Azərbaycan Respublikası Dövlət Gömrük Komitəsinin strukturunun təkmilləşdirilməsi məqsədilə qərara alıram:

1. Azərbaycan Respublikası prezidentinin 2001-ci il 19 iyun tarixli, 510 nömrəli fərmanı ilə təsdiq edilmiş «Azərbaycan Respublikası Dövlət Gömrük Komitəsinin strukturu»nun (Azərbaycan Respublikasının Qanunvericilik Toplusu, 2001-ci il, № 6, maddə 408; Azərbaycan Respublikası prezidentinin 2004-cü il 6 may tarixli, 60 nömrəli fərmanı) 2-ci bəndində «Maliyyə Tarif və Valyuta Nəzarəti Baş İdarəsi» sözlərindən sonra «Statistika və İnformasiya Texnologiyaları Baş İdarəsi» sözləri əlavə edilsin və həmin bənddə «Statistika və İnformasiya Texnologiyaları İdarəsi» sözləri çıxarılsın.

2. Azərbaycan Respublikasının Nazirlər Kabineti bu fərmandan irəli gələn məsələləri həll etsin.

3. Bu Fərman dərc edildiyi gündən qüvvəyə minir.

Azərbaycan Respublikasının Prezidenti

İlham ƏLİYEV

Bakı şəhəri, 30 iyun 2004-cü il.

№ 84

«Azərbaycan» qəzetində dərc edilmişdir (1 iyul 2004-cü il, № 150) («AzerSoft»)

«Azərbaycan Respublikasının Qanunvericilik Toplusu»nda dərc edilmişdir (30 iyun 2004-cü il, № 6, maddə 441) («AzerSoft»).