Azərbaycan Respublikası Nazirlər Kabineti

1993-cü ildə Azərbaycan Respublikası və MDB-yə daxil olan dövlətlər, Baltikyanı və Gürcüstan respublikaları arasında ticarət-iqtisadi əməkdaşlıq haqqında dövlətlərarası sazişlərin yerinə yetirilməsinin təmin edilməsi ilə əlaqədar gömrük vergi və rüsumlarının tənzimlənməsi tədbirləri haqqında

Qərar № 459

1. Azərbaycan Respublikasında mülkiyyət formasından asılı olmayaraq, xarici iqtisadi əlaqələr iştirakçısı olan müəssisələr, təşkilatlar, assosiasiyalar, birgə müəssisələr, kooperativlər və sair təşkilatlar tərəfindən MDB-yə daxil olan dövlətlərə, Baltikyanı və Gürcüstan respublikalarına ixrac və idxal edilən yüklərin buraxılması, qüvvədə olan normativ sənədlərə əsasən bütün vergi növləri, gömrük-rüsumları və yığımları ödənməklə yalnız respublika gömrük orqanlarına həvalə edilsin.

2. Azərbaycan Dəmir yolu İdarəsinə, «Azərbaycan Hava yolları» və «Azəravtonəqliyyat» dövlət konsernlərinə, Xəzər Dənizi Gəmiçiliyinə tapşırılsın ki, gömrük orqanlarının icazəsi olmadan müəssisələrin yüklərini respublika ərazisindən kənara göndərilmək üçün yükləməyə və respublikaya gətirilən yükləri boşaltmağa qəbul etməsinlər.

© AzerSoft