Bakı şəhəri, 10 oktyabr 1996-cı il

Xəzər dənizinin Azərbaycan sektorunda Azəri, Çıraq və Günəşli yataqlarının birgə işlənməsi üzrə aparılan idxal və ixrac əməliyyatlarının rəsmiləşdirilməsində göstərilən gömrük xidmətlərindən alınan ödənclərin, malın gömrük dəyərinə müvafiq olaraq tənzimlənməsi məqsədilə Azərbaycan Respublikasının Nazirlər Kabineti qərara alır:

1. Azərbaycan Respublikasının 1994-cü il 2 dekabr tarixli Qanunu ilə təsdiq edilmiş «Xəzər dənizinin Azərbaycan sektorunda Azəri, Çıraq yataqlarının və Günəşli yatağının dərinlikdə yerləşən hissəsinin birgə işlənməsi və neft hasilatının pay bölgüsü haqqında 1994-cü il 20 sentyabr tarixli Saziş»in 18.3 bəndində göstərilən idxal və ixrac əməliyyatlarının rəsmiləşdirilməsi üzrə gömrük xidmətləri ödənclərinin dərəcələri bu qərara əlavə olunan fərqlənmə sistemi ilə müəyyən edilsin.

2. Azərbaycan Respublikasının Dövlət Gömrük Komitəsi bu qərarın icrası ilə əlaqədar gömrük orqanlarına müvafiq təlimatlar versin.

Baş nazirin birinci müavini

A. RASİZADƏ.

Azərbaycan Respublikası Nazirlər Kabinetinin
1996-cı il 10 oktyabr tarixli
140 nömrəli qərarına
Əlavə