Qrup 34. Sabun, səthi - aktiv üzvi maddələr, yuyucu vasitələr, sürtkü materialları, süni və hazır mumlar, təmizləmə və cilalama üçün tərkiblər, şamlar və analoji məmulatlar, yapma üçün pasta, plastilin, «diş müalicəsi mumu» və diş müalicəsi üçün gips əsaslı tərkiblər

Qeydlər:

1. Bu qrupa aşağıdakılar daxil olunmur:

a) heyvan və ya bitki mənşəli piylər və yağlar əsasında hazırlanan, formaların yağlanmasında istifadə olunan qida qarışıqları və ya hazır məhsullar (1517 mal mövqeyi);

b) müəyyən kimyəvi tərkibin ayrı-ayrı birləşmələri; və ya

v) şampunlar, diş təmizləmək üçün vasitələr, təraş üçün kremlər və köpüklər və ya tərkibində sabun və ya digər üzvi səthi- aktiv maddələr olan, vanna qəbul etmək üçün vasitələr (3305, 3306 və ya 3307 mal mövqeyi).

2. 3401 mal mövqeyində «sabun» termini yalnız suda həll olan sabunları bildirir. 3401 mal mövqeyindəki sabun və digər maddələrə əlavələr (məsələn, dezinfeksiya edici vasitələr, abraziv tozlar, aşqarlar və ya dərman vasitələri) oluna bilər. Tərkibində abraziv tozları olan maddələr yalnız, kərpiclər, parçalar və ya formalaşmış məmulatlar şəklində olduqda 3401 mal mövqeyinə daxil edilir. Həmin məhsullar başqa formada olduqda «təmizləyici tozlar və analoji vasitələr» kimi 3405 mal mövqeyinə daxil edilir.

3. 3402 mal mövqşeyində «üzvi səthi- aktiv maddələr» termini o məhsulları bildirir ki, onlar, 20⁰C temperaturda, su ilə 0,5% qatılıqda qarışdırıldıqda və həmin temperaturda 1 saat müddətində saxlanıldıqda:

a) həllolmayan maddə çökmədən, şəffaf və ya yarımşəffaf və ya sabit emulsiya verir; və

b) suyun səthi gərilməsini 4,5x10^-2 N/m (45 din/sm)-ə qədər və ya daha aşağı salır.

4. 3403 mal mövqeyində «bitumlu minerallardan alınmış neft və neft məhsulları» termini 27-ci bəndin 2-ci qeydində göstərilən məhsulları bildirir.

5. Aşağıdakı istisnaları nəzərə almaqla, 3404 mal mövqeyindəki « suni və hazır mumlar» termini yalnız aşağıdakıları bildirir:

A) kimyəvi yolla alınmış, mumoxşar xassəli üzvi məhsulları, suda həll olan və ya həll olmayan;

B) müxtəlif növlü mumların qarışdırılmasından alınan məhsulları;

V) tərkibində piylər, qətranlar, mineral maddələr və ya digər materiallar olan, bir və ya bir neçə növlu mum əsasında alınan mumaoxşar xassəli məhsullar.

Bu mal mövqeyinə aşağıdakılar daxil deyil:

a) 1516, 3402 və ya 3823 mal mövqeyinin məhsulları, onlarda mumaoxşar xassələr olsa belə;

b) 1521 mal mövqeyində heyvan və ya bitki mənşəli qarışdırılmamış mumlar, təmizlənmiş və ya təmizlənməmiş, boyanmış və ya boyanmamış;

v) 2712 mal mövqeyinin mineral mumları və ya analoji məhsulları, qarışdırılmış və ya qarışdırılmamış, və ya sadəcə boyanmış və ya boyanmamış; və ya

q) maye mühitdə qarışdırılmış, onun içində dispersləşmiş və həll olmuş mumlar (3405, 3809 və s. mal mövqeləri).