• gəminin adı;
• gəminin mənsub olduğu ölkənin adı;
• qeydiyyatı haqda məlumat;
• tonnajı;
• kapitanın soyadı;

gəminin gəlişi və yola düşmə limanlarında gəmi agentinin adı və ünvanı

• yüklərin (malların) qısa təsviri;
• gəmidə yerləşən gəmi heyətinin sayı;
• gəmidə yerləşən sərnişinlərin sayı;
• reys haqda qısa məlumat;
• gəminin gəlişi və yola düşmə tarixi və saat;
• gəminin gəlişi və yola düşmə limanı;
• limanda gəminin dayanacaq yeri.

Baş bəyannamə kapitan, dəniz agenti və ya kapitan tərəfindən səlahiyyət verilmiş şəxs tərəfindən imzalanır və tarix qoyulur;

b) yük haqda bəyannamə — gəmidə yerləşən yüklər (mal və nəqliyyat vasitələri) barədə gömrük orqanları tərəfindən tələb olunan məlumatları özündə əks etdirən əsas sənəd:

gəminin gəlişi zamanı:

• gəminin adı;
• gəminin mənsub olduğu ölkənin adı;
• kapitanın soyadı;
• göndərmə limanı;
• yük haqda bəyannamənin tərtib olunduğu liman;
• yüklərin (malların) markalanması, seriya nömrəsi, yerlərin sayı, qablaşdırma növü, sayı və təsviri;
• gəminin gəlişi zamanı limanda boşaldılacaq yüklərin konosamentlərinin nömrəsi;
• gəmidə qalan yüklərin boşaldılacağı limanlar;
• konosamentdə daşınan yüklərin ilkin göndərmə limanları;

gəminin gedişi zamanı:

• gəminin adı;
• mənsub olduğu ölkənin adı;
• kapitanın soyadı;
• təyinat limanı;

yüklərin (malların) götürüldüyü hallarda:

• yüklərin markalanması, seriya nömrəsi, yerlərin sayı, qablaşdırma növü və təsviri;
• gəminin yola düşməsi zamanı limanda götürülmüş yüklərə aid konosamentlərin nömrəsi.

Yük haqda bəyannamə kapitan, dəniz agenti və ya kapitan tərəfindən səlahiyyət verilmiş şəxs tərəfindən imzalanır və tarix qoyulur.

Gömrük orqanı təhlükəli yüklər barədə məlumatları ayrıca tələb etmək hüququna malikdir.

Limana gəliş zamanı yük haqda bəyannamə təqdim olunduğu və yüklər gəmidə qaldığı təqdirdə, gəminin yola düşdüyü zaman həmin yüklərə dair yük haqda yeni bəyannamə tələb olunmur.

Gömrük orqanı yük haqqında bəyannamənin əvəzinə həmin bəyannamədə göstərilən məlumatları özündə əks etdirən və gəmi kapitanı, dəniz agenti və ya kapitan tərəfindən bu iş üçün səlahiyyət verilmiş şəxs tərəfindən imzalanmış və tarix qoyulmuş gəmi manifestinin nüsxəsini qəbul edə bilər.

c) gəmi ləvazimatı haqda məlumatı əks etdirən arayış sənədi-gəminin gəlişi və yola düşməsi zamanı gömrük orqanı tərəfindən tələb olunan məlumatları özündə əks etdirən gəmi ləvazimatı barədə əsas sənəd.

Gəmi ləvazimatları barədə arayış kapitan və ya kapitan tərəfindən səlahiyyət verilmiş gəmi ləvazimatları barədə şəxsən məlumatlandırılmış gəminin komanda heyətinin hər hansı bir üzvü tərəfindən imzalanır və tarix qoyulur.

ç) gəmi heyətinin şəxsi əşyaları haqda bəyannamə – gömrük orqanı tərəfindən tələb olunan aşağıdakı məlumatları özündə əks etdirən gəmi heyətinin şəxsi əşyaları haqda əsas sənəd (gəminin getməsi zamanı tələb olunmur):

• gəminin adı;
• gəminin gəliş və yola düşmə limanları;
• gəmi heyətinin adı və soyadı;
• gəmi heyətinin vəzifələri;
• Azərbaycan Respublikasının qanunvericiliyinə uyğun gəmi heyətinin tarif və qeyri-tarif tənzimlənməsinə düşən şəxsi əşyaları haqda məlumatlar;
• gəmi heyətinin hər bir üzvünün imzası.

Gəmi heyətinin şəxsi əşyaları barədə bəyannamə kapitan və ya kapitan tərəfindən səlahiyyət verilmiş gəminin rəhbər heyətinin hər hansı bir üzvü tərəfindən imzalanır və tarix qoyulur.

d) Gəmi heyətinin siyahısı — gəminin gəlişi və yola düşməsi zamanı gömrük orqanları tərəfindən tələb olunan gəmi heyətinin tərkibi və sayı barədə məlumatları əks etdirən əsas sənəd.

Gəmi heyətinin siyahısı aşağıdakı məlumatları əks etdirir:

• gəminin adı;
• mənsub olduğu ölkənin adı;
• gəmi heyətinin adları və soyadları;
• anadan olduqları yer və tarix;
• gəmi heyətinin hər bir üzvünün vəzifəsi və vətəndaşlığı;
• gəmi heyətinin şəxsiyyətini təsdiq edən sənədin növü və nömrəsi;
• gəminin gəliş və yola düşmə limanları və tarix.

Gəmi heyətinin siyahısı kapitan və ya gəminin rəhbər heyətinin hər hansı bir səlahiyyətli üzvü tərəfindən imzalanır və tarix qoyulur.

e) sərnişinlərin siyahısı — gəminin gəlişi və yola düşməsi zamanı sərnişinlər barədə gömrük orqanları tərəfindən tələb olunan məlumatları əks etdirən əsas sənəd.

Sərnişinlərin siyahısına aşağıdakı məlumatlar daxildir:

• gəminin adı;
• mənsub olduğu ölkənin adı;
• gəmidəki hər bir sərnişinin adı, soyadı, vətəndaşlığı, anadan oluğu yer və tarix;
• hər bir sərnişinin gəmiyə minmə və gəmidən enmə limanı;
• gəminin gəliş və yola düşmə limanları və tarix;
• gəminin gediş və yola düşmə limanları və tarix.

Sərnişinlərin siyahısı gəmi kapitanı, dəniz agenti və ya kapitan tərəfindən səlahiyyət verilmiş hər hansı bir şəxs tərəfindən imzalanır və tarix qoyulur.

2. Zərurət yarandıqda gömrük orqanına aşağıdakı sənədlər təqdim olunur:

a) gəmi kassasında saxlanılan valyuta və valyuta sərvətləri, Azərbaycan və xarici valyutanın məbləği barədə arayış.

Valyuta və ya valyuta sərvətlərinin mövcudluğu barədə arayış gəmi kapitanı və ya onun tərəfindən səlahiyyət verilmiş şəxs tərəfindən imzalanır və tarix qoyulur.

Gəmi kassasında valyuta və valyuta sərvətləri olmadıqda Baş bəyannamənin 16-cı qrafasında – «Gəminin kassasında valyuta və valyuta sərvətləri yoxdur» sözləri yazılır;

b) gəmidə olan silah və sursatın siyahısı;

• silah və sursatın sayı (silahın markası göstərilməklə);
• silahın zavod nömrəsi;
• silah və sursatın sahibi haqda məlumatlar.

Silah və sursatın siyahısına gəminin kapitanı (onun tərəfindən vəkil olunmuş şəxs) tərəfindən silahın qorunması və gəmidən çıxarılmaması barədə öhdəlik daxil olmalıdır.

Gəmidə silah və sursatın olmadığı təqdirdə Baş bəyannamənin 16-cı qrafasında aşağıdakılar qeyd olunur: «Gəmidə silah və sursat yoxdur»:

c) tərkibində narkotik, güclü təsirli vasitələr, psixotrop və zəhərli maddələr olan dərman preparatlarının siyahısı.

Bu siyahıda nomenklaturası Azərbaycan Respublikasının qanunvericiliyinə uyğun olaraq Azərbaycan Respublikası Hökuməti tərəfindən təsdiq olunmuş tərkibində narkotik, güclü təsirli vasitələr, psixotrop və zəhərli maddələr olan dərman preparatlarının sayı göstərilir.

Dərman preparatlarına aid həmin siyahıya gəminin limanda dayanması zamanı bu cür preparatların qorunması və gəmidən çıxarılması barədə gəminin kapitanı (səlahiyyətli nümayəndəsi) tərəfindən götürülmüş öhdəlik daxil olunmalıdır.

Gəmidə dərman preparatları olmadıqda Baş bəyannamənin 16-cı qrafasında; «Gəmidə tərkibində narkotik, güclütəsirli vasitələr, psixotrop və zəhərli maddələr olan dərman preparatları yoxdur» – sözləri yazılır.

3. Gəmilərdə təcili beynəlxalq poçt göndərişləri olduqda gömrük məqsədləri üçün SN 37 qaiməsi istifadə olunur.

Gəmidə beynəlxalq poçt göndərişləri olmadıqda Baş bəyannamənin 16-cı qrafasında: «Gəmidə poçt yoxdur» – sözləri yazılır.

• gəminin adı;
• mənsub olduğu ölkənin adı;
• gəmidəki sərnişinlərin sayı;
• gəmi heyətinin sayı;
• yüklərin (malların) adı və ümumi çəkisi;
• gəminin limana çatacağı təqribi vaxt;
• bildiriş sənədinin verildiyi tarix və saat.

3. Gəmi limana çatdıqdan sonra 30 dəqiqədən gec olmayaraq gəminin kapitanı (səlahiyyətli nümayəndəsi) əvvəl təqdim olunmuş məlumatı dəqiqləşdirməklə, gəminin dəqiq dayanacaq yeri göstərilməklə gömrük orqanına gəminin gəlişi haqda yazılı məlumat verməlidir. Bildiriş sənədi gəmi kapitanı (onun səlahiyyətli nümayəndəsi) tərəfindən imzalanır. Gömrük orqanının əməkdaşı bildiriş sənədini qəbul edir və həmin sənədi iş qovluqlarına əlavə edir.

4. Gəmiyə getməzdən əvvəl komissiya üzvlərindən biri olan gömrük orqanının əməkdaşı tərəfindən xaricə üzən gəmilərin qeydiyyat jurnalında (əlavə 1) gəminin gəlmə faktı qeyd olunur (qrafa 1-4) və gəmi işi sənədinə aşağıdakı qaydada sıra nömrəsi qoyur:

1 — Azərbaycan Respublikası gömrük orqanlarının və onların struktur bölmələrinin təsnifatı əsasında gəminin və malların gömrük rəsmiləşdirilməsini və gömrük nəzarətini həyata keçirən gömrük orqanının 5 rəqəmli kodu;

2, 3 və 4 cari ilin son 2 rəqəmi, gün və ay;

5 — xaricə gedən gəmilərin qeydiyyat jurnalında sıra nömrəsi (ilin əvvəlində nömrələnmə təzələnir)

5. Gəminin kapitanı (onun səlahiyyətli nümayəndəsi) gəminin gəlişi zamanı gömrük nəzarətinin və gömrük rəsmiləşdirilməsinin aparılması məqsədilə gömrük orqanının komissiyaya daxil olan əməkdaşına aşağıdakı sənədlərin 2 nüsxəsini təqdim edir:

• Baş bəyannamə;
• yük haqda bəyannamə;
• gəmi ləvazimatı barədə arayış;
• gəmi heyətinin şəxsi əşyaları;
• gəmi heyətinin siyahısı;
• sərnişinlərin sayı;
• SN-37 qaiməsi;
• gəminin kassasında olan valyuta və valyuta sərvətləri haqda arayış;
• silah və sursatın siyahısı;
• tərkibində narkotik, güclü təsirli vasitələr, psixotrop və zəhərli maddələr olan dərman preparatları;
• bütün yüklərə (mallara) dair gəmi manifesti.

Yuxarıda sadalanan sənədlər və mallar gömrük orqanının əməkdaşına təqdim olunduğu andan bu cür mallar gömrük nəzarəti altına götürülür.

6. Gəminin limana gəlişi zamanı gəmi heyəti və sərnişinlər tərəfindən gətirilmiş malların bəyan edilməsi Azərbaycan Respublikasının gömrük işi ilə bağlı qanunvericilik aktlarında müəyyən olunmuş qaydalara əsasən həyata keçirilir.

7. Gəminin gömrük nəzarətindən keçirilməsi zamanı gömrük orqanları gömrük qanunvericiliyinin tələblərinə uyğun olaraq aşağıdakılara riayət etməlidirlər:

• təqdim olunmuş sənədlərdə göstərilmiş məlumatların doğruluğunu yoxlamaq;
• gəminin material uçotu jurnalında və gəmidəki gəmi təchizatına dair sənədlərdəki yazıları, gəminin ehtiyat hissələrini və gəminin ləvazimatını yoxlamalı;
• aşağıdakı sadalanan malların yerləşdirildiyi yerlərə gömrük təminatı vasitələri qoyulur:
• tütün məmulatları və alkoqollu içkilər (gəminin limanda dayanacağı zamanı gəmidə istifadə olunacaq tütün məmulatları və alkoqollu içkilər olan yerlərdən başqa);
• silah;
• dərman preparatları;
• bu limanda boşaldılması nəzərdə tutulmayan mallar.

8. Gəmi gömrük nəzarəti və gömrük rəsmiləşdirilməsindən keçirildiyi zaman sərnişinlərin gəmiyə minməsi və düşməsi gömrük orqanlarının və sərhəd nəzarət orqanlarının razılığı ilə həyata keçirilir.

9. Təqdim olunmuş sənədlər yoxlanıldıqdan və gəmidə gömrük nəzarəti başa çatdırıldıqdan sonra gömrük orqanının əməkdaşı aşağıdakıları həyata keçirir;

a) Baş bəyannamədə ştamp vurur və onu doldurur (əlavə № 2), şəxsi nömrəli möhürlə təsdiq edir və imza qoyur, gömrük təminat vasitələrinin qoyulması haqda qeydlər aparır, eləcə də gömrük nəzarətinə dair digər məlumatları qeyd edir;

b) boşaldılma yerləri gömrük orqanı tərəfindən müəyyən olunan malların CN-37 qaimə, yük haqda bəyannamə və ya gəmi manifesti sənədlərində «Gömrük yükü» ştampı vurur, malların boşaldılma yerini göstərir, tarix qoyur və şəxsi nömrəli möhürü ilə təsdiq edir;

c) valyuta və valyuta sərvətləri olduqda valyuta və valyuta sənədlərinə dair arayışda: «Gəminin gəlişi zamanı yoxlanılmışdır, təqdim olunmuş sənədlərdəki məlumatlarla eynidir» – qeydlərini edir, tarix qoyur, imzalayır və şəxsi nömrəli möhürlə təsdiqləyir;

ç) gəmi heyətinin və sərnişinlərin siyahı sənədində gəmi işinin nömrəsini göstərir və şəxsi nömrəli möhürü ilə təsdiq edir;

d) gəminin ləvazimatına dair arayış sənədində aşağıdakı qeydlər edir: «Gəminin gəlişi zamanı yoxlanılmış, təqdim olunmuş sənədlərdəki məlumatlarla eynidir», tarix qoyur, imzalayır və şəxsi nömrəli möhürlə təsdiqləyir. Tütün məmulatları və alkoqollu içkilər saxlanılan yerlərə gömrük eyniləşdirmə vasitələri qoyulduğu zaman həmin yerləri və eyniləşdirmə vasitələrinin nömrəsini göstərir və şəxsi nömrəli möhürlə təsdiqləyir;

e) dərman preparatları olduqda dərman preparatları sənədində gəmi işinin nömrəsini qoyur, şəxsi nömrəli möhürlə təsdiqləyir və aşağıdakı qeydləri aparır: «№ yeri möhürlənmiş, №-li seyfə qoyulmuş, eyniləşdirmə vasitəsi №» və şəxsi nömrəli möhürlə təsdiqləyir;

ə) silah və sursat olduqda silah və sursat sənədində gəmi işinin nömrəsini qoyur, həmçinin aşağıdakı qeydləri aparır; «№ yerdə baxış keçirilib, № seyfdə möhürlənib, eyniləşdirmə vasitəsi №» və şəxsi nömrəli möhürlə təsdiqləyir.

Gömrük orqanının qeydləri olan sənədlərin surətləri gəmi kapitanının xahişi ilə artırıla bilər.

10. Gəmi sənədləri rəsmiləşdirildikdən sonra gömrük orqanı malların müəyyən olunmuş yerlərə boşaldılmasına icazə verir.

11. Gömrük orqanının əməkdaşlarının tələbi ilə onların gəminin istənilən yerinə buraxılması təmin olunmalıdır.

Gəmiyə baxış gəmi heyətinin səlahiyyətli nümayəndələrinin müşayiəti ilə həyata keçirilir.

Sərnişinlərin şəxsi əşyalarına baxış onların iştirakı ilə həyata keçirilir.

Gəmi heyətinin şəxsi əşyalarına baxış bilavasitə gəmidə əşya sahibinin və gəmi heyətinin üzvlərindən birinin iştirakı ilə həyata keçirilir.

12. Komissiyanın gəmidə işi zamanı hər hansı bir mal partiyasına dair yük sənədləri olmadıqda gəminin kapitanı (onun səlahiyyətli nümayəndəsi) həmin malların hansı şəraitdə Azərbaycan Respublikasının gömrük ərazisinə gətirilməsi barədə yazılı izahat verməlidir.

Bu cür mallar təcili olaraq gəmi kapitanının (onun səlahiyyətli nümayəndəsi) iştirakı ilə gömrük nəzarətindən keçirilməlidirlər.

13. Gəmidən qaytarıldıqdan sonra gömrük orqanının səlahiyyətli nümayəndəsi xaricə üzən gəmilərin qeydiyyat jurnalının 5-9 qrafalarını və gəmi işi sənədinin gəminin girişinə aid hissəsini doldurur.

• gəminin adı;
• gəminin mənsub olduğu ölkənin adı;
• gəmidəki sərnişinlərin sayı;
• gəmi heyətinin sayı;
• malların adı və ümumi sayı;
• malları göndərənlər;
• limanlar və təyinat ölkələri;
• gəminin limandan uzaqlaşacağı, təqribi vaxt;
• bildirişin verildiyi tarix və saat;
• bildirişi təqdim edən şəxsin möhürü və imzası.

3. Gəminin kapitanı (onun səlahiyyətli nümayəndəsi) gəminin yola düşməsi zamanı gömrük nəzarəti və gömrük rəsmiləşdirilməsi məqsədilə komissiyaya daxil olan gömrük orqanının əməkdaşına 2 nüsxədən ibarət aşağıdakı sənədləri təqdim edir:

• Baş bəyannamə;
• yük haqda bəyannamə;
• gəmi heyətinin siyahısı;
• sərnişinlərin siyahısı;
• tərkibində narkotik, güclü təsirli vasitələr, psixotrop və zəhərli maddələr olan tibbi ləvazimatlar;
• gəmi kassasında olan valyuta və valyuta sərvətləri haqda arayış;
• silah və sursatın siyahısı;
• CN37 qaiməsi;
• bütün mallara dair gəmi manifestləri.

Gömrük nəzarəti yuxarıda sadalanan sənədlərin gömrük orqanının əməkdaşına təqdim edildiyi andan başlayır.

4. Azərbaycan Respublikasının gömrük ərazisində gəmiyə yüklənmiş ləvazimata dair məlumatlar gəmi ləvazimatı haqqında arayış sənədində əks olunmalıdır.

Gəminin gəlişi zamanı gəminin azuqəsi haqda məlumat verildiyi halda bu haqda əlavə sənəd tələb olunmur.

5. Azərbaycan Respublikasının gömrük ərazisində gəmiyə yüklənmiş yüklər barədə məlumat (mallar) yük haqda bəyannamədə əks etdirilməlidir.

6. Gəmi yola düşdüyü (limandan) zaman həmin gəminin limana giriş vaxtı tərtib olunmuş gəmi heyəti siyahısının nüsxəsi (əgər gəmi kapitanı və ya onun səlahiyyətli nümayəndəsi tərəfindən həmin sənəddə göstərilmiş məlumatların dəyişilmədiyi qeyd olunarsa və yenidən imzalanarsa) təqdim oluna bilər.

7. Gəmi yola düşdüyü zaman gəmi heyəti və sərnişinlər tərəfindən aparılan malların bəyan edilməsi Azərbaycan Respublikasının gömrük işi ilə bağlı qanunvericilik aktlarında müəyyən olunmuş hallarda və müəyyən edilmiş qaydada həyata keçirilir.

8. Gəmi gömrük nəzarətindən keçirildiyi zaman gömrük orqanının əməkdaşları aşağıdakıları həyata keçirirlər:

• gömrük orqanına təqdim olunmuş sənədlərdə göstərilmiş məlumatların doğruluğunu yoxlayır və Azərbaycan Respublikasının gömrük qanunvericiliyinə əsasən gəmiyə və mallara gömrük nəzarətini həyata keçirirlər;
• gəminin gəlişi zamanı qoyulmuş eyniləşdirmə vasitələrini (plomblar, möhürlər və s.) yoxlayır, lazım gəldikdə isə onları çıxarırlar;
• gəminin gəlişi zamanı bəyan olunmuş və gəminin limanda dayandığı müddətdə istifadə olunmuş gəmi ləvazimatının və gəminin ehtiyat hissələrinin mövcudluğunu yoxlayır, onların gəmi ləvazimatı haqda arayışda, gəminin material uçotu jurnalında və digər sənədlərdə doğruluğunu yoxlayırlar;
• gəmiyə yüklənmiş gəminin ehtiyat hissələrinin, gəmi ləvazimatı və gəmi təchizatının faktiki gəmi və gömrük sənədlərində (gəmi ləvazimatı haqda arayış, gəminin material uçotu jurnalı və digər sənədlərdə) doğruluğunu yoxlayırlar.

9. Gömrük orqanının əməkdaşı təqdim olunmuş gəmi sənədlərini yoxladıqdan sonra:

• Baş bəyannamədə ştamp vurur (əlavə № 2) onu doldurur, imzalayır və şəxsi nömrəli möhürlə təsdiqləyir;
• gəmi ləvazimatı barədə arayış sənədində aşağıdakı qeydlər aparır:

«Gəminin yola düşməsi üçün yoxlanılmış, təqdim edilmiş məlumatlar doğrudur», gəminin yola düşmə tarixini qoyur, imzalayır və şəxsi nömrəli möhürlə təsdiqləyir;

• CN-37 qaimə, yük haqda bəyannamə və gəmi manifestində «Buraxılsın» ştampını vurur, imza qoyur və şəxsi nömrəli möhürlə təsdiqləyir;
• gəmi heyətinin siyahısı və sərnişinlərin siyahı sənədlərində gəmi işinin nömrəsini göstərir və şəxsi nömrəli möhürlə təsdiqləyir;
• dərman preparatları sənədində, valyuta və valyuta sərvətləri haqda arayışda, eləcə də silahların siyahısında bəyan olunmuş məlumatların faktiki doğruluğunu qeyd edir, imzalayır və şəxsi nömrəli möhürlə təsdiqləyir.

Gömrük orqanının qeydləri aparılmış sənədlərin surətlərinin sayı gəmi kapitanının xahişi ilə artırıla bilər.

10. Gəmidən qayıtdıqdan sonra gömrük orqanının səlahiyyətli nümayəndəsi xaricə üzən gəmilərin qeydiyyat jurnalının 10-15 qrafalarını, «gəmi işi» sənədinin gəminin çıxışına aid hissəsini tərtib edir.

• tapşırıq sənədinin tarixi və sıra nömrəsi;
• gəminin adı, onun mənsub olduğu ölkənin adı;
• malların yüklənməsi limanı;
• mal göndərənlərin adları;
• malların boşaldılması limanı;
• malları alanın adı, rekvizitləri;
• birmənalı eyniləşdirilməsinə imkan verən malların adı, yerlərin sayı, çəkisi (kq.) ölçüsü (m3-lə), markalanması, qablaşdırma növü və başqa məlumatlar;
• çıxarılan mallara dair gömrük rəsmiləşdirilməsi həyata keçirilmiş gömrük bəyannamələrinin sıra nömrəsi;
• malların kodu (Xarici İqtisadi Fəaliyyətin Mal Nomenklaturası üzrə).

Tapşırıq sənədi malları keçirən şəxs tərəfindən imzalanır.

Tapşırıq sənədində göstərilən malların miqdarı (çəkisi, ölçüsü və s.) gömrük bəyannaməsində (malların nəzarət altında çatdırılması üçün sənəd) bəyan olunmuş malların miqdarından artıq olmamalıdır.

2. Malları keçirən şəxs tapşırıq sənədi ilə birlikdə gömrük orqanına aşağıdakı sənədləri təqdim edir:

• gömrük qanunvericiliyində müəyyən olunmuş qaydada rəsmiləşdirilmiş gömrük bəyannamələrinin surətləri;
• Beynəlxalq Yük Daşımaları (nəzarət altında çatdırma) sənədi;
• digər gömrük orqanları tərəfindən qeydiyyat aparılmış nəqliyyat və mal müşayiət sənədləri (əgər mal göndərən digər gömrük orqanının fəaliyyət zonasında yerləşirsə).
• Azərbaycan Respublikasının gömrük qanunvericiliyinə əsasən malların Azərbaycan Respublikasının gömrük ərazisindən çıxarılması üçün tələb olunan digər sənədlər.

3. Gömrük orqanının əməkdaşı təqdim olunmuş sənədlər yoxlanıldıqdan sonra tapşırıq sənədinin bütün nüsxələrində «Yüklənməyə icazə verilib» ştampı vurur, imzalayır və şəxsi nömrəli möhürlə təsdiqləyir.

4. Tapşırıq sənədinin rəsmiləşdirilmiş nüsxələri aşağıdakı qaydada bölüşdürülür:

• nəzarət üçün gömrük orqanına;
• gəminin kapitanına;
• malları keçirən şəxsə;
• limanın səlahiyyətli nümayəndəsinə.

5. Malların yüklənməsinə nəzarət edən gömrük orqanının əməkdaşı malların gəmiyə yüklənməsi zamanı onların açılmasını, təkrar sayılmasını və çəkilməsini tələb etmək hüququna malikdir.

6. Gömrük orqanının həmin tələbləri yazılı şəkildə sənədləşdirilir (mallara baxış haqda tapşırıq sənədi). Bu əməliyyatların yerinə yetirilməsi üçün məsul şəxslər həmin tələbləri gömrük orqanı tərəfindən müəyyən olunmuş vaxt ərzində həyata keçirməlidirlər.

7. Azərbaycan Respublikası DQK-nın normativ hüquqi aktlarında müəyyən olunmuş qaydada gömrük orqanı mallardan prob və nümunələr götürmək və müayinə etmək hüququna malikdir.

8. Yüklərin (malların) gəmiyə yüklənməsi başa çatdıqdan sonra yüklərə dair sənədlər rəsmiləşdirilir. Bu cür sənədlərə – konosament, yük haqda bəyannamə, gəmi manifesti və digər sənədlər daxildir.

9. Gömrük orqanının əməkdaşı yüklər (mallar) gəmiyə yükləndikdən sonra tapşırıq sənədində bəyan olunmuş məlumatlarla, yüklərə (mallara) dair sənədlərdəki məlumatları yoxlayır, eləcə də lazım gəldikdə gömrük eyniləşdirmə vasitələrini (plomb, möhür və s.) vurur.

Gəmi manifesti və yük haqda bəyannamə sənədlərində qoyulmuş gömrük eyniləşdirmə vasitələrinin sayı və nömrəsi müvafiq qaydada qeyd edilir.

Ticarət gəmiçiliyində istifadə olunan
gəmilər, digər üzən nəqliyyat vasitələri və
həmin nəqliyyat vasitələri ilə daşınan mallar
üzərində gömrük nəzarəti və gömrük
rəsmiləşdirilməsi Qaydalarına
əlavə № 1

Ticarət gəmiçiliyində istifadə olunan
gəmilər, digər üzən nəqliyyat vasitələri və
həmin nəqliyyat vasitələri ilə daşınan mallar
üzərində gömrük nəzarəti və gömrük
rəsmiləşdirilməsi Qaydalarına
əlavə № 2

18 iyun 2002-ci il

Azərbaycan Respublikası Gömrük Məcəlləsinin 9-cu maddəsinə müvafiq olaraq əmr edirəm:

1. «Ticarət gəmiçiliyində istifadə olunan gəmilər, digər üzən nəqliyyat vasitələri və həmin nəqliyyat vasitələri ilə daşınan mallar üzərində gömrük nəzarəti və gömrük rəsmiləşdirilməsi Qaydaları» təsdiq edilsin (əlavə olunur).

2. «Ticarət gəmiçiliyində istifadə olunan gəmilər, digər üzən nəqliyyat vasitələri və həmin nəqliyyat vasitələri ilə daşınan mallar üzərində gömrük nəzarəti və gömrük rəsmiləşdirilməsi Qaydaları» normativ-hüquqi akt kimi qeydiyyata alınması üçün Azərbaycan Respublikasının Ədliyyə Nazirliyinə təqdim olunsun.

3. Bu Qaydalar Azərbaycan Respublikasının Ədliyyə Nazirliyi tərəfindən qeydiyyata alındığı gündən qüvvəyə minsin.

4. İşlər İdarəsi (N.Məmmədov) Qaydaların Azərbaycan Respublikasının Ədliyyə Nazirliyində qeydiyyata alındıqdan sonra gömrük orqanlarına göndərilməsini təmin etsin.

5. Əmrin icrasına nəzarət Komitə Sədrinin birinci müavini A.Əliyevə həvalə edilsin.

Komitənin sədri

K.F.HEYDƏROV