«Ozon qatını dağıdan maddələr üzrə Monreal Protokolu»nun tərəflərinin qəbul etdiyi «Monreal Protokoluna düzəliş»in təsdiq edilməsi barədə» Azərbaycan Respublikası Qanunundan irəli gələn öhdəliklərin yerinə yetirilməsini tə`min etmək məqsədi ilə qərara alıram:

1. Müəyyən edilsin ki, Monreal Protokoluna qoşulmayan dövlətdən (dövlətə) bu Protokolun E qoşmasına daxil edilmiş maddənin (metil bromid) Azərbaycan Respublikasına idxalı və Azərbaycan Respublikasından ixracı qadağandır.

3. Azərbaycan Respublikası Prezidentinin 1997-ci il 4 oktyabr tarixli 637 nömrəli Fərmanı ilə təsdiq edilmiş «Xüsusi razılıq (lisenziya) tələb olunan fəaliyyət növlərinin və onları verən icra hakimiyyəti orqanlarının Siyahısı»na aşağıdakı məzmunda 80-ci bənd əlavə edilsin:

4. «Ətraf mühitin mühafizəsi haqqında» Azərbaycan Respublikası Qanununun icrasının tə`min edilməsi barədə» Azərbaycan Respublikası Prezidentinin 2000-ci il 30 avqust tarixli 392 nömrəli Fərmanının 3-cü bəndi qüvvədən düşmüş hesab edilsin.

5. Azərbaycan Respublikası Nazirlər Kabineti:

• bu Fərmanın ikinci bəndində göstərilən fəaliyyət növünə xüsusi razılıq (lisenziya) verilməsi qaydalarını və idxalı və ixracı dövlət tərəfindən tənzimlənən ozondağıdıcı maddələrin siyahısını iki ay müddətində hazırlayıb təsdiq etsin;
• bu Fərmandan irəli gələn digər məsələləri həll etsin.

6. Bu Fərman dərc olunduğu gündən qüvvəyə minir.

Azərbaycan Respublikasının Prezidenti

Heydər ƏLİYEV

Bakı şəhəri, 21 dekabr 2001-ci il

№ 608

«Azərbaycan» qəzetində dərc edilmişdir (22 dekabr 2001-ci il, № 292).

«Azərbaycan Respublikasının Qanunvericilik Toplusu»nda dərc edilmişdir (31 dekabr 2001-ci il, № 12, maddə 754) («AzerSoft»).

23 oktyabr 2003-cü il tarixli, 980 nömrəli Fərmana əsasən əlavə və dyişikliklərlə («AzerSoft»).