Azərbaycan Respublikası gömrük orqanlarında girovdan istifadə qaydaları haqqında
Əsasnamə

1. Ümumi müddəalar

1.1. Bu Əsasnamə «Girov haqqında» Azərbaycan Respublikası Qanunu (bundan sonra — Qanun) və Azərbaycan Respublikası Gömrük Məcəlləsi (bundan sonra — Gömrük Məcəlləsi) əsasında:

a) gömrük rüsumlarının, əlavə dəyər vergisinin, aksizlərin və digər gömrük ödənişlərinin ödənilməsinə girov müqabilində möhlət verilməsi və ya möhlət müddətinin uzadılması hallarında həmin ödənişlərin təmin edilməsi;

b) tranzit gömrük rejimində gömrük işi haqqında Azərbaycan Respublikasının qanunvericiliyinə riayət edilməsini malların gömrük rejimi altında yerləşdirilməsi şərtləri ilə (Gömrük Məcəlləsi, maddə 35) təmin etmək mümkün olmadıqda, həmin malların tranzitinə Azərbaycan Respublikası gömrük orqanları tərəfindən gömrük ödənişlərinin ödənilməsinin təmin edilməsi şərtilə icazə verilməsi (Gömrük Məcəlləsi, maddə 36 və 120);

v) malların müvəqqəti idxalına (ixracına) yol vermək üçün Azərbaycan Respublikası Dövlət Gömrük Komitəsinin müəyyən etdiyi qaydalarla gömrük ödənişlərinin ödənilməsinin təmin edilməsi (Gömrük Məcəlləsi, maddə 68 və 120);

q) gömrük ərazisində malların emalı zamanı, malların Azərbaycan Respublikasının gömrük sərhədindən keçirildiyi gündən ən geci 2 il ərzində emal məhsullarının ixrac gömrük rejiminə uyğun olaraq aparılması zamanı qaytarılmaq şərtilə, emal üçün idxal olunan mallara gömrük vergi və rüsumlarının ödənişinin təmin edilməsi (Gömrük Məcəlləsi, maddə 62 və 120);

d) mallar sərbəst gömrük zonaları ərazisindən və sərbəst anbarlardan Azərbaycan Respublikasının gömrük ərazisinin qalan hissəsinə gətirilərkən (Gömrük Məcəlləsi, maddə 82) gömrük ödənişlərinin Gömrük Məcəlləsinin 120-ci maddəsinə uyğun olaraq ödənilməsinin təmin edilməsi;

e) gömrük ərazisindən kənarda malların emalından sonra emal məhsulları sərbəst dövriyyə üçün bəyan edildikdə (Gömrük Məcəlləsi, maddə 95) Gömrük Məcəlləsinin 120-ci maddəsinə uyğun olaraq gömrük vergi və rüsumlarının ödənişinin tamamilə və ya qismən təmin edilməsi;

ə) təkrar ixrac üçün idxal olunan mallar gömrük bəyannaməsi qəbul edildiyi gündən 6 aydan gec olmayaraq faktiki olaraq aparılmadıqda (Gömrük Məcəlləsi, maddə 100) gömrük vergi və rüsumlarının idxal rejiminə uyğun olaraq ödənişinin təmin edilməsi;

j) gömrük qaydalarının pozulmasına görə məsuliyyətə cəlb edilərkən, gömrük qaydalarının pozulmasının bilavasitə obyekti olan mallar və nəqliyyat vasitələri cərimələrin və dəyərlərin ödənilməsini təmin etmək məqsədilə götürüldükdə, götürülən malların və nəqliyyat vasitələrinin dəyərinin ödənilməsinin Azərbaycan Respublikası gömrük orqanlarının razılığı ilə Gömrük Məcəlləsinin 120-ci maddəsilə müəyyən edilmiş qaydada təmin edilməsi ilə əvəz olunması üçün hazırlanmışdır.

1.2. Qanuna uyğun olaraq istənilən daşınan əmlak, o cümlədən valyuta, valyuta sərvətləri, qiymətli kağızlar və nəqliyyat vasitələri girov predmeti ola bilər.

Qanunun 5-ci maddəsinə müvafiq olaraq Azərbaycan Respublikasının qanunvericiliyində nəzərdə tutulmuş istisnalarla gömrük orqanları aşağıdakıları girov predmeti kimi qəbul etmirlər:

2. Girovqoyan

2.1. Mülkiyyət hüququ və ya tam təsərrüfatçılıq səlahiyyəti əsasında girovun obyektinə malik olan Azərbaycan Respublikasının və xarici dövlətlərin fiziki və hüquqi şəxsləri girovqoyan sayılırlar.

2.2. Tam təsərrüfatçılıq səlahiyyəti ilə təhkim edilmiş əmlak girov qoyulduqda mülkiyyətçinin razılığı tələb olunur.

2.3. Girovqoyan girov predmetinin girova qoyulmasının qanunauyğunluğu üçün məsuliyyət daşıyır.

3. Girov müqaviləsi

3.1. Gömrük orqanı ilə girovqoyan arasında girov münasibətləri Qanuna və Gömrük Məcəlləsinə uyğun olaraq bağlanan girov müqaviləsi ilə müəyyənləşdirilir.

3.2. Girov müqaviləsi müstəqil xarakter daşımır və Azərbaycan Respublikası Gömrük Məcəlləsinin 120-ci maddəsi ilə müəyyən edilmiş gömrük ödənişlərinin ödənilməsinin təmin edilməsi, habelə Gömrük Məcəlləsinin 333-cü maddəsi ilə müəyyən edilmiş gömrük qaydalarının pozulmasının bilavasitə obyekti olan mallar və nəqliyyat vasitələrinin götürülməsi gömrük orqanlarının razılığı ilə müəyyən edilmiş qaydada girov qoyulması ilə əvəz edildikdə yaranan öhdəliyin icrası ilə əlaqədar olaraq bağlanır.

Girov müqaviləsi yazılı formada olmalıdır. Müqavilədə tərəflərin adı və ünvanı, girov qoyulmuş əmlak, onun qiyməti və saxlandığı yer, girovla təmin olunmuş tələbin mahiyyəti, onun həcmi, öhdəliyin icra edilməsi müddəti, habelə tərəflər arasında razılaşdırılmalı olan bütün şərtlər nəzərdə tutulmalıdır.

Əgər Azərbaycan Respublikasında qeydə alınmış mülki hava, dəniz və çay gəmiləri, dəmiryol nəqliyyatı vasitələri girov predmetidirsə, həmçinin girovun notarial forması bilavasitə Azərbaycan Respublikası qanunvericiliyində nəzərdə tutulubsa, onda girov müqaviləsi harada bağlanmasından asılı olmayaraq notarial qaydasında təsdiq olunmalıdır.

Nümunəvi girov müqavilələrinin formaları bu Əsasnamənin 1 №-li Əlavəsində verilmişdir. Girovqoyan fiziki şəxs olduğu hallarda, müqavilədə həmin şəxsin statusundan irəli gələn xüsusiyyətlər (hesablaşma hesabının, möhürün olmaması və s.) öz əksini tapmalıdır.

3.3. Girov müqaviləsinin müəyyənləşdirilmiş formasına əməl edilməməsi, müqavilənin etibarsız sayılmasına səbəb olur.

3.4. Dəmiryol, mülki hava, dəniz və çay nəqliyyatı vasitələrinin girovu bu nəqliyyat vasitələrini qeydə almış dövlət orqanlarının apardıqları reyestrlərdə qeydə alınmalıdır. Bu halda girov müqaviləsi qeydiyyat anından bağlanmış hesab olunur. Girovun qeydiyyatını, girovqoyan öz hesabına təmin edir. Girovqoyan qeydiyyatı təsdiq edən reyestrdən çıxarışı gömrük orqanına təqdim edir.

3.5. Gömrük orqanı bağlanmış girov müqavilələrinin düzgün uçotunu aparmaq və girov predmetinə nəzarət etmək üçün bu Əsasnamənin 2 №-li Əlavəsində göstərilən reyestr üzrə uçot aparır.

3.6. Girov müqaviləsi gömrük orqanı adından rəis və ya onun müavini, həmçinin maliyyə-tarif şöbəsinin rəisi, girovqoyan adından isə onun səlahiyyətli nümayəndəsi tərəfindən maliyyə sənədlərinin imzalanması qaydalarına uyğun olaraq imzalanır.

3.7. Girov predmetinin dəyişdirilməsi girov müqaviləsinə əlavə ilə rəsmiləşdirilir.

3.8. Girov hüququna aşağıdakı hallarda xitam verilir:

a) girovla təmin olunmuş öhdəliyə xitam verildikdə;

b) girov qoyulmuş əmlak məhv olduqda;

v) girovun obyektini təşkil edən hüququn qüvvədə olması müddəti qurtardıqda;

q) girov obyekti üzərindəki hüquqlar girovsaxlayana keçdikdə;

d) gömrük qaydalarının pozulmasının bilavasitə obyekti olan, cərimə və dəyərlərin ödənilməsi məqsədilə götürülmüş mallar və nəqliyyat vasitələri müəyyən edilmiş qaydada girov predmeti ilə əvəz edildikdə, gömrük qaydalarının pozulmaması sübut olunmaqla girovun əsassız olduğu müəyyən edilərsə.

4. Girovqoyanla gömrük orqanı arasında qarşılıqlı münasibətlər

4.1. Əgər gömrük orqanı başqa qərar qəbul etmirsə, girov zamanı girov predmeti girovqoyanda qalır və bu Əsasnamənin 1 №-li əlavəsində göstərilən «A forması»nda girov müqaviləsi bağlamaq qərarı qəbul edir.

4.2. Girovqoyan aşağıdakıları etməyə borcludur (vəzifələri):

4.2.1. Qəza və ya qarşısıalınmaz qüvvənin təsiri, digər dövlət orqanlarının girovqoyanın təsərrüfat fəaliyyətinə xitam verən, yaxud belə fəaliyyətə mane olan, ona mənfi təsir edən hərəkətləri (girov predmetinin müsadirəsi, rekvizisiyası və s.) və konkret aktlar qəbul etməsi nəticəsində girov predmetinin itməsi, əskik gəlməsi və ya zədələnməsi, girovqoyanın ləğv edilməsi, müflis kimi qəbul edilməsi, yaxud özünü müflis elan etməsi hallarının qarşısının alınması üçün girov predmetini öz vəsaiti hesabına onun tam dəyəri həcmində sığorta etdirməyə;

4.2.2. Girov predmeti bu Əsasnamənin 1.3 bəndində nəzərdə tutulan nəqliyyat vasitələri olarsa, girov predmetini öz vəsaiti hesabına dövlət qeydiyyatından keçirdikdən sonra üç gün müddətindən gec olmayaraq qeydiyyatdan keçməsi barədə reyestrdən çıxarışı girovsaxlayana təqdim etməyə;

4.2.3. Girovsaxlayanın razılığı olmadan girov predmeti barəsində sərəncam verməməyə;

4.2.4. Girov predmetini satmamağa, başqa cür özgəninkiləşdirməməyə, icarəyə və üçüncü şəxsin sahibliyinə və ya istifadəsinə verməməyə;

4.2.5. Girov predmetini növbəti girovun predmetinə çevirməməyə;

4.2.6. Girov predmetinin saxlanılması üçün zəruri tədbirlər görməyə;

4.2.7. Əgər girov predmeti itmişdirsə, girov predmetini bərpa etmək və ya girovsaxlayanın razılığı ilə onu dəyərinə bərabər başqa predmetlə əvəz etməyə;

4.2.8. Girov predmetinin zədələnməsi təhlükəsi yarandıqda girovsaxlayanı dərhal məlumatlandırmağa;

4.2.9. Girov predmetindən istifadə etməməyə.

4.3. Girovsaxlayan, əgər girov predmetinin satışından əldə edilən məbləğ bu girovla təmin edilmiş öhdəliyin miqdarından çoxdursa, həmin halda yaranan fərqi girovqoyana qaytarmağa borcludur.

4.4. Girovqoyan girov predmeti ilə təmin olunmuş öhdəliyi vaxtından əvvəl icra etməyə haqlıdır.

4.5. Girovsaxlayan aşağıdakıları etməyə haqlıdır (hüquqları):

4.5.1. Girovla təmin olunmuş öhdəlik icra müddəti başa çatdığı anda icra edilməzsə, onda ödənişi (və ya cərimələri) girov qoyulmuş əmlaka yönəltməyə;

4.5.2. Girovqoyan bu Əsasnamənin 4.2 bəndində nəzərdə tutulan öhdəlikləri yerinə yetirmədiyi hallarda, girov qoyulmuş əmlakı vaxtından əvvəl girovla təmin olunmuş öhdəliyin icrasına yönəltməyə;

4.5.3. Girov haqqında müqavilədə başqa qayda nəzərdə tutulmayıbsa, girovsaxlayan girov qoyulmuş əmlakın hesabına borcun faktiki ödənilməsi müddəti üçün müəyyənləşdirilmiş bütün tələblərini, o cümlədən faizləri, icranın gecikdirilməsi nəticəsində dəymiş zərəri, girovla təmin olunmuş tələbin həyata keçirilməsi və girov qoyulmuş əmlakın saxlanması ilə bağlı xərcləri, qanunda və ya müqavilədə nəzərdə tutulmuş hallarda isə dəbbə pulunu tam həcmdə ödəməyə;

4.5.4. Girovqoyan tərəfindən girovla təmin edilmiş bütün öhdəlik icra müddətində tam həcmdə yerinə yetirilənədək girovu ilk dəyəri həcmində saxlamağa;

4.5.5. Ödənişə (və ya cəriməyə) yönəldilmiş girov qoyulmuş əmlakı Azərbaycan Respublikasının qanunvericiliyi ilə müəyyən edilmiş qaydada satmağa;

4.5.6. Girov predmetinin sənədlər üzrə faktiki mövcudluğunu, ölçüsünü, vəziyyətini və saxlanma şəraitini yoxlamağa;

4.5.7. Girovqoyandan girov predmetinin salamatlığı üçün zəruri tədbirlərin görülməsini tələb etməyə;

4.5.8. Girov predmetinin itirilməsi, yaxud zədələnməsi üçün təhlükə yaradan şəxslərdən bu hərəkətdən çəkinməyi tələb etməyə;

4.5.9. Girovsaxlayanın təqsiri olmadan girov predmeti itirildikdə və girovqoyan tərəfindən o bərpa olunmadıqda və ya girovsaxlayanın razılığı ilə girov predmetinin dəyərinə bərabər başqa predmetlə əvəz olunmadıqda girovla təmin olunan öhdəliyinin icrasını vaxtından əvvəl tələb etməyə;

4.5.10. Girov predmetinin satışından əldə edilən məbləğ bu girovla təmin edilmiş öhdəlikləri ödəmək üçün kifayət etməzsə, onda çatışmayan məbləğin tutulmasını Azərbaycan Respublikasının qanunvericiliyi ilə müəyyən olunmuş qaydada təmin etməyə.

4.6. Gömrük rəsmiləşdirilməsini aparan gömrük orqanının vəzifəli şəxslərinin fikrincə, gömrük ödənişlərinin alınmasına kifayət dərəcədə zəmanət verməyən hallar varsa, gömrük orqanı girov predmetini təsisçisi gömrük orqanı olan müvəqqəti saxlanc anbarına qoymaqla, habelə girov predmetini müvəqqəti saxlanc anbarına qoymaq imkanı olmadıqda tərəflərin razılaşmasına əsasən girov qoyulmuş əmlak girovsaxlayanın qıfılı və möhürü altında girovqoyanda qalmaqla (sabit girov) bu Əsasnamənin 1 №-li Əlavəsində göstərilən «B forması»nda girov müqaviləsi (saxlanc girovu) bağlamaq qərarını qəbul edir.

4.7. Saxlanc predmeti girovsaxlayanda saxlanıldıqda girovqoyan Əsasnamənin 4.2.1—4.2.5 yarımbəndlərində göstərilən şərtləri, habelə sabit girovda qıfılın, girovsaxlayanın möhürünün və plombunun dəyişdirilməməsi, məhv edilməməsi, zədələnməməsi və itirilməməsi üçün zəruri tədbirlər görməyə; möhürün, plombun, qıfılın itirilməsi və girov predmetinin zədələnməsi təhlükəsi yarandıqda girovsaxlayanı dərhal məlumatlandırmağa borcludur.

4.8. Saxlanc girovu zamanı girovsaxlayan aşağıdakıları etməyə borcludur (vəzifələri):

4.8.1. Saxlanc predmetini qoyulmuş əmlakın tam dəyəri həcmində girovqoyanın vəsaiti hesabına sığorta etdirməyə;

4.8.2. Saxlanc predmetinin salamatlığını təmin edən zəruri tədbirlər görməyə;

4.8.3. Saxlanc predmetinin itirilməsi və ya zədələnməsi təhlükəsinin yaranması haqqında girovqoyanı xəbərdar etməyə;

4.8.4. Saxlanc predmetindən istifadə etməməyə;

4.8.5. Girovsaxlayanın təqsiri üzündən saxlanc predmetinin itirilməsi və ya çatışmazlığı hallarında itirilmiş əmlakın dəyəri həcmində, zədələnmiş əmlakın saxlanc predmetinin dəyərinin azalmasına təsir göstərən həcmi məbləğində məsuliyyət daşımağa;

4.8.6. Saxlanc girovunda girovqoyan tərəfindən öhdəliyin yerinə yetirilməsi təmin edildikdən, habelə girov hüququna bu Əsasnamənin 3.8 bəndinin «d» yarımbəndində müəyyən edilmiş halda xitam verildikdən sonra girov qoyulmuş əmlakı təcili qaytarmağa;

4.8.7. Sabit girovda girovqoyan tərəfindən öhdəlik yerinə yetirildikdən sonra, habelə girov hüququna bu Əsasnamənin 3.8 bəndinin «d» yarımbəndində müəyyən edilmiş halda xitam verildikdə növbəti iş günündən gec olmayaraq qıfılı, möhürü və plombu açmağa;

4.8.8. Saxlanc girovu ilə öhdəlik yerinə yetirildikdən sonra müəyyən olunmuş müddət ərzində girovqoyan saxlanc predmetini götürməzsə, beş gündən gec olmayaraq girovqoyana saxlanc predmetini götürülməsi haqqında yazılı formada məlumat verməyə;

4.8.9. Saxlanc predmetinin satışından əldə edilən vəsait saxlanc predmeti ilə tələb olunan məbləğdən artıqdırsa, onda fərqi girovqoyana qaytarmağa;

4.9. Saxlanc girovunda girovqoyan girov qoyulmuş əmlakla təmin öhdəliyini vaxtından əvvəl icra etməyə haqlıdır.

4.10. Saxlanc girovunda girovsaxlayan aşağıdakıları etməyə haqlıdır (hüquqları):

4.10.1. Sabit girovda qıfılın, plombun və girovsaxlayanın möhürünün salamatlığı üçün zəruri tədbirlərin görülməsini girovqoyandan tələb etməyə;

4.10.2. Bu Əsasnamənin 4.7 bəndində nəzərdə tutulan öhdəlik girovsaxlayanın yazılı tələbi ilə üç gün müddətində girovqoyan tərəfindən yerinə yetirilməzsə, girovsaxlayan əsas öhdəliyin icra müddətini gözləmədən, habelə saxlanc predmeti ilə təmin olunmuş öhdəliyin icra müddəti başa çatdıqda və həmin anda o yerinə yetirilmədikdə ödənişi (və ya cərimələri) qanunvericiliklə müəyyən edilmiş qaydada saxlanc predmetinə yönəltməyə;

4.10.3. Girov haqqında müqavilədə başqa qayda nəzərdə tutulmayıbsa, girovsaxlayan girov qoyulmuş əmlakın hesabına borcun faktiki ödənilməsi müddəti üçün müəyyənləşdirilmiş bütün tələblərini, o cümlədən faizləri, icranın gecikdirilməsi nəticəsində dəymiş zərəri, girovla təmin olunmuş tələbin həyata keçirilməsi və girov qoyulmuş əmlakın saxlanması ilə bağlı xərcləri, qanunda və ya müqavilədə nəzərdə tutulmuş hallarda isə dəbbə pulunu tam həcmdə ödəməyə;

4.10.4. Girovqoyan tərəfindən saxlancla təmin edilmiş bütün öhdəlik icra müddətində tam həcmdə yerinə yetirilənədək saxlancı ilk dəyəri həcmində saxlamağa;

4.10.5. Ödənişə (və ya cəriməyə) cəlb edilmiş saxlanc predmetini Azərbaycan Respublikasının qanunvericiliyi ilə müəyyən edilmiş qaydada satmağa;

4.10.6. Saxlanc predmetinin satışından əldə edilən məbləğ bu saxlancla təmin edilmiş öhdəlikləri ödəmək üçün kifayət etmirsə, onda çatışmayan məbləğin tutulmasını Azərbaycan Respublikasının qanunvericiliyi ilə müəyyən edilmiş qaydada təmin etməyə;

4.10.7. Saxlanc predmetinin götürülməsi barədə girovsaxlayanın yazılı xəbərdarlığından sonra iki ay ərzində Girovqoyan tərəfindən predmetin götürülməsi tələbi olmazsa, saxlanc predmetini müvəqqəti saxlanc anbarında yerləşdirməyə (Müvəqqəti saxlanc müddəti Azərbaycan Respublikası Gömrük Məcəlləsinin 153-cü maddəsi ilə 2 aydan artıq olmamaqla müəyyən edilmişdir).

4.11. Girovqoyanın gömrük orqanları qarşısında öhdəliklərinin icra müddəti müvafiq olaraq gömrük ödənişlərinin ödənilməsinin təxirə salınması və ya möhlət verilməsi müddətindən, gömrük rejiminin başa çatmasının son müddətindən, yaxud cərimənin məbləğinin və ya mallar və nəqliyyat vasitələrinin dəyərinin ödənilməsi vaxtının başlanması müddətindən çox ola bilməz.

4.12. Əgər girov predmeti həm gömrük ödənişlərinin, həm də cərimənin məbləğinin və ya mallar və nəqliyyat vasitələrinin dəyərinin ödənilməsini təmin edirsə, onda gömrük orqanları qarşısında girovqoyan öz öhdəliklərini tam icra edənə qədər girov ilkin həcmdə saxlanılır.

5. Ödənişin (və ya cərimələrin) girov qoyulmuş əmlaka yönəldilməsi

5.1. Qanunun 28-ci maddəsinə müvafiq olaraq Əsasnamədə başqa qayda müəyyən edilməyibsə, ödənişin girov qoyulmuş əmlaka yönəldilməsi məhkəmənin, arbitraj məhkəməsinin və ya münsiflər məhkəməsinin qərarı ilə təmin edilir.

5.2. Qanunvericilikdə nəzərdə tutulmuş hallarda ödəniş girov qoyulmuş əmlaka notariusun icra qeydinə əsasən mübahisəsiz qaydada yönəldilir.

5.3. Girov predmeti özündə qalarkən, girovqoyan bu Əsasnamənin 4.2 bəndində nəzərdə tutulan öhdəlikləri pozduğu halda, gömrük orqanlarının girovla təmin edilmiş öhdəliyin icra vaxtı başlanana qədər ödənişi (və ya cərimələri) girov qoyulmuş əmlaka yönəltmək hüququ vardır.

5.4. Əgər girov predmeti, girovqoyanda qaldığı müddətdə itibsə və girovqoyan onu bərpa etməyibsə, yaxud onu gömrük orqanının razılığı ilə eyni dəyərli başqa predmetə dəyişməyibsə, gömrük orqanının girovla təmin edilmiş öhdəliyin vaxtından əvvəl icrasını tələb etmək hüququ vardır.

5.5. Əgər gömrük orqanının təqsiri olmadan saxlanc predmetinin itməsinə, əskik gəlməsinə və ya zədələnməsinə real təhlükə yaranarsa, gömrük orqanının saxlanc predmetinin dəyişdirilməsini tələb etmək, bu tələbi yerinə yetirməkdən imtina edildikdə isə saxlancla təmin edilmiş öhdəliyin icra vaxtı başlanana qədər ödənişi (və ya cərimələri) girov qoyulmuş əmlaka (saxlanc predmetinə) yönəltmək hüququ vardır.

5.6. Ödənişin (və ya cərimələrin) yönəlmiş olduğu girov qoyulmuş əmlakın satılması girov haqqında qanunvericilikdə və ya müqavilədə başqa qayda müəyyən edilməyibsə, Azərbaycan Respublikasının mülki prosessual qanunvericiliyinə uyğun olaraq aparılır.

6. Gömrük ərazisində və gömrük ərazisindən kənarda malların emalı (bundan sonra emal gömrük rejimləri adlandırılacaq) gömrük rejimləri altında yerləşdirilmiş malların və nəqliyyat vasitələrinin girovu

6.1. emal gömrük rejimləri altında yerləşdirilmiş (gömrük ərazisində və gömrük ərazisindən kənarda) malların və nəqliyyat vasitələrinin girovunda girov predmetinin tərkibinin və natural formasının dəyişdirilməsinə bu şərtlə yol verilir ki, onun ümumi dəyəri girov müqaviləsində göstərilmiş dəyərindən az olmasın.

6.2. emal gömrük rejimləri altında yerləşdirilmiş malların və nəqliyyat vasitələrinin girov müqaviləsində həmin malların və nəqliyyat vasitələrinin növü, digər cinsi əlamətləri, girov predmetinin ümumi dəyəri, onun yerləşdiyi yer, həmçinin girov predmetinin dəyişdirilə biləcəyi malların və nəqliyyat vasitələrinin növləri göstərilməlidir.

6.3. emal gömrük rejimləri altında qoyulmuş malların və nəqliyyat vasitələrinin girovunda girovqoyan girov predmetinə sahiblik və istifadə etmək hüququnu saxlayır. Girovqoyan bu Əsasnamədə nəzərdə tutulan digər girov növlərindən fərqli olaraq girov predmetinə sərəncam verə bilər.

6.4. emal gömrük rejimləri altında qoyulmuş malların və nəqliyyat vasitələrinin girovu zamanı girovqoyan bu Əsasnamənin 4.2.1—4.2.8 yarımbəndlərində göstərilənləri yerinə yetirməyə, girovsaxlayan isə girov predmetinin satışından əldə edilən məbləğ bu girovla təmin edilmiş öhdəliyin miqdarından çox olduqda yaranan fərqi girovqoyana qaytarmağa borcludur.

6.5. emal gömrük rejimləri altında qoyulmuş malların və nəqliyyat vasitələrinin girovu zamanı girovqoyan gömrük ərazisində və gömrük ərazisindən kənarda malların emalı gömrük rejimlərinin tələblərinə və şərtlərinə uyğunluğunu təmin etməklə girov predmetinin üçüncü şəxsin sahibliyinə və istifadəsinə verməmək; girov predmeti ilə təmin edilmiş öhdəliyi vaxtından əvvəl icra etmək hüququna malikdir.

6.6. emal gömrük rejimləri altında qoyulmuş malların və nəqliyyat vasitələrinin girovu zamanı girovsaxlayan bu Əsasnamənin 4.5 bəndində nəzərdə tutulanların yerinə yetirilməsini tələb etmək hüququna malikdir.

7. Yekun müddəaları

7.1. Girovqoyanla gömrük orqanı arasında girovla təmin edilmiş gömrük ödənişlərinin (və ya cərimələrin) ödənilməsi üzrə münasibətlər girovqoyan tərəfindən pozularsa, bu gömrük qaydalarının pozulması hesab olunur və Gömrük Məcəlləsinin 226-cı maddəsinə müvafiq olaraq həmin şəxslər Gömrük Məcəlləsinə, onunla tənzimlənməyən hissədə isə İnzibati hüquqpozmalar haqqında Azərbaycan Respublikası qanunvericiliyinə uyğun olaraq məsuliyyət daşıyırlar.

7.2. İdarə, müəssisə və təşkilatların, həmçinin hüquqi şəxs yaratmadan sahibkarlıq fəaliyyəti ilə məşğul olan şəxslərin, vəzifəli şəxslərinin və digər işçilərinin gömrük işi sahəsində cinayətlərin törədilməsinə görə cinayət məsuliyyətinə cəlb edilməsi, həmin şəxsləri gömrük qaydalarının pozulmasına görə məsuliyyətdən azad etmir.

7.3. Gömrük orqanları saxlanc girovunda olan əmlakın itirildiyi, əskik gəldiyi və ya zədələndiyi hallarda bunda təqsiri olmadığını sübut etməzsə, onda itirilmiş və ya əskik gəlmiş əmlakın itirildiyi və ya əskik gəldiyi dəyəri miqdarında, zədələnmiş əmlakın isə zədələnmə nəticəsində dəyərinin azaldığı miqdarda məsuliyyət daşıyır (Qanun, 43-cü maddə).

7.4. Gömrük Məcəlləsinin 449-cu maddəsinə müvafiq olaraq, vurulan zərər ümumi əsaslarla Azərbaycan Respublikası qanunvericiliyində nəzərdə tutulan qaydada ödənilir. Qanunauyğun hərəkət nəticəsində vurulan zərər ödənilmir.

7.5. Gömrük Məcəlləsinin 450-ci maddəsinə müvafiq olaraq, Azərbaycan Respublikası gömrük orqanlarının vəzifəli şəxsləri və digər işçiləri hüquqazidd qərar, hərəkət və hərəkətsizliklərə görə Azərbaycan Respublikası qanunvericiliyinə uyğun olaraq müvafiq məsuliyyət daşıyırlar.

Girov predmetinin Girovqoyanda saxlanılması haqqında Nümunəvi Müqavilə Forma A

Ümumi müddəalar

Tərəflərin hüquq və vəzifələri

6. Girovqoyan borcludur (vəzifələri):

6.1. Qəza və ya qarşısıalınmaz qüvvənin təsiri, digər dövlət orqanlarının Girovqoyanın təsərrüfat fəaliyyətinə xitam verən, yaxud belə fəaliyyətə mane olan, ona mənfi təsir edən hərəkətləri (girov predmetinin müsadirəsi, rekvizisiyası və s.) və konkret aktlar qəbul etməsi nəticəsində girov predmetinin itməsi, əskik gəlməsi və ya zədələnməsi, girovqoyanın ləğv edilməsi, müflis kimi qəbul edilməsi, yaxud özünü müflis elan etməsi hallarının qarşısının alınması üçün girov predmetini öz vəsaiti hesabına onun tam dəyəri həcmində sığorta etdirməyə;

6.2. Girov predmeti «Azərbaycan Respublikası gömrük orqanlarında girovdan istifadə qaydaları haqqında» Əsasnamənin 1.3 bəndində nəzərdə tutulan nəqliyyat vasitələri olarsa, girov predmetini öz vəsaiti hesabına dövlət qeydiyyatından keçirdikdən sonra üç gün müddətindən gec olmayaraq qeydiyyatdan keçməsi barədə reyestrdən çıxarışı Girovsaxlayana təqdim etməyə;

6.3. Girovsaxlayanın razılığı olmadan girov predmeti barəsində sərəncam verməməyə;

6.4. Girov predmetini satmamağa, başqa cür özgəninkiləşdirməməyə, icarəyə və üçüncü şəxsin sahibliyinə və ya istifadəsinə verməməyə;

6.5. Girov predmetini növbəti girovun predmetinə çevirməməyə;

6.6. Girov predmetinin saxlanılması üçün zəruri tədbirlər görməyə;

6.7. Əgər girov predmeti itmişdirsə, girov predmetini bərpa etmək və ya Girovsaxlayanın razılığı ilə onu dəyərinə bərabər başqa predmetlə əvəz etməyə;

6.8. Girov predmetinin zədələnməsi təhlükəsi yarandıqda Girovsaxlayanı dərhal məlumatlandırmağa;

6.9. Girov predmetindən istifadə etməməyə.

7. Girovsaxlayan, əgər girov predmetinin satışından əldə edilən məbləğ bu girovla təmin edilmiş öhdəliyin miqdarından çoxdursa, həmin halda yaranan fərqi Girovqoyana qaytarmağa borcludur.

8. Girovqoyan girov predmeti ilə təmin olunmuş öhdəliyi vaxtından əvvəl icra etməyə haqlıdır.

9. Girovsaxlayanın hüquqları:

9.1. Girovla təmin olunmuş öhdəlik icra müddəti başa çatdığı anda icra edilməzsə, onda ödənişi (və ya cərimələri) girov qoyulmuş əmlaka yönəltmək;

9.2. Girovqoyan bu Müqavilənin 6-cı bəndinin 6.1 və 6.6 yarımbəndlərində nəzərdə tutulan öhdəlikləri yerinə yetirmədiyi hallarda, girov qoyulmuş əmlakı vaxtından əvvəl girovla təmin olunmuş öhdəliyin icrasına yönəltmək.

9.3. Bu Müqavilədə başqa qayda nəzərdə tutulmayıbsa, Girovsaxlayan girov qoyulmuş əmlakın hesabına borcun faktiki ödənilməsi müddəti üçün müəyyənləşdirilmiş bütün tələblərini, o cümlədən faizləri, icranın gecikdirilməsi nəticəsində dəymiş zərəri, girovla təmin olunmuş tələbin həyata keçirilməsi və girov qoyulmuş əmlakın saxlanması ilə bağlı xərcləri, qanunda və ya müqavilədə nəzərdə tutulmuş hallarda isə dəbbə pulunu tam həcmdə ödəmək.

9.4. Girovqoyan tərəfindən girovla təmin edilmiş bütün öhdəlik icra müddətində tam həcmdə yerinə yetirilənədək girovu ilk dəyəri həcmində saxlamaq.

9.5. Ödənişə (və ya cəriməyə) yönəldilmiş girov qoyulmuş əmlakı Azərbaycan Respublikasının qanunvericiliyi ilə müəyyən edilmiş qaydada satmaq.

9.6. Girov predmetinin sənədlər üzrə faktiki mövcudluğunu, ölçüsünü, vəziyyətini və saxlama şəraitini yoxlamaq.

9.7. Girovqoyandan girov predmetinin saxlanılması üçün zəruri tədbirlərin görülməsini tələb etmək.

9.8. Girov predmetinin itirilməsi, yaxud zədələnməsi üçün təhlükə yaradan şəxslərdən bu hərəkətdən çəkinməyi tələb etmək.

9.9. Girovsaxlayanın təqsiri olmadan girov predmeti itirildikdə və Girovqoyan tərəfindən o bərpa olunmadıqda və ya Girovsaxlayanın razılığı ilə girov predmetinin dəyərinə bərabər başqa predmetlə əvəz olunmadıqda girovla təmin olunan öhdəliyinin icrasını vaxtından əvvəl tələb etmək.

9.10. Girov predmetinin satışından əldə edilən məbləğ bu girovla təmin edilmiş öhdəlikləri ödəmək üçün kifayət etməzsə, onda çatışmayan məbləğin tutulmasını Azərbaycan Respublikasının qanunvericiliyi ilə müəyyən olunmuş qaydada təmin etmək.

Girov müqaviləsinə xitam verilməsi

10. Girov hüququna aşağıdakı hallarda xitam verilir:

10.1. Girovla təmin olunmuş öhdəliyə xitam verildikdə;

10.2. Girov qoyulmuş əmlak məhv olduqda;

10.3. Girovun obyektini təşkil edən hüququn qüvvədə olması müddəti qurtardıqda;

10.4. Girov obyekti üzərindəki hüquqlar girovsaxlayana keçdikdə;

10.5. Gömrük qaydalarının pozulmasının bilavasitə obyekti olan, cərimə və dəyərlərin ödənilməsi məqsədilə götürülmüş mallar və nəqliyyat vasitələri müəyyən edilmiş qaydada girov predmeti ilə əvəz edildikdə gömrük qaydalarının pozulmaması sübut olunmaqla girovun əsassız olduğu müəyyən edilərsə.

Əlavə şərtlər və qaydalar

11. Bu Müqavilə üzrə tərəflərin hüquq və vəzifələri Azərbaycan Respublikasının qanunvericiliyi ilə müəyyən edilir.

12. Bu Müqavilə iki nüsxədə tərtib olunur, onlardan biri Girovqoyanda, biri isə Girovsaxlayanda qalır.

Tərəflərin hüquqi ünvanları və rekvizitləri

Girov haqqında ____ №-li Müqaviləyə dəyişiklik və əlavələr

Girov predmetinin Girovsaxlayana verilməsi girovu (saxlanc) haqqında Nümunəvi Müqavilə Forma B

Ümumi müddəalar

Tərəflərin hüquq və vəzifələri

5. Girovqoyan borcludur (vəzifələri):

5.1. Qəza və ya qarşısıalınmaz qüvvənin təsiri, digər dövlət orqanlarının Girovqoyanın təsərrüfat fəaliyyətinə xitam verən, yaxud belə fəaliyyətə mane olan, ona mənfi təsir edən hərəkətləri (saxlanc predmetinin müsadirəsi, rekvizisiyası və s.) və konkret aktlar qəbul etməsi nəticəsində saxlanc predmetinin itməsi, əskik gəlməsi və ya zədələnməsi, girovqoyanın ləğv edilməsi, müflis kimi qəbul edilməsi, yaxud özünü müflis elan etməsi hallarının qarşısının alınması üçün saxlanc predmetini öz vəsaiti hesabına onun tam dəyəri həcmində sığorta etdirməyə;

5.2. Saxlanc predmeti «Azərbaycan Respublikası gömrük orqanlarında girovdan istifadə qaydaları haqqında» Əsasnamənin 1.3 bəndində nəzərdə tutulan nəqliyyat vasitələri olarsa, girov predmetini öz vəsaiti hesabına dövlət qeydiyyatından keçirdikdən sonra üç gün müddətindən gec olmayaraq qeydiyyatdan keçməsi barədə reyestrdən çıxarışı Girovsaxlayana təqdim etməyə;

5.3. Saxlanc predmetini satmamağa və başqa üsullarla sərəncam verməməyə;

5.4. Saxlanc predmetini növbəti girovun predmetinə çevirməməyə;

5.5. Girovsaxlayanın təqsiri olmadan saxlanc predmetinin çatışmazlığı və ya zədələnməsi üzrə real təhlükə yarandıqda Girovsaxlayanın tələbi ilə saxlanc predmetini əvəz etməyə.

5.6. Sabit girovda qıfılın, Girovsaxlayanın möhürünün və plombunun dəyişdirilməməsi, məhv edilməməsi, zədələnməməsi və itirilməməsi üçün zəruri tədbirlər görməyə; möhürün, plombun, qıfılın itirilməsi və girov predmetinin zədələnməsi təhlükəsi yarandıqda Girovsaxlayanı dərhal məlumatlandırmağa.

6. Girovqoyanın hüquqları:

6.1. Saxlanc predmeti ilə təmin edilmiş öhdəliyi vaxtından əvvəl icra etmək.

7. Girovsaxlayan borcludur (vəzifələri):

7.1. Saxlanc predmetini qoyulmuş əmlakın tam dəyəri həcmində Girovqoyanın vəsaiti hesabına sığorta etdirməyə.

7.2. Saxlanc predmetinin salamatlığını təmin edən zəruri tədbirlər görməyə.

7.3. Saxlanc predmetinin itirilməsi və ya zədələnməsi təhlükəsi haqqında Girovqoyana məlumat verməyə.

7.4. Saxlanc predmetindən istifadə etməməyə.

7.5. Girovsaxlayanın təqsiri üzündən saxlanc predmetinin itirilməsi və ya çatışmazlığı hallarında itirilmiş əmlakın dəyəri həcmində, zədələnmiş əmlakın saxlanc predmetinin dəyərinin azalmasına təsir göstərən həcmi məbləğində məsuliyyət daşımağa.

7.6. Saxlanc girovunda Girovqoyan tərəfindən öhdəliyin yerinə yetirilməsi təmin edildikdən, habelə girov hüququna bu Müqavilənin 9.5 yarımbəndində müəyyən edilmiş halda xitam verildikdən sonra girov qoyulmuş əmlakı təcili qaytarmağa.

7.7. Sabit girovda girovqoyan tərəfindən öhdəlik yerinə yetirildikdən sonra, habelə girov hüququna bu Müqavilənin 9.5 yarımbəndində müəyyən edilmiş halda xitam verildikdə, növbəti iş günündən gec olmayaraq qıfılı, möhürü və plombu açmağa.

7.8. Saxlanc girovu ilə öhdəlik yerinə yetirildikdən sonra müəyyən olunmuş müddət ərzində girovqoyan saxlanc predmetini götürməzsə, beş gündən gec olmayaraq girovqoyana saxlanc predmetinin götürülməsi haqqında yazılı formada məlumat verməyə.

7.9. Saxlanc predmetinin satışından əldə edilən vəsait saxlanc predmeti ilə tələb olunan məbləğdən artıqdırsa, onda fərqi girovqoyana qaytarmağa.

8. Girovsaxlayanın hüquqları:

8.1. Sabit girovda qıfılın, plombun və Girovsaxlayanın möhürünün salamatlığı üçün zəruri tədbirlərin görülməsini Girovqoyandan tələb etməyə;

8.2. Bu Müqavilənin 5-ci bəndində nəzərdə tutulan öhdəlik Girovsaxlayanın yazılı tələbi ilə üç gün müddətində Girovqoyan tərəfindən yerinə yetirilməzsə, Girovsaxlayan əsas öhdəliyin icra müddətini gözləmədən, habelə saxlanc predmeti ilə təmin olunmuş öhdəliyin icra müddəti başa çatdıqda və həmin anda o yerinə yetirilmədikdə ödənişi (və ya cərimələri) qanunvericiliklə müəyyən edilmiş qaydada saxlanc predmetinə yönəltməyə;

8.3. Girov haqqında müqavilədə başqa qayda nəzərdə tutulmayıbsa, girovsaxlayan girov qoyulmuş əmlakın hesabına borcun faktiki ödənilməsi müddəti üçün müəyyənləşdirilmiş bütün tələblərini, o cümlədən faizləri, icranın gecikdirilməsi nəticəsində dəymiş zərəri, girovla təmin olunmuş tələbin həyata keçirilməsi və girov qoyulmuş əmlakın saxlanması ilə bağlı xərcləri, qanunda və ay müqavilədə nəzərdə tutulmuş hallarda isə dəbbə pulunu tam həcmdə ödəməyə.

8.4. Girovqoyan tərəfindən saxlancla təmin edilmiş bütün öhdəlik icra müddətində tam həcmdə yerinə yetirilənədək saxlancı ilk dəyəri həcmində saxlamağa;

8.5. Ödənişə (və ya cəriməyə) cəlb edilmiş saxlanc predmetini Azərbaycan Respublikasının qanunvericiliyi ilə müəyyən edilmiş qaydada satmağa;

8.6. Saxlanc predmetinin satışından əldə edilən məbləğ bu saxlancla təmin edilmiş öhdəlikləri ödəmək üçün kifayət etmirsə, onda çatışmayan məbləğin tutulmasını Azərbaycan Respublikasının qanunvericiliyi ilə müəyyən edilmiş qaydada təmin etməyə;

8.7. Saxlanc predmetinin götürülməsi barədə Girovsaxlayanın yazılı xəbərdarlığından sonra iki ay ərzində Girovqoyan tərəfindən predmetin götürülməsi tələbi olmazsa, saxlanc predmetini müvəqqəti saxlanc anbarında yerləşdirməyə (Müvəqqəti saxlanc müddəti Azərbaycan Respublikası Gömrük Məcəlləsinin 153-cü maddəsi ilə 2 aydan artıq olmamaqla müəyyən edilmişdir).

Girov müqaviləsinə xitam verilməsi

9. Girov hüququna aşağıdakı hallarda xitam verilir:

9.1. Girovla təmin olunmuş öhdəliyə xitam verildikdə;

9.2. Girov qoyulmuş əmlak məhv olduqda;

9.3. Girovun obyektini təşkil edən hüququn qüvvədə olması müddəti qurtardıqda;

9.4. Girov obyekti üzərindəki hüquqlar girovsaxlayana keçdikdə;

9.5. Gömrük qaydalarının pozulmasının bilavasitə obyekti olan, cərimə və dəyərlərin ödənilməsi məqsədilə götürülmüş mallar və nəqliyyat vasitələri müəyyən edilmiş qaydada saxlanc predmeti ilə əvəz edildikdə gömrük qaydalarının pozulmaması sübut olunmaqla girovun əsassız olduğu müəyyən edilərsə.

Əlavə şərtlər və qaydalar

10. Bu Müqavilə üzrə tərəflərin hüquq və vəzifələri Azərbaycan Respublikasının qanunvericiliyi ilə müəyyən edilir.

11. Bu Müqavilə iki nüsxədə tərtib olunur, onlardan biri Girovqoyanda, biri isə Girovsaxlayanda qalır.

Tərəflərin hüquqi ünvanları və rekvizitləri

Girov haqqında ____ №-li Müqaviləyə dəyişiklik və əlavələr

Gömrük ərazisində və gömrük ərazisindən kənarda malların emalı (emal gömrük rejimləri) gömrük rejimləri altında yerləşdirilmiş malların girovu haqqında Nümunəvi Müqavilə Forma V

Ümumi müddəalar

Tərəflərin hüquq və vəzifələri

6. Girovqoyan borcludur (vəzifələri):

6.1. Qəza və ya qarşısıalınmaz qüvvənin təsiri, digər dövlət orqanlarının Girovqoyanın təsərrüfat fəaliyyətinə xitam verən, yaxud belə fəaliyyətə mane olan, ona mənfi təsir edən hərəkətləri (girov predmetinin müsadirəsi, rekvizisiyası və s.) və konkret aktlar qəbul etməsi nəticəsində girov predmetinin itməsi, əskik gəlməsi və ya zədələnməsi, girovqoyanın ləğv edilməsi, müflis kimi qəbul edilməsi, yaxud özünü müflis elan etməsi hallarının qarşısının alınması üçün girov predmetini öz vəsaiti hesabına onun tam dəyəri həcmində sığorta etdirməyə;

6.2. Girov predmeti «Azərbaycan Respublikası gömrük orqanlarında girovdan istifadə qaydaları haqqında» Əsasnamənin 1.3 bəndində nəzərdə tutulan nəqliyyat vasitələri olarsa, girov predmetini öz vəsaiti hesabına dövlət qeydiyyatından keçirdikdən sonra üç gün müddətindən gec olmayaraq qeydiyyatdan keçməsi barədə reyestrdən çıxarışı Girovsaxlayana təqdim etməyə;

6.3. Gömrük emal rejimləri altında keçirilən, girov predmeti hesab olunan malları və nəqliyyat vasitələrini Girovsaxlayanın razılığı olmadan satmamağa və onlara başqa üsullarla sərəncam verməməyə;

6.4. Girov predmetini növbəti girovun predmetinə çevirməməyə;

6.5. Girov predmetinin saxlanılması üçün zəruri tədbirlər görməyə;

6.6. Əgər girov predmeti Girovsaxlayanın təqsiri üzündən itməmişdirsə, girov predmetini bərpa etmək və ya Girovsaxlayanın razılığı ilə onu başqa predmetlə əvəz etməyə.

7. Girovqoyanın hüquqları:

7.1. Əgər bu, emal rejimlərinin tələblərinə və şərtlərinə uyğundursa, girov predmetinə sahib olmaq, onun barəsində sərəncam vermək, əmlak üzərində mülkiyyət hüququnu özündə saxlamaq;

7.2. Girov predmeti ilə təmin edilmiş öhdəliyini vaxtından əvvəl icra etmək.

8. Girovsaxlayan, əgər girov predmetinin satışından əldə edilən məbləğ bu girovla təmin edilmiş öhdəliyin miqdarından çoxdursa, həmin halda yaranan fərqi Girovqoyana qaytarmağa borcludur.

9. Girovsaxlayanın hüquqları:

9.1. Girovla təmin olunmuş öhdəlik icra müddəti başa çatdığı anda icra edilməzsə, onda ödənişi (və ya cərimələri) girov qoyulmuş əmlaka yönəltmək;

9.2. Girovqoyan bu Müqavilənin 6-cı bəndinin 6.1 və 6.5 yarımbəndlərində nəzərdə tutulan öhdəlikləri yerinə yetirmədiyi hallarda, girov predmetinə vaxtından əvvəl müraciət etmək.

9.3. Bu Müqavilədə başqa qayda nəzərdə tutulmayıbsa, girovsaxlayan girov qoyulmuş əmlakın hesabına borcun faktiki ödənilməsi müddəti üçün müəyyənləşdirilmiş bütün tələblərini, o cümlədən faizləri, icranın gecikdirilməsi nəticəsində dəymiş zərəri, girovla təmin olunmuş tələbin həyata keçirilməsi və girov qoyulmuş əmlakın saxlanması ilə bağlı xərcləri, qanunda və ya müqavilədə nəzərdə tutulmuş hallarda isə dəbbə pulunu tam həcmdə ödəmək.

9.4. Girovqoyan tərəfindən girovla təmin edilmiş bütün öhdəlik tam həcmdə icra olunanadək girovu ilk dəyəri həcmində saxlamaq.

9.5. Ödənişə (və ya cəriməyə) yönəldilmiş girov qoyulmuş əmlakı Azərbaycan Respublikasının qanunvericiliyi ilə müəyyən edilmiş qaydada satmaq.

9.6. Girov predmetinin satışından əldə edilən məbləğ bu girovla təmin edilmiş öhdəlikləri ödəmək üçün kifayət etməzsə, onda çatışmayan məbləğin tutulmasını Azərbaycan Respublikasının qanunvericiliyi ilə müəyyən olunmuş qaydada təmin etmək.

9.7. Girov predmetinin sənədlər üzrə və faktiki nağdlılığını, ölçüsünü, vəziyyətini və saxlanma şəraitini yoxlamaq.

9.8. Girovqoyandan girov predmetinin saxlanması zəruri tədbirlərin görülməsini tələb etmək.

9.9. Girov predmetinin itirilməsi, yaxud zədələnməsi üçün təhlükəsi yaradan qəsdin dayandırılmasını hər bir şəxslər tələb etmək.

9.10. Girovsaxlayanın təqsiri olmadan girov predmeti itdikdə və Girovqoyan tərəfindən o bərpa olunmadıqda və ya Girovsaxlayanın razılığı ilə girov predmetinin dəyərinə bərabər başqa predmetlə əvəz olunmadıqda girovla təmin olunan öhdəliyinin icrasını vaxtından əvvəl tələb etmək.

Girov müqaviləsinə xitam verilməsi

10. Girov hüququna aşağıdakı hallarda xitam verilir:

10.1. Girovla təmin olunmuş öhdəliyə xitam verildikdə;

10.2. Girov qoyulmuş əmlak məhv olduqda;

10.3. Girovun obyektini təşkil edən hüququn qüvvədə olması müddəti qurtardıqda;

10.4. Girov obyekti üzərindəki hüquqlar girovsaxlayana keçdikdə;

10.5. Gömrük qaydalarının pozulmasının bilavasitə obyekti olan, cərimə və dəyərlərin ödənilməsi məqsədilə götürülmüş mallar və nəqliyyat vasitələri müəyyən edilmiş qaydada girov predmeti ilə əvəz edildikdə gömrük qaydalarının pozulmaması sübut olunmaqla girovun əsassız olduğu müəyyən edilərsə.

Əlavə şərtlər və qaydalar

11. Bu Müqavilə üzrə tərəflərin hüquq və vəzifələri Azərbaycan Respublikasının qanunvericiliyi ilə müəyyən edilir.

12. Bu Müqavilə iki nüsxədə tərtib olunur, onlardan biri Girovqoyanda, biri isə Girovsaxlayanda qalır.

Tərəflərin hüquqi ünvanları və rekvizitləri

Girov haqqında ____ №-li Müqaviləyə dəyişiklik və əlavələr

«Girov haqqında bağlanmış müqavilələrin gömrük orqanlarında reyestrinin aparılması qaydaları»

Girov haqqında bağlanmış müqavilələrin
Reyestri