Bakı şəhəri, 24 aprel 1995-ci il

Azərbaycan Respublikasında ixrac və idxal əməliyyatlarının gömrük mexanizmi vasitəsilə tənzimlənməsi və daxili bazarın ehtiyaclarının ödənilməsi məqsədilə Azərbaycan Respublikası Nazirlər Kabineti qərara alır:

1. Azərbaycan Respublikası Dövlət Gömrük Komitəsinin təqdim etdiyi və əlaqədar təşkilatlarla razılaşdırılmış «Gömrük ixrac rüsümu haqqında müvəqqəti Əsasnamə», «Azərbaycan Respublikası ərazisindən çıxarılarkən gömrük ixrac rüsumuna cəlb olunan malların qruplar üzrə siyahısı və gömrük ixrac rüsümlarının dərəcələri», «Gömrük idxal rüsumu haqqında müvəqqəti Əsasnamə», «Azərbaycan Respublikası ərazisinə gətirilərkən gömrük idxal rüsumuna cəlb olunan malların qruplar üzrə siyahısı və gömrük idxal rüsumlarının dərəcələri», «Gömrük xidmətləri göstərilməsi üçün alınan ödənclər haqqında təlimat», «Gömrük xidmətləri göstərilməsi üçün alınan ödənclərin tarifləri» təsdiq edilsin (Əlavə olunur) və 1995-ci il mayın 1-dən etibarən tətbiq edilsin.

2. Müəyyən edilsin ki, aşağıdakılar gömrük rüsumundan azad olunurlar:

İxrac üzrə:

2.1. Nazirlər Kabinetinin qərarı (sərəncamı) və ya Azərbaycan Respublikasında xarici iqtisadi əlaqələrə nəzarət üzrə Dövlət Komissiyasının gömrük rüsumundan azad etmə haqqında Protokol qərarı ilə dövlət ehtiyaclarını ödəmək üçün göndərilən mallar (o cümlədən mal mübadiləsi (barter) əməliyyatı üzrə);

2.2. Nazirlər Kabinetinin müvafiq qərarı və ya sərəncamı ilə rəsmiləşdirilmiş hökumətlərarası sazişlər üzrə qarşılıqlı razılaşmalara əsasən ixrac edilən mallar;

2.3. Azərbaycan Respublikasına müvəqqəti olaraq emal üçün gətirilmiş və emaldan sonra aparılan hazır məhsullar;

2.4. Tam məmulatlar və ya yarımfabrikatlar hazırlanması üçün sifarişçinin göndərdiyi xammallar;

2.5. Kompensasiya və kooperasiya əsasında göndərilən mallar;

2.6. Təkrar ixrac əməliyyatları.

İdxal üzrə:

2.7. Nazirlər Kabinetinin müvafiq qərarı və ya sərəncamı ilə rəsmiləşdirilmiş hökumətlərarası sazişlər üzrə qarşılıqlı razılışmalara əsasən alınan mallar, materiallar, texnologiya və ya avadanlıqlar;

2.8. Azərbaycan Respublikasında xarici iqtisadi əlaqələrə nəzarət üzrə Dövlət Komissiyasının gömrük rüsumundan azad etmə haqqında Protokol qərarı ilə gətirilən xüsusi təyinatlı mallar;

2.9. Azərbaycan Respublikası ərazisində fəaliyyət göstərən müştərək və tamamilə xarici investorlara məxsus olan müəssisələrin, beynəlxalq birliklərin və təşkilatların nizamnamə fonduna xarici iştirakçılar tərəfindən pay ödənişi şəklində respublikaya gətirilən yeni texnologiya, avadanlıq, istehsalat tələbatı üçün xammal və materiallar;

2.10. Xarici investisiya qoyulmuş müəssisələrin əcnəbi işçilərinin öz ehtiyacları üçün Azərbaycan Respublikasına gətirdikləri şəxsi əmlak;

2.11. Azərbaycan Respublikasına müvəqqəti olaraq gətirilmiş və gətirilmə şərtlərinə görə müəyyən olunmuş müddətdə dəyişiklik edilmədən gətirildiyi ölkəyə aparılası mallar;

2.12. Azərbaycan Respublikasına müvəqqəti olaraq emal üçün gətirilən mallar;

2.13. Müəssisələrin istehsalat tələbatı üçün gətirilən xammal (o cümlədən Kənd Təsərrüfatı Nazirliyinin müəssisələri tərəfindən gətirilən spirt və kupaj çay), material, köməkçi material, ehtiyat hissələri, komplektləşdirici məmulatlar və avadanlıqlar;

2.14. Pulsuz bölüşdürülməsi şərti ilə gətirilən humanitar və texniki yardım.

3. Gömrük ixrac rüsumları xarici valyutaların Azərbaycan manatına nisbətən Azərbaycan Respublikası Milli Bankının təyin etdiyi məzənnələri əsasında manatla ödənilir.

4. Azərbaycan Respublikası hökumətinin Müstəqil Dövlətlər Birliyi ölkələri və digər xarici ölkələrlə azad ticarət haqqında sazişi olduğu təqdirdə ikitərəfli razılığa əsasən malların ixracına və yaxud idxalına gömrük rüsumu tətbiq edilmir.

5. 1995-ci il dekabr ayının 31-dək bu qərarın «Azərbaycan Respublikası ilə ticarətdə qarşılıqlı əlverişli şərait rejimi (ƏŞR) tətbiq edilən ölkələrin siyahısı» adlı əlvəsində göstərilən ölkələrə əlverişli şərait rejimi tətbiq edilməsi məqsədəuyğun hesab edilsin və Xarici İşlər Nazirliyi həmin ölkələrə Azərbaycan Respublikası tərəfindən birtərəfli qaydada qəbul edilmiş bu qərar barədə məlumat versin.

6. Müəyyən edilsin ki, Azərbaycan Respublikasına bu qərarın 2.9. və 2.13. yarımbəndlərində göstərilən mallar satılarsa, həmin malların satıldığı andan 10 gün müddətində gömrük rüsumları ödənilməlidir.

Göstərilən malları satan müəssisələr bu barədə əvvəlcədən gömrük orqanlarına məlumat verir, əks təqdirdə onlara qarşı qanunvericilikdə nəzərdə tutulmuş qaydada tədbirlər görülür.

7. Gömrük rüsumlarının respublika büdcəsinə tam və vaxtında köçürülməsi Dövlət Gömrük Komitəsi, Maliyyə Nazirliyi və müvəkkil banklar tərəfindən təmin edilsin.

Müəyyən edilsin ki, Azərbaycan Respublikası gömrük orqanlarının səlahiyyətli əməkdaşlarının tələbi ilə gömrük rüsumlarının ödəyiciləri konkret ixrac-idxal əməliyyatının həyata keçirilməsi ilə bağlı lazımi sənədləri təqdim etməyə borcludurlar.

8. Dövlət Gömrük Komitəsinə, Xarici İqtisadi Əlaqələr Nazirliyinə və Dövlət Statistika Komitəsinə tapşırılsın ki, 6 ay müddətində «Xarici iqtisadi fəaliyyətdəki malların nomenklatura kodlarının harmonik sistem üzrə siyahısı»nı hazırlayıb təsdiq olunmaq üçün Nazirlər Kabinetinə təqdim etsinlər;

9. Azərbaycan Respublikası Nazirlər Kabinetinin 1993-cü il 31 dekabr tarixli 643 saylı qərarının ikinci bəndi, 1992-ci il 13 iyun tarixli 335 saylı və 1994-cü il 27 iyun tarixli 252 saylı qərarları qüvvəsini itirmiş hesab edilsinlər.

Baş Nazirin Vəzifəsini İcra Edən

F.QULİYEV.

22 aprel 1998-ci il tarixli 91 saylı Qərarın qüvvəyə minməsi ilə əlaqədar qüvvədən düşmüşdür.

• müqavilələrə əsasən valyutaya ixrac edilən mallar üçün gömrük ixrac rüsumunun birinci sütünunda göstərilən dərəcələr tətbiq edilir;
• barter (mal mübadiləsi) müqavilələrinə əsasən ixrac edilən mallara gömrük ixrac rüsumunun ikinci sütünunda göstərilən dərəcələr tətbiq edilir.

1.6. Gömrük ixrac rüsumu ödənməmiş və ya ödəmə üçün bank zəmanəti ilə möhlət verilməmiş mallar gömrük məntəqələrindən buraxılmır.

• manatla ödəndikdə — 25

2.1.2. Qrafanın — «hesablanma üçün əsas» başlıqlı 2-ci sütununda aşağıdakılar göstərilir:

• malın çəki (həcm) vahidinə görə ekyu tarfi ilə rüsum (malın qabsız (netto) səkisi Gömrük Yük Bəyannaməsinin 38-ci qrafasında göstərilir.)
• manatla ödəndikdə — 42-ci qrafada göstərilən və bəyannamə gömrük əməliyyatı üçün qəbul edildiyi gündə Azərbaycan Respublikası Milli Bankının müəyyən etdiyi məzənnə ilə Gömrük Yük Bəyannaməsinin 23-cü qrafası — «valyuta məzənnəsi».

2.1.3. Qrafanın «tarif» başlıqlı üçüncü sütununda «gömrük ixrac rüsumu alınacaq malların siyahısına və gömrük ixrac rüsumunun dərəcələrinə» uyğun olaraq rüsum dərəcələri göstərilir.

2.1.4. Qrafanın — «məbləğ» başlıqlı 4-cü sütununda gömrük yük bəyannaməsinin 47 və 23-cü qrafalarının 2-ci və 3-cü sütunlarindakı rəqəmlərin hasilindən alınan məbləğ göstərilir.

2.1.5. Qrafanın — «ödəmə qaydası» başlıqlı 5-ci sütununda ödəmənin üsulu göstərilir:

• «KNN» — bank vasitəsilə köçürmə haqq-hesab;
• «GN» — rüsum məbləğinin nağd olaraq gömrük kassasına verilməsi;
• «BZ» — vəkil edilmiş bankın zəmanəti ilə rüsum ödənməsinə möhlət verilməsi;

2.1.6. Gömrük Yük Bəyannaməsinin «hesablamanın təfsilatı» başlıqlı «V» qrafasında ödənilən rüsum məbləği, ödəmə sənədinin nömrəsi və tarixi göstərilir.

2.2. Qrafa 20 — «Göndərmə şərtləri təsnifatı».

2.2.1. Göndərmə şərtləri təsnifatı qrafasının 1-ci bölməsinə uyğun olaraq göndərmə şərtlərinin rəqəmlə şifri göstərilir.

2.2.2. Qrafanın 2-çi bölməsində göndərmə şərtlərinin gısa adları və müvafig olarag gün, ay və il göstərilməklə kontrakt (müqavilə) şərtlərinə uyğun olaraq valyuta qazancının daxil olacağı müddət göstərilir. Valyuta qazancının daxil olmasını dəqiq göstərmək mümkün olmadıqda, günü bildirən ilk qoşa rəqəmin yerinə, mütləq ay və il göstərmək şərtilə «00» yazılır.

2.2.3. Qrafanın 3-cü bölməsində xarici tərəf müqabili ilə hesablaşma üsulunun kodu göstərilir:

• «1» — akkreditiv;
• «2» — inkassa;
• «3» — köçürmə;

Hesablaşmada qarışıq (mürəkkəb) qaydalardan istifadə edildikdə, qrafada tam üstünlük təşkil edən qayda göstərilir.

2.2.4. Əməliyyatlar barter (mal mübadiləsi) yolu ilə və ya milli valyuta ilə həyata keçirildikdə 2-ci və 3-cü bölmələr doldurulmur.

2.3. Qrafa 28 — «Maliyyə və bank məlumatları» başlıqlı qrafada hesab açıldığı barədə vəkil bankın təsdiq etdiyi məlumatlara uyğun olaraq ixracat müqaviləsi üzrə hesablaşmaları aparan bankın rekvizitləri (hər rekviziti ayrıca və təzə sətirdən sıra nömrəsi yazılmaqla) və ixracatçının hesab nömrəsi göstərilir;

• 1 — «müəssisə və təşkilatların ümumi təsnifatına» uyğun olaraq bankın MTÜT kodu;
• 2 — bankın tam aydın adı;
• 3 — bankın ünvanı, telefon, teleks və ya telefaks nömrəsi;
• 4 — ixracatçının cari valyuta hesabının nömrəsi (kontrakt manatla bağlanmışsa, cari manat hesabının nömrəsi) göstərilir.

Əməliyyat barter üsulu ilə aparıldıqda qrafa doldurulmur.

Qeyd:

1. Metallar üçün alınacaq ixrac rüsumunun dərəcələri, yalnız malların xarici iqtisadi fəaliyyətdəki nomenklatura kodları ilə müəyyən edilir. Malların qısaldılmış adları rahat istifadə edilmək üçün göstərilmişdir.

2. Təbii qaz və qaz halındakı başqa məhsulların ixracatından alınacaq rüsumların tarif dərəcələrini müəyyən edib tətbiq etmək üçün, ixrac edilən malın həcminin hesablanması 1150 kub.m. qazın çəkisi 1000 kq bərabər olduğu hesabı ilə aparılır.

3. 2-ci sütünda göstərilən rüsum dərəcələri barter (mal mübadiləsi) müqavilələrinə əsasən ixrac edilən mallara tətbiq edilir.

Azərbaycan Respublikası Nazirlər Kabinetinin
1995-ci il 24 aprel tarixli 90 saylı qərarı ilə
təsdiq edilmişdir.

• manatla ödəndikdə — 20

2.3. Qrafanın «hesablanma üçün əsas» başlıqlı 2-ci sütununda malın dəyəri göstərilir:

• manatla ödəndikdə — 42-ci qrafada göstərilən və bəyannamə gömrük əməliyyatı üçün qəbul edildiyi gündə Azərbaycan Respublikası Milli Bankının müəyyən etdiyi məzənnə ilə (Gömrük Yük Bəyannaməsinin 23-cü qrafası — «valyuta məzənnəsi»).

2.4. Qrafanın «Dərəcəsi» başlıqlı üçüncü sütununda Gömrük idxal rüsumu dərəcələrinə uyğun olaraq rüsumun dərəcəsi göstərilir.

2.5. Qrafanın — «Məbləğ» başlıqlı 4-cü sütununda Gömrük Yük Bəyannaməsinin 47-ci qrafasının 2-ci və 3-cü sütunlarındakı rəqəmlərin hasilindən alınan məbləğ göstərilir.

2.6. Qrafanın — «Ödəmə üsulu» başlıqlı 5-ci sütununda ödəmənin üsulu göstərilir:

• «KNN» — bank vasitəsilə köçürmə haqq-hesab;
• «GN» — rüsum məbləğinin nağd olaraq gömrük kassasına verilməsi;
• «BZ» — vəkil edilmiş bankın zəmanəti ilə rüsum ödənməsinə möhlət verilməsi;

Belə hallarda Gömrük Yük Bəyannaməsinin «Ödəmə möhləti» başlıqlı 48-ci qrafasında verilən möhlətin son tarixi göstərilir. «GM» — əmlak girovu ilə ödəməyə möhlət verilməsi. Belə hallarda Gömrük Yük Bəyannaməsinin «Ödəmə möhləti» başlıqlı 48-ci qrafasında verilən möhlətin son tarixi göstərilir.

2.7. Gömrük Yük Bəyannaməsinin «hesablamanın təfsilatı» başlıqlı «V» qrafasında ödənilən rüsumun məbləği, ödəmə sənədinin nömrəsi və tarixi göstərilir.

2.8. Gömrük Yük Bəyannaməsinin 16-cı qrafasında malın mənşəyi olan ölkənin tam adı göstərilir.