Azərbaycan Respublikası Gömrük Məcəlləsinin qüvvəyə minməsi ilə əlaqədar həmin Məcəllənin tətbiq edilməsini təmin etmək məqsədi ilə qərara alıram:

1. Azərbaycan Respublikasının Nazirlər Kabinetinə tapşırılsın ki, iki ay müddətində:

• qüvvədə olan qanunvericilik aktlarının Azərbaycan Respublikasının Gömrük Məcəlləsinə uyğunlaşdırılması haqqında təkliflərini Azərbaycan Respublikasının prezidentinə təqdim etsin;
• Nazirlər Kabinetinin və müvafiq icra hakimiyyəti orqanlarının normativ-hüquqi aktlarının həmin Məcəlləyə uyğunlaşdırılmasını təmin etsin və bu haqda Azərbaycan Respublikasının prezidentinə məlumat versin;
• öz səlahiyyətləri daxilində Azərbaycan Respublikasının Gömrük Məcəlləsindən irəli gələn digər məsələləri həll etsin.

2. Müəyyən edilsin ki:

• Gömrük Məcəlləsinin 7-ci maddəsinin 2-ci və 4-cü hissələrində, 26-cı maddəsində, 414-cü maddəsinin 5-ci hissəsində nəzərdə tutulan «müvafiq icra hakimiyyəti orqanı»nın səlahiyyətlərini Azərbaycan Respublikasının prezidenti həyata keçirir;
• Gömrük Məcəlləsinin 33-cü maddəsinin 3-cü hissəsində, 36-cı maddəsinin 1-ci hissəsində, 44-cü maddəsinin 2-ci hissəsində və 53-cü maddəsinin 2-ci hissəsində, 56-cı maddəsinin 7-ci hissəsində, 59-cu maddəsinin 1-ci hissəsində, 68-ci maddəsinin 2-ci hissəsində, 71-ci maddəsinin 1-ci hissəsində, 75-ci maddəsinin 2-ci hissəsində, 76-cı maddəsinin 2-ci hissəsində, 77-ci maddəsinin 2-ci və 4-cü hissələrində, 89-cu maddəsinin 3-cü hissəsində, 92-ci maddəsində, 100-cü maddəsinin 3-cü hissəsində, 107-ci maddəsinin 1-ci hissəsində, 120-ci maddəsinin 6-cı hissəsində, 123-cü maddəsinin 7-ci hissəsində, 145-ci maddəsinin 2-ci hissəsində, 155-ci maddəsinin 2-ci hissəsində, 156-cı maddəsinin 2-ci hissəsində, 160-cı maddəsinin 1-ci hissəsində, 163-cü maddəsinin 9-cu hissəsində, 212-ci maddəsinin 2-ci hissəsində, 398-ci maddəsinin 2-ci hissəsində, 414-cü maddəsinin 6-cı hissəsində, 419-cu maddəsinin 4-cü hissəsində, 420-ci maddəsinin 2-ci hissəsində, 428-ci maddəsinin 2-ci hissəsində nəzərdə tutulan «müvafiq icra hakimiyyəti orqanı»nın səlahiyyətlərini Azərbaycan Respublikasının Nazirlər Kabineti həyata keçirir;
• Gömrük Məcəlləsində nəzərdə tutulmuş «Azərbaycan Respublikasının gömrük işini aparan icra hakimiyyəti orqanı»nın səlahiyyətlərini Azərbaycan Respublikasının Dövlət Gömrük Komitəsi həyata keçirir;
• Gömrük Məcəlləsinin 58-ci maddəsinin 2-ci hissəsində, 61-ci maddəsinin 2-ci hissəsində, 87-ci maddəsinin 2-ci hissəsində, 88-ci maddəsinin 4-cü abzasında, 91-ci maddəsinin 2-ci hissəsində , 99-cu maddəsinin 2-ci hissəsində nəzərdə tutulan «müvafiq icra hakimiyyəti orqanı»nın səlahiyyətlərini Azərbaycan Respublikasının İqtisadi İnkişaf Nazirliyi həyata keçirir;
• Gömrük Məcəlləsinin 94-cü maddəsinin 2-ci hissəsində, 107-ci maddəsinin 3-cü hissəsində, 113, 114-cü maddələrində, 123-cü maddəsinin 3-cü hissəsində, 386-cı maddəsində, 387-ci maddəsinin 2-ci hissəsində, 389-cu maddəsinin 3-cü hissəsində, 392-ci maddəsinin 2-ci hissəsində, 393-cü maddəsinin 1-ci hissəsində nəzərdə tutulmuş «müvafiq icra hakimiyyəti orqanı»nın səlahiyyətlərini Azərbaycan Respublikasının Maliyyə Nazirliyi həyata keçirir;
• Gömrük Məcəlləsinin 118-ci maddəsində nəzərdə tutulan «müvafiq icra hakimiyyəti orqanı»nın səlahiyyətlərini Azərbaycan Respublikasının Maliyyə Nazirliyi və Rabitə və İnformasiya Texnologiyaları Nazirliyi həyata keçirirlər;
• Gömrük Məcəlləsinin 183-cü maddəsində nəzərdə tutulmuş «müvafiq icra hakimiyyəti orqanları»nın səlahiyyətlərini Azərbaycan Respublikası prezidentinin 1996-cı il 17 iyun tarixli 463 nömrəli «İstehsal, xidmət, maliyyə-kredit fəaliyyətinə dövlət nəzarətinin qaydaya salınması və əsassız yoxlamaların qadağan edilməsi barədə» Fərmanında göstərilən orqanlar həyata keçirirlər.