№49 / 09.09.1998 Azərbaycan Respublikası ərazisindən ixrac edilən malların müqabilində valyuta

«Qeydə alınmışdır»	«Təsdiq edilmişdir»
Azərbaycan Respublikası Ədliyyə Nazirliyində	Azərbaycan Respublikası Dövlət Gömrük Komitəsi
Qeydiyyat № 129	Əmr № 49
17 sentyabr 1998-ci il	9 sentyabr 1998-ci il
Nazir	Komitənin sədri
S.Həsənova.	K.Heydərov.

Azərbaycan Respublikası ərazisindən ixrac edilən malların müqabilində valyuta vəsaitlərinin ödənişinə nəzarət barədə Təlimat

1. Ümumi müddəalar

1.1. Bu Təlimat Azərbaycan Respublikasının «Gömrük Məcəlləsi»nə, «Valyuta tənzimi haqqında» Azərbaycan Respublikası Qanununa və Azərbaycan Respublikası Prezidentinin 24 iyun 1997-ci il tarixli 609 №-li Fərmanı ilə təsdiq edilmiş «Azərbaycan Respublikasında idxal-ixrac əməliyyatlarının tənzimlənməsi Qaydaları»na uyğun olaraq hazırlanmışdır.

1.2. Azərbaycan Respublikası ərazisindən ixrac edilmiş malların müqabilində valyuta vəsaitlərinin ödənişinə nəzarət bu Təlimatla tənzimlənir.

1.3. Bu Təlimatda aşağıdakı anlayışlardan istifadə edilir:

• dövlət müəssisəsi — müəssisələrin Nizamnamə fondunda pay haqqının 50%-dən çoxunun dövlətə məxsus olması;
• dosye — ixrac olunan malın müqabilində valyuta vəsaitlərinin daxil olmasına nəzarət üzrə sənədlər dəsti (məlumat hər bir ixrac əməliyyatı üzrə ayrıca tərtib olunur);
• reyestr — «İxrac əməliyyatlarına valyuta nəzarəti Uçot kartoçkası»nı ümumiləşdirən sənəd;
• müvəkkil bank — Azərbaycan Respublikası Milli Bankından valyuta əməliyyatları aparılması üçün lisenziya almış bank və ya digər kredit təşkilatı;
• xarici valyuta:

a) müvafiq xarici dövlətin və ya dövlətlər qrupunun ərazisində tədavüldə olan və qanuni ödəniş vasitəsi sayılan, eləcə də tədavüldən çıxarılmış və ya çıxarılan, lakin həmin ərazidə tədavüldə olan pul nişanlarına dəyişdirilə bilən banknotlar, xəzinə biletləri və sikkələr şəklində pul nişanları;

b) xarici dövlətlərin pul vahidlərində, beynəlxalq pul və ya hesablaşma vahidlərində hesablarda olan vəsaitlər;

• spesifik mallar — Azərbaycan Respublikası Prezidentinin müvafiq fərmanı ilə təsdiq edilmiş, «Azərbaycan Respublikasında idxal-ixrac əməliyyatlarının tənzimlənməsi» Qaydalarında nəzərdə tutulan, Nazirlər Kabinetinin sərəncamları və ya Ticarət Nazirliyinin xüsusi razılığı ilə ixracına icazə verilən mallar.

2. Malların ixrac əməliyyatlarında valyuta vəsaitlərinin ödənişinə nəzarətin təşkili

2.1. İxrac əməliyyatlarında valyuta ödənişlərinə nəzarət bu Təlimatın 1 №-li Əlavəsi ilə təsdiq edilmiş «İxrac əməliyyatlarında valyuta ödənişlərinə nəzarətin texnoloji sxema»nə uyğun olaraq həyata keçirilir.

2.1.2. İlkin nəzarət. İlkin nəzarət ixrac əməliyyatının gömrük rəsmiləşdirilməsi zamanı aparılır. Bu zaman ixracatçı tərəfindən təqdim olunan aidiyyatı sənədlərin tamlığı və düzgünlüyü gömrük rəsmiləşdirməsini aparan müvafiq şöbə (Yük şöbəsi) tərəfindən yoxlanılır.

2.1.3. Konsiqnasiya yolu ilə ixrac əməliyyatları xarici şəxslərlə bağlanmış müqavilələrə əsasən respublika hüdudlarından kənarda satışı gömrük orqanlarında bəyan edildiyi gündən etibarən 180 günə qədər müəyyən olunmaqla malların ixracını nəzərdə tutur. Satışdan əldə edilən vəsaitlər, mallar satıldıqca 10 bank günündən gec olmayaraq ixracatçının ona xidmət göstərən müvəkkil bankdakı valyuta hesabına daxil olmalıdır. Konsiqnasiya ticarəti üçün ayrılan müddətdə mallar satılmadığı təqdirdə, 30 gün ərzində həmin mallar Azərbaycan Respublikasına qaytarılmalıdır.

Dövlət müəssisəsi olmayan ixracatçılar tərəfindən malların konsiqnasiya yolu ilə ixracı gömrük orqanlarında bəyan edilməklə aparılır. Bu zaman respublikanın dövlət müəssisələrində istehsal olunmuş malların dəyəri, istehsalçıya tam ödənildikdən sonra ixrac oluna bilər.

Konsiqnasiya yolu ilə ixrac əməliyyatlarının rəsmiləşdirilməsində gömrük orqanları tərəfindən tələb olunan sənədlər:

• xarici tərəflə bağlanmış müqavilə (ixracatçı dövlət müəssisəsi olduğu halda Ticarət Nazirliyində qeydiyyatdan keçirilməklə; digər ixracatçılar tərəfindən isə gömrük orqanlarında bəyan edilməklə);
• ixrac olunan malın mənşə sertifikatı;
• istehsalçı ilə ixracatçı arasında bağlanmış müqavilə (ixracatçı qeyri-dövlət müəssisəsi olduqda);
• ixrac olunan mal dövlət müəssisəsində istehsal edilmişdirsə, ixracatçı qeyri-dövlət müəssisəsi olduğu halda, onun dəyərinin istehsalçıya tam ödənilməsini təsdiq edən müvafiq bank sənədi;
• konsiqnasiya müqaviləsində nəzərdə tutulan valyuta vəsaitinin vaxtında köçürüləcəyinə və yaxud mal satılmadığı halda həmin malın geri qaytarılmasına «Zəmanət öhdəliyi» (Əlavə № 4).
• Uçot kartoçkası (UK);
• Deklarant tərəfindən tərtib olunmuş Yük Gömrük Bəyannaməsi.

2.1.4. Barter əməliyyatları, dəyəri ödənilmədən ekvivalent məbləğdə qarşılıqlı mal (xidmət və əqli mülkiyyət) mübadiləsini nəzərdə tutur.

Barter əməliyyatlarında ekvivalent məbləğdə malların göndərilməsi və alınması müddəti 90 günədək müəyyən olunur. Ekvivalent məbləğdə qarşılıqlı mal mübadiləsi bu müddətdə başa çatmadığı təqdirdə, hesablaşma müqavilədə göstərilən valyuta ilə 10 bank günü ərzində yerinə yetirilməli və vəsait ixracatçının müvəkkil bankdakı valyuta hesabına köçürülməlidir.

Dövlət müəssisələri və Nizamnamə fondunda dövlətin pay haqqı 50%-dən yuxarı olan müəssisələr tərəfindən bağlanmış barter müqavilələri Ticarət Nazirliyində qeydiyyatdan keçirilməklə, digər müəssisələr tərəfindən bağlanmış barter müqavilələri isə, gömrük orqanlarında bəyan edilməklə həyata keçirilir.

Barter əməliyyatları üzrə ixrac edilən malların Yük Gömrük Bəyannamələrinin bir nüsxəsi mal bəyan olunduğu tarixdən etibarən 7 gün ərzində gömrük orqanları tərəfindən müvəkkil banklara və Ticarət Nazirliyinə göndərilir.

Malların barter (mübadilə) yolu ilə ixracı zamanı gömrük orqanları tərəfindən tələb olunan sənədlər:

• istehsalçı ilə ixracatçı arasında bağlanmış müqavilə (ixracatçı qeyri-dövlət müəssisəsi olduqda);
• ixrac olunan mal dövlət müəssisəsində istehsal edilmişdirsə, ixracatçı qeyri-dövlət müəssisəsi olduğu halda onun dəyərinin istehsalçıya tam ödənilməsini təsdiq edən müvafiq bank sənədi;
• xarici tərəflə bağlanmış barter müqaviləsi (ixracatçı dövlət müəssisəsi olduqda Ticarət Nazirliyində qeydiyyatdan keçirilmiş);
• ixrac olunan malın mənşə sertifikatı;
• ekvivalent məbləğdə malların vaxtında Azərbaycan Respublikasına gətiriləcəyi və yaxud valyuta vəsaitinin ixracatçının müvəkkil bankdakı valyuta hesabına köçürəcəyi barədə zəmanət öhdəliyi (Əlavə № 5);
• Uçot kartoçkası (UK);
• Deklarant tərəfindən tərtib olunmuş Yük Gömrük Bəyannaməsi.

2.1.5. Kreditə ixrac əməliyyatları, faktiki mal (xidmət və əqli mülkiyyət) ixracından sonra haqqı müəyyən şərtlərlə və hər hansı müddət ərzində ödənilən malların ixracını nəzərdə tutur.

Dövlət müəssisələri və Nizamnamə fondunda dövlətin pay haqqı 50%-dən yuxarı olan müəssisələr tərəfindən malların (xidmət və əqli mülkiyyətin) kreditə ixracı üzrə bağlanmış müqavilələr Ticarət Nazirliyində qeydiyyatdan keçirilməklə aparılır.

Digər ixracatçılar tərəfindən malların kreditə ixracı isə, gömrük orqanlarında bəyan edilməklə həyata keçirilir. Bu zaman respublikanın dövlət müəssisələrində istehsal olunmuş malların dəyəri istehsalçıya tam ödənildikdən sonra ixrac oluna bilər.

Kreditə ixrac əməliyyatlarında gömrük orqanları tərəfindən tələb olunan sənədlər:

• istehsalçı ilə ixracatçı arasında bağlanmış müqavilə (ixracatçı qeyri-dövlət müəssisəsi olduqda);
• ixrac olunan mal dövlət müəssisəsində istehsal edilmişdirsə, ixracatçı qeyri-dövlət müəssisəsi olduğu halda, onun dəyərinin istehsalçıya tam ödənilməsini təsdiq edən müvafiq bank sənədi;
• xarici tərəflə bağlanmış müqavilə (kreditə ixrac əməliyyatları dövlət müəssisələri tərəfindən həyata keçirildikdə, Ticarət Nazirliyində qeydiyyatdan keçirilməklə);
• malın mənşə sertifikatı;
• valyuta vəsaitlərinin köçürülməsinə zəmanət öhdəliyi (Əlavə № 6);
• Uçot kartoçkası (UK);
• Deklarant tərəfindən tərtib olunmuş Yük Gömrük Bəyannaməsi.

2.1.6. Müvəqqəti ixrac əməliyyatları xarici ölkələrdə xidmət göstərilməsi, lizinq əməliyyatlarının aparılması, sərgilərdə, yarmarkalarda iştirak və s. üçün malların yenidən işlənmədən (dəyişdirilmədən) Azərbaycan Respublikasına qaytarılması şərtilə ixracını nəzərdə tutur:

• Dövlət müəssisələri tərəfindən müvəqqəti olaraq göndərilmiş mallar üzrə bağlanmış müqavilələrdə nəzərdə tutulmuş müddət bitdiyi gündən həmin mallar 30 gün ərzində Azərbaycan Respublikasına qaytarılmalıdır. Bu mallar Ticarət Nazirliyinin icazəsi ilə istifadə olunduğu ölkələrdə satıla bilər. Valyuta vəsaiti mallar satıldığı gündən 10 gün müddətində ixracatçının Azərbaycan Respublikasında müvəkkil bankdakı hesabına daxil edilməlidir;
• Dövlət müəssisəsi olmayan ixracatçılar tərəfindən isə, müvəqqəti ixrac olunmuş mallar bu Təlimata və Azərbaycan Respublikasının digər qanunvericilik aktlarına uyğun olaraq müvafiq gömrük rüsumları ödənilməklə istifadə olunduğu ölkələrdə satıla bilər. Bu halda valyuta vəsaitləri mallar satıldığı gündən 10 gün müddətində ixracatçının Azərbaycan Respublikasında müvəkkil bankdakı hesabına daxil edilməlidir. Başqa halda, həmin mallar bağlanmış müqavilələrdə nəzərdə tutulmuş müddət bitdiyi gündən 30 gün ərzində Azərbaycan Respublikasına qaytarılmalıdır.

Müvəqqəti ixrac əməliyyatları rəsmiləşdirilərkən gömrük orqanları tərəfindən aşağıdakı sənədlər tələb olunur:

• istehsalçı ilə ixracatçı arasında bağlanmış müqavilə (ixracatçı qeyri- dövlət müəssisəsi olduqda);
• ixrac olunan mal dövlət müəssisəsində istehsal edilmişdirsə, ixracatçı qeyri-dövlət müəssisəsi olduğu halda, onun dəyərinin istehsalçıya tam ödənilməsini təsdiq edən müvafiq bank sənədi;
• xarici tərəflə bağlanmış müqavilə (ixracatçı dövlət müəssisəsi olduğu halda Ticarət Nazirliyində qeydiyyatdan keçirilməklə);
• müvəqqəti ixrac olunan malın mənşə sertifikatı;
• müqavilə şərtlərinə uyğun olaraq müvəqqəti ixrac olunan malların geriyə qaytarılacağı barədə zəmanət öhdəliyi (Əlavə № 7);
• Uçot kartoçkası (UK);
• Deklarant tərəfindən tərtib olunmuş Yük Gömrük Bəyannaməsi.

3. Son (sənədli) nəzarət — gömrük rəsmiləşdirməsi başa çatdıqdan sonra aparılır.

3.1. Gömrük orqanının Yük şöbəsinə ixracatçı tərəfindən təqdim olunan sənədlər rəsmiləşdirilərək Maliyyə-Tarif şöbəsinə verilir və aşağıdakılar yerinə yetirilir:

• hər bir ixrac əməliyyatı üzrə dosye açılır, ixracatçının ərizəsi ilə birlikdə ərizədə göstərilən sənədlərin surətləri və bu Təlimatın 2-ci bəndindəki müvafiq ixrac rejiminə uyğun tələb olunan sənədlər əlavə edilir;
• Uçot kartoçkasındakı məlumatların düzgünlüyü yoxlanılmaqla, təqdim olunan YGB məlumatları ilə üzləşdirilir;
• Uçot kartoçkası tərtib olunmaqla, gələcəkdə valyuta vəsaitlərinin daxil olacağının və ya malın geri qaytarılacağının son müddətləri təyin olunur;
• Uçot kartoçkasına qeydiyyat nömrəsi verilməklə, UK reyestrinə salınır (Əlavə № 8) və onun surəti isə DGK Valyuta Nəzarəti şöbəsinə göndirilir;
• göndərilmiş malların müqabilində ödəniş vaxtının bitməsi barədə ixracatçıya və DGK Valyuta Nəzarəti şöbəsinə bildiriş göndərilir;
• valyuta vəsaitlərinin daxil olması barədə müvəkkil bank tərəfindən təsdiq edilmiş Uçot kartoçkası (A2-bölməsi) və ya malların geri qaytarılması barədə deklarant tərəfindən tərtib edilmiş idxal YGB ixracatçı tərəfindən gömrük orqanına təqdim edildiyi təqdirdə UK nəzarətdən çıxarılır.
• valyuta vəsaitlərinin vaxtında mədaxil olmaması və ya malların geriyə qaytarılması müddətinin başa çatması ilə əlaqədar (Fors-major baş verdiyi və yaxud ixracatçı tərəfindən ixrac müqavilələrinə müvafiq olaraq nəzərdə tutulan arbitraj proseduralarının yerinə yetirilməsi halları istisna olmaqla) gömrük orqanı (Maliyyə-Tarif şöbəsi) mövcud qaydada araşdırma aparır, protokol tərtib edir və toplanmış materialları gömrük orqanının müvafiq (Qaçaqmalçılıq və gömrük qaydalarının pozulması ilə mübarizə) şöbəsinə təqdim edir. Aidiyyatı üzrə bu işi icra edən şöbə təhqiqat aparmaqla eyni zamanda qərar qəbul edir, həmçinin bu Təlimatın 2 №-li Əlavəsinin «V» bölməsinə uyğun olaraq ixracatçıya qarşı Gömrük Məcəlləsinin müvafiq maddəsinə əsasən sanksiya tətbiq edir və bu barədə Dövlət Gömrük Komitəsinin MT və VN Baş idarəsinə məlumat verir.

4. İxrac əməliyyatlarında hesablaşmalara nəzarət

4.1. İxracatçılar tərəfindən ixrac olunan (sövdələşmə xüsusiyyəti 21 və 41), malların (xidmət və əqli mülkiyyətin) Azərbaycan Respublikası ərazisindən çıxarılması gömrük orqanları tərəfindən yalnız onların haqqının qabaqcadan ödənildiyi və yaxud geri çağrılmayan akkreditiv açılması müvəkkil banklar tərəfindən «Uçot kartoçkası»nın «A 1» və «A 2» bölmələrində qeyd edilməklə təsdiq edildikdən sonra həyata keçirilir.

4.1.2. ixracatçılar tərəfindən aparılan ixrac əməliyyatlarının hesablaşmalar hissəsi, Azərbaycan Respublikası müvəkkil banklarının, malların gömrük sərhədindən çıxarılması isə gömrük orqanlarının nəzarəti altında həyata keçirilir.

5. Təlimatın tələblərinin pozulmasına görə məsuliyyət

5.1. İxracatçılar, bu Təlimatın tələblərinin pozulmasına görə Azərbaycan Respublikasının qanunvericiliyinə müvafiq olaraq məsuliyyət daşıyırlar:

5.1.2. İxracatçılar, bu Təlimata uyğun xarici valyuta vəsaitlərinin (və ya malların geriyə) respublikaya vaxtında və tam həcmdə köçürülməsini (gətirilməsini) mövcud qaydada təmin etmədikləri təqdirdə, Azərbaycan Respublikası «Gömrük Məcəlləsi»nin 216-cı maddəsinə uyğun müəyyən edilmiş qaydada məsuliyyət daşıyırlar.

5.1.3. İxrac əməliyyatlarında malların Azərbaycan Respublikası gömrük ərazisindən çıxarılmasına gömrük orqanları, bu malların müqabilində valyuta vəsaitlərinin ödənilməsinə isə müvəkkil banklar nəzarət edirlər.

Təlimatın tələblərinin pozulması halları aşkar edildiyi təqdirdə, gömrük orqanları və müvəkkil banklar müvafiq tədbirlər görülməsi üçün aidiyyatı dövlət orqanlarına təqdimat verməlidirlər.

11 fevral 1999-cu il tarixli 9 saylı Əmrə əsasən əlavələr və dəyişikliklərlə.

---

«Azərbaycan Respublikası ərazisindən
ixrac edilən malların müqabilində valyuta vəsaitlərinin ödənişinə
nəzarət barədə Təlimat»a Əlavə № 1

İxrac əməliyyatlarında valyuta ödənişlərinə nəzarətin texnoloji sxemi

Gömrük orqanlarında ixrac əməliyyatları müqabilində valyuta vəsaitlərinin ödənişinə nəzarət, təqdim olunan texnoloji sxem üzrə aparılır:

1.1. İxracatçı, gömrük orqanı tərəfindən verilmiş «İxrac əməliyyatlarına valyuta nəzarəti Uçot kartoçkası»nı (gələcəkdə — Uçot kartoçkası) 2 nüsxədə doldurur və onun «A» bölməsini təsdiq edir, bütün hallarda «A1» bölməsini, sövdələşmə xüsusiyyəti 21 və 41 ilə aparılan ixrac əməliyyatlarında isə, həmçinin «A 2» böliəsini ona xidmət göstərən müvəkkil bankda təsdiq etdirir (Əlavə № 2).

1.2. İxracatçının («A» bölməsi) və müvəkkil bankın («A1» bölməsi) təsdiq etdiyi Uçot kartoçkası ixracatçı tərəfindən digər sənədlərlə birlikdə gömrük rəsmiləşməsi üçün gömrük orqanına (Yük şöbəsinə) təqdim olunur.

1.3. Malların gömrük rəsmiləşməsindən sonra gömrük orqanı (Maliyyə-Tarif şöbəsi) Uçot kartoçkasının «B» bölməsini rəsmiləşdirir, qeydiyyat nömrəsi qoyur və bir nüsxəsini ixracatçı vasitəsilə müvəkkil banka göndərir. Uçot kartoçkasının gömrük orqanında saxlanılan nüsxəsinin surəti son nəzarət üçün Dövlət Gömrük Komitəsinin Valyuta nəzarəti şöbəsinə verilir.

1.4. Malların ixracından xarici valyuta vəsaitinin (gələcəkdə valyuta vəsaiti) daxil olmasını müvəkkil bank, Uçot kartoçkasının «A2» bölməsində müvafiq qeyd aparmaqla təsdiq edir və təsdiq olunmuş Uçot kartoçkası valyuta nəzarətindən çıxarılması üçün ixracatçı tərəfindən gömrük orqanına təqdim edilir.

1.5. Gömrük orqanı Uçot kartoçkasını və ödəniş barədə müvafiq sənədi ixracatçıdan alaraq, uçot kartoçkasının «B» bölməsindəki «UK-nın nəzarətdən çıxarılması» qrafasını təsdiq edir. Mallar geri qaytarıldığı halda isə, idxal əməliyyatı üzrə Yük Gömrük Bəyannaməsinin nömrəsi, malın miqdarı, dəyəri yazılır və nəzarətdən çıxarılması barədə Dövlət Gömrük Komitəsinin Valyuta nəzarəti şöbəsinə məlumat verilir.

1.6. Valyuta vəsaiti müqavilədə nəzərdə tutulmuş müddətdə və mövcud qaydada daxil olmadıqda və yaxud satılmayan malların qaytarılması təmin edilmədikdə gömrük orqanı İxracatçını və Dövlət Gömrük Komitəsinin Valyuta Nəzarəti şöbəsini «Bildiriş»lə (Əlavə № 3) xəbərdar edir.

1.7. Azərbaycan Respublikası gömrük qanunvericiliyində nəzərdə tutulmuş müddət ərzində ixrac əməliyyatı üzrə valyuta vəsaiti daxil olmadığı və yaxud satılmayan mal geri qaytarılmadığı təqdirdə (Fors-major baş verdiyi və yaxud ixracatçı tərəfindən ixrac müqavilələrinə müvafiq olaraq nəzərdə tutulan arbitraj proseduralarının yerinə yetirilməsi halları istisna olmaqla) gömrük orqanı gömrük qaydalarının pozulması protokolu tərtib edir və Uçot kartoçkasının «V» bölməsini rəsmiləşdirir.

1.8. Gömrük qaydalarının pozulması ilə əlaqədar ixracatçıya tətbiq olunmuş cərimə sanksiyası həddi uçot kartoçkasının «V» qrafasında göstərilməklə DGK-nin Valyuta nəzarəti şöbəsinə verilir.

---

Əlavə № 2

İxrac əməliyyatlarına valyuta nəzarəti uçot kartoçkası

Gömrükxananın kodu __________

UK qeydiyyat №-si və tarixi _________

---

İxrac edən ________________________		VÖİN №-si _____________						A
Hüquqi ünvanı _________________________________________						telefon №-si ____________________
Kontrakt №-si və tarixi _____________			Ticarət Nazirliyində qeydiyyat №-si (döv.müəs. üçün) _____________________
İdxal edənin adı, ölkəsi __________________________________________________________________
Malın adı __________________________________					malın miqdarı ___________________________
ödəniş valyutası _________	malın dəyəri __________________________________________________
				(rəqəmlə)			(yazı ilə)

Gömrük orqanlarının ilk tələbi ilə hazırki kontrakt üzrə hesabın dövriyyələri barədə hər hansı məlumatın təqdim olunmasına etiraz etmirəm.

Təşkilatın rəhbəri Baş mühasib

---

Valyuta hesab №-si və valyutanın növü_________________________		Bankın adı _____________________	A1
Bankın hüquqi ünvanı və telefon №-si __________________		Bankın adı ____________________
Bankın sədri (müdiri) Baş mühasib

---

Valyuta daxil olma tarixi, adı və məbləği ____________________________________	A2
Vəsaitin daxil olma mənbəyi (kontraktın №-si və tarixi) _________________________________
Bankın sədri (müdiri) Baş mühasib

---

İxrac YGB №-si və buraxılış tarixi	Malın kodu	Sövdələşmə xarakterinin kodu	Ödənişin və ya malın geri qaytarılmasının son müddəti	Gömrüyün qeydi	B

İdxal YGB №-si, malın miqdarı, məbləği, vəsait daxil olmadığı halda doldurulur _________________________________________	UK nəzarətdən çıxarılması tarixi__________________
Gömrük orqanının məsul şəxsinin imzası və şəxsi nömrəli möhürü: ________________________

---

Araşdırma:			V
Tarix ___________________	İşin №-si ___________________	Protokol №-si __________________

Qərar:
Tarix _______	GM əsas maddəsi _______	GM əlavə maddəsi ______	Mədaxil edilən valyuta (rəqəmlə)	_____________	Tutulan _________

Tutulmuşdur:
ödənişin tarixi: ___________________________________________			______________________________________________
	(tam)		(qismən)
Ödənişin məbləği___________		Ödənilməmiş vəsaitin məbləği (qismən ödəniş üçün)____________________		Ödənilməmənin səbəbi _________________

---

«Azərbaycan Respublikası ərazisindən
ixrac edilən malların müqabilində valyuta vəsaitlərinin ödənişinə
nəzarət barədə Təlimat»a Əlavə № 3

bildiriş

---

«Azərbaycan Respublikası ərazisindən
ixrac edilən malların müqabilində valyuta vəsaitlərinin ödənişinə
nəzarət barədə Təlimat»a
Əlavə № 4

İxracatçının konsiqnasiya əməliyyatına zəmanət öhdəliyi

---

«Azərbaycan Respublikası ərazisindən
ixrac edilən malların müqabilində valyuta vəsaitlərinin ödənişinə
nəzarət barədə Təlimat»a
Əlavə № 5

İxracatçının barter əməliyyatına zəmanət öhdəliyi

---

«Azərbaycan Respublikası ərazisindən
ixrac edilən malların müqabilində valyuta vəsaitlərinin ödənişinə
nəzarət barədə Təlimat»a
Əlavə № 6

---

«Azərbaycan Respublikası ərazisindən
ixrac edilən malların müqabilində valyuta vəsaitlərinin ödənişinə
nəzarət barədə Təlimat»a
Əlavə № 7

---

«Azərbaycan Respublikası ərazisindən
ixrac edilən malların müqabilində valyuta vəsaitlərinin ödənişinə
nəzarət barədə Təlimat»a
Əlavə № 8

İxrac əməliyyatlarına valyuta nəzarətinin uçot kartoçkasının aparılması

Reyestri

Sıra №-si	Mal göndərənin adı	YGB tarixi və №-si	Malın adı	Malın məbləği	Uçot kartoç- kasının №-si	Valyuta vəsaitinin mədaxil olma və ya malın geri qayıtma son müddəti	Ödəmə müddətinin başa çatması barədə bildirişin №-si və tarixi	GQİ görə açılmış işin №-si	Uçotdan çıxarılma tarixi	Uçotdan çıxarılmanın səbəbi
1	2	3	4	5	6	7	8	9	10	11

 

© AzerSoft