I. Ümumi müddəalar

1. Azərbaycan Respublikasının gömrük qanunvericiliyinə əsasən gömrük sərhədindən uçuş keçirən bütün hava gəmiləri və onların vasitəsi ilə daşınan yüklər, beynəlxalq poçt göndərişləri, baqaj, sərnişinlərin və ekipaj üzvlərinin əl yükü bəyan edilməklə gömrük nəzarətindən və gömrük rəsmiləşdirilməsindən keçirilir.

2. Sərnişin və yüklərin beynalxalq uçuşu üçün istifadə olunan hava gəmiləri Azərbaycan Respublikasının gömrük sərhədindən gömrük qanunvericiliyinin tələblərinə müvafiq olaraq nəqliyyat vasitələrinə tətbiq edilən müvəqqəti idxal (ixrac) gömrük rejiminin şərtlərinə uyğun olaraq keçirlər.

3. Yola düşmə və təyinat məntəqələri Azərbaycan Respublikasının gömrük ərazisi hüdudlarından kənarda olmaqla beynalxalq hava daşımaları həyata keçirən hava gəmiləri Azərbaycan Respublikasının gömrük ərazisində sərnişin və ya yük boşaltma (götürmə) məqsədli (sonradan – kommersiya məqsədli) planlaşdırılmış enmə həyata keçirdikdə, o tranzit gömrük rejimi altında yerləşdirilir.

4. Gömrük qanunvericiliyinin tələblərinə əsasən müvəqqəti idxal (ixrac) və ya tranzit gömrük rejimlərinə uyğun olaraq gömrük rüsum və vergilərindən tamamilə azad olunduğu hallarda hava gəmilərinin gömrük rəsmiləşdirilməsi və bəyan olunması, bu Qaydalarla müəyyən olunan sənədlər əsasında sadələşdirilmiş qaydada aparılır.

5. Hava gəmilərinin gömrük rüsum və vergilərindən qismən azad olunmaqla gömrük rəsmiləşdirilməsi gömrük məqsədi üçün lazım olan yük gömrük bəyannaməsinin və digər sənədlərin, habelə siyahısı bu Qaydalarla müəyyən olunan sənədlərin təqdim olunması ilə həyata keçirilir.

6. Hava gəmilərinin normal istismarı və texniki xidmət üçün lazım olan və ya gəminin bortunda olan sərnişinlərin və ekipaj heyətinin istifadəsi üçün nəzərdə tutulan mallar Azərbaycan Respublikasının gömrük ərazisinə daxil olduğu zaman və ya Azərbaycan Respublikasının gömrük ərazisində dayanma zamanı hava gəmisinə yükləndikdə və ya boşaldıldıqda Azərbaycan Respublikası DGK-nın normativ-hüquqi aktlarında nəzərdə tutulan qaydada gömrük nəzarətindən və gömrük rəsmiləşdirilməsindən keçirilir.

7. Gömrük orqanları gömrük nəzarətinin həyata keçirilməsi məqsədi ilə mütəmadi beynəlxalq avia-xətlərdə hava gəmilərinin uçuş cədvəlini (tənzimlənən beynəlxalq uçuşların cədvəli), həmçinin mütəmadi uçuş cədvəlindən əlavə (tənzimlənən uçuşlar) Azərbaycan Respublikası gömrük ərazisinə gələn və Azərbaycan Respublikası gömrük ərazisindən gedən hava gəmiləri haqqında məlumatları beynəlxalq hava limanı rəhbərliyindən alırlar.

Hava limanı rəhbərliyi tərəfindən təqdim olunan mütəmadi olmayan uçuşlar haqqında məlumatda istismarçı, hava gəmisi, enmə və uçma vaxtları, sərnişinlərin sayı, yükün adı və miqdarı haqqında qeydlər olmalıdır.

8. Hava limanlarının rəhbərliyi tərəfindən hava gəmilərinin və onların vasitəsi ilə daşınan yüklərin, beynəlxalq poçt göndərişlərinin, baqajın, sərnişinlərin və ekipaj üzvlərinin əl yükünün gömrük nəzarətindən və gömrük rəsmiləşdirilməsindən keçirilməsi üçün bütün lazımi şərait yaradılır.

9. Gömrük orqanları hava limanlarının rəhbərliyi tərəfindən onların istifadəsi üçün verilən texniki vasitələrin, avadanlıqların və əmlakın normal istismarı üçün maddi məsuliyyət daşıyırlar.

10. Hava limanına enən hava gəmilərinin dayanma yeri gömrük nəzarəti zonasına aid olunur və gömrük orqanlarını qabaqcadan məlumatlandırmadan hava gəmilərinin yerlərinin dəyişdirilməsinə və yaxud onların beynəlxalq hava daşımaları üçün uçuşa buraxılmasına yol verilmir.

11. Respublika ərazisinə gələn hava gəmiləri təyinat hava limanına çatmamış aralıq hava limanında endikdə və yaxud respublikadan xaricə uçan hava gəmiləri bu ərazidə aralıq hava limanına endikdə bütün dayanacaq müddətləri ərzində gömrük nəzarəti altında olurlar.

12. Yüklərin hava gəmilərinə yüklənməsi, boşaldılması və təzədən yüklənməsi, beynəlxalq poçt göndərişlərinin və sərnişinlərin baqajlarının yüklənməsi, qablaşdırılması və yenidən qablaşdırılması yalnız gömrük orqanlarının razılığı əsasında müəyyən olunmuş yerlərdə həyata keçirilir.

13. Baqaj və yüklər təyyarənin dayanacaq yerindən baxış zallarına və buradan əks marşrutla daşınması hava limanının nəqliyyatı ilə həyata keçirilir. Təyyarədən baxış zalına qədər olan məsafə ərzində yüklərin daşınması zamanı hava limanının rəhbərliyi tərəfindən müvafiq qaydada həmin baqaj və yüklərin toxunulmazlığı təmin edilir.

14. Beynəlxalq marşrutlarla uçan hava gəmilərinə sərnişinlərin minməsi və yaxud xaricdən gələn hava gəmilərindən sərnişinlərin enməsi gömrük nəzarəti təmin olunmaqla həyata keçirilir.

II. Hava gəmilərinin və onlarla daşınan yüklərin gömrük rəsmiləşdirilməsi nəzarəti üçün təqdim olunan sənədlər

1. Hava gəmisinin qəbulu və uçuşu üçün əsas sənəd Baş bəyannamə hesab edilir.

2. Hava gəmisinin komandiri və ya onun adından çıxış etmək səlahiyyəti olan şəxs (bundan sonra agent) gömrük nəzarətinin, gömrük rəsmiləşdirilməsinin həyata keçirilməsi üçün gömrük orqanlarına aşağıdakı sənədləri təqdim edir:

III. Azərbaycan Respublikasının gömrük ərazisinə daxil olan hava gəmilərinin və onlarla daşınan yüklərin üzərində gömrük nəzarətinin və gömrük rəsmiləşdirilməsinin aparılması

1. Hava gəmiləri yerə endikdən sonra onlar üçün ayrılmış dayanacaqda gömrük rəsmiləşdirilməsi başa çatanadək dayanmalıdırlar.

2. Bu Qaydaların II bölməsində adları çəkilən sənədlər təqdim olunduqdan sonra gömrük əməkdaşları aşağıdakı əməliyyatları həyata keçirirlər:

IV. Azərbaycan Respublikasının gömrük ərazisindən gedən hava gəmilərinin və onlarla daşınan yüklərin üzərində gömrük nəzarətinin və gömrük rəsmiləşdirilməsinin aparılması

1. Yüklərin hava gəmisinə yüklənməsi həmin yüklərə dair sənədlərdə gömrük orqanının yüklərin buraxılmasına dair müvafiq qeydiyyatı olduğu və gömrük orqanının əməkdaşına təqdim edildiyi təqdirdə icazə verilir.

2. Azərbaycan Respublikasının ərazisindən gedən hava gəmisinin komandiri və yaxud agent uçuşa ən azı 1 saat qalmış gömrük orqanına aşağıdakı sənədləri təqdim edir:

V. Hava gəmilərinin Azərbaycan Respublikasının gömrük ərazisinə texniki enməsi zamanı gömrük rəsmiləşdirilməsi və gömrük nəzarəti

1. Hava gəmilərinin respublikanın gömrük ərazisinə texniki enməsi zamanı, enməyə ən azı bir saat qalmış hava limanlarının rəhbərliyi tərəfindən bu haqda gömrük orqanlarına məlumat verilir.

2. Texniki enmə yerində yerləşən hava gəmisinin bortunda olan mallar boşaldıldığı və yükləndiyi təqdirdə gömrük orqanı onların gömrük nəzarətini və gömrük rəsmiləşdirilməsini həyata keçirir.

3. Texniki enmə zamanı gömrük orqanlarının əməkdaşları aşağıdakı əməliyyatları həyata keçirirlər:

VI. Azərbaycan Respublikası gömrük ərazisində bir neçə enməni həyata keçirən hava gəmilərinin gömrük rəsmiləşdirilməsi və onların üzərində gömrük nəzarətinin aparılması xüsusiyyətləri

1. Beynəlxalq hava marşrutu ilə uçan hava gəmisinin Azərbaycan Respublikasının gömrük ərazisində bir neçə enmə ilə həyata keçirilən marşrutu zamanı gömrük nəzarətinin və gömrük rəsmiləşdirilməsinin aparılması bu Qaydaların II və III bölmələrinin müddəalarına uyğun olaraq keçirilir.

Bu zaman hava gəmisinin bortunda olan mallar ilk enmə məntəqəsində tranzit gömrük rejimi altında yerləşdirilir. İlk enmə gömrük orqanında tranzit rejimi müvafiq qaydada nəzarətə götürülür və bu haqda təyinat gömrük orqanı məlumatlandırılır.

Hava gəmisi Azərbaycan Respublikasının gömrük ərazisində kommersiya məqsədi ilə bir enməni həyata keçirirsə, bu halda gəmi bortunda olan malların tranzit bəyannaməsi ilə rəsmiləşdirilməsi aparılmır.

Enmə başa çatdıqdan sonrakı 2 saat müddətində enmə yerində yerləşən gömrük orqanı hava gəmisinin əvvəlki enmə yerində yerləşən gömrük orqanını gəminin enmə faktı, tarixi və enmə vaxtı göstərməklə məlumatlandırır.

VII. Transfer

1. Azərbaycan Respublikasının gömrük ərazisi ilə tranzit keçən hava gəmilərinin dayanacaq yerlərindən aviaqaimə ilə mallar transfer (yükləmə) məntəqələrinə gətirilərək bir hava gəmisinin bortundan digərinin bortuna, faktiki olaraq onların müvəqqəti saxlanc anbarına yerləşdirilmədən yuklənməsinə icazə verilə bilər. Bu halda yükləmə gömrük orqanı əməkdaşının iştirakı ilə həyata keçirilir.

İcazə yalnız yüklənmiş malların Azərbaycan Respublikası gömrük ərazisinin hüdudlarından kənara aparıldığı təqdirdə verilir.

Transferin rəsmiləşdirilməsi gömrük qanunvericiliyində nəzərdə tutulmuş qaydalara müvafiq olaraq həyata keçirilir.

2. Transfer (yükləmə) planlaşdırılanda səlahiyyətli agent nəzərdə tutulan yükləmə tarixinə ən azı bir gün qalmış gömrük orqanına imza və möhürlə təsdiqlənmiş aşağıdakı məlumatları əks etdirən ərizə təqdim edir:

VIII. Məcburi enmə

1. Hava gəmisinin beynəlxalq hava daşımaları üçün açıq olmayan hava limanlarında fövqəladə hallar və ya anlaşılmazlıq nəticəsində plandan kənar enməsi hallarında hava limanının rəhbərliyi enmə yerinə yaxın yerləşən gömrük orqanını məlumatlandırır və gömrük orqanının əməkdaşı gələnə qədər hava gəmisinə icazəsiz yanaşmaya qarşı tədbirlər görür.

Bu bəndin tələblərinə yalnız fors-major hallarında (qəza, bədbəxt hadisə zamanı insanlar, hava gəmisi, mallar üçün təhlükəli şərait yarandıqda və s.) riayət olunmur.

2. Məcburi enmə hallarında gömrük rəsmiləşdirilməsi və gömrük nəzarəti üzrə sonrakı hərəkətlər (uçuşun yerinə yetirilməsi mümkün olmadığı hallar da daxil olmaqla) bu Qaydalara uyğun olaraq həyata keçirilir.

IX. Yekun müddəalar

1. Hava gəmilərinin gömrük rəsmiləşdirilməsinin və onlara gömrük nəzarətini həyata keçirən gömrük orqanının əməkdaşları «Hava gəmilərinin uçub gəlmə-uçub getmələrinin qeydiyyat jurnalı»nda (Əlavə 1) uçuşun təyinatından asılı olaraq (əgər yük daşımaları həyata keçirilirsə) yüklər haqqında müvafiq qeydlər aparırlar.

2. Hava gəmilərinin gömrük rəsmiləşdirilməsi və ona gömrük nəzarətinin aparılması zamanı gömrük hüquqpozmalarının əlamətləri aşkar olunan hallarda gömrük orqanının əməkdaşı tərəfindən Azərbaycan Respublikası Gömrük Məcəlləsi və digər normativ-hüquqi aktlarda nəzərdə tutulan tədbirlər həyata keçirilir.

3. Bu Qaydalarda nəzərdə tutulmuş müddəaların və tələblərin pozulmasına görə məsuliyyət Azərbaycan Respublikasının müvafiq qanunvericilik aktları ilə müəyyən edilir.

Hava gəmilərinin uçub gəlmə/uçub getmələri üzrə
Qeydiyyat kitabı