Bakı şəhəri, 15 iyul 1996-cı il

Azərbaycan Respublikası Nazirlər Kabineti qərara alır:

1. Azərbaycan Respublikası Nazirlər Kabinetinin 1995-ci il 13 fevral tarixli 26 nömrəli qərarı ilə təsdiq edilmiş «Azərbaycan Respublikası dövlət sərhədinin buraxılış-keçid məntəqələrində Sərhədyanı bazarların yaradılması və fəaliyyəti Qaydaları»nın 11-ci bəndinə aşağıdakı abzas əlavə edilsin:

«Bazarın ərazisindən çıxarılan mallar, mövcud qanunvericiliyə və normativ aktlara uyğun olaraq gömrük rüsumlarına və vergilərə cəlb olunur».

2. Dövlət Gömrük Komitəsinə tapşırılsın ki, Sərhədyanı bazarların yaradılması və fəaliyyəti qaydalarının təkmilləşdirilməsi məqsədilə Nazirlər Kabinetinin qərar layihəsini bir ay müddətində hazırlayıb əlaqədar təşkilatlarla razılaşdıraraq təqdim etsin.

Baş nazir

F.QULİYEV.

31 iyul 1998-ci il tarixli 162 saylı Qərara əsasən qüvvədən düşmüşdür.