2.2. Qapalı tipli müvəqqəti saxlanc anbarları, yalnız açıq tipli saxlanc anbarlarının təsisinin məqsədəuyğun olmamasına kifayət qədər əsas olduqda təsis oluna bilər.

    2.3. Qapalı tipli anbarlar aşağıdakı məqsədlər üçün təsis oluna bilərlər:

    • xüsusi mallar və nəqliyyat vasitələrinin saxlanması üçün;
    • mallar və nəqliyyat vasitələrinin onları daşıyıcıları tərəfindən saxlanması üçün;
    • digər hallarda isə Dövlət Gömrük Komitəsinin icazəsilə bu Əsasnamənin 2.2 bəndinin tələblərinin gözlənilməsi şərtilə təsis oluna bilər.

    2.4. Qapalı tipli anbarın təsisinə dair verilmiş lisenziyanın alınması haqqında ərizdə müraciət edən şəxs bu tipli anbarın məqsəduyğunluğunu əsaslandırmalı, ya da belə anbarda yerləşdiriləcək malların növü və siyahısı müəyyən olunmalıdır.

    2.5. Azərbaycan Respublikası DGK qapalı tipli müvəqqəti saxlanc anbarının quruluşuna və avadanlıq təchizatına, habelə belə anbarda malların və nəqliyyat vasitələrinin yerləşdirilməsi, onların uçotunun aparılması və hesabatın təqdimatı haqqında sadələşdirilmiş qaydalar müəyyən etmək və ayrı-ayrı tələblər tətbiq etmək hüququna malikdir.

    3. Müvəqqəti saxlanc anbarının quruluşu və təchizinə olan tələblər

    3.1. Müvəqqəti saxlanc anbarının quruluşu anbara gömrük nəzarətindən kənar mallar və nəqliyyat vasitələrinin daxil olma və oradan çıxarılma imkanını aradan qaldırmalı, anbarda yerləşən mal və nəqliyyat vasitələrinin mühafizəsini (olduğu kimi qalmasını) təmin etməli və anbara kənar şəxslərin daxil olmasına imkan verməməlidir.

    3.2. Anbarın ərazisi ona bitişik olan yük boşaltma meydançası nişanlanmalı, habelə gömrük orqanlarının tələbinə görə hasara alınmalıdır. Əgər müvəqqəti saxlanc anbarı binanın bir hissəsindədirsə, belə hallarda, oraya gələn giriş yolu və yükboşaltma meydançası gömrük nəzarətində olan mallar və nəqliyyat vasitələrinə kənar şəxslərin buraxılmasını aradan qaldırmalıdır. Əgər tikili eyni zamanda müvəqqəti saxlancda olan mallar və nəqliyyat vasitələrinin gömrük anbarı rejimi altında olan malların saxlanması üçün istifadə olunarsa, belə halda tikilinin-malların və nəqliyyat vasitələrinin müvəqqəti saxlancı kimi istifadə olunduğu hissəsi təcrid oluna və gömrük orqanının tələbi ilə oraya ayrıca giriş yolu ilə təchiz oluna bilər.

    3.3. Müvəqqəti saxlanc anbarına əlverişli giriş yolu olmalıdır.

    3.4. Gömrük orqanı müvəqqəti saxlanc anbarının yerləşdiyi yerə, onun konstruksiyası və quruluşuna konkret tələblər qoymaq, onun iki bağlayıcı qurğu (həmin qurğulardan biri gömrük orqanının sərəncamında olmaq şərtilə) ilə təchizini və zəruri hallarda anbarda saxlanılan mallar və nəqliyyat vasitələrinin avtomatlaşdırılmış sistem əsasında uçotunu aparmaq hüququna malikdir.

    3.5. Müvəqqəti saxlanc anbarının sahibi onun normal fəaliyyəti üçün anbarın maddi-texniki təchizini həyata keçirməli, o cümlədən aşağıdakılarla təmin etməlidir:

    • yükləmə-boşaltma və nəqliyyat vasitələri;
    • anbar avadanlığı;
    • rabitə vasitəsi;
    • digər texniki vasitələr;
    • mebellə.

    Gömrük orqanlarının əməkdaşları üçün əvəzsiz olaraq gömrük orqanlarının tələblərinə cavab verən, gömrük nəzarəti və gömrük rəsmiləşdirilməsini həyata keçirmək üçün lazımi təchizatı olan yer (otaq), rabitə vasitələri ayrılır.

    3.6. Anbarın tam təchizi, onun müəyyən olunmuş qaydada saxlanması, mühafizəsi və buraxılış rejiminə təminat anbar sahibi tərəfindən və onun vəsaiti hesabına aparılır.

    3.7. Əgər müvəqqəti saxlanc anbarının təsisçisi gömrük orqanıdırsa, belə anbarın təsisi üçün lisenziya tələb olunmur.

    3.8. Müvəqqəti saxlanc anbarı gömrük idarələri, gömrükxanalar, ya da Azərbaycan Respublikası Dövlət Gömrük Komitəsinin təqdimatı üzrə təsis olunur.

    3.9. Gömrük orqanı tərəfindən təsis olunmuş müvəqqəti saxlanc anbarı gömrük orqanının fəaliyyət bölgəsində yerləşən anbar üçün nəzərdə tutulmuş tikilidir və həmin gömrük orqanının struktur bölməsi hesab olunur.

    3.10. Anbar rəisi, onun müavinləri, habelə anbarda maddi-məsul vəzifələrdə çalışan əməkdaşlar, gömrük orqanının vəzifəli şəxsləridir. Gömrük orqanı tərəfindən anbarın fəaliyyətini təmin etmək üçün işə qəbul olunmuş digər işçilər gömrük orqanının vəzifəli şəxsləri hesab olunmurlur.

    3.11. Gömrük orqanları tərəfindən təsis olunan müvəqqəti saxlanc anbarları — açıq tipli anbarlar hesab olunur.

    3.12. Gömrük orqanı tərəfindən təsis olunan müvəqqəti saxlanc anbarlarının quruluşu və təchizat təminatı gömrük orqanı tərəfindən müəyyən olunur. Bu Əsasnamənin 4 bölməsində göstərilən bütün tələblərin gözlənilməsi belə anbarlar üçün məcburi deyildir.

    3.13. Gömrük orqanı tərəfindən təsis olunmuş müvəqqəti saxlanc anbarları mallar və nəqliyyat vasitələrinin, o cümlədən Azərbaycan Respublikasının gömrük sərhədindən keçirilməyənlərin istifadəsi üçün nəzərdə tutulmuşdur. Belə malların və nəqliyyat vasitələrinin saxlanc müddətləri onların yerləşdirmə məqsədinə uyğun olaraq müəyyən olunur.

    3.14. Əgər anbarın sahibi gömrük orqanıdırsa, onda gömrük ödənişlərinin ödənilməsinə görə məsuliyyəti mallar və nəqliyyat vasitələrini anbara yerləşdirən şəxs, bu şəxs olmadıqda isə mallar və nəqliyyat vasitələrinin mülkiyyətçisi, ya da sahibi daşıyır.

    3.15. Sahibi gömrük orqanı olan müvəqqəti saxlanc anbarında mallar və nəqliyyat vasitələrinin saxlanılmasına görə aşağıdakı məbləğdə gömrük yığımları alınır:

    • malların saxlanmasına görə sutka ərzində hər kiloqram üçün — 0,04 EKYÜ-yə ekvivalent olan məbləğ;
    • nəqliyyat vasitələrinin (dəniz, çay, ya da hava gəmisi, vaqon, avtomobil və s.) saxlanmasına görə sutka ərzində hər vahid üçün 3 EKYÜ-yə ekvivalent məbləğ.

    Natamam sutkalar sutka kimi, çəkilər isə yuvarlaqlaşdırılmalıdır.

    3.16. Müvəqqəti saxlanc anbarının sahibi olan gömrük orqanı qəbul olunan və saxlamada olan mallar və nəqliyyat vasitələrinin uçotunu aparır. Uçot 3 saylı əlavədə göstərilən forma üzrə uçot kitabçasında maddi sərvətlərin uçotu müəyyən olunmuş qaydada aparılır. Bu halda uçotun gömrük sənədi istifadə olunmur.

    3.17. Gömrük orqanı fəaliyyət zonasında təsis olunan müvəqqəti saxlanc anbarı üçün anbarın konstruksiyasından, anbarda saxlanılan malların növlərindən onun buraxılış gücündən, nəqliyyat vasitəsinin növündən və anbarın fəaliyyət göstərməsinə toxunan digər amillərdən asılı olaraq anbardan istifadə reqlamenti müəyyən olunaraq təsdiq edilir.

    Reqlamentdə aşağıdakılar göstərilir:

    • anbarda iş rejimi;
    • bu anbarda malların və nəqliyyat vasitələrinin müvəqqəti saxlanc müddətləri;
    • anbarda mallar və nəqliyyat vasitələrinin saxlanması üzrə gömrük yığımlarının miqdarı;
    • gömrük orqanının mallar və nəqliyyat vasitələrinin çatması haqqında xəbər verilmə qaydaları və konkret müddət formalarına tələbləri;
    • anbarın fəaliyyət göstərməsilə əlaqədar digər tələblər və şərtlər.

    Müvəqqəti saxlanc anbarından istifadə reqlamenti gömrük orqanının rəisi tərəfindən təsdiq olunur və tanışlıq məqsədilə gömrük anbarına göndərilir.

    4. Müvəqqəti saxlanc anbarı sahibinin vəzifələri

    4.1. Müvəqqəti saxlanc anbarının sahibi aşağıdakı vəzifələri həyata keçirməlidir:

    • anbarda saxlanan malların və nəqliyyat vasitələrinin gömrük nəzarətindən kənar götürülməsinə imkan verməmək;
    • gömrük nəzarətinin həyata keçirilməsini çətinləşdirməmək;
    • bu əsasnamə üzrə müəyyən olunmuş qaydada anbarda saxlanılan mallar və nəqliyyat vasitələrinin uçotunu aparmaq və gömrük orqanına hesabat təqdim etmək;
    • saxlanılan mallar və nəqliyyat vasitələrinin yanına üçüncü şəxsin daxil olmasına yol verməmək;
    • müvəqqəti saxlanc anbarının təsisi üçün verilmiş lisenziya şərtlərinə əməl etməklə gömrük orqanlarının tələblərini yerinə yetirmək. İstənilən vaxt gömrük orqanlarının vəzifəli şəxslərinin tələblərinə görə onların mallar və nəqliyyat vasitələrinin saxlanıldığı yerə buraxılmasını təmin etmək;
    • gömrük orqanının tələblərilə anbarda olan mallar və nəqliyyat vasitələrinin nəqlini, çəkilməsini, malların miqdarının təyinini, yüklənməsini, boşaldılmasını, yenidən yüklənməsini, zədələrinin düzəldilməsini, qablaşdırmaq vasitələrinin açılmasını, mallar və nəqliyyat vasitələrinin çatdırılması və yenidən qablaşdırılmasını həyata keçirir. Gömrük rəsmiləşdirilməsi aparılacaq və gömrük nəzarətində olan mallar və nəqliyyat vasitələri yerləşdirilmiş tikili və digər yerlərin açılmasını təmin edir. Göstərilən əməliyyatlar üçün çəkilən xərclər gömrük orqanları tərəfindən deyil, anbar sahibinin vəsaiti hesabına aparılır.

    Lisenziyanın ləğvi və geri alınması hallarında mallar və nəqliyyat vasitələrinin saxlanmasını təmin edir və anbarın ləğvi ilə əlaqədar proseduraları yerinə yetirir.

    4.2. Anbar sahibi vəzifə öhdəliklərinin yerinə yetirilməməsinə görə qüvvədə olan qanunvericiliyə uyğun məsuliyyət daşıyır.

    5. Mallar və nəqliyyat vasitələrinin müvəqqəti saxlanc anbarında yerləşdirilməsi və saxlanması

    5.1. Azərbaycan Respublikasının gömrük sərhədindən keçirilən istənilən mallar və nəqliyyat vasitələri müvəqqəti saxlanc anbarında yerləşdirilə bilər.

    İdxalı və ya ixracı Azərbaycan Respublikasında qadağan olunmuş mallar və nəqliyyat vasitələri yalnız sahibi gömrük orqanları olan müvəqqəti saxlanc anbarlarında yerləşdirilə bilər.

    Azərbaycan Respublikasının gömrük sərhədindən keçirilməyən mallar və nəqliyyat vasitələrinin müvəqqəti saxlanc anbarlarında yerləşdirilməsinə icazə verilmir.

    5.2. Digər mallar və nəqliyyat vasitələrinə zərər vuracaq, ya da xüsusi saxlama şəraiti tələb edən mallar və nəqliyyat vasitələri xüsusi təchizata malik qapalı tipli müvəqqəti saxlanc anbarları olan tikililərdə saxlanıla bilər.

    5.3. Mallar və nəqliyyat vasitələrinin gəldiyi barədə onlar gəldikdən sonra 30 dəqiqədən gec olmayaraq, gömrük orqanının iş vaxtından kənar gəldikdə isə iş vaxtı başlandıqdan sonra 30 dəqiqədən gec olmayaraq gömrük orqanına xəbər verilir.

    Xəbər verilmə Gömrük Məcəlləsinə uyğun olaraq yazılı, şifahi, elektron cihazlar vasitəsilə və digər formalarda həyata keçirilir.

    Mallar və nəqliyyat vasitələrinin gəldiyi barədə xəbər verildikdən sonra və onlar müvəqqəti saxlanc anbarında yerləşdirilənə qədər mallar və nəqliyyat vasitələrinin nəzarətsiz qoyulmasına, nəqliyyat vasitələrinin dayanacaq yerinin dəyişilməsi, malların boşaldılması və yenidən yüklənməsi, malların ilk dəfə yerləşdirildiyi yerin dəyişilməsi, qabların açılması, malların qablaşdırılması, eyniləşdirmə vasitələrinin dəyişilməsi, çıxarılması, ya da məhv edilməsi yalnız gömrük orqanının icazəsi ilə həyata keçirilir.

    5.4. Mallar və nəqliyyat vasitələrinin daxil olması haqqında gömrük orqanına xəbər verildikdən sonra sutka ərzində belə mallar və nəqliyyat vasitələri müvəqqəti saxlanc anbarında yerləşdirilməlidir. Əgər məlumat verilməmişsə, onda göstərilən müddət məlumat verilən andan hesablanır.

    Əgər göstərilən sutka ərzində mallar və nəqliyyat vasitələrinin gömrük rəsmiləşdirilməsi, onların müvəqqəti saxlanc anbarının sahibi tərəfindən uçotunun aparılması şərti ilə tam başa çatmış olarsa, bu halda müvəqqəti saxlanc anbarında faktiki yerləşdirilmə (anbar sahibi) tərəfindən faktiki qəbul tələb olunmur.

    5.5. Mallar və nəqliyyat vasitələri ilə eyni zamanda, ya da gömrük orqanının icazəsi ilə mallar və nəqliyyat vasitələrinin təqdim olunmasından sonra, növbəti iş günündən gec olmayaraq gömrük orqanına nəqliyyat, mal müşayiət və onların digər kommersiya sənədləri (qaimələr, konasamentlər, spesifikasiyalar, hesab-faktura və s.) təqdim olunur. O cümlədən bu sənədlər gömrük orqanının vəzifəli şəxsinin bildiyi hər hansı xarici dildə də tərtib olunması tələb olunur. Belə sənədlərin təqdim olunması üzrə məsuliyyət daşıyıcının üzərinə düşür.

    5.6. bəndində göstərilən sənədlər müvəqqəti saxlanc anbarında yerləşdirilən mallar və nəqliyyat vasitələrinin eyniləşdirməyə imkan verən aşağıdakı məlumatları əks etdirməlidir:

    • malları Azərbaycan Respublikasından göndərən və alanın rekvizitləri;
    • daşıyıcının adı;
    • nəqliyyat vasitəsi haqqında onu eyniləşdirməyə imkan verən kifayət qədər qısa məlumatı (növü, adı, seriyası və s.);
    • malın ümumiləşdirilmiş adı və miqdarı.

    5.7. Əgər 5.5 bəndində göstərilənlər təqdim olunmazsa, ya da həmin sənədlərdəki məlumatlar 5.6 bəndində göstərilənləri əks etdirməzsə, bu və ya digər hallarda gömrük işi haqqında qanunvericiliyin gözlənilməsinə təminat baxımından, gömrük orqanına daşıyıcı tərəfindən qısa bəyannamə verilir.

    5.8. Qısa bəyannamədə aşağıdakı məlumatlar göstərilməlidir:

    • göndərən ölkə və təyinat ölkəsi;
    • Azərbaycandan göndərənin, ya da malları alanın adı və ünvanı;
    • nəqliyyat vasitəsi haqqında məlumat (dəniz, ya da çay gəmisinin adı, hava gəmisinin reys və bort nömrələri, dəmiryolu vaqonunun nömrəsi, yol nəqliyyat vasitəsinin qeydiyyat nömrəsi və s. məlumatlar);
    • nəqliyyat sənədlərinin nömrələri;
    • malların adı, yerlərin sayı və tara ilə birlikdə—brutto çəkisi;
    • eyniləşdirmə vasitələri haqqında məlumat.

    Qısa bəyannamə forması 2 saylı əlavədə verilir. Gömrük rəsmiləşdirilməsini sadələşdirmək məqsədi ilə gömrük orqanları bu forma əvəzinə müəyyən olunmuş yük gömrük bəyannaməsini də tətbiq etmək hüququna malikdir.

    5.9. Malların və nəqliyyat vasitələrinin müvəqqəti saxlanc anbarlarında yerləşdirilməsi baytar, fitosanitar, ekoloji və dövlət nəzarətinin digər növlərindən asılı olmayaraq həyata keçirilir.

    5.10. Müvəqqəti saxlanc anbarında yerləşdirilmiş mallarla gömrük orqanının icazəsi ilə aşağıdakı əməliyyatlar aparıla bilər:

    • müvəqqəti saxlanc anbarının sahibi, mallara münasibətdə səlahiyyəti olan digər şəxslər və onların nümayəndələri tərəfindən mallara baxış keçirilməsi və ölçmə işlərinin aparılması;
    • mallar barədə səlahiyyəti olan şəxslər və onların nümayəndələri tərəfindən mallardan prob və nümunələrin götürülməsi;
    • qablaşdırma zədələrinin bərpası da daxil olmaqla, həmin mallar dəyişməz halda qalmasının təmin edilməsi üçün zəruri olan digər əməliyyatların aparılması;
    • gömrük orqanının icazəsi ilə anbar hüdudunda yerləşdirmə.

    6. Müvəqqəti saxlanc anbarında mallar və nəqliyyat vasitələrinin saxlanc müddətləri

    6.1. Bu Əsasnamənin 6.4., 6.5 və 6.7. bəndlərində göstərilənlər istisna olmaqla, malların və nəqliyyat vasitələrinin müvəqqəti saxlanc anbarlarında ümumi saxlanc müddəti iki ay təşkil edir.

    6.2. Konkret anbarda mal kateqoriyaları üzrə müvəqqəti saxlanc müddətləri gömrük orqanı tərəfindən gömrük bəyannaməsinin verilməsi üçün lazım olan vaxt malın və istifadə olunan nəqliyyat vasitəsinin xarakteri, habelə müvəqqəti saxlanc anbarı sahibinin fikri nəzərə alınaraq müəyyən edilir.

    Canlı heyvanlar, bitki, konservləşdirilməmiş qida məhsulları, digər tez xarab olan mallar da daxil olmaqla, müvəqqəti saxlanc anbarlarında üç gündən çox saxlana bilməz.

    6.3. Gömrük orqanı, daşıyıcı və anbar sahibinin razılığı olmadan konkret malların saxlanılması üçün dövlət təhlükəsizliyi, insanların həyat və sağlamlığının, heyvan və bitkilərin, ətraf mühitin qorunması, Azərbaycan xalqının və xarici ölkə xalqlarının bədii, tarixi və arxeoloji sərvətlərinin, sahibkarlıq hüququnun mühafizəsi, idxal olunan mallarla əlaqədar Azərbaycan istehlakçılarının mənafelərinin müdafiəsi baxımından saxlanc müddəti müəyyən etmək hüququna malikdir.

    Belə müddətin müəyyən olunmasına dair qərarın qəbulu gömrük orqanının rəisi, ya da müavinləri tərəfindən həyata keçirilir. Qəbul olunmuş qərar haqqında yazılı surətdə anbar sahibi və daşıyıcıya məlumat verilir.

    6.4. Azərbaycan Respublikasına idxalı, ya da Azərbaycan Respublikasından ixracı qadağan olunmuş mallar və nəqliyyat vasitələrinin müvəqqəti saxlanc anbarında son saxlanc müddəti üç gün təşkil edir.

    6.5. Gömrük qaydalarının pozulması işləri üzrə maddi sübut olan və Azərbaycan Respublikasının Gömrük Məcəlləsinin 323-cü maddəsinə uyğun olaraq gömrük orqanları tərəfindən müvəqqəti saxlanc anbarlarında yerləşdirilən mallar və nəqliyyat vasitələrinin saxlanc müddəti, həmin mal və nəqliyyat vasitələri götürülmüş şəxsə məlumat göndərildiyi gündən hesablanmaqla 6 aydan artıq ola bilməz.

    6.6. Azərbaycan Respublikası Gömrük Məcəlləsinin 364 maddəsinə müvafiq olaraq gömrük orqanları tərəfindən əsaslandırılmış şəkildə alınmış və ya gömrük orqanlarına girov əşyası kimi verilmiş mal və nəqliyyat vasitələrinin, həmçinin əsaslandırılmış şəkildə müsadirə olunmuş əmlakın müvəqqəti saxlanc anbarında saxlanma müddəti Gömrük Məcəlləsinin 153-cü maddəsinə əsasən onların müvəqqəti saxlanc anbarına verildiyi gündən etibarən iki ay müddətinə müəyyən edilir.

    6.7. Azərbaycan Respublikası Gömrük Məcəlləsinin 364 maddəsinə müvafiq olaraq gömrük orqanları tərəfindən əsası olmadan alınmış və ya girov əşyası kimi götürülmüş mal və nəqliyyat vasitələrinin, həmçinin əsası olmadan müsadirə edilmiş əmlakın müvəqqəti saxlanc anbarında saxlanc müddəti həmin mal və nəqliyyat vasitələrinin və əmlakın sahibinə, həmçinin həmin anda orada iştirak etmiş şəxsə məlumat verildiyi gündən etibarən altı aydan çox olmamalıdır.

    6.8. Mal və nəqliyyat vasitələri müəyyən edilmiş gömrük rejiminə müvafiq buraxıldıqda və ya sahibinin sərəncamına verildikdən sonra həmin mal və nəqliyyat vasitələri müvəqqəti saxlanc anbarında üç sutkadan çox saxlanıla bilməz.

    7. Gömrük ödənişlərinin ödənilməsinə görə məsuliyyət

    7.1. Müvəqqəti saxlanc anbarında saxlanılan mallar və nəqliyyat vasitələrinə görə gömrük ödənişlərinin ödənilməsi üçün anbarın sahibi məsuliyyət daşıyır.

    7.2. Əgər anbar sahibinin malları və nəqliyyat vasitələrini anbarda yerləşdirən şəxslə müqaviləsində gömrük ödənişlərinin ödənilməsinə görə məsuliyyətin həmin şəxsə həvalə edilməsi nəzərdə tutulmuşsa, onda anbar sahibi həmin şəxslə birgə gömrük ödənişlərinin ödənilməsinə görə məsuliyyət daşıyır.

    7.3. Əsasnamənin 7.1 və 7.2 bəndləri mallar və nəqliyyat vasitələrinin itirilməsi, onların gömrük orqanının icazəsi olmadan verilməsi və digər hallar, mallara və nəqliyyat vasitələrinə səlahiyyəti olan şəxslər tərəfindən gömrük rəsmiləşdirilməsi başa çatdıqdan sonra faktiki onların şəxsə verilməsinə qədər tətbiq olunur.

    7.4. Müvəqqəti saxlanc anbarının sahibi və nəqliyyat vasitələrini anbarda yerləşdirən şəxs, əgər mallar və nəqliyyat vasitələri qəza və ya dəfedilməz qüvvənin təsiri ilə itirilərsə, ya da əskiklik təbii aşınma və ya normal saxlama şəraitində baş verərsə, gömrük ödənişlərinin ödənilməsindən azad olunurlar. Saxlama şəraitinin normal olmasının sübuta yetirilməsi müvəqqəti saxlanc anbarının sahibinə həvalə olunur.

    8. Müvəqqəti saxlanc anbarında saxlancda olan mallar və nəqliyyat vasitələrinin uçot və hesabatı

    8.1. Müvəqqəti saxlanc anbarında olan mallar və nəqliyyat vasitələri məcburi uçota alınmalıdır.

    8.2. Saxlanca qəbul olunan və müvəqqəti saxlanc anbarında saxlanılan malların və nəqliyyat vasitələrinin uçot forması anbar sahibinin rəyi nəzərə alınmaqla DGK tərəfindən müəyyən olunur. Bu zaman malların və nəqliyyat vasitələrinin uçot sisteminə aşağıdakı formalar məcburi daxil olmalıdır:

    • uçot kitabı;
    • uçot üzrə gömrük sənədi.

    8.3. Mallar və nəqliyyat vasitələrinin uçot kitabı 3 saylı əlavəyə uyğun olaraq müvəqqəti saxlanc anbarının sahibi tərəfindən aparılır. Kitab əvvəlcədən qaytanlanmalı, səhifələnməli, gömrük orqanının rəisi və ya da onu əvəz edən şəxs tərəfindən imzalanmaqla gömrük möhürü ilə təminata alınmalıdır. Kitabda son qeydlər aparıldıqdan sonra, yoxlanılması üçün gömrük orqanına verilir. Yoxlamadan sonra uçot kitabı müvəqqəti saxlanc anbarının sahibinə qaytarılır və onlar tərəfindən ən azı üç il müddətinə saxlanmalıdır. Yoxlamadan sonra kitabda əlavə yazılışlar, ya da düzəlişlər edilməsinə yol verilmir. Gömrük orqanının razılığı ilə 3 saylı əlavədə göstərilmiş nümunə üzrə uçot kitabında bütün məlumatlar öz əksini tapmaq şərti ilə anbar sahibi üçün zəruri olan əlavə məlumatlar göstərilə bilər.

    • Mal və nəqliyyat vasitələrinin uçot kitabı müvəqqəti saxlanc anbarında avtomatlaşdırılmış sistemlərin istifadə olunmasından asılı olmayaraq aparılır.
    • Mal və nəqliyyat vasitələrinin uçot kitabı gömrük orqanının vəzifəli şəxsinin ilk tələbinə görə təqdim olunur.

    8.4. Mal və nəqliyyat vasitələrinin uçotu üzrə gömrük sənədi gömrük orqanları tərəfindən aparılır. Bu sənədlərə qısa bəyannamə, yük gömrük bəyannaməsi, yük gömrük bəyannaməsi blankından istifadə etməklə tərtib olunan sənədlər, gömrük orqanına mallar və nəqliyyat vasitələrinin təqdim olunması zamanı verilən nəqliyyat və mal müşayiət sənədləri aiddir. Bu sahəyə məsul olan gömrük orqanının vəzifəli şəxsi sənədə sıra nömrəsi verir və 4 saylı əlavədə göstərilən ştampla sənədə iki ştamp vurur.

    Birinci ştamp, daşıyıcının təhvil, anbar sahibinin isə mallar və nəqliyyat vasitələrini saxlamaya qəbul etdiyini təsdiq edir.

    İkinci ştamp isə anbar sahibinin təhvil, alıcının isə mallar, ya da nəqliyyat vasitələrinin qəbul etdiyini təsdiq edir.

    Gömrük orqanının vəzifəli şəxsi isə mallar və nəqliyyat vasitələrinin təhvil, ya da qəbul olunduğunu, öz şəxsi saylı möhürünü vurmaq yolu ilə təsdiq edir. Əgər mal müsadirə olunmuş və ya itirilmişsə, xüsusi qeydlər də etməklə bu faktı göstərir.

    Gömrük uçot sənədləri mallar və nəqliyyat vasitələri alındıqdan sonra verilmiş sıra nömrəsinə uyğun kitab şəklində yığılır və gömrük orqanları tərəfindən üç il müddətinə saxlanılır.

    8.5. Gömrük orqanının bu sahəyə səlahiyyəti olan vəzifəli şəxsinin yazılı tələbi üzrə anbar sahibi gömrük orqanı tərəfindən saxlanma müddəti müəyyən dövr üçün təyin olunan və saxlanılan mallar və nəqliyyat vasitələri haqqında hesabat verməlidir. Hesabat 5 saylı əlavədə göstərilən forma üzrə tərtib olunur və tələb olunduğu zaman yeddi gün müddətinə gömrük orqanına təqdim olunmalıdır.

    8.6. Əgər müvəqqəti saxlanc anbarında mallar və nəqliyyat vasitələrinin avtomatlaşdırılmış sistemindən istifadə olunursa, anbar sahibi gömrük orqanının vəzifəli şəxsinin bu sistemdən istifadə etməsini təmin etməlidir.

    8.7. Gömrük orqanlarının anbarda saxlanılan mallar və nəqliyyat vasitələrinin inventarlaşdırılmasını aparmaq hüququ var.

    9. Müvəqqəti saxlanc anbarı sahibinin malları və nəqliyyat vasitələrini anbara yerləşdirən şəxslər və gömrük orqanları ilə qarşılıqlı münasibətləri

    9.1. Müvəqqəti saxlanc anbarı sahibinin malları və nəqliyyat vasitələrinin anbara yerləşdirən şəxslərlə münasibətləri müqavilə əsasında həyata keçirilir. Müqavilə şərtləri bu Əsasnaməyə və Azərbaycan Respublikasının qanunvericiliyinə zidd olmamalıdır.

    9.2. Gömrük orqanı konkret anbarın fəaliyyət dairəsində aid olan anbarın konstruksiyası, anbarda saxlanılan mallar və nəqliyyat vasitələri, onun buraxılış qabiliyyəti və digər faktorlar, habelə anbar sahibinin fikri nəzərə alınmaqla müvəqqəti saxlanc anbarından istifadə prosedurasını təsdiq edir.

    9.3. Bu prosedurada aşağıdakılar şərh olunur:

    Gömrük orqanının müvəqqəti saxlanc anbarının quruluşu və avadanlıqla təchizinə, o cümlədən gömrük orqanı əməkdaşları üçün ayrılmış tikiliyə-otağa olan tələbləri:

    • anbarın iş rejimi;
    • gömrük orqanı ilə anbar sahibinin qarşılıqlı münasibətlər sxemi;
    • saxlanca qəbul olunan və anbarda saxlanılan mallar və nəqliyyat vasitələrinin uçot forması;
    • anbarın fəaliyyəti ilə əlaqədar digər tələblər və şərtlər.

    Göstərilən prosedura bu Əsasnaməyə və GM-nə zidd olmamalıdır.

    9.4. Gömrük orqanının anbar sahibinin ödəmə qabiliyyətinə əsaslandırılmış şübhəsi olduqda, Gömrük Məcəlləsinin 120-cu maddəsinin tələblərinə əsasən ondan anbarda yerləşdirilmiş malların maksimum dəyərinin 20%-dən az olmayan məbləğində bankın ödəniş təminatını tələb etmək hüququ var. Şübhə olmayan halda isə belə təminatın tələbinə ehtiyac olmur.

    10. Müvəqqəti saxlanc anbarının ləğv edilməsi

    10.1. Anbarın ləğv edilməsi onun təsisi üçün verilmiş lisenziyanın ləğv edilməsi və geri alınması hallarında, eləcə də anbar sahibinin arzusu ilə lisenziyanın fəaliyyət müddətinin bitməsi ilə əlaqədar və təkrar lisenziyanın verilməsi üçün müraciət olunmadıqda həyata keçirilir.

    10.2. Anbarın ləğvi haqqında qərar onun sahibinin arzusuna görə, ya da lisenziyanın fəaliyyət müddəti qurtardıqdan sonra Respublika Dövlət Gömrük Komitəsi tərəfindən əmr şəklində rəsmiləşdirilir.

    10.3. Anbar ləğv olunan zaman anbar sahibi mallar və nəqliyyat vasitələrinin saxlancına görə gömrük orqanları tərəfindən təsis olunmuş müvəqqəti saxlanc anbarları üçün müəyyən olunmuş gömrük yığımları aşağıdakı hallar nəzərə alınmaqla ödəyir:

    • lisenziyanın ləğvi zamanı müvəqqəti saxlanc anbarının təsisi üzrə lisenziyanın verilmə tarixindən;
    • gömrük qaydalarının pozulması üzrə tənbeh tədbiri kimi lisenziyanın geri alınması zamanı qərarın iş üzrə icra tarixindən.

    10.4. Anbarın ləğvi haqqında qərar qəbul edildiyi təqdirdə anbar sahibi 7 gün müddətində lisenziyanın ləğvi ilə əlaqədar anbarın ləğvi hallarında isə lisenziyanın verilmə tarixindən anbarda saxlanılan mallar və nəqliyyat vasitələri haqqında 5 saylı əlavədəki forma üzrə gömrük orqanına tam hesabat verməlidir. Eyni zamanda, anbar sahibi tərəfindən anbarın ləğv edilməsi haqqında mal və nəqliyyat vasitələrini anbara yerləşdirən şəxslərə rəsmi məlumat verilir.

    10.5. Anbarın ləğvi zamanı malların və nəqliyyat vasitələrinin saxlanc müddəti həmin anbarda bir aydan artıq ola bilməz. Anbarın ləğvi haqqında qərar qəbul olunduğu gündən isə anbarda yeni mallar partiyasının, habelə nəqliyyat vasitələrinin yerləşdirilməsinə yol verilmir.

    11. Yekun müddəaları

    11.1. Müvəqqəti saxlanc anbarının təsisi üzrə lisenziya başqa şəxsə verilməməlidir.

    11.2. Ərizədə göstərilən məlumatlarda, habelə ərizəyə əlavə olunmuş sənədlərdəki istənilən dəyişiklik haqqında, anbar sahibi müvəqqəti saxlanc anbarının təsisinə lisenziya vermiş DGK-ni 7 iş günü müddətində yazılı şəkildə xəbərdar etməlidir.

    11.3. Lisenziya verilməsi haqqında anbar sahibinin ərizəsində və ya ona əlavə edilmiş sənədlərdə göstərilən məlumatların dəyişdirilməsi (anbarın tipi, tikilinin yerləşdiyi yer, onun quruluşu və təchizat təminatı və s.) müvəqqəti saxlanc anbarının öz xahişi ilə ləğvi ərizəsi kimi baxılır. Ləğv etmə qərarı haqqında Azərbaycan Respublikası Gömrük Məcəlləsinin XIII bölməsinə uyğun surətdə şikayət oluna bilər.

    11.4. Müvəqqəti saxlanc anbarının təsisinə lisenziya vermiş DGK-nin razılığına əsasən anbar sahibi istifadə olunan tikilinin sahəsini artıra və ya azalda bilər. Bunun üçün anbar sahibi DGK-nə ərizə ilə müraciət edərək ərazinin sahəsini, tikilinin quruluş və avadanlıq təchizatının xarakteristikasını verməklə yeni planlar və çertyojlar təqdim edir.

    11.5. Anbar sahibi tərəfindən lisenziyada dəyişiklik tələb edən məlumatlar olarsa, əvvəlki göstəricilər, habelə dəyişiklik hissəsində yeni məlumatlar göstərilməklə yeni lisenziya blankı tərtib olunaraq qeydiyyatdan keçirilir. Bu zaman əvvəlki lisenziyanın sıra nömrəsinə əlifba sırası ardıcıllığı ilə hərfi işarə əlavə olunur.

    Müvəqqəti saxlanclar
    (müvəqqəti saxlanc anbarları) haqqında Əsasnaməyə
    1 saylı əlavə

    Azərbaycan Respublikası Dövlət Gömrük Komitəsi

    Müvəqqəti saxlanc anbarının təsisinə dair Lisenziya ¹00000/0000
     

    ________________________________________________

    (adı və hüquqi ünvanı)

    Açıq/qapalı tipli müvəqqəti saxlanc anbarı ___________________

    ______________________________________________

    (lazım olmayanın üzərindən xətt çəkməli)

    Təsis etməyə icazə verilir ___________________________________

    _______________________________________________

    (tikintinin yerləşdiyi yer)

    _______________________________________________

    (tikilinin və müvəqqəti saxlanc anbarı ərazisinin ümumi sahəsi, kvadrat metrlə)

    Bu lisenziyanın fəaliyyət müddəti «____»__________199____ ildə başa çatır

    Azərbaycan Respublikası Dövlət Gömrük Komitəsinin Sədri

    K.F.HEYDƏROV.

    M.Y.

    «____»_________________199____ il.

    Müvəqqəti saxlanc anbarının təsisinə dair lisenziyanın nömrəsi aşağıdakı kimi formalaşır:

    • birinci beş rəqəm müvəqqəti saxlanc anbarının yerləşdiyi gömrük orqanının kodunu;
    • son dörd rəqəm isə lisenziyanın sıra nömrəsini bildirir.

    Müvəqqəti saxlanc
    (müvəqqəti saxlanc anbarı) haqqında Əsasnaməyə
    2 saylı əlavə

    Qısa Bəyannamə ¹ ____

    1. Malları göndərən şəxs, göndərən ölkə

    2. Malları alan şəxs, təyinat ölkəsi

    3. Daşıyıcı

    4. Nəqliyyat vasitəsi haqqında məlumat

    5. Nəqliyyat sənədlərinin nömrəsi

    6. Malın adı

    7. Yerlərin sayı

    8. Brutto çəkisi (kq)

    9. Plomblar və digər eyniləşdirmə vasitələri

    10. Əlavə məlumatlar

    Daşıyıcının nümayəndəsinin soyadı, adı, atasının adı __________________
    (imza)

    (xüsusi səlahiyyətli nümayəndə olmadıqda onları kapitan, sürücü, ya da nəqliyyat vasitəsini idarə edən digər fiziki şəxs) əvəz edə bilər.

    «____»_________________199____ il

    (tarix)

    Müvəqqəti saxlanc
    (müvəqqəti saxlanc anbarı) haqqında Əsasnaməyə
    3 saylı əlavə

    Müvəqqəti saxlanc anbarında olan mallar və nəqliyyat vasitələrinin

    Uçot kitabı

    ¹

    Mədaxil

    Anbara yerləşdirmə tarixi

    Mal və nəqliyyat vasitələrini anbara yerləşdirən şəxs

    Nəqliyyat vasitəsi və ya müşayiət sənədinin adı

    Miqdarı

    Yerləşdiyi yer (boks, seksiya və s.)

    Mal və nəqliyyat vasitələrini qəbul edən şəxsin imzası

    Yer

    Brutto çəkisi, kq

    1

    2

    3

    4

    5

    6

    7

    8

         

     

    Məxaric

    Qeyd

    Anbardan faktiki verilmə

    YGB və ya digər gömrük sənədlərinin adı

    Miqdarı

    Malları və nəqliyyat vasitələrini təhvil verən şəxsin imzası

    Yer

    Brutto çəkisi, kq

    9

    10

    11

    12

    13

    14

     

    Müvəqqəti saxlanc
    (müvəqqəti saxlanc anbarı) haqqında Əsasnaməyə
    4 saylı əlavə

    Təhvil verdi:

    ______________________________________________________
    statusu, adı

    ______________________________________________________
    imzası

    Qəbul etdi:

    ______________________________________________________
    statusu, adı

    ______________________________________________________
    imzası

    80 mm x 45 mm

    «Status» anlayışı altında gömrük rəsmiləşdirilməsində daşıyıcının, anbar sahibinin, alan (göndərən) şəxsin rolu başa düşülür.

    Müvəqqəti saxlanc
    (müvəqqəti saxlanc anbarı) haqqında Əsasnaməyə
    5 saylı əlavə

    Müvəqqəti saxlanc anbarında saxlancda olmuş / və ya hal-hazırda saxlanılan mallar

    ___________________________________________________________________

    (lazım olmayanı xətləməli)

    və nəqliyyat vasitələri haqqında
    Hesabat

    I. Tarix: «____»_________________199____ il

    _________________________________________________________________________

    hal-hazırda saxlanılan mal və nəqliyyat vasitələri haqqında məlumat
    (lazım olmayanı xətləməli)

    II. «____»_________________199____ il   «____»_________________199____ il

    ___________________________________________

    saxlancda olmuş mal və nəqliyyat vasitələri haqqında məlumat
    (lazım olmayanı xətləməli)

    ¹

    Anbara yerləşdirmə tarixi

    Nəqliyyat vasitəsi və ya müşayiət sənədinin nömrəsi

    Malın adı və nəqliyyat vasitəsi haqqında məlumat

    Yerləşdirmə zamanı, miqdarı (yerlərin sayı və brutto çəkisi)

    1

    2

    3

    4

    5

     

    Anbardan faktiki verilmə tarixi

    Anbardan verilmə zamanı YGB-in və ya digər gömrük sənədinin nömrəsi

    Anbardan verilmə zamanı miqdar (yerlərin sayı və brutto çəkisi)

    Hesabat tarixində olan miqdar (yerlərin sayı və brutto çəkisi)

    Qeyd

    6

    7

    8

    9

    10

     

    Anbar sahibinin adı, soyadı, atasının adı İmza: ________________

    M.Y.

    Dövlət Gömrük Komitəsinin sədri ____________________________

    M.Y.

    qeydiyyat nömrəsi və verilmə tarixi.

    © AzerSoft
    Rəsmi məlumatlar Arxiv    
    04.10.2008
    Azərbaycan Respublikasının Prezidenti İlham Əliyev oktyabrın 2-də ABŞ dövlət katibinin müavini Con Neqropontenin başçılıq etdiyi nümayəndə heyətini qəbul etmişdir.
    Görüşdə Azərbaycanla ABŞ arasında əməkdaşlıq münasibətlərinin bugünkü vəziyyəti, inkişaf istiqamətləri və gələcək perspektivləri, habelə bir sıra beynəlxalq və regional məsələlər ətrafında geniş fikir mübadiləsi aparılmışdır.

    Daha ətraflı
        © 2006 — 2008, Azərbaycan Respublikası Dövlət Gömrük Komitəsi   Dizayn MEQA şirkəti tərəfindən hazırlanıb