2.1.4. Azərbaycan Respublikasında daimi yaşayan və xarici ölkələrdə müvəqqəti fasiləsiz yaşama müddəti 1 ili keçən vətəndaşlar Azərbaycan Respublikasına qayıdan zaman 10.000 ABŞ dollarına ekvivalent dəyər həcmində ailə üçün zəruri olan məişət əşyalarını gətirdikdə.

2.1.4. zəruri ehtiyacların ödənilməsi üçün şəxsi əşyaları gömrük qaydalarına əməl etməklə müvəqqəti olaraq gətirdikdə (apardıqda) (Əlavə № 1).

2.1.5. açılmış vərəsilik hüququ əsasında əldə edilmiş əşyaları (gətirilməsi və aparılması qadağan edilmiş əşyalardan başqa) Azərbaycan Respublikasının gömrük sərhədindən keçirdikdə;

Vərəsəlik hüququ əldə edilmiş mallara, gömrük ödənişlərindən güzəştlər müvafiq məhkəmə orqanlarının təsdiqedici sənədi gömrük orqanlarına təqdim edildikdə tətbiq edilir.

2.2. Fiziki şəxslər tərəfindən Azərbaycan Respublikasının gömrük sərhədindən keçirilən istehsal və kommersiya məqsədləri üçün nəzərdə tutulmayan mal vahidinin və ya dəstinin dəyəri (avtonəqliyyat vasitələri və aksizli mallar istisna olmaqla) Qaydaların 2.1.1. yarımbəndi ilə müəyyən edilmiş dəyər həddini ötdükdə, həmin malların gömrük rəsmiləşdirilməsi xarici-iqtisadi fəaliyyətin tarif və qeyri-tarif tənzimlənməsinə uyğun gömrük ödənişləri alınmaqla sadələşdirilmiş qaydada aparılır.

Bu cür mallara müşaiyət olunan baqajla gətirilən, bölünməz və dəst mallar (məsələn: televizor, məişət cihazı, bir dəst mebel və s.) aid edilir və qanunvericiliklə müəyyən edilmiş həcmdə gömrük ödənişləri alınmaqla sadələşdirilmiş qaydada Gömrük Mədaxil orderi (GMO) ilə rəsmiləşdirilir.

2.3. Azərbaycan Respublikasının gömrük sərhədindən müşayiət olunmayan baqajla (Qaydaların 2.2 və 2.14 yarımbəndlərində göstərilən hallar istisna olmaqla), habelə Qaydaların 2.1 yarımbəndi ilə müəyyən edilmiş miqdar və dəyər hədlərindən artıq gətirilən (aparılan) malların gömrük rəsmiləşdirilməsi xarici iqtisadi fəaliyyətin tarif və qeyri-tarif tənzimlənməsinə uyğun olaraq gömrük ödənişləri alınmaqla aparılır.

2.4. Azərbaycan Respublikasının gömrük sərhədindən müşayiət olunmayan baqajla fiziki şəxslər tərəfindən sadələşdirilmiş və güzəştli qaydada keçirilən mallardan gömrük rəsmiləşdirilməsinə görə gömrük yığımları mövcud qanunvericiliyə uyğun olaraq tutulur.

2.5. Qaydaların 2.1. bəndi ilə müəyyən edilmiş hallarda Azərbaycan Respublikasının gömrük sərhədindən keçirilən mallardan gömrük rəsmiləşdirilməsinə görə gömrük yığımları alınmır.

2.6. Fiziki şəxslər tərəfindən xidməti və mülki silah, onların döyüş sursatları Azərbaycan Respublikasının gömrük sərhədindən Azərbaycan Respublikası Daxili İşlər Nazirliyinin icazəsi təqdim edildikdə keçirilə bilər.

2.7. Fiziki şəxslər tərəfindən heyvanlar, baytarlıq təbabətində tətbiq olunan dərman, bioloji preparatlar və baytarlıq ləvazimatları, bitkilər, heyvan və bitki mənşəli xammal Azərbaycan Respublikasının gömrük sərhədindən baytarlıq orqanları və bitkilərin karantini üzrə müvafiq dövlət orqanlarının icazəsi olduqda keçirilə bilər.

2.8. Fiziki şəxslər tərəfindən yalnız şəxsi istifadə üçün zəruri olan miqdarda dərman vasitələri Azərbaycan Respublikasının gömrük sərhədindən keçirilə bilər.

2.9. Fiziki şəxslər tərəfindən 250 qrama qədər balıq kürüsü gömrük ərazisindən keçirilə bilər.

2.10. Fiziki şəxslər Azərbaycan Respublikasının gömrük sərhədindən fərdi istehlak üçün 3 litr alkoqollu içki, 3 blok siqaret və avtomobilin bakında texniki pasportu ilə nəzərdə tutulmuş miqdarda yanacaq keçirə bilərlər.

Qeyd: Fiziki şəxslər tərəfindən Azərbaycan Respublikasının gömrük sərhədindən keçirilən və kommersiya fəaliyyəti üçün nəzərdə tutulmayan mallar gömrük rəsmiləşdirilməsi başa çatana qədər (lazımi sənədlərin gömrük orqanlarına təqdim edilməsi, mallara və əşyalara baxış keçirilməsi və s.) gömrük nəzarəti altında 2 №-li gömrük arayışı (forması əlavə olunur GA-2), yaxud akt əsasında məsul saxlanca verilə bilər (qaçaqmalçılıq və gömrük qaydalarının pozulması əlaməti olmadıqda).

Azərbaycan Respublikasından aparılarkən qoyulmuş qadağalar və məhdudiyyətlər səbəbindən buraxılmayan valyuta, istiqraz vərəqələri, lotereya biletləri, qiymətli metallar və daşlar, mirvari, onlardan hazırlanmış zərgərlik və məişət əşyaları, mülkiyyət sənədləri (qaçaqmalçılıq və gömrük qaydalarının pozulması əlamətləri olmadıqda) gömrük orqanları tərəfindən 3 №-li gömrük arayışı (forması əlavə olunur GA-3) əsasında saxlanca götürülür.

2.11. Bədii, tarixi, elmi və digər mədəni əşyalar Azərbaycan Respublikasının gömrük ərazisinə rüsumsuz və məhdudiyyətsiz miqdarda gətirilə bilər.

2.12. Azərbaycan Respublikasının qanunvericiliyi ilə müəyyən edilmiş və Azərbaycan Respublikasının Mədəniyyət Nazirliyi tərəfindən mühafizə siyahısına daxil edilmiş mədəniyyət sərvətləri xüsusi rejim əsasında verilmiş mühafizə dərəcəsinə müvafiq surətdə Azərbaycan Respublikası Mədəniyyət Nazirliyinin ixracın mümkünlüyü barədə verdiyi şəhadətnamə Azərbaycan Respublikasının gömrük orqanlarına təqdim edildiyi və komissiyon dəyərinin 100 faizi məbləğində gömrük rüsumu ödənildikdən sonra,mühafizə dərəcəsi verilməmiş mədəniyyət sərvətləri isə sərbəst surətdə Azərbaycan Respublikasının gömrük ərazisindən aparıla bilər.

2.13. Fiziki şəxslər xarici valyuta sərvətlərini və milli valyutanı (manatı) Azərbaycan Respublikasının gömrük buraxılış məntəqələrindən «Valyuta tənzimi haqqında» Azərbaycan Respublikasının qanununa və Azərbaycan Respublikasının Milli Bankının Dövlət Gömrük Komitəsi ilə razılaşdırılmaqla müəyyən etdiyi «Fiziki şəxslər tərəfindən valyuta sərvətlərinin Azərbaycan Respublikasına gətirilməsi və Azərbaycan Respublikasından çıxarılması Qaydaları»na uyğun olaraq keçirilə bilər.

Qeyd: Azərbaycan Respublikasına gətirilməsi qadağan olunan valyuta (manat), valyuta ilə ödəniş sənədləri, lotereya biletləri və s. üçün bu Təlimatın 4 №-li əlavəsi ilə müəyyən edilmiş «GA-4» forması yazılır.

Təlimatın 5 №-li əlavəsi «Fiziki şəxslər tərəfindən valyuta sərvətlərinin Azərbaycan Respublikasına gətirilməsi və Azərbaycan Respublikasından çıxarılması Qaydaları» ilə təsdiq olunmuş «GA-5» №-li formaya uyğun olaraq doldurulur.

2.14. Fiziki şəxslər tərəfindən istehsal və kommersiya məqsədləri üçün nəzərdə tutulmayan, xarici-iqtisadi fəaliyyətin mal nomenklaturasının yalnız 8703 mal qrupuna aid edilən avtonəqliyyat vasitələri aşağıdakı hallarda güzəştli və ya sadələşdirilmiş qaydada Azərbaycan Respublikasının sərhədindən keçirilə bilər:

2.14.1. iki təqvim ilindən yuxarı xarici ölkələrdə yaşamış fiziki şəxslər (qeyri-rezidentlər) (şəxsiyyəti təsdiq edən sənəddə müvafiq qeydlər olduqda) daimi yaşayış məqsədilə Azərbaycan Respublikasına köçüb gəldikdə, habelə xarici dövlətlərdə akkreditə olunmuş diplomatik nümayəndəliklərdə, konsulluq və başqa rəsmi dövlət, hökumətlərarası beynəlxalq təşkilatlarda 1 ildən az olmamaq şərti ilə işləmiş (dövləti qulluqda olmuş) Azərbaycan Respublikasının vətəndaşları (rezidentlər) xidmət müddəti başa çatdıqdan sonra (müvafiq təsdiqedici sənədlər təqdim edilməklə) Azərbaycan Respublikasına qayıtdıqda, istehsal-buraxılış tarixindən, yürüş kilometrindən, gömrük dəyərindən və mənşə ölkəsindən asılı olmayaraq ailə üçün bir avtonəqliyyat vasitəsini Azərbaycan Respublikasının gömrük ərazisinə qanunvericiliklə müəyyən edilmiş gömrük rüsumu ödəmədən gətirə bilərlər;

Belə avtonəqliyyat vasitəsinin gömrük rəsmiləşdirilməsi təyinat gömrükxanası tərəfindən həyata keçirilir.Nəqliyyat vasitəsinin və onun sənədlərinin təyinat gömrükxanasına çatdırılması barədə sərhəd gömrük buraxılış məntəqəsində nəqliyyat vasitəsinin sahibindən bu Təlimatın 2 №-li əlavəsinə uyğun olaraq iltizam alınır. Sərhəd gömrük buraxılış məntəqələri qeydə aldıqları nəqliyyat vasitəsini nəzarətdə saxlamalı və təyinat gömrükxanasını telefonoqramla məlumatlandırmalıdırlar. Təyinat gömrükxanası tərəfindən həmin nəqliyyat vasitəsinin gömrük rəsmiləşdirilməsi tam başa çatdıqdan sonra, nəzarətdən çıxarılması üçün sərhəd gömrük məntəqəsinə telefonoqram verilməlidir.

2.14.2. Azərbaycan Respublikasından daimi yaşayış məqsədilə xarici ölkələrə köçüb gedən fiziki şəxslərə onların sahibliyində olan avtonəqliyyat vasitəsini qanunvericiliklə müəyyən edilmiş qaydada Azərbaycan Respublikasının gömrük ərazisindən aparmağa icazə verilir.

2.14.3. Fiziki şəxslər tərəfindən Azərbaycan Respublikasının gömrük ərazisinə ölkənin gömrük sərhədini keçənədək istehsal-buraxılış tarixindən 1 ilədək keçmiş avtonəqliyyat vasitələri gətirilərkən yürüş kilometrindən, gömrük dəyərindən və mənşə ölkəsindən (Qaydaların 2.22 bəndində nəzərdə tutulan hallar istisna olmaqla) asılı olmayaraq, mühərrikin həcminin hər kub santimetrinə görə 0,4 ABŞ dollarına ekvivalent məbləğdə gömrük rüsumları və qanunvericiliklə müəyyən edilmiş miqdarda digər gömrük ödənişləri alınır;

2.14.4. Fiziki şəxslər tərəfindən Azərbaycan Respublikasının gömrük ərazisinə bu ölkənin gömrük sərhədini keçənədək istehsal-buraxılış tarixindən 1 ildən çox ötmüş avtonəqliyyat vasitələri gətirilərkən yürüş kilometrindən, gömrük dəyərindən və mənşə ölkəsindən (Qaydaların 2.22. bəndində nəzərdə tutulan hallar istisna olmaqla) asılı olmayaraq, mühərrikin həcminin hər kub santimetrinə görə 0,7 ABŞ dollarına ekvivalent məbləğdə gömrük rüsumları və qanunvericiliklə müəyyən edilmiş miqdarda digər gömrük ödənişləri alınır.

2.15. Azərbaycan Respublikasının gömrük sərhədindən fiziki şəxslər tərəfindən Qaydaların 2.2. və 2.14. bəndlərinə uyğun olaraq sadələşdirilmiş qaydada keçirilən mallardan və mal qismində nəqliyyat vasitələrindən gömrük ödənişləri gömrük mədaxil orderi (GMO) tətbiq olunmaqla alınır.

2.16. Xarici dövlətlərdə daimi qeydiyyatda olan bütün növ avtonəqliyyat vasitələrinin rezident, xarici iqtisadi fəaliyyətin əmtəə nomenklaturasının 8703 mal qrupuna aid edilən avtonəqliyyat vasitələri istisna olunmaqla digər avtonəqliyyat vasitələrinin isə qeyri-rezident fiziki şəxslər tərəfindən Azərbaycan Respublikasının gömrük ərazisinə müvəqqəti olaraq gətirilməsinə sərbəst dövriyyə üçün buraxılış rejiminə uyğun həcmdə gömrük ödənişlərinə ekvivalent məbləğdə pul vəsaiti sərhəd-buraxılış məntəqələrində depozitə qoyulmaqla qeyri-rezident (əcnəbi) fiziki şəxslər üçün vizasında və digər qeydiyyat sənədlərində göstərilən müddətə, rezidentlər üçün isə bir ildən artıq olmayan müddətə icazə verilir.

2.17. Xarici dövlətlərdə daimi qeydiyyatda olan, XİF ƏN-nin 8703 mal qrupuna aid edilən avtonəqliyyat vasitələrinin qeyri-rezident (əcnəbi) fiziki şəxslərin bilavasitə özləri tərəfindən Azərbaycan Respublikasının gömrük ərazisinə müvəqqəti olaraq gətirilməsinə gömrük qaydalarına əməl edilməklə 30 günədək müddətə, bu müddətin uzadılmasına, habelə avtonəqliyyat vasitəsi vəkalətnamə ilə gətirildiyi hallarda isə sərbəst dövriyyə üçün buraxılış rejiminə uyğun həcmdə gömrük rüsumlarına və vergilərinə ekvivalent məbləğdə pul vəsaiti sərhəd-buraxılış məntəqələrində depozitə qoyulmaqla vizasında və digər qeydiyyat sənədlərində göstərilən müddətə bu Təlimatın 3 №-li əlavəsinə uyğun öhdəlik və bu Təlimatın 4 №-li əlavəsinə uyğun gömrük vəsiqəsi yazılmaqla icazə verilir.

Xarici dövlətlərin Azərbaycanda akkreditə olunmuş diplomatik nümayəndəliklərində, konsulluq və başqa rəsmi dövlət, hökumətlərarası beynəlxalq təşkilatlarında işləyən nümayəndələri tərəfindən Azərbaycan Respublikasının gömrük ərazisinə gətirilən avtonəqliyyat vasitələrinin rəsmiləşdirilməsi isə qüvvədə olan gömrük qanunvericiliyin tələblərinə uyğun həyata keçirilir.

Avtonəqliyyat vasitələrinin müvəqqəti qeydiyyat müddətinin uzadılması gömrük qanunvericiliyinin və Qaydaların tələblərinə riayət edilməklə gömrük orqanları tərəfindən həyata keçirilir.

2.18. Xarici dövlətlərdə daimi qeydiyyatda olmayan (və ya qeydiyyatdan çıxarılmış) avtonəqliyyat vasitələrinin rezident və qeyri-rezident fiziki şəxslər tərəfindən Azərbaycan Respublikasının gömrük ərazisinə müvəqqəti olaraq gətirilməsinə icazə verilmir.

2.19. Əlillər üçün xüsusi olaraq hazırlanmış avtonəqliyyat vasitələrinin Azərbaycan Respublikasının gömrük ərazisinə daxil olmasına Azərbaycan Respublikası Əmək və Əhalinin Sosial Müdafiəsi Nazirliyinin təsdiqedici sənədi (arayışı) olduğu təqdirdə gömrük ödənişləri alınmadan icazə verilir.

2.20. Gömrük ödənişləri gömrük rəsmiləşdirilməsi aparılan günə Azərbaycan Respublikasının Milli Bankı tərəfindən müəyyən edilən məzənnəyə görə manatla alınır.

2.21. Fiziki şəxslər tərəfindən Qaydalarla müəyyən edilmiş dəyər və miqdar məhdudiyyətlərindən yuxarı sayda və məbləğdə Azərbaycan Respublikasının gömrük sərhədindən keçirilən mallar və mal qismində nəqliyyat vasitələri xarici-iqtisadi fəaliyyətin tarif və qeyri-tarif tənzimlənməsinə uyğun olaraq ümumi qaydalarla gömrük rəsmiləşdirilməsindən keçirilir.

2.22. Azərbaycan Respublikasının xarici dövlətlərlə azad ticarət haqqında sazişlərində malların idxalına gömrük idxal rüsumunun qarşılıqlı sürətdə tətbiq edilməməsi nəzərdə tutulduqda Qaydaların 2.2. və 2.3 bəndlərində, habelə 2.14.3. və 2.14.4. yarımbəndində nəzərdə tutulan hallarda mənşə ölkəsi həmin ölkələr olan mallara və mal qismində nəqliyyat vasitələrinə gömrük idxal rüsumları tətbiq edilmir. Azərbaycan Respublikasının gömrük ərazisinə gətirilən malların və mal qismində nəqliyyat vasitələrinin mənşə ölkəsi qüvvədə olan qanunvericiliyin tələblərinə uyğun müəyyən edilir.

2.23. Fiziki şəxslər tərəfindən kommersiya məqsədləri üçün nəzərdə tutulmayan malların gömrük rəsmiləşdirilməsi zamanı qanunvericiliklə müəyyən edilmiş qaydada «Gömrük dəyər bəyannaməsi» (GDB) doldurulmur.

Bəyan edilən malın gömrük dəyərini təsdiq etmək üçün gömrük orqanına bəyan edilən malın gömrük dəyərini əks etdirən müvafiq sənədlər - hesab-faktura, çek, arayış və s. - təqdim edilməlidir. Göstərilən təsdiqedici sənədlər olmadıqda malların gömrük dəyəri gömrük orqanı tərəfindən əldə olan qiymət məlumatları, həmçinin digər məlumat mənbələri əsasında müstəqil şəkildə müəyyən edilir. Lakin belə məlumatlardan istifadə edildikdə gömrük orqanı konkret halda malın dəyərini, mühüm qiymətəmələgətirici faktorlar (gətirilən malın keyfiyyəti, bazardakı nüfuzu, mənşə ölkəsi, istehsal olunma vaxtı və s.) nəzərə alınmaqla müəyyən edə bilər.

2.24. Diplomatik xidmət əməkdaşlarının, diplomatik xidmət orqanlarının inzibati-texniki xidmətini həyata keçirən şəxslərin xaricdə işlədikləri dövrdə əldə etdikləri vəsaitin və əmlakın (təqdim edilmiş sənədlər əsasında) Azərbaycan Respublikasına gətirilməsi Azərbaycan Respublikası Xarici İşlər Nazirliyinin təsdiqedici arayışı və diplomatik vəsiqənin surəti təqdim olunmaqla gömrük rüsumu tutulmadan rəsmiləşdirilir.

2.24. Fiziki şəxslər tərəfindən avtonəqliyyat vasitələrinin Azərbaycan Respublikasının gömrük ərazisinə müvəqqəti olaraq gətirilməsi ilə bağlı depozit məbləği, sərbəst dövriyyə üçün buraxılış rejiminə uyğun həcmdə gömrük ödənişlərinin cəmindən ibarət olmaqla manatla alınır və «Kassa mədaxil orderi» ilə rəsmiləşdirilir. «Kassa mədaxil orderi"nin bir nüsxəsi rəsmiləşməyə dair digər sənədlərə tikilməklə fiziki şəxsə verilir. Alınmış depozit məbləği iş gününün sonunda gömrük orqanı tərəfindən Azərbaycan Respublikası Beynəlxalq Bankının müvafiq filialında açılmış depozit hesaba köçürülür.

Depozit məbləği «Kassa məxaric orderi» əsasında operativ surətdə gömrük orqanının kassasında olan vəsait hesabına qaytarılır.

Əməliyyat gününün sonunda qaytarılmış depozit məbləğinin xüsusi depozit hesabdan gömrük orqanının hesabına köçürülməsi təmin edilir.

Bu Təlimatın 2.16. və 2.17. bəndlərinə müvafiq olaraq gömrük orqanları tərəfindən müəyyən edilmiş müvəqqəti icazə müddəti başa çatdıqdan sonra gömrük qanunvericiliyinin tələblərinə uyğun olaraq müvafiq tədbirlər görülür

Müəyyən edilmiş müddət başa çatdıqdan və ya vaxtından əvvəl gömrük rəsmiləşdirilməsi aparıldıqda alınmış depozit məbləği GMO-da müvafiq qeydlər aparılmaqla gömrük ödənişləri hesab edilir və depozit hesabdan gömrük orqanının hesabına köçürülür.

1. Paltar.

2. Tualet ləvazimatları.

3. Şəxsi zərgərlik bəzəkləri.

4. Ağlabatan miqdarda plyonkası və ləvazimatları olan foto və kinokameralar.

5. Portativ slaydo və kinoproyektorlar və ağlabatan miqdarda slaydlar və filmlərlə onlara aid ləvazimatlar.

6. Ağlabatan miqdarda plyonka ilə videokameralar və portativ videomaqnitafonlar.

7. Portativ musiqi alətləri.

8. Valları olan portativ proiqrıvatellər (valoxudanlar).

9. Plyonkaları olan səsyazan və canlandıran aparatlar (diktofonlar daxil olmaqla).

10. Portativ radioqəbuledicilər.

11. Portativ telefizorlar.

12. Portativ yazı makınaları.

13. Portativ kalkulyatorlar.

14. Portativ şəxsi kompyuterlər.

15. Durbinlər.

16. Uşaq kalyaskaları.

17. Əlil arabaları.

18. Çadırlar və digər turist avadanlığı, balıq avadanlığı, alpinist avadanlığı, sualtı üzgüçülük üçün ləvazimat, velosipedlər, baydarkalar, 5.5.metrədək uzunluğu olan kanoe və ya qayıqlar, xizəklər, tennis raketkaları, sörfinq və vindsörfinq üçün lövhələr, qolf üçün ləvazimat, planerlər, deltanlar kimi idman avadanlığı.

19. Portativ dializatorlar və analoji tibb cihazları, həmçinin onlara aid sərf olunan materiallar.

Göstərilən mallar gətirilməsi/aparılması qadağan olmuş və ya kvotadan artıq olan mallar gömrük orqanları tərəfindən buraxılmır (lazım olmayanın altından xətt çəkməli).

1. Sərhəddən buraxılmayan əşyalar gömrükxanada 2 ay müddətində, xüsusi saxlanma şəraiti tələb olunan və tez xarab olan ərzaq 3 gün müddətində saxlanılır.

2. Saxlanma müddəti ərzində əşyaların sahibi və ya onun etibarnaməsi ilə qəbz təqdim etməklə

a) Azərbaycan Respublikasına gələrkən buraxılmayan əşyaları xaricə apara bilər.

b) Azərbaycan Respublikasından gedərkən buraxılmayan əşyalar Azərbaycan Respublikasının ərazisindən çıxarılmaq şərti ilə əşya sahibinin arzusu ilə isifadə oluna bilər (Azərbaycan Respublikasının ərazisində istənilən ünvana göndərə, qohumlarına və tanışlarına verə bilər və s.)

3. Saxlanma müddəti ərzində tələb olunmayan əşyalar dövlətin büdcəsinə verilir və onların qaytarılması və ya dəyərinin ödənilməsi tələbi yerinə yetirilmir.

4. Siyasi, mənəvi, sanitar və karantin qaydalarına əsasən saxlanılan əşyalar qaytarılmır.

5. Gömrükxanada saxlanılan hər 10 kq mallardan ödəniş alınır:

a) malın dəyərinin 0,05%- birinci 10 günün hər gününə

b) malın dəyərinin 0,1% -bundan sonrakı 10 günün hər gününə

v) malın dəyərinin 0,15% -bündan sonrakı hər günə

Saxlancı verilmiş əşyaların ünvana göndərilməsi gömrük orqanları yerinə yetirir.

___________________ gömrükxanası

Verilib «___» ____________ 200 il tarixdə ondan ötəri ki, vətəndaş _______________ Azərbaycan Respublikasından aparılması qadağan olunmuş valyuta, Azərbaycan Respublikasının istiqraz vərəqəsi, Azərbaycan Respublikasının lotereyası, qiymətli metallar (qiymətli daşlar və onlardan hazırlanmış məmulatlar),

əmlak sənədləri qəbul olunub:

1. Bu qəbzlə verilmiş valyuta, Azərbaycan Respublikasının istiqraz vərəqələri, qiymətli metallar, qiymətli daşlar və onlardan hazırlanmış məhsullar, mirvari və onlardan hazırlanmış məmulatlar, əmlak sənədləri 3 (üç) il saxlanılır.

2. Azərbaycan Respublikasının lotereya biletləri onlardan uduşa düşüb- düşməməsindən asılı olmayaraq göstərilən müddət ərzində saxlanılır.Göstərilən müddət bitdikdən sonra akt tərtib edilərək lotereya biletləri məhv edilir.

3. Göstərilən müddət ərzində mal sahibi aşağıdakıları edə bilər:

a) valyutanı, Azərbaycan Respublikasının istiqraz vərəqəsini, lotereyasını, qiymətli metallardan, daşlardan və mirvaridən hazırlanmış məmulatları şəxsən Azərbaycan Respublikasının ərazisində ala bilər, yaxud xaricdən həmin mallara etibarnamə ilə sərəncam verə bilər və ya bilavasitə gömrük orqanlarına yazılı müraciət etməklə;

b) xarici valyuta, ödəniş sənədləri, xarici valyutada yazılmış xarici fond dəyərləri, qiymətli metallar, qiymətli daşlar və xammal şəklində mirvarini Azərbaycan Respublikası ərazisində şəxsən ala bilər yaxud xaricdən etibarnamə ilə göstəriş vermək yolu ilə Azərbaycan Respublikası ərazisində manatla ödənilməsinə, Azərbaycan Respublikası Milli Bankının, Azərbaycan Respublikasının Beynəlxalq Bankının və Azərbaycan Respublikası Maliyyə Nazirliyinin qəbul etdiyi xarici valyutada və xarici valyuta dəyərlərində ödənilməsinə sərəncam vermək.

Başqa hallarda xaricdən həmin qiymətli dəyərlərdən Azərbaycan Respublikasının Beynəlxalq Bankının və Azərbaycan Respublikası Maliyyə Nazirliyinin razılığı ilə sərəncam verə bilər.

4. Saxlanma müddəti qurtardıqdan sonra tələb olunmayan dəyərlər dövlətin büdcəsinə keçirilir.

______________________gömrükxanası

Azərbaycan Respublikasının valyutası, həmin valyuta ilə ödəniş sənədləri, lotereya biletləri və s. bu qəbzlə dövlətin nəfinə müsadirə edilir.

_____________________ gömrükxanası

Azərbaycan Respublikasına gətirilən xarici valyuta (banknotlar, xəzinə bileti, sikkə), valyuta sərvətləri, xarici valyuta şəklində qiymətli kağızlar, ödəniş sənədləri (çeklər, vaksellər, akkreditivlər və s.), fond sərvətləri (aksiyalar, istiqrazlar və xarici valyuta şəklində olan başqa borc öhdəlikləri), qiymətli metallar (qızıl, gümüş, platin) və platin qruplu metallar (paladiy, iridiy, rodiy, ruteniy, osmiy), hər bir növ və halda zərgərlik məmulatları və həmin məmulatların lomundan başqa, təbii qiymətli daşlar (almaz, rubin, sapfir, mirvari) həmin daşlardan hazırlanmış zərgərlik məmulatlarından başqa, həmçinin mülkiyyət sənədləri.

10 Xarici valyuta dəyişməsi haqqında

11 Xərclənməmiş manatın dəyişdirilməsi.

Xaricdən qətirilmiş və bu vəsiqə üzrə qeydiyyata alınmış xarici valyuta və qiymətli əşyaların Azərbaycan Respublikasından kənara çıxarılması, həmçinin xarici valyutanın dəyişdirilməsi qaydaları.

1. Azərbaycan Respublikasında daimi yaşayan şəxslər tərəfindən respublikaya qətirilməsi və hazırkı vəsiqə üzrə qeydiyatdan keçirilmiş ( qeydiyata alınmış ) xarici valyutanın, Azərbaycan Respublikasından kənara çıxarılmasına həmin şəxslərin bu valyutanı qətirdikləri qündən başlayaraq 6 ay müddətinə icazə verilir.

2. Azərbaycan Respublikasına qətirilmiş və bu vəsiqə üzrə qeydiyata alınmış qiymətli metalların, qiymətli qaş-daşın, zərqərlik məmulatlarının (zinyət əşyalarının ) və bu metallardan, daş-qaşlardan düzəldilmiş diqər məişət əşyalarının respublikadan kənara çıxarılmasına icazə verilir.

3. Xarici valyutanın manata dəyişdirilməsi yalnız Azərbaycan Respublikasının Milli Bankında və yaxud Azərbaycan Respublikasının Beynəlxalq bankında bu vəsiqə təqdim olunduqda həyata keçirilir.

4. Vəsiqənin başqa şəxslərə verilməsi qadağandır.