«Azərbaycan Respublikası Dövlət Xüsusi Maşınqayırma və Konversiya Komitəsi və Rusiya Federasiyası sənaye, elm və texnologiyalar Nazirliyi arasında iqtisadi və elmi-texniki əməkdaşlıq haqqında Saziş»in təsdiq edilməsi barədə

Azərbaycan Respublikası Prezidentinin Sərəncamı

1. 2002-ci il sentyabrın 23-də Moskva şəhərində imzalanmış «Azərbaycan Respublikası Dövlət Xüsusi Maşınqayırma və Konversiya Komitəsi və Rusiya Federasiyası sənaye, elm və texnologiyalar Nazirliyi arasında iqtisadi və elmi-texniki əməkdaşlıq haqqında Saziş» təsdiq edilsin.

2. Azərbaycan Respublikasının Xarici İşlər Nazirliyinə tapşırılsın ki, bu Sərəncamın 1-ci bəndində göstərilən Sazişin qüvvəyə minməsi üçün zəruri olan dövlətdaxili prosedurların yerinə yetirilməsi barədə Rusiya Federasiyası tərəfini xəbərdar etsin.

Azərbaycan Respublikasının Prezidenti

Heydər ƏLİYEV

Bakı şəhəri, 23 oktyabr 2003-cü il

¹ 1360

«Azərbaycan Respublikasının Qanunvericilik Toplusu»nda dərc edilmişdir (31 oktyabr 2003-cü il, ¹ 10, maddə 599) («AzerSoft»).

© AzerSoft