Azərbaycan Respublikasında ixrac və idxal əməliyyatları üzrə gömrük vergiləri tariflərinin dərəcələri haqqında Qərar в„

Azərbaycan Respublikası Nazirlər Kabineti

Azərbaycan Respublikasında ixrac və idxal əməliyyatları üzrə gömrük vergiləri tariflərinin dərəcələri haqqında

Qərar в„– 401

Bakı şəhəri, 21 iyul 1993-cü il

Azərbaycan Respublikasında ixrac və idxal əməliyyatlarının tənzim edilməsi, keçmiş SSRİ-nin bir sıra respublikalarında yeni gömrük rüsumları tətbiq olunması ilə əlaqədar olaraq, Azərbaycan Respublikası Nazirlər Kabineti qərara alır:

1. Azərbaycan Respublikası Gömrük Komitəsi və Maliyyə Nazirliyinin təqdim etdikləri və əlaqədar təşkilatlarla razılaşdırılmış Azərbaycan Respublikası ərazisindən çıxarılarkən gömrük ixrac vergisinə cəlb olunan malların qruplar üzrə siyahısı və gömrük ixrac vergilərinin dərəcələri, Müvəqqəti gömrük ixrac vergisi haqqında Əsasnamə, Azərbaycan Respublikası ərazisinə gətirilərkən gömrük idxal vergisinə cəlb olunan malların qruplar üzrə siyahısı və gömrük idxal vergisinin dərəcələri, Müvəqqəti gömrük idxal vergisi haqqında Əsasnamə və Gömrük xidmətləri göstərilməsi üçün alınan xərclərin tarifləri və qaydaları haqqında təlimat təsdiq edilsin (əlavə olunur).

2. Müəyyən edilsin ki, bü qərarın birinci maddəsində göstərilmiş Əsasnamələr, vergi dərəcələri və təlimat 1993-cü il avqustun 1-dən etibarən tətbiq edilsin.

3. Müəyyən edilsin ki, aşağıdakılar gömrük vergilərindən azad olunurlar:

İxrac üzrə:

dövlət tapşırığı üzrə ixrac edilən mallar*:

kompensasiya və kooperasiya əsasında göndərilən mallar;
hökumətlərarası sazişlər üzrə qarşılıqlı razılaşmalara müvafiq ixrac edilən mallar, materiallar;
təkrar ixrac əməliyyatları;

İdxal üzrə:

ən zəruri ərzaq və xalq istehlakı malları, dərman və əczaçılıq malları, tibb avadanlığı və məmulatları;
hökumətlərarası sazişlər üzrə alınan mallar, materiallar, texnologiya və avadanlıqlar;
Azərbaycan Respublikası ərazisində yaradılan müştərək və tamamilə xarici investorlara məxsus olan müəssisələrin, beynəlxalq birliklərin və təşkilatların nizamnamə fonduna xarici iştirakçıları tərəfindən pay ödənişi şəklində respublikaya gətirilən yeni texnologiya, avadanlıq, istehsalat tələbatı üçün xammal və materiallar;
müvəqqəti olaraq Azərbaycan Respublikasına gətirilmiş və gətirilmə şərtlərinə görə müəyyən olunmuş müddətdə dəyişiklik edilməmiş halda xaricə aparılası mallar;
müəssisələrin istehsalat tələbatı üçün gətirilən xammal, materiallar, məmulatlar, avadanlıqlar;
humanitar yardım, xeyriyyə məqsədi ilə gətirilmiş mallar, avadanlıqlar;
yalnız xarici valyuta ilə satış əməliyyatına icazəsi olan müəssisə və ticarət mağazaları üçün gətirilmiş mallar;

4. Gömrük ixrac vergiləri malların (iş, xidmətlər) müqavilələrə əsasən satıldığı valyuta ilə ödənilir.

5. Azərbaycan Respublikası hökumətinin keçmiş SSRİ respublikaları və digər ölkələrlə azad ticarət sazişi olduğu təqdirdə ikitərəfli razılığa əsasən malların idxalına və yaxud ixracına gömrük vergisi tətbiq edilmir.

6. Müəyyən edilsin ki, Azərbaycan Respublikasına gətirilmiş aşağıdakı mallar satılarsa, həmin malların satıldığı andan 10 gün müddətində gömrük vergiləri ödənilir:

müştərək müəssisələrin nizamnamə fonduna, onların xarici iştirakçıları tərəfindən pay ödənişi şəklində gətirilmiş avadanlıq, materiallar;

sonradan aparılmaq şərtilə, müvəqqəti Azərbaycan Respublikasına gətirilmiş mallar.

Göstərilən malları satan müəssisələr bu barədə əvvəlcədən gömrük orqanlarına məlumat verir, əks təqdirdə onlar satılmış malın 100 faizi və ikinci dəfə bu hal təkrar edildikdə isə malın qiymətinin 200 faizi həcmində cərimə ödəyirlər.

7. Gömrük vergilərinin Vahid Valyuta fonduna və respublika büdcəsinə tam və vaxtında köçürülməsinə nəzarət Gömrük Komitəsi və Maliyyə Nazirliyinə həvalə edilsin.

Müəyyən edilsin ki, Azərbaycan Respublikası gömrük orqanlarının səlahiyyətli əməkdaşlarının tələbi ilə gömrük vergilərinin ödəyiciləri konkret ixrac-idxal əməliyyatının həyata keçirilməsi ilə bağlı lazım olan sənədləri təqdim etməyə borcludurlar.

8. Azərbaycan SSR Nazirlər Sovetinin 1991-ci il 5 fevral tarixli 127 saylı qərarı qüvvəsini itirmiş hesab edilsin.

Azərbaycan Respublikasının Baş naziri

S.HÜSEYNOV

27 iyun 1994-cü il tarixli 252 nömrəli qərara əsasən qüvvədən düşmüşdür (AzerSoft)

* Nazirlər Kabinetinin müvafiq qərarları ilə tənzimlənir.

Azərbaycan Respublikası Nazirlər Kabinetinin
1993-cü il 21 iyul tarixli 401 saylı qərarına
1 nömrəli Əlavə

Azərbaycan Respublikası ərazisindən çıxarılarkən gömrük ixrac vergisinə cəlb olunan malların qruplar üzrə siyahısı və gömrük ixrac vergilərinin Dərəcələri

2**

3-cü qrup

Xarici iqtisadi fəaliyyətdə malların nomenklatur kodları	Malın adı	İxrac gömrük vergilərinin dərəcələri (1000 kq üçün ekyu ilə və ya gömrük dəyərinə görə %-lə)
Xarici iqtisadi fəaliyyətdə malların nomenklatur kodları	Malın adı
03	balıq və xərçəngkimilər, molyuskalar və başqa suda yaşayan onurğasızlar	10%	20%
	o cümlədən:
030191000	balıq, diri	10%	20%
030211000	balıq, soyudulmuş	10%	20%
030321000	balıq dondurulmuş	10%	20%
030410110	balıq filesi	10%	20%
030420110	balıq filesi, dondurulmuş	10%	20%
030549400	balıq, hisdə qurudulmuş	10%	20%
030192000	ilan balığı, diri	10%	20%
030266000	ilan balığı, soyudulmuş	10%	20%
030376000	ilan balığı, dondurulmuş	10%	20%
030549500	ilan balığı, hisdə qurudulmuş	10%	20%
030190110	qızılala, diri	10%	20%
030212000	qızılala, soyudulmuş	10%	20%
030410130	qızılala filesi, təzə və ya soyudulmuş	10%	20%
030420130	qızılala filesi, dondurulmuş	10%	20%
030530300	qızılala filesi, qurudulmuş, duzlanmış və ya şorabada, lakin hisə verilməmiş	10%	20%
030541000	qızılala, hisdə qurudulmuş toxum vəzisi	10%	20%
0306	xərçəngkimilər	10%	20%
0307	molyuskalar	10%	20%
5-ci qrup
05	heyvan mənşəli və başqa yerdə adı çəkilməyən məhsullar	15%	22,5%
	bunlardan:
050400000	heyvanların bağırsaqları, kisələri və qarınları, bütöv və tikələr halında	20%	40%
051000000	ənbər, qunduz şırnağı, qabar böcəyi, şrot, civetta və muskus öd, o cümlədən quru; vəzilər və heyvan mənşəli başqa məhsullar, əczaçılıq məhsulları istehsalında işlədilən, təzə, soyudulmuş, dondurulmuş və ya qısa müddət saxlamaq üçün başqa yolla emal edilmiş	100%	150%
8-ci qrup
08	yeməli meyvə, qoz, fındıq və bənzərləri; sitrus və bostan məhsullarının qabıqları	25%	50%
0802	digər qozlar, təzə və ya quru, təmizlənmiş və təmizlənməmiş, qabıqlı və ya qabıqsız, meşə qozu (fındıq)	25%	50%
0805	sitrus meyvələri, təzə və ya qurudulmuş	25%	50%
9-cu qrup
09	çay və ədviyyat	20%	40%
12-ci qrup
12	yağlı toxum və meyvələr, başqa toxum, meyvə və dən; dərman bitkiləri və texniki məqsədlər üçün bitkilər; küləş (saman) və yem	25%	50%
15-ci qrup
15	heyvan və ya bitki mənşəli şeylər və yağlar; heyvan və bitki mənşəli mumlar	25%	50%
	o cümlədən
1512	günəbaxan, saflar və ya pambıq yağları və onların fraksiyaları, təmizlənmiş və ya təmizlənməmiş, lakin kimyəvi tərkibi dəyişdirilməmiş	20%	40%
16-cı qrup
16	balıq və ya xərçəngkimilər, molyuskalar və ya suda yaşayan başqa onurğasızlardan hazırlanmış məmulat	15%	22,5%
	o cümlədən
1604	hazır balıq məhsulları və ya konservləri;	50%	100%
160430100	nərə balığının kürüsü (qara kürü)	70%	105%
22-ci qrup
22 (2204; 2205; 220820 220890790 mal mövqelərindən başqa)	spirtli və spirtsiz içkilər və sirkə	15%	22,5%
	o cümlədən
220710000	tərkibində 80%-dən az spirt olmayan denaturallaşdırılmamış (xammal) etil spirti	80%	100%
220810	içki hazırlanmasında istifadə olunan qarışıq spirtli yarımfabrikatlar	30%	60%
23-cü qrup
23	tamlı məhsullar sənayesi artıqları və tullantıları, heyvanlar üçün hazır yem	40%	80%
24-cü qrup
24	tütün və tütün sənayesi məhsulları	50%	100%
25-ci qrup
250100	duz (yemək duzu və denaturatlaşdırılmış da daxil olmaqla) və suda əridilmiş və ya əridilməmiş təmiz natrium xloridi	3 ekyu	4,5 ekyu
2516	qranit, porfir, bazalt, qum daşı və abidə və ya inşaatda işlədilən başqa daşlar, qaba xırdalanmış və ya xırdalanmamış, mişarlanmış və ya mişarlanmamış və ya başqa üsulla bloklar və ya düzbucaqlı (kvadrat da daxil olmaqla) lövhələr halında düzəldilmiş;	14 ekyu	21 ekyu
2517	çınqıl, xırda çay daşı, qırma daş	1,2 ekyu	1,69 ekyu
2518	dolomitkalsiumlaşdırılmış və ya kalsiumlaşdırılmamış donomit qaba xırdalanmış və ya mişarlanmış və ya başqa üsulla bloklar və ya düzbucaqlı (kvadrat da daxil olmaqla) lövhələr halında düzəldilmiş; aqlomeratlanmış (qudronlanmış da daxil olmaqla) dolomit	2 ekyu	3 ekyu
2519	təbii maqnezium karbonatı (maqnezit); əridilmiş maqnezium-oksidi; aqlomerasiyadan əvvəl tərkibində az miqdarda başqa oksidlər olan və ya olmayan yandırılmış maqnezium-oksidi; aşqarlı və ya aşqarsız başqa maqnezium oksidləri	30 ekyu	45 ekyu
2523	portlansement, giltorpaq sementi, şlak (pasa) sementi, superfosfat sementi və oxşar hidravlik sementlər boyanmış və ya boyanmamış, hazır və ya klinker şəklində	3 ekyu	3,9 ekyu
26-cı qrup
2604	filizlər və konsentratlar dəmir filizi, yanmış dəmir kolçedanı daxil olmaqla	2 ekyu	2,6 ekyu
27-ci qrup
	antrasit
270111100	tərkibində kütləsinin 10%-qədər uçucu maddələr olan antrasit quru məhsulla hesablandıqda mineral maddələrsiz	1 ekyu	1,5 ekyu
270111900	digər antrasitlər	2 ekyu	3 ekyu
2707	yağlar və daş kömür qətranının yüksək temperaturla distillə edilməsinin başqa məhsulları	60 ekyu	90 ekyu
	o cümlədən
270710	benzol	80 ekyu	120 ekyu
270720	toluol	80 ekyu	120 ekyu
270730	ksilol	65 ekyu	102,5 ekyu
270750990	digərləri	23 ekyu	34,5 ekyu
270760	fenol	100 ekyu	150 ekyu
270760100	krezollar	15 ekyu	22,5 ekyu
270900	xam neft	30 ekyu	45 ekyu
	xüsusi benzinlər;
271000210	uayt-spirt	40 ekyu	60 ekyu
271000250	digərləri	40 ekyu	60 ekyu
	benzinlər, mühərrik üçün;
271000310	aviasiya benzinləri	40 ekyu	60 ekyu
271000330	tərkibində 0,013 qr/l-dən çox qurğuşun olmayan mühərrik benzinləri	40 ekyu	60 ekyu
271000350	tərkibində 0,013 qr/l-dən çox qurğuşun olan digər mühərrik benzinləri	40 ekyu	60 ekyu
271000390	digər yüngül fraksiyalar	40 ekyu	60 ekyu
271000410	spesifik emal prosesi üçün orta distillatlar	30 ekyu	45 ekyu
271000450	kimyəvi döndərmələr üçün orta distillatlar	30 ekyu	45 ekyu
271000510	reaktiv yanacaq	40 ekyu	60 ekyu
271000550	qeyri-kerosin	40 ekyu	60 ekyu
271000610	qazoyllar (dizel yanacağı) spesifik emal prosesləri üçün	30 ekyu	45 ekyu
271000650	qazoyllar (dizel yanacağı) kimyavi döndərmə proseslərində (271000610 alt mövqeyində göstərilməyənlər)	30 ekyu	45 ekyu
271000890	qazoyllar (dizel yanacağı) başqa məqsədlər üçün	30 ekyu	45 ekyu
271000710	maye yanacaq (mazut), spesifik emal prosesləri üçün	15 ekyu	22,5 ekyu
271000750	maye yanacaq (mazut), 271000710 subpozisiyasında göstərilməyən kimyavi döndərmə prosesləri üçün	10 ekyu	22,5 ekyu
271000790	maye yanacaq (mazut), başqa məqsədlər üçün	15 ekyu	22,5 ekyu
2711	neft qazları və başqa qaz halında olan karbohidrogenlər	18 ekyu	27 ekyu
2712	neft vazelini (petrolatui); parafin, neft mumu-mikrokristallik, parafin qazı, azokerit, liqnit (boz kömür) mumu, torf mumu, başqa mineral mumlar və sintez və ya başqa proseslər nəticəsində alınan oxşar məhsullar, boyanmış və ya boyanmamış	30 ekyu	45 ekyu
2713	neft bitumu və başqa qalıqlar, neft emalı nəticəsində əldə edilən və bitumlu süxurlardan alınan məhsullar	15 ekyu	22,5 ekyu
29-cu qrup
290122000	propilen	70%	105%
290220	benzol	80 ekyu	120 ekyu
200230	toluol	80 ekyu	120 ekyu
290241000 290243000	ksilollar	65 ekyu	97,5 ekyu
30-cu qrup
30	əczaçılıq məhsulları	10%	20%
3005	cuna, bint və oxşar məmulatlar	30%	60%
	ilan zəhəri	60%	80%
31-ci qrup
31
3102 (31022000-dən başqa)	azot gübrələri	10 ekyu	15 ekyu
34-cü qrup
3403	sürtkü materialları	23 ekyu	34,5 ekyu
40-cı qrup
40	kauçuk və rezin məmulatları	3%	4,5%
4001	təbii kauçuk, balata, quttaperça, qvayuta, çikl və oxşar təbii qatranlar ilkin şəklində və ya lövhə təbəqə və ya lent şəklində	300 ekyu	450 ekyu
400400000	kauçuk tullantıları, kəsikləri və skrap (sərt kauçuk və bərk rezindən başqa), bunların tozu və dənəvərləri	40 ekyu	52 ekyu
4005	dolmuş, vulkanizasiya edilməmiş kauçuk, ilkin şəklində və ya lövhə, təbəqə və ya lent şəklikdə	120 ekyu	180 ekyu
41-ci qrup
4101	qaramal dəriləri və ya atkimilər ailəsindən olan heyvanların dəriləri (təzə və ya duzlanmış, qurudulmuş, küllənmiş, sıyırğa ilə işlənmiş və ya başqa üsulla konservləşdirilmiş, lakin aşılanmış perqament kimi işlənməmiş və sonra emal edilməmiş) tüklü və ya tüksüz, suvandlanmış və ya suvandlanmamış	1530 ekyu	3195 ekyu
4102	qoyun və ya quzu dəriləri (təzə, duzlanmış, qurudulmuş, küllənmiş, sıyırğa ilə işlənmiş və ya başqa üsulla konservləşdirilmiş, lakin aşılanmamış perqament kimi işlənməmiş və sonradan emal edilməmiş), yunlu və ya yunsuz, suvandlanmış və ya suvandlanmamış, bu qrupa aid i (v) qeydində göstərilənlərdən başqa	1500 ekyu	3000 ekyu
4103	digər xam dəri növləri (təzə, duzlanmış, qurudulmuş, küllənmiş, sıyırğa ilə işlənmiş və ya başqa üsulla konservləşdirilmiş, lakin aşılanmış perqament kimi işlənməmiş və sonradan emal edilməmiş) tüklü və ya tüksüz, suvandlanmış və ya suvandlanmamış, bu qrupa aid i (b) və ya i (v) qeydi ilə çıxarılan növlərdən başqa	1000 ekyu	2000 ekyu
4104	4108 və ya mal pozisiyalarında təsnif edilən dərilərdən başqa qaramal gönləri və ya atkimilər ailəsindən olan heyvanların gönlərindən emal edilən dərilər (meşinlər)	1250 ekyu	1500 ekyu
4105	4108 və 4109 mal pozisiyalarında təsnif edilən dərilərdən başqa yundan təmizlənmiş və emal edilmiş qoyun və quzu dəriləri	1240 ekyu	2350 ekyu
4106	4108 və 4109 mal pozisiyalarında təsnif edilən dərilərdən başqa tükü təmizlənmiş və emal edilmiş keçi və ya çəpiş dəriləri	1240 ekyu	2360 ekyu
4107	4108 və 4109 mal pozisiyalarında təsnif edilən tükdən təmizlənmiş və emal edilmiş başqa heyvan dəriləri	1240 ekyu	2360 ekyu
4108 410900000	zamşa (o cümlədən formaldehidyağlı aşılanmış) lak dəri, təbii və təbii dərinin lak dəri bənzətməsi; metallaşdırılmış dəri	1500 ekyu	2750 ekyu
411000000	təbii və süni dəri kəsikləri və tullantıları dəri məmulatı istehsalı üçün yaramayan dəri tozu, pudrası və unu	20 ekyu	30 ekyu
411100000	süni dəri, təbii dəri və ya plastina, vərəq və ya lent halındakı dəri lifləri əsasında rulon və ya qeyri-rulon halında	400 ekyu	800 ekyu
50-ci qrup
50	barama	15%	22,5%
500200000	xam ipək (burulmamış)	160 ekyu	240 ekyu
5003	ipək tullantıları	200 ekyu	300 ekyu
500400	ipək ipliyi (ipək tullantıları ipliyindən başqa), pərəkəndə satış üçün kələflənməmiş	1000 ekyu	1500 ekyu
500500	ipək tullantıları ipliyi, pərəkəndə satış üçün kələflənmiş	1000 ekyu	1500 ekyu
500600	ipək ipliyi və ipək tullantıları ipliyi, pərakəndə satış üçün kələflənmiş; ketqut	1000 ekyu	1500 ekyu
51-ci qrup
5101	yun, karda və ya daraqdan keçirilməmiş	220 ekyu	330 ekyu
5102	heyvanların incə və ya qaba tükü, karda və ya daraqdan keçirilməmiş	1690 ekyu	2535 ekyu
5103	yun tullantıları, heyvanların incə və ya qaba tükündən, əyirmə tullantıları daxil olmaqla, lakin bərpa edilmiş yundan başqa	208 ekyu	312 ekyu
510400000	yun bərpa edilmiş və heyvanların bərpa edilmiş incə və ya qaba tükü	260 ekyu	390 ekyu
5105	yun və ya heyvanların incə və ya qaba tükü, karda və daraqdan keçirilmiş	598 ekyu	897 ekyu
5106	yun apparat ipliyi, pərakəndə satış üçün kələflənmiş	598 ekyu	897 ekyu
5107	daraqlanmış yun ipliyi, pərakəndə satış üçün kələflənmiş	2080 ekyu	3120 ekyu
5108	heyvanların incə tükündən hazırlanmış apparat və ya daraq ipliyi, pərakəndə satış üçün kələflənmiş	2080 ekyu	3121 ekyu
52-ci qrup
5201	pambıq lifi, daranmamış	150 ekyu	300 ekyu
5202	pambıq tullantıları	15,6 ekyu	23,4 ekyu
520300000	pambıq lifi, daranmış	650 ekyu	975 ekyu
5204	pambıq saplar, tikiş üçün	1040 ekyu	1560 ekyu
5205	pambıq ipliyi (tikiş saplarından başqa), tərkibində 85%-dən çox pambıq olan pərakəndə satış üçün hazırlanmamış	416 ekyu	624 ekyu
5206	pambıq ipliyi (tikiş saplarından başqa), tərkibində 85%-dən az pambıq olan, pərakəndə satış üçün hazırlanmamış	208 ekyu	312 ekyu
72-ci qrup
7204	qara, metalların qırıntıları və tullantıları əritmək üçün qara metalların külçələri (xəlitə külçələri)	30 ekyu	45 ekyu
7205	qara metalların dənəvərləri və tozu	16 ekyu	24 ekyu
73-cü qrup
7301	zivanalı dirəklər, qara metallardan	40 ekyu	60 ekyu
730300	borular və borucuqlar içiboş profillə, tökmə çuqundan	50 ekyu	75 ekyu
7304	borular və borucuqlar, içiboş profillər, tikişsiz, qara metallardan (tökmə çuqundan başqa)	50 ekyu	75 ekyu
7305	digər borular və borucuqlar	50 ekyu	75 ekyu
7306	digər borular və borucuqlar, içiboş profillər	40 ekyu	60 ekyu
7307	boru və borucuqlar üçün fitinqlər	50 ekyu	75 ekyu
74-cü qrup
74	mis və mis məmulatı	400 ekyu	600 ekyu
7401	şteyn misdən, sementasiya misi (çökdürülmüş mis)	400 ekyu	600 ekyu
7404	mis tullantıları və qırıntıları	500 ekyu	750 ekyu
7410	folqa (zərvərəq), misdən (basmanaxışlı və ya basmanaxışsız, kağız, karton, plastik kütlə və ya oxşar materiallardan özülü olan və ya olmayan), özülsüz qalınlığı 0,15 mm qədər	250 ekyu	375 ekyu
76-cı qrup
76	alüminium və alüminium məmulatı	130 ekyu	205 ekyu
	o cümlədən
7602	alüminium tullantıları və qırıntıları	300 ekyu	450 ekyu
82-ci qrup
82	adi metallardan alət, bıçaq məmulatı, qaşıqlar, çəngəllər; adi metallardan bunların hissələri	5%	7,5%

Qeyd:

1. Mallar üçün alınacaq gömrük ixrac vergisinin dərəcələri, yalnız malların xarici iqtisadi fəaliyyətdəki nomenklatur kodları ilə müəyyən edilir. Malların qısaldılmış adları rahat istifadə edilmək üçün göstərilmişdir.

2. Təbii qaz və qaz halındakı başqa məhsulların ixracatından alınacaq vergilərin dərəcələrini müəyyənləşdirib tətbiq etmək üçün, ixrac edilən malın həcminin hesablanması 1150 kub. m. Qazın 1000 kq-a bərabər olduğu hesabı ilə aparılır.

İşlər müdiri

M.ABASOV

* ticarət sazişlərinə əsasən ixrac edilən (valyutaya satılan) mallara

** barter (mal mübadiləsi) müqavilələrinə əsasən ixrac edilən mallara

Azərbaycan Respublikası Nazirlər Kabinetinin
1993-cü il 21 iyul tarixli 401 saylı qərarına
2 nömrəli Əlavə

Müvəqqəti gömrük ixrac vergisi haqqında

Əsasnamə

1. Ümumi müddəalar

1.1 Azərbaycan Respublikasında Gömrük Vergiləri haqqında Qanun qəbul olunana qədər gömrük ixrac vergiləri ilə əlaqədar məsələlər bu Əsasnamə ilə tənzimlənəcəkdir.

1.2. Mülkiyyət formasından, tabeliyindən və qeydiyyata alındığı yerdən asılı olmayaraq, bütün hüquqi şəxslər, hüquqi şəxs statusu olmayan birliklər, fərdi (ailəvi) müəssisələr, hüquqi şəxs yaratmadan sahibkarlıq fəaliyyəti göstərən şəxslər Azərbaycan Respublikası ərazisindən çıxarılan mallar üzrə bu Əsasnaməyə uyğun şəkildə gömrük ixrac vergisi ödəyirlər.

1.3. Azərbaycan Respublikası ərazisindən çıxarılan mallardan onların gömrük dəyərinə gömrük ixrac vergisi dərəcələrinə uyğun faiz nisbətində və çəki (həcm) vahidinə görə ekyu tarifi ilə gömrük ixrac vergisi tutulur.

1.4. Gömrük ixrac vergiləri bü Əsasnaməyə görə müxtəlif dərəcələrlə tutulur:

ticarət sazişlərinə əsasən ixrac edilən mallara gömrük ixrac vergisinin birinci sütunda göstərilmiş dərəcələri tətbiq edilir;

barter (mal mübadiləsi) müqavilələrinə əsasən ixrac edilən mallara gömrük ixrac vergisinin ikinci sütunda göstərilən dərəcələri tətbiq edilir.

1.5. Gömrük ixrac vergiləri malların (iş, xidmətlərin) müqavilələrə əsasən satıldığı valyuta ilə ödənilir. Barter əməliyyatlarında valyuta ilə ödəniş hissəsi olmadıqda respublika milli valyutası manatla ödənilir. Xarici valyutanın respublika milli pul vahidinə nisbəti gömrük yük bəyannaməsinin gömrük əməliyyatı üçün qəbul edildiyi tarixə Azərbaycan Respublikası Milli Bankının təyin etdiyi məzənnəyə görə müəyyənləşdirilir.

1.6. Gömrük ixrac vergisi ödənməmiş və ya ödəmə üçün möhlət verilməmiş mallar gömrük məntəqələrindən buraxılmır.

2. Gömrük ixrac vergisi hesablanarkən gömrük yük bəyannaməsinin doldurulması qaydası

2.1. Ödənməli olan gömrük ixrac vergisinin məbləği gömrük yük bəyannaməsinin 47-ci qrafasında və bəyannaməyə əlavə edilən vərəqlərdə aşağıdakı şəkildə göstərilir:

2.1.1. 47-ci qrafanın növ başlıqlı birinci sütununda gömrük ixrac vergisinin ödəmə şifri göstərilir:

manatla ödəndikdə 25;

sərbəst dönərli valyuta ilə ödəndikdə 26.

2.1.2. Qrafanın hesablanma üçün əsas başlıqlı 2-ci sütununda aşağıdakılar göstərilir:

malın çəki (həcm) vahidinə görə ekyu tarifi ilə vergi (malın qabsız (netto) çəkisi gömrük yük bəyannaməsinin 38-ci qrafasında göstərilir);
manatla ödəndikdə 12-ci qrafada göstərilən və bəyannamə gömrük əməliyyatı üçün qəbul edildiyi gündə Azərbaycan Respublikası Milli Bankının müəyyən etdiyi məzənnə ilə (gömrük yük bəyannaməsinin 23-cü qrafası valyuta məzənnəsi).

2.1.3. Qrafanın tarif başlıqlı üçüncü sütununda gömrük ixrac vergisi alınacaq malların siyahısına və gömrük ixrac vergisinin dərəcələrinə uyğun olaraq vergi dərəcələri göstərilir.

2.1.4. Qrafanın məbləğ başlıqlı 4-cü sütununda gömrük yük bəyannaməsinin 47 və 23-cü qrafalarının 2-ci və 3-cü sütünlarındakı rəqəmlərin hasilindən alınan məbləğ göstərilir.

2.1.5. Qrafanın ödəmə qaydası başlıqlı 5-ci sütununda ödəmənin üsulu göstərilir:

NHH bank vasitəsilə nağdsız haqq-hesab;

GG vergi məbləğinin nağd olaraq gömrük kassasına verilməsi;
BT vəkil edilmiş bankın təminatı (zəmanəti) ilə vergi ödənməsinə möhlət verilməsi.

2.1.6. Gömrük yük bəyannaməsinin hesablamanın təfsilatı başlıqlı V qrafasında ödənilən vergi məbləği, ödəmə sənədinin nömrəsi və tarixi göstərilir.

2.2. Qrafa 20 Göndərmə şərtləri təsnifatı

2.2.1. Göndərmə şərtləri təsnifatı qrafasının 1-ci bölməsinə uyğun olaraq göndərmə şərtlərinin rəqəmlə şifri göstərilir.

2.2.2. Qrafanın 2-ci bölməsində göndərmə şərtlərinin qısa adları və müvafiq olaraq gün, ay və ili göstərilməklə kontrakt (müqavilə) şərtlərinə uyğun olaraq valyuta qazancının daxil olacağı müddət göstərilir.

Valyuta qazancının daxil olmasını dəqiq göstərmək mümkün olmadıqda günü bildirən ilk qoşa rəqəmin yerinə, mütləq ay və ili göstərmək şərtilə 00 yazılır.

2.2.3. Qrafanın 3-cü bölməsində xarici tərəf-müqabillə hesablaşma üsulunun kodu göstərilir:

1 akkreditiv;
2 inkasso;
3 köçürmə;
hesablaşmada qarışıq (mürəkkəb) qaydalardan istifadə edildikdə, qrafada tam üstünlük təşkil edən qayda göstərilir.

2.2.4. Əməliyyatlar barter (mal dəyişmə) yolu ilə və ya milli valyuta ilə həyata keçirildikdə 2-ci və 3-cü bölmələr doldurulmur.

2.3. Qrafa 28 Maliyyə və bank məlumatları başlıqlı qrafada hesab açıldığı barədə vəkil bankın təsdiq etdiyi məlumatlara uyğun olaraq ixracat sazişi üzrə hesablaşmaları aparan bankın rekvizitləri (hər rekviziti ayrıca və təzə sətirdən sıra nömrəsi yazılmaqla) və ixracatçının hesab nömrəsi göstərilir:

1 müəssisə və təşkilatların ümumi təsnifatına uyğun olaraq bankın MTÜT kodu;
2 bankın tam adı;
3 bankın ünvanı, telefon, teleks və ya telefaks nömrəsi;
4 ixracatçının cari valyuta hesabının nömrəsi (kontrakt manatla bağlanmışsa, cari manat hesabının nömrəsi göstərilir).

Əməliyyat barter üsulu ilə aparıldıqda qrafa doldurulmur.

3. Gömrük ixrac vergisinin ödənməsi qaydası

3.1. Barter əməliyyatları üzrə gömrük ixrac vergiləri gömrük yük bəyannaməsi gömrük əməliyyatı üçün qəbul edilənə qədər və yaxud edildiyi anda ödənməlidir. Digər hallarda isə 1.6. bənddə göstərilən qayda üzrə ödənilir.

3.2. 9-cu qrafada göstərilən Şəxs gömrük ixrac vergisinin ödənildiyini təsdiq etmək üçün doldurulan bəyannaməyə, üzərində verginin ödənildiyi haqda bankın qeydi olan ödəmə tapşırığının bir nüsxəsini və yaxud zəmanətini əlavə etməlidir.

3.3. Gömrük orqanları Azərbaycan Respublikası ərazisindən mal ixrac edən müəssisə və təşkilatlara vəkil edilmiş bankın zəmanət öhdəliyi təqdim edildiyi təqdirdə, gömrük yük bəyannaməsi gömrük əməliyyatı üçün qəbul edildiyi gündən etibarən (ödəmə tarixi də daxil olmaqla) gömrük ixrac vergisini ödəmək üçün 60 günə qədər möhlət verə bilər.

3.4. Manatla ödənən gömrük ixrac vergisi məbləği gömrükxananın depozit hesabına keçirilir. Gömrükxana, depozit hesabına pul daxil olub-olmadığını bank çıxarışları ilə yoxlayır. Gömrükxananın depozit hesabına vəsait daxil olmadıqda, gömrük orqanları ödəmə tapşırığı verildiyi tarixdən etibarən 2 ay ərzində vəsaitin alınması üçün bu təlimatın 4.2. bəndində nəzərdə tutulan tədbirləri görür. Depozit hesaba daxil olan gömrük ixrac vergisi məbləğləri ayda 3 dəfədən az olmamaq şərtilə Azərbaycan Respublikasının Dövlət büdcəsinin gəlir hissəsinin 8-ci bölməsinin 12-ci paraqrafına gömrük rüsumları hesabına keçirilir.

3.5. Sərbəst dönərli valyuta ilə ödənilən gömrük ixrac vergisi məbləğləri respublikanın Vahid Valyuta Fondunun Azərbaycan Respublikasının Milli Bankındakı hesabına keçirilir.

3.6. Gömrük ixrac vergisinin düzgün hesablanmasına və respublika büdcəsinə və ya respublika Vahid Valyuta Fonduna vaxtında keçirilməsinə gömrük orqanları nəzarət edir.

4. Ödəyicilərin məsuliyyəti

4.1. Ödəyicilər hesablamaların düzgünlüyünə, gömrük ixrac vergisinin vaxtında ödənilməsinə görə məsuliyyət daşıyırlar

4.2. Gömrük yük bəyannaməsində göstərilən məlumatlar ixrac vergisinin ödənməməsinə və ya məbləğinin azalmasına (malın kodunun düzgün olmaması, ixrac edilən malın miqdarının, onun dəyərinin və ya vergi dərəcəsinin azaldılması) səbəb olduqda, gömrük orqanı bəyannamə verəndən, vergidən gizlədilən əşyanın gömrük ixrac vergisinin tam məbləğini şərtsiz alır və büdcəyə və ya vahid valyuta fonduna mədaxil edir.

4.3. Yük bəyannaməsində əşyanın öz adı ilə deyil, başqa adla (malın kodunun bilərəkdən düzgün göstərilməməsi) sərhəddən keçirilməsi niyyəti olarsa, yanlış bəyannamə verən şəxsə bu əşyanın dəyərinin 100%-dək cərimə hesablanır, əşya isə müsadirə edilir.

4.4. Müəyyən edilmiş müddətdə gömrük ixrac vergisinin ödənilməməsinə, onların kəsirlə ödənilməsinə və digər maliyyə pozğunluqlarına yol vermiş məsul şəxslər, ödənilməmiş gömrük ixrac vergi məbləğinin 100%-dən 300%-nə qədər cərimə olunurlar.

4.5. Gömrük orqanı verilən möhlət ərzində vergiləri ödəməyən şəxslərdən bütün vergi məbləğini şərtsiz şəkildə alır və büdcəyə mədaxil edir. Gömrük orqanı ödəyicinin öhdəliyini və vəkil bankın zəmanət məktubunu, penya da daxil olmaqla, yaranmış borcu zəmanət vermiş vəkil bankdan almaq üçün Azərbaycan Respublikası Milli Bankına verə bilər. Gələcəkdə mal ixrac etmək istəyən belə şəxslərə möhlət verilmir.

4.6. Bu təlimata uyğun olaraq alınan cərimələr Azərbaycan Respublikasının dövlət büdcəsinin gəlir hissəsinin 12-ci bölməsinin 2-ci paraqrafına cərimə və sanksiyalar üzrə mədaxillər hesabına keçirilir.

4.7. Hüquqi şəxslər gömrük ixrac vergisi üzrə borclarını vaxtında ödəmədikdə gömrük orqanları bu şəxslərin xarici iqtisadi əməliyyatlarının dayandırılması üçün müvafiq orqanlar qarşısında məsələ qaldırır və Azərbaycan Respublikasının müvafiq qanunlarında nəzərdə tutulan digər inzibati tədbirləri görməklə ixrac vergisi üzrə ödənməli olan vəsaiti tamamilə büdcəyə mədaxil edir.

İşlər müdiri

M.ABBASOV

Azərbaycan Respublikası Nazirlər Kabinetinin
1993-cü il 21 iyul tarixli 401 saylı qərarına
3 nömrəli Əlavə

Azərbaycan Respublikası ərazisinə gətirilərkən gömrük idxal vergisinə cəlb olunan malların qruplar üzrə siyahısı və gömrük idxal vergisinin Dərəcələri

Xarici iqtisadi fəaliyyətdə malların nomenklatur kodları		Vergi dərəcəsi (faizlə)
Xarici iqtisadi fəaliyyətdə malların nomenklatur kodları		1	2	3
Qrup 1	diri heyvanlar	0	0	10
Qrup 2	ət və yeyilən ət məhsulları	0	0	10
Qrup 3 (030110; 0306; 0307, 030375 mövqelərindən başqa)	balıq və xərçəngkimilər, molyuskalar və başqa suda yaşayan onurğasızlar	0	0	10
Qrup 4	süd və süd məhsulları, ev quşları yumurtası, təbii bal, heyvan mənşəli yeyinti məhsulları (başqa yerdə göstərilməyən)	0	0	10
Qrup 5	başqa yerdə adı çəkilməyən heyvan mənşəli məhsullar	0	0	10
Qrup 6	canlı ağac və başqa bitkilər; bitkilərin soğanaqları, kökləri və bu qəbildən başqa hissələri; kəsilmiş gül və bəzək bitkiləri	3	6	15
Qrup 7	tərəvəz və bəzi yeməli meyvə-köklülər və kök yumrusu	3	6	15
Qrup 8	yeməli meyvə, qoz-fındıq və bu qəbildən olan sitrus və bostan məhsullarının qabıqları	10	20	30
Qrup 9	qəhvə, çay, mate (paraqvay çayı) və ədviyyat	0	0	15
Qrup 10	taxıl	0	0	10
Qrup 11	un və yarma sənayesi məhsulları	0	0	10
Qrup 12	yağlı bitki toxumu və meyvəsi	0	3	20
Qrup 13	şellak; kitrələr, vətranlar və başqa bitki şirələri və cövhərləri	2	4	10
Qrup 14	hörmə məmulatı hazırlamaq üçün bitki materialları; başqa yerdə adı çəkilməyən bitki mənşəli digər məhsullar	5	10	20
Qrup 15	heyvan və ya bitki mənşəli piy və yağlar	0	0	10
Qrup 16	ət, balıq və ya xərçəngkimilər, molyuskalar və ya suda yaşayan başqa onurğasızlardan hazırlanmış məmulat	3	6	15
Qrup 17	qənd və qənnadı məmulatı	0	0	10
Qrup 18	kakao və ondan hazırlanmış məhsullar	0	0	10
Qrup 19	taxıl, un, nişasta və süddən hazırlanmış məhsullar; unlu qənnadı məmulatı	3	6	10
Qrup 20	tərəvəz meyvə, qoz-fındıq və ya bitkilərin başqa hissələrindən hazırlanmış məhsullar	10	20	30
Qrup 21	müxtəlif yeyinti məhsulları	0	5	30
Qrup 22	spirtli və spirtsiz içkilər və sirkə	10	20	30
220300	səməni (maya) pivəsi	25	50	60
220410	köpüklənən şərablar	30	60	100
220421 220429	tündləşdirilənlər də daxil olmaqla təbii üzüm şərabları	30	60	100
2205	vermutlar və başqa təbii üzüm şərabları, bitki və ya aromatik cövhər qarışdırılmış	30	60	100
220710000	tərkibində 80%-dən az spirt olmayan denaturallaşdırılmamış (xammal) etil spirti	5	10	40
220810	içki hazırlanmasında istifadə olunan qarışıq spirtli yarımfabrikatlar	15	30	50
220820 220890	tündlüyü 80%-dən az olan denaturallaşdırılmamış etil spirti, tünd spirtli içkilər, likörlər və başqa spirtli içkilər	50	100	100
Qrup 23	tamlı məhsullar sənayesi, qalıqları və tullantıları; heyvanlar üçün hazır yem	2	4	20
Qrup 24	tütün və tütünün sənaye əvəzedicisi məhsulları	25	50	100
Qrup 25	duz, kükürd, torpaq və daş, mala (suvaq) materialları, əhəng və sement	10	20	30
Qrup 26	filizlər, şlaklar və küllər	5	10	30
Qrup 27	mineral yanacaq, neft və bunların emalının məhsulları, bituminoz maddələr; mineral mum	0	0	30
Qrup 28	qeyri-üzvi kimya məhsulları, qiymətli və nadir materialların, radioaktiv element və ya izotopların qeyri-üzvi birləşmələri	0	0	30
Qrup 29	üzvi kimya birləşmələri	5	10	30
Qrup 30	əczaçılıq malları	0	0	20
Qrup 31	gübrələr	0	0	20
Qrup 32	aşılayıcı və boyayıcı cövhərlər, taninlər və onlardan törəmələr, boyaq maddələr, rəng və laklar, müxtəlif mastikalar, mürəkkəb (mətbəə rəngi)	0	0	20
Qrup 33	efir yağları və rezinoidlər, ətriyyat, kosmetika və tualet malları	10	20	40
Qrup 34	sabun, səthi aktiv üzvi maddələr, yuyucu maddələr, sürtkü materialları, süni hazır mumlar, təmizləmə və pardaxlama maddələri, şam və bənzəri məmulat, yapma pastaları, plastilin, diş həkimi mumu və diş həkimliyi üçün əsası gips olan bərləşmələr	15	30	50
Qrup 35	zülali maddələr, nişastalar, yapışqanlar, mayalar (fermentlər)	0	0	30
Qrup 36	partlayıcı maddələr, pirotexnik məmulat, kibrit, pirofer xəlitələr, bəzi alışqan maddələr	5	10	40
360500000	kibrit	0	0	20
Qrup 37	foto və kino malları	0	0	30
Qrup 38	başqa kimyavi məhsullar	10	20	40
Qrup 39	plastik kütlələr və onlardan hazırlanmış məmulat	10	20	40
Qrup 40	kauçuk və rezin məmulatı	2	5	20
Qrup 41	xam dəri (xəzdən başqa) və aşılanmış dəri	0	0	20
Qrup 42	dəri məmulatı, sərraclıq malları və qoşqu ləvazimatı, yol ləvazimatı, qadın çantaları və buna bənzər mallar, heyvan bağırsaqlarından hazırlanmış məmulat (təbii ipəkdən hazırlanmış ketqutdan başqa)	15	30	50
Qrup 43	təbii və süni xəz və onlardan hazırlanmış məmulat	30	60	80
Qrup 44	oduncaq və oduncaq məmulatı, ağac kömürü	2	5	10
Qrup 45	montar və ondan hazırlanmış məmulat	10	20	40
Qrup 46	saman, alfa və başqa hörmə materiallarından düzəldilmiş məmulat, səbətçilik məmulatı və başqa hörmə məmulat	20	40	50
Qrup 47	oduncaqdan və ya bitki mənşəli başqa lifli materiallardan kağız kütləsi, kağız və karton tullantıları və makulatura	2	5	10
Qrup 48	kağız və karton, kağız kütləsi, kağız və kartondan düzəldilmiş məmulat	0	0	10
Qrup 49	nəşr olunmuş kitab, qəzet, reproduksiya və poliqrafiya sənayesinin başqa məhsulları, əlyazmaları, makinada çap olunmuş mətinlər və planlar	0	0	20
Qrup 50	ipək	5	10	40
Qrup 51	yun, heyvanların zərif və qaba tükü, at tükündən iplik və parça	0	5	20
Qrup 52	pambıq	0	5	20
Qrup 53	başqa bitki mənşəli toxuculuq lifləri, kağız ipliyi və ondan hazırlanmış parça	5	10	20
Qrup 54	kimyəvi saplar	5	10	20
Qrup 55	kimyəvi ştapel lifləri	5	10	20
Qrup 56	emal olunmuş pambıq, keçə və toxunmamış materiallar, xüsusi iplik, viş, kanat və kəndir məmulatı, troslar və bunlardan düzəldilmiş məmulat	2	5	20
560110	salfetka və gigiyenik tamponlar, uşaq əskiləri, pambıqdan hazırlanmış tibb və gigiyena məmulatı	0	0	20
Qrup 57	xalçalar və başqa toxuma örtüklər	20	30	100
Qrup 58	xüsusi parçalar, tikilmiş xovlu parçalar, krujeva, qobelen, bəzək materialları, çəkilər (naxış tikmələri)	5	30	50
Qrup 59	hopdurulmuş və yeri təkrarən doldurulmuş toxuma materialları, bunlardan düzəldilmiş texniki məmulat	10	20	40
Qrup 60	toxuculuq maşınları və əllə toxunmuş trikotaj parçalar	0	0	30
Qrup 61	trikotaj geyim və geyim ləvazimatı	0	0	30
Qrup 62	toxuma parçadan geyim və geyim ləvazimatı (trikotajdan başqa)	5	10	30
Qrup 63	başqa hazır toxuma məmulatı, dəstlər, istifadə olunmuş geyim və toxuma parçalar	5	10	30
Qrup 64	ayaqqabı, ketr və bunlara oxşar məmulat, onların hissələri	5	10	30
Qrup 65	baş geyimi və bunların hissələri	5	10	40
Qrup 66	çətirlər, əl ağacları, oturacaqlı əl ağacları, qamışlar, şallaqlar və bunların hissələri	2	5	20
Qrup 67	emal edilmiş lələk və quş tükü və bunlardan hazırlanmış məmulat süni güllər, insan saçından məmulat	10	30	50
Qrup 68	daş, gips, sement, asbest, mika (slyuda) və bunlara bənzər materiallardan düzəldilmiş məmulat	5	10	40
Qrup 69	keramik məmulat	20	40	50
Qrup 70	şüşə və şüşə məmulatı	5	10	40
Qrup 71	təbii və ya yetişdirmə mirvari, qiymətli daşlar, qiymətli metallar, qiymətli metallara tutulmuş metallar və bunlardan məmulat, müxtəlif muncuq sikkələr	0	0	20
Qrup 72	qara metallar	1	2	20
Qrup 73	qara metallardan məmulat	1	2	20
Qrup 74	mis və mis məmulatı	1	2	20
Qrup 75	nikel və nikel məmulatı	1	2	20
Qrup 76	alüminium və alüminium məmulatı	5	10	30
Qrup 78	qurğuşun və qurğuşun məmulatı	1	2	20
Qrup 79	sink və sink məmulatı	1	2	20
Qrup 80	qalay və qalay məmulatı	1	2	20
Qrup 81	başqa adi metallar, metal-keramika və onlardan hazırlanmış məmulat	1	2	20
Qrup 82	adi metallardan alət, bıçaq məmulatı, qaşıqlar, çəngəllər, adi metallardan onların hissələri	1	2	20
Qrup 83	adi metallardan başqa adı çəkilməyən digər məmulat	1	2	20
Qrup 84	nüvə reaktorları, qazanları, avadanlığı və mexaniki cihazları, bunların hissələri	0	0	10
841920000	cərrahlıq və laboratoriya tibb sterilizatorları	0	0	10
Qrup 85	elektrik maşınları və avadanlığı, bunların hissələri, səsyazan və səsləndirən aparatlar, televiziya təsviri və səslərini yazmaq üçün aparatlar, bunların hissələri və ləvazimatı	5	10	30
Qrup 86	dəmir yolu, lokomotivləri və vaqonları, tramvay, bunların hissələri və ləvazimatı, dəmir yolu və tramvay yolu üçün yol qurğuları, bunların hissələri	2	5	30
Qrup 87	yerüstü (dəmir yolu və tramvay vasitələrindən başqa) nəqliyyat vasitələri, bunların hissələri və avadanlığı	2	5	20
8703	minik avtomobilləri və sərnişin daşımaq üçün başqa motorlu nəqliyyat vasitələri (8702 mal mövqeyində göstərilən avtomob. başqa) yük və sərnişin avtomobil furqonları, yarış avtomobilləri	20	30	50
8713	motorlu və motorsuz və ya hərəkət üçün başqa mexanizmli əlil arabaları	1	3	10
871420000	əlil arabaları üçün hissə və avadanlıq
Qrup 88	uçuş aparatları, kosmik aparatları, bunların hissələri	1	3	20
Qrup 89	gəmi, qayıq və başqa üzən vasitələr	2	5	20
Qrup 90	təbabətdə istifadə olunan cihaz və qurğular	2	5	10
Qrup 91	saatlar və hissələri	10	20	30
Qrup 92	musiqi alətləri, bunların hissələri və ləvazimatı	2	5	20
Qrup 93 Yalnız (930320 930390000, 930400000, 930521000, 930529, 930529100, 930529300, 930529500, 930529900, 930590, 930610000, 930621000, 930629 930629800, 930700000 mövqeləri)	silah və hərbi sursat, bunların hissələri və ləvazimatı	1	1	50
Qrup 94	mebel, yataq ləvazimatı, döşəklər, döşək əsasları, divan yastıqları və bu qəbildən olan doldurulmuş mebel ləvazimatı, işıqlandırıcı cihazlar və bunların hissələri, başqa yerdə adı çəkilməyən işıqla göstəricilər, tablo və bu qəbildən olan məmulat, yığma inşaat konstruksiyaları	5	10	30
9402	cərrahlıq, stomatologiya və ya baytarlıq mebeli	0	0	20
Qrup 95	oyuncaqlar, oyunlar və idman inventarı; bunların hissələri və ləvazimatı	2	4	30
Qrup 96	müxtəlif hazır məmulat	5	10	50
Qrup 97	sənət əsərləri, kolleksiya və əntiq əşyalar	1	2	20

İşlər müdiri

M.ABBASOV

* 1 Azərbaycan Respublikası ilə ticarətdə qarşılıqlı əlverişli şərait rejimi (ƏŞR) barədə ikitərəfli saziş bağlamış ölkələrdən gətirilən mallara

2 qarşılıqlı əlverişli şərait rejimi barədə sazişi (QƏŞR) olmayan ölkələrdən gətirilən mallara

3 gələcəkdə müvafiq mallar üçün tətbiq edilə biləcək gömrük idxal vergisi

Azərbaycan Respublikası Nazirlər Kabinetinin
1993-cü il 21 iyul tarixli 401 saylı qərarına
4 nömrəli Əlavə

Müvəqqəti gömrük idxal vergisi haqqında
Əsasnamə

1. Ümumi müddəalar

1.1. Azərbaycan Respublikasında gömrük vergiləri haqqında qanun qəbul olunana qədər gömrük idxal vergiləri ilə əlaqədar məsələlər bu Əsasnamə ilə tənzimlənəcəkdir.

1.2. Mülkiyyət formasından, tabeliyindən və qeydiyyata alındığı yerdən asılı olmayaraq bütün hüquqi şəxslər, hüquqi şəxs statusu olmayan birliklər, fərdi (ailəvi) müəssisələr, hüquqi şəxs yaratmadan sahibkarlıq fəaliyyəti göstərən şəxslər, Azərbaycan Respublikası ərazisinə gətirilən mallar (o cümlədən müşayiət edilən və ya edilməyən baqajla gətirilən mallar və həmçinin poçt vasitəsilə göndərilən mallar) üzrə bu Əsasnaməyə uyğun şəkildə gömrük idxal vergisi ödəyirlər.

1.3. Azərbaycan Respublikası ərazisində gətirilən mallardan onların gömrük dəyərinə gömrük idxal vergisi dərəcələrinə uyğun faiz nisbətində vergi tutulur.

Azərbaycan Respublikasında Gömrük vergiləri haqqında Qanun qəbul edilənədək respublikaya gətirilən malların gömrük dəyəri hal-hazırda qüvvədə olan qaydalara uyğun surətdə müəyyən edilir.

1.4. Gömrük idxal vergiləri ödəyicinin arzusuna görə manatla və ya sərbəst dönərli valyuta ilə ödənilir. Xarici valyutanın respublikada dövriyyədə olan pul vahidinə nisbəti gömrük yük bəyannaməsinin gömrük əməliyyatı üçün qəbul edildiyi tarixə Azərbaycan Respublikası Milli Bankının təyin etdiyi məzənnəyə görə müəyyənləşdirilir.

1.5. Gömrük idxal vergiləri gömrük yük bəyannaməsi gömrük əməliyyatı üçün qəbul edilənə qədər ödənilməlidir.

1.6. Gömrük orqanları əmlak girovu və ya vəkil edilmiş bankın zəmanəti olduğu təqdirdə gömrük idxal vergisinin ödənilməsinə gömrük yük bəyannaməsinin qəbul edildiyi tarixdən etibarən 30 gün möhlət verə bilərlər.

1.7. Gömrük idxal vergisi ödənməmiş və ya ödəmə üçün möhlət verilməmiş mallar gömrük məntəqələrindən buraxılmır.

2. Gömrük idxal vergisi hesablanarkən gömrük yük bəyannaməsinin doldurulması qaydası

2.1. Ödənməli olan gömrük idxal vergisinin məbləği gömrük yük bəyannaməsinin 47-ci qrafasında və bəyannaməyə əlavə edilən vərəqlərdə aşağıdakı şəkildə göstərilir.

2.2. 47-ci qrafanın növ başlıqlı birinci sütununda gömrük idxal vergisinin ödəmə şifri göstərilir:

manatla ödəndikdə 20;
sərbəst dönərli valyuta ilə ödəndikdə 21;

2.3. Qrafanın hesablanma üçün əsas başlıqlı 2-ci sütununda malın dəyəri göstərilir;

manatla ödəndikdə 42-ci qrafada göstərilən və bəyannamə gömrük əməliyyatı üçün qəbul edildiyi gündə Azərbaycan Respublikası Milli Bankının müəyyən etdiyi məzənnə ilə (gömrük yük bəyannaməsinin 23-cü qrafası Valyuta məzənnəsi);
sərbəst dönərli valyuta ilə ödəndikdə 42-ci qrafada göstərilən.

2.4. Qrafanın dərəcəsi başlıqlı üçüncü sütununda gömrük idxal vergisi dərəcələrinə uyğun olaraq verginin dərəcəsi göstərilir.

2.5. Qrafanın Məbləğ başlıqlı 4-cü sütununda gömrük yük bəyannaməsinin 47-ci qrafasının 2-ci və 3-cü sütunlarındakı rəqəmlərin hasilindən alınan məbləğ göstərilir.

2.6. Qrafanın Ödəmə üsulu başlıqlı beşinci sütununda ödəmənin üsulu göstərilir:

NHH bank vasitəsilə nağdsız haqq-hesab;
GK vergi məbləğinin nağd olaraq gömrük kassasına verilməsi;
BT vəkil edilmiş bankın zəmanəti ilə vergi ödənməsinə möhlət verilməsi. Belə hallarda gömrük yük bəyannaməsinin ödəmə möhləti başlıqlı 48-ci qrafasında verilən möhlətin son tarixi göstərilir.
KM əmlak girovu ilə ödəməyə möhlət verilməsi. Belə hallarda gömrük yük bəyannaməsinin Ödəmə möhləti başlıqlı 48-ci qrafasında verilən möhlətin son tarixi göstərilir.

2.7. Gömrük yük bəyannaməsinin hesablamanın təfsilatı başlıqlı V qrafasında ödənilən vergi məbləği, ödəmə sənədinin nömrəsi və tarixi göstərilir.

3. Gömrük idxal vergisinin ödənməsi qaydası

3.1. Gömrük vergisinin ödənildiyini təsdiq etmək üçün doldurulan bəyannaməyə, üzərində verginin ödənildiyi haqda bankın qeydi olan ödəmə tapşırığının bir nüsxəsi əlavə edilməlidir.

3.2. Manatla ödənən gömrük idxal vergisi məbləği gömrükxananın depozit hesabına keçirilir. Gömrükxana, depozit hesabına pul daxil olub-olmadığını bank çıxarışları ilə yoxlayır. Gömrükxananın depozit hesabına vəsait daxil olmadıqda, gömrük orqanları ödəmə tapşırığı verildiyi tarixdən etibarən iki ay ərzində bu təlimatın beşinci bəndində nəzərdə tutulan vəsaitin alınması üçün tədbirlər görür.

Depozit hesaba daxil olan gömrük idxal vergisi məbləğləri ayda üç dəfədən az olmamaq şərtilə Azərbaycan Respublikasının Dövlət büdcəsinin gəlir hissəsinin 8-ci bölməsinin 14-cü paraqrafına gömrük rüsumları hesabına keçirilir.

Sərbəst dönərli valyuta ilə tutulan gömrük idxal vergisi məbləğləri Respublikanın Vahid Valyuta Fondunun Azərbaycan Respublikasının Milli Bankındakı hesabına keçirilir.

3.3. Gömrük idxal vergiləri bu Əsasnaməyə görə müxtəlif dərəcələrlə tutulur:

Azərbaycan Respublikası ilə ticarətdə qarşılıqlı əlverişli şərait rejimi (ƏŞR) barədə ikitərəfli saziş bağlamış ölkələrdən gətirilən mallara gömrük idxal vergisinin birinci sütunda göstərilmiş minimum dərəcələri tətbiq edilir.
Azərbaycan Respublikası ilə ticarətdə qarşılıqlı əlverişli şərait rejimi barədə sazişi olmayan (QƏŞR qeyri əlverişli şərait rejimi) ölkələrdən gətirilən mallara gömrük idxal vergisinin ikinci sütununda göstərilən dərəcələri tətbiq edilir.
Gələcəkdə müvafiq mallar üçün tətbiq edilə biləcək gömrük idxal vergisi dərəcələrinin maksimum həddi üçüncü sütuna görə təyin edilir.

4. Ödəyicilərin məsuliyyəti

4.1. Ödəyicilər hesablamaların düzgünlüyünə və gömrük idxal vergisinin vaxtında ödənilməsinə görə məsuliyyət daşıyırlar.

4.2. Gömrük yük bəyannaməsində göstərilən məlumatlar verginin ödənilməməsinə və ya gömrük idxal vergisi məbləğinin azalmasına (malın kodunun düzgün olmaması, gətirilən malın miqdarının, onun dəyərinin və ya vergi dərəcəsinin azaldılması) səbəb olduqda, gömrük orqanı bəyannamə verəndən, vergidən gizlədilən əşyanın gömrük idxal vergisinin tam məbləğini şərtsiz alır və büdcəyə və ya vahid valyuta fonduna mədaxil edir.

4.3. Əşyanın öz adı ilə deyil, başqa adla (malın kodunun bilərəkdən düzgün göstərilməməsi) sərhəddən keçirilməsi niyyəti ilə yanlış bəyannamə verən şəxsə bu əşyanın dəyərinin yüz faizinədək cərimə hesablanır, əşya isə müsadirə edilir.

4.4. Müəyyən edilmiş müddətdə gömrük idxal vergisinin ödənilməməsinə, onların kəsirlə ödənilməsinə və digər maliyyə pozuntularına yol vermiş məsul şəxslər, ödənilməmiş gömrük vergiləri məbləğinin 100 faizindən 300 faizinə qədər cərimə olunurlar.

4.5. Gömrük orqanı verilən möhlət ərzində vergiləri ödəməyən şəxslərdən bütün vergi məbləğini şərtsiz şəkildə alır və müvafiq olaraq büdcəyə və ya vahid valyuta fonduna mədaxil edir.

Əgər möhlət əmlak girovuna görə verilmişsə, gömrükxana bu malı ödəməyən vergi borcu hesabına dövlətin mülkiyyətinə keçirir.

Gömrük orqanı ödəyəcinin öhdəliyini və vəkil bankın zəmanət məktubunu, penya da daxil olmaqla, yaranmış borcu zəmanət vermiş vəkil bankdan almaq üçün Azərbaycan Respublikası Milli Bankına verə bilər.

Gələcəkdə mal idxal edən belə hüquqi şəxslərə vergi ödənişlərinə görə möhlət verilmir.

4.6. Bu Əsasnaməyə uyğun olaraq alınan cərimələr Azərbaycan Respublikasının dövlət büdcəsinin gəlir hissəsinin 12-ci bölməsinin 2-ci paraqrafına Cərimə və sanksiyalar üzrə mədaxillər hesabına keçirilir.

4.7. Hüquqi şəxslər gömrük idxal vergisi üzrə borclarını vaxtında ödəmədikdə gömrük orqanları bu şəxslərin xarici iqtisadi əməliyyatlarının dayandırılması üçün müvafiq orqanlar qarşısında məsələ qaldırır və Azərbaycan Respublikası qanunlarında nəzərdə tutulan digər inzibati tədbirləri görməklə idxal vergisi üzrə ödənməli olan vəsaiti tamamilə büdcəyə mədaxil edirlər.

İşlər müdiri

M.ABBASOV

Azərbaycan Respublikası Nazirlər Kabinetinin
1993-cü il 21 iyul tarixli 401 saylı qərarına
5 nömrəli Əlavə

Gömrük xidmətləri göstərilməsi üçün alınan xərclərin tarifləri və qaydaları haqqında təlimat

I. Tariflər

Göstərilən xidmətlər	Gömrük rüsumu dərəcələri
Göstərilən xidmətlər	manatla	ABŞ doll. ilə
Gömrük rəsmiləşdirilməsi yerindən kənarda, o cümlədən müəssisə və təşkilatların ərazisində onların qoruduqları və gömrük nəzarətində olan malların gömrük işlərini rəsmiləşdirmək üçün gömrük işçisinin çağırılması, hər işçinin gündüz (iş vaxtı) bir saatlıq işi hesabı ilə	100	2
İş vaxtından əlavə (18.00-dan 09.00-a kimi), şənbə, bazar və bayram günləri	200	5
Sərgi yüklərinin rəsmiləşdirilməsi üçün, hər işçinin gündüz (iş vaxtı) bir saatlıq işi hesabı ilə	100	2
İş vaxtından əlavə (18.00-dan 9.00-a kimi), şənbə, bazar və bayram günləri	200	5
Qabaqcadan yazılı olaraq xəbər vermədən, sifariş olunan xidmətlərdən imtina etdikdə	200	5
Vətəndaşların Azərbaycan Respublikası ərazisinə gətirdikləri (o cümlədən müvəqqəti olaraq gətirilən) nəqliyyat vasitələrinin qeydə alınmasına vəsiqə verilməsi üçün:
Minik avtomobilləri, mikroavtobuslar, avtobuslar	1000	20
Motorsuz nəqliyyat vasitələri (qoşqu, yarımqoşqu, araba və s.)	800	15
Motosikllər, motorollerlər	500	10
Mopedlər (qeydə alınmalı olanları)	400	8
Əşyaların aparılması (gətirilməsi) barədə rəsmi arayış (təsdiqedici), bəyannamə surəti, əşya və valyutanın qeydi kitabçaları və qanunda nəzərdə tutulan hallar barədə başqa məlumat sənədi üçün	50	1

Qeyd: Gömrük işi sahəsində göstərilən xidmətlər üçün gömrük rüsumları həmAzərbaycan Respublikası ərazisində dövriyyədə olan valyuta, həm də bunun üçün vəkil edilən Azərbaycan Respublikası bankları tərəfindən alınan xarici valyuta ilə ödənə bilər.

Azərbaycan Respublikası ərazisində dövriyyədə olan valyuta, gömrük rüsumunun ödənilməsi üçün gömrük tələbnaməsinin verildiyi gün Azərbaycan Respublikası Milli Bankının müəyyən etdiyi və xarici iqtisadi əməliyyat hesablaşmalarında tətbiq edilən məzənnəyə görə hesablanır.

Xarici assosiasiyalar, təşkilatlar, firmalar və s. daxil olmaqla, göstərilən xidmətlər üçün gömrük rüsumları ABŞ dolları ilə ödənilir.

II. Təlimat

1. Mülkiyyət formasından, tabeliyindən və qeydiyyata alındığı yerdən asılı olmayaraq bütün hüquqi şəxslər, hüquqi şəxs yaratmadan sahibkarlıq fəaliyyəti ilə məşğul olan şəxslərdən Azərbaycan Respublikası ərazisinə gətirilən və Azərbaycan Respublikası ərazisindən çıxarılan mallara (əmlaklara) gömrük əməliyyatı aparılması üçün 01.08.93-cü ildən etibarən göstərilən qayda və miqdarlarda rüsumlar alınması müəyyən edilsin:

1.1. Dövlət müəssisələri tərəfindən barter və qapalı valyuta (manatla və ya məzənnəyə görə rubl ilə) sövdələşmələrinə uyğun olaraq gətirilən və ya aparılan mallardan bu malların ümumi dəyərinin 0,15%-i (lakin 300 manatdan az olmayaraq), o cümlədən sövdələşmə sərbəst dönərli valyuta ilə aparıldıqda 0,1% miqdarında manatla və ya məzənnəyə görə rubl ilə (lakin 200 manatdan az olmayaraq) və ya xarici valyuta ilə 0,1% miqdarında ödənir.

1.2. Azərbaycan Respublikası ərazisində Dövlət müəssisələri tərəfindən gətirilən və ya aparılan əmlaklara bu əmlakın ümumi dəyərinin 0,15%-i miqdarında manatla (300 manatdan az olmayaraq) rüsum alınır.

1.3. Dövlət müəssisəsinin bir gömrük yük bəyannaməsi vasitəsilə müvəqqəti olaraq Azərbaycan Respublikası ərazisindən aparılan və ya gətirilən əmlaklardan gömrük əməliyyatları üçün 300 manat miqdarında və ya məzənnəyə görə rubl ilə rüsum alınır.

Bu təlimatın 1.1, 1.2, 1.3 bəndlərində göstərilən şərtlərə uyğun olaraq, Azərbaycan Respublikası ərazisinə gətirilən və ya buradan aparılan malların və əmlakın ümumi dəyəri Gömrük yük bəyannaməsinin doldurulması haqqında təlimata uyğun olaraq müəyyən edilir.

2. İstehsal kooperativlərinin, onların birliklərinin, müştərək müəssisələrinin, beynəlxalq birlik və təşkilatların, ictimai təşkilatların, xarici şirkətlərin malları və ya əmlakı Azərbaycan Respublikası ərazisinə gətirilərkən və ya buradan aparılarkən gömrük əməliyyatları üçün aşağıdakı 2.1, 2.2, 2.3 bəndlərində göstərilən miqdarlarda haqq alınır:

2.1. Azərbaycan Respublikası ərazisinə nizamnamə fondu hesabına əmlak və mal gətiriləndə gömrük əməliyyatları üçün 0,1% miqdarında manatla (lakin 200 manatdan az olmayaraq) və Azərbaycan Respublikası Milli Bankının müəyyən etdiyi məzənnəyə görə 0,05% miqdarında xarici valyuta ilə (lakin 100 manatdan az olmayaraq) haqq alınır.

2.2. Azərbaycan Respublikası ərazisinə mal gətirilərkən və ya buradan mal aparılarkən (barter sövdələşməsi, qapalı valyuta ilə sövdələşmələr) gətirilən və ya aparılan malların ümumi dəyərinin 0,25%-i miqdarında (lakin 400 manatdan az olmayaraq) gömrük əməliyyatları üçün haqq alınır.

2.3. Azərbaycan Respublikası ərazisinə mal gətirilərkən və ya buradan mal aparılarkən (sərbəst dönərli valyuta ilə sövdələşmə, qapalı valyuta ilə və s.) 0,1% miqdarında manat hesabı ilə (lakin 200 manatdan az olmayaraq) və Azərbaycan Respublikası Milli Bankının müəyyən etdiyi məzənnəyə görə 0,05% miqdarında xarici valyuta ilə (lakin 100 manatdan az olmayaraq) gömrük əməliyyatları üçün haqq alınır.

2.4. Azərbaycan Respublikası ərazisinə gətirilən və ya buradan mal və əmlakdan, sövdələşmə birbaşa istehsal əlaqələri üzrə mal göndərilməsi üsulu ilə aparıldığı təqdirdə 0,25% miqdarında (lakin 400 manatdan az olmayaraq), həmçinin emal üçün xammal və yarımfabrikatlar (sifarişçinin öz xammalından) göndərildikdə və bu xammal və yarımfabrikatlar emal olunduqdan sonra göndərildikdə 0,25% miqdarında (lakin 400 manatdan az olmayaraq) gömrük əməliyyatları üçün rüsum alınır.

2.5. Konsiqnasiya mahiyyətli sövdələşmələr (konsiqnasiya, komisyon əsasında mal təslim etmək) aparılarkən 0,15% miqdarında manat hesabı ilə (lakin 300 manatdan az olmayaraq) və MDB ölkələri də daxil olmaqla göndərildiyi ölkədən asılı olmayaraq, ödəmə günündə Azərbaycan Respublikası Milli Bankının müəyyən etdiyi məzənnəyə görə 0,1% miqdarında xarici valyuta ilə (lakin 100 manatdan az olmayaraq) gömrük əməliyyatları üçün haqq alınır.

2.6. Bir əlavə vərəq üçün 60 manat, sövdələşmə sərbəst dönərli valyuta ilə aparıldıqda isə Azərbaycan Respublikası Milli Bankının müəyyən etdiyi məzənnəyə görə 25 manat haqq alınır.

Sövdələşmələr manat hesabı, qapalı valyuta hesabı (21, 31, 27 və s.) sifarişçinin öz xammalı, birbaşa istehsal əlaqələri əsasında aparıldıqda, bir əlavə vərəq üçün 50 manat miqdarında haqq alınır.

İşlər müdiri

M.ABBASOV

AzerSoft