Azərbaycan Respublikasının Nazirlər Kabineti

«Azərbaycan Respublikasında ixrac-idxal əməliyyatları üzrə gömrük rüsumlarının dərəcələri haqqında» Azərbaycan Respublikası Nazirlər Kabinetinini 1998-ci il 22 aprel tarixli, 91 nömrəli qərarına əlavələr və dəyişikliklər edilməsi barədə

Qərar № 174

• 1-ci bəndində «0,15 faizi miqdarında (10 ABŞ dallarından az olmayaraq)» sözlərindən sonra vergül durğu işarəsi və «Azərbaycan Respublikasının Dövlət Neft Şirkəti ilə xarici neft şirkətləri arasında hasilatın pay bölgüsü haqqında sazişlərə əsasən Azərbaycan Respublikasının payına düşən mənfəət karbohidrogenlərinin neft kəməri vasitəsilə ixracı üzrə isə hər bir yük gömrük bəyənnaməsi üçün ixrac olunan malın dəyərindən asılı olmayaraq 275 ABŞ dolları miqdarında» sözləri əlavə edilsin.
• 2-ci bəndi aşağıdakı yeni mətndə verilsin:

«2. Azərbaycan Respublikasının gömrük sərhədindən qrant haqqında müqaviləyə (qərara) əsasən qrant kimi alınan maddi yardım, humanitar və texniki yardım məqsədi ilə, habelə Azərbaycan Respublikasının ərazisində yerləşən diplomatik nümayəndəliklərin rəsmi və onların heyət üzvlərinin şəxsi istifadəsi üçün keçirilən mallar və nəqliyyat vasitələri, elektrik enerjisinin qarşılıqlı ötürülməsi üzrə gömrük rəsmiləşdirilməsinə görə gömrük yığımları alınmır».

2. Bu qərar imzalandığı gündən qüvvəyə minir.

Azərbaycan Respublikasının Baş naziri

A. RASİ-ZADƏ.

«Azərbaycan Respublikasının Qanunvericilik Toplusu»nda dərc edilmişdir (30 sentyabr 2000-ci il, № 9,  maddə 700) («AzerSoft»).

12 aprel 2001-ci il tarixli 80 saylı qərara əsasən qüvvədən düşmüşdür («AzerSoft»).

© AzerSoft