13 oktyabr 1998-ci il

Azərbaycan Respublikası Gömrük Məcəlləsinin 9-cu maddəsinə, Respublika Nazirlər Kabinetinin 13 dekabr 1996-cı il tarixli 175 saylı, 7 aprel 1998-ci il tarixli 71 saylı, 9 iyun 1998-ci il tarixli 128 saylı, 10 iyul 1998-ci il tarixli 152 saylı və 5 avqust 1998-ci il tarixli 167 saylı qərarlarına müvafiq olaraq əmr edirəm:

Azərbaycan Respublikası Ədliyyə Nazirliyinin 7 yanvar 1998-ci il tarixli 84 ¹-li şəhadətnaməsi ilə dövlət qeydiyyatına alınmış «Azərbaycan Respublikasının ərazisinə idxal olunan aksizli mallara və aksiz tətbiq edilən minik avtomobillərinə aksiz vergisinin hesablanması və ödənilməsi qaydaları haqqında» Təlimatda aşağıdakı məzmunda əlavə və dəyişikliklər edilsin:

• Təlimatın 1.1 yarımbəndində «16 may 1997-ci il tarixli 47 saylı» sözləri «13 dekabr 1996-cı il tarixli 175 saylı, 7 aprel 1998-ci il tarixli 71 saylı, 9 iyun 1998-ci il tarixli 128 saylı, 10 iyul 1998-ci il tarixli 152 saylı və 5 avqust 1998-ci il tarixli 167 saylı» sözləri ilə əvəz edilsin;
• Təlimatın 3.1 yarımbəndində «minik avtomobillərinə» sözündən sonra «(xüsusi təyinatlı keşik-patrul vasitələri istisna olmaqla)» sözləri əlavə edilsin;
• Təlimatın 3.3 yarımbəndində «aksiz mallar» sözü «içməli spirt» sözü ilə əvəz edilsin və mətnə yeni 3.4 yarımbəndi əlavə olunsun:

«3.4. Respublika ərazisinə idxal olunan aksizli malların (3.3 yarımbəndində göstərilən mallar istisna olmaqla) aksiz vergisinin məbləği aşağıdakı qaydada hesablansın:

Təlimatın 2 nömrəli əlavəsi yeni redaksiyada verilsin (əlavə olunur).

2. Tabelikdə olan gömrük orqanlarının rəhbərlərinə tapşırılsın ki, gömrük rəsmiləşdirilməsi zamanı mövcud əlavə və dəyişikliklərin nəzərə alınmasına ciddi riayət edilməsini təmin etsinlər.

3. İşlər idarəsi (R.Həsənəliyev) Respublika Ədliyyə Nazirliyində qeydə alındıqdan sonra əmrin surətinin gömrük orqanlarına çatdırılmasını təmin etsin.

Əmrin icrasına nəzarət Komitənin Maliyyə-Tarif və Valyuta Nəzarəti Baş idarəsinə (F.Məmmədov) həvalə edilsin.

Komitənin Sədri

K.HEYDƏROV.

Əlavə ¹ 2

Neft məhsullarının aksiz dərəcələri

© AzerSoft