Bakı şəhəri, 20 aprel 2005-ci il

«Dövlət rüsumu haqqında», «Hüquqi şəxslərin dövlət qeydiyyatı və dövlət reyestri haqqında» Azərbaycan Respublikasının Qanunlarına əlavə və dəyişikliklərin edilməsi və «Birdəfəlik rüsum haqqında» Azərbaycan Respublikası Qanununun qüvvədən düşmüş hesab edilməsi barədə» Azərbaycan Respublikası Qanununun tətbiq edilməsi haqqında» Azərbaycan Respublikası Prezidentinin 2005-ci il 19 yanvar tarixli, 593 nömrəli Sərəncamının icrası ilə əlaqədar Azərbaycan Respublikasının Nazirlər Kabineti qərara alır:

1. «Respublikanın hüdudlarından kənara kənd təsərrüfatı məhsullarının aparılmasına görə birdəfəlik rüsumun alınması haqqında» Azərbaycan Respublikası Nazirlər Kabinetinin 1992-ci il 13 iyun tarixli, 335 nömrəli qərarına qismən dəyişikliklər və əlavələr edilməsi barədə» Azərbaycan Respublikası Nazirlər Kabinetinin 1992-ci il 4 iyul tarixli, 378 nömrəli qərarının adında «qismən dəyişikliklər və əlavələr» sözləri «əlavə» sözü ilə əvəz edilsin, 1-ci bəndindən «2-ci bəndinin 1-ci abzası, 4-cü bəndinin 1-ci abzası, 5-ci bəndinin 1-ci abzası aşağıdakı mətndə verilsin və» sözləri və ikinci-dördüncü abzasları çıxarılsın.

2. Azərbaycan Respublikası Nazirlər Kabinetinin 1992-ci il 27 iyul tarixli, 412 nömrəli qərarı ilə təsdiq edilmiş (Azərbaycan Respublikası Nazirlər Kabinetinin 1998-ci il 19 fevral tarixli, 35 nömrəli qərarına əlavə olunmuş) əlavənin «Azərbaycan Respublikası Daxili İşlər Nazirliyinin Dövlət Yol Polisi idarəsi tərəfindən hüquqi və fiziki şəxslərə göstərilən xidmətlərin Siyahısı»nın 2-ci bəndi çıxarılsın.

3. Azərbaycan Respublikası Nazirlər Kabinetinin 1999-cu il 15 mart tarixli, 40 nömrəli qərarı ilə təsdiq edilmiş «Nəqliyyat vasitələrinə və onların qoşqularına dövlət texniki baxışının keçirilməsi qaydaları haqqında Nümunəvi Əsasnamə»nin 1.3-cü bəndinin beşinci abzasında «toplanan haqların» sözləri «tutulan dövlət rüsumlarının» sözləri ilə, 6.1-ci bəndində «ilə əlaqədar toplanan vergilər, xidmət haqları» sözləri «üçün dövlət rüsumunun tutulması barədə qəbz» sözləri ilə əvəz edilsin.

4. Azərbaycan Respublikası Nazirlər Kabinetinin 2000-ci il 11 sentyabr tarixli, 167 nömrəli qərarı ilə təsdiq edilmiş «Azərbaycan Respublikasında notariat hərəkətlərinin aparılması qaydaları haqqında Təlimat»ın 31-ci bəndinin dördüncü abzasından «və tutulan rüsumun ödənilməsinə dair qəbzlər» sözləri çıxarılsın, 10-cu bəndinə aşağıdakı redaksiyada üçüncü abzas əlavə edilsin:

«Notariat hərəkətlərinə görə dövlət rüsumu notarius tərəfindən qəbul edilərək iki bank günü ərzində dövlət büdcəsinə köçürülür.».

5. «Azərbaycan Respublikası Nazirlər Kabinetinin bəzi qərarlarına dəyişikliklər edilməsi haqqında» Azərbaycan Respublikası Nazirlər Kabinetinin 2001-ci il 3 sentyabr tarixli, 145 nömrəli qərarının 4-cü bəndindən «və birdəfəlik rüsum ödənilməsi nəzərdə tutulmayan yerlərdə stasionar fəaliyyət göstərən şəxslərlə» sözləri çıxarılsın.

6. «Azərbaycan Respublikası Nazirlər Kabinetinin qüvvədən düşmüş hesab edilən bəzi qərarlarının Siyahısı» təsdiq edilsin (əlavə olunur).

7. Bu qərar imzalandığı gündən qüvvəyə minir.

Azərbaycan Respublikasının Baş naziri

A. RASİ-ZADƏ

Azərbaycan Respublikası Nazirlər Kabinetinin
2005-ci il 20 aprel tarixli, 72 nömrəli qərarı ilə
təsdiq edilmişdir