Qrup 21. Müxtəlif ərzaq məhsulları

Qeydlər:

1. Aşağıdakılar bu qrupa daxil olunmur:

a) 0712 mal mövqeyinin tərəvəz qarışıqları;

b) tərkibində istənilən nisbətdə qəhvə olan qovrulmuş qəhvə əvəzləyiciləri (0901 mal mövqeyi);

v) tərkibində dad-aromatik əlavələri olan çay (0902 mal mövqeyi);

q) 0904-0910 mal mövqelərindəki ədviyyatlar və digər məhsullar;

d) tərkibində 20 kütlə %-dən çox kolbasa, ət, ət məhsulları, qan, balıq və ya xərçəngkimilər, molyuskalar və ya digər su onurğasızları və ya bu məhsulların istənilən kombinasiyaları olan hazır ərzaq məhsulları, 2103 və ya 2104 mal mövqelərindəki məhsullar istisna olmaqla(qrup 16);

e) 3003 və ya 3004 mal mövqelərindəki, dərman vasitəsi kimi istifadə olunan mayalar və ya digər məhsullar;

j) 3507 mal mövqeyindəki ferment preparatları.

2. 1b qeydində göstərilmiş, qovrulmuş təbii qəhvə əvəzləyicisi ekstraktları 2101 mal mövqeyinə daxil olunur.

3. 2104 mal mövqeyindəki «homogenləşdirilmiş mürəkkəb hazır ərzaq məhsulları» termini, uşaq qidası və ya diyetik qida kimi pərakəndə satış üçün 250 q-dan artıq olmayan qutulara qablaşdırılmış, xırda doğranmış ət, balıq, tərəvəz və ya meyvə kimi iki və ya daha artıq əsas komponentdən ibarət hazır məhsulları bildirir. Bu zaman həmin məhsullara ədviyyat, konservant kimi və ya başqa məqsədlərlə əlavə olunmuş inqrediyentlər nəzərə alınmır. Bu məhsulların tərkibində əsas komponentlərin gözlə görünə bilən kiçik tikələri ola bilər.

Əlavə qeydlər:

1. 2103 20 000 00 və 2103 90 900 0 alt yarımmövqelərdəki «sous» termini tərəvəz, meyvə və ya bitkilərin digər yeməli hissələrindən alınmış hazır məhsullara o zaman tətbiq olunmur ki, onların 5 mm deşikli metal ələkdən (20⁰C temperaturlu su ilə yuyulduqdan sonra) keçən inqrediyentlərinin faizlə tərkibi ilkin məhsula nisbətdə 80 kütlə %-dən az olsun.

2. 2106 10 200 0 və 2106 90 920 0 alt yarımmövqelərdəki «nişasta» termini nişastanın parçalanmasından alınan məhsulları da bildirir.

3. 2106 90 100 0 alt yarımmövqeyində «ərinmiş pendir» termini süd yağının tərkibi 12 kültə% və daha çox, lakin 18 kütlə %-dən az olan və ərinmiş pendirə (yalnız Emmentalıe və Qryuyer) ağ şərab, albalı arağı, nişasta və ədviyyat əlavə olunmaqla hazırlanmış və 1 kq.-lıq (və ya daha az) ilkin qutulara qablaşdırılmış hazır məhsulları bildirir.

4. 2106 90 200 0 alt yarımmövqeyində «mürəkkəb spirtli yarımfabrikatlar, içkilərin istehsalında istifadə olunan, ətirli maddə əsaslı məhsullardan başqa» termini spirt konsentrasiyası 0,5 həcm %-dən çox olan mürəkkəb spirtli yarımfabrikatları bildirir.

5. 2106 90 300 0 alt yarımmövqeyindəki «izoqlükoza»i termini quru halda fruktoza tərkibi 10 kütlə %-dən az olmayan, qlükoza və ya onun polimerlərindən alınan məhsulu bildirir.