Bakı şəhəri, 24 may 2004-cü il

Azərbaycan Respublikası Prezidentinin «Azərbaycan Respublikasında sosial-iqtisadi inkişafın sürətləndirilməsi tədbirləri haqqında» 2003-cü il 24 noyabr tarixli, 4 nömrəli və «Azərbaycan Respublikası regionlarının sosial-iqtisadi inkişafı Dövlət Proqramının (2004 — 2008-ci illər) təsdiq edilməsi haqqında» 2004-cü il 11 fevral tarixli, 24 nömrəli fərmanlarına uyğun olaraq, qeyri-neft sektorunun sürətli inkişafını və Azərbaycanın kənd təsərrüfatında ənənəvi sahələrdən biri olan üzümçülüyün inkişafının prioritetliyini təmin etmək məqsədilə Azərbaycan Respublikasının Nazirlər Kabineti qərara alır:

1. Azərbaycan Respublikası Nazirlər Kabinetinin 2001-ci il 12 aprel tarixli, 80 nömrəli qərarına əlavə edilmiş, 2003-cü il 22 dekabr tarixli, 161 nömrəli qərarı ilə təsdiq edilmiş «Azərbaycan Respublikasının ərazisinə gətirilən mallar üzrə gömrük idxal rüsumlarının dərəcələri»ndə 06-cı mal qrupunda «0602101000» və «0602201000» mal mövqeləri üzrə «15» tarif dərəcəsi «0» tarif dərəcəsi ilə əvəz edilsin.

2. Bu qərar imzalandığı gündən qüvvəyə minir.

Azərbaycan Respublikasının Baş naziri

A. RASİ-ZADƏ