Qrup 40. Kauçuk, rezin və onlardan hazırlanan məmulatlar

Qeydlər:

1. Əgər kontekstdə ayrı şərt qoyulmayıbsa, bu Nomenklaturanın bütün bölmələrində «kauçuk» termini aşağıdakı vulkanlaşdırılmış və ya vulkanlaşdırılmamış, yaxud bərk və ya qeyri bərk maddələri bildirir: təbii kauçuk, balata, quttaperça, qvayula və çikl və təbii kauçukun anoloji növləri, yağlardan alınmış sintetik kauçuk, faktis və həmin materiallar regenerasiya edilmiş şəkildə.

2. Bu qrupa aşağıdakılar daxil edilmir:

a. XI bölmənin malları (tekstil materialları və tekstil məmulatları);

b. Ayaqqabı və onun detalları (64-cü qrup);

v. 65-ci qrupda göstərilən baş geyimləri və onun hissələri (üzgüçülük şapkaları daxil olmaqla);

q. mexaniki və ya elektrik qurğuları və ya onların XVI bölmədə göstərilən bərk rezindən (ebonitdən) hissələri (bütün növlərdən elektrik malları daxil olmaqla);

d. 90-cı, 92-ci, 94-cü və ya 96-cı qrupların məmulatları;

e. 95-ci qrupun məmulatları (idman əlcəkləri və 4011-4013 mal mövqelərində göstərilən məmulatlardan başqa)

3. 4001-4003 və 4005 mal mövqelərində «ilkin formalar» termini aşağıdakı formaları bildirir:

a. mayelər və pastalar (lateks, yarıvulkanlaşdırılmış və ya vulkanlaşdırılmamış lateks və ya digər dispersiya və məhlullar daxil olmaqla);

b. qeyri-düzgün formalı bloklar, parçalar, topalar, qranullar (dənəvərlər), tozlar, qırıntı və anoloji səpmə formalar.

4. Bu qrupa 1-ci qeyddə və 4002 mal mövqeyində «sintetik kauçuk» termini aşağıdakıları bildirir:

a. kükürdlə vulkanlaşdırma yolu ilə 18-190C temperaturda özünün əvvəlki uzunluğundan 3 dəfə gərildikdə qırılmayan, 5 dəqiqə müddətində 2 dəfə gərildikdə isə əvvəlki uzunluğundan 1,5 dəfədən artıq olmayan uzunluğa qayıdan, dönməz qeyri-termoplastik maddəyə çevrilən sintetik maddələr. Göstərilən sınaq zamanı köndələn rabitə yaradan, məsələn, vulkanlaşdırmanı aktivləşdirən və ya sürətləndirən maddələr əlavə edilməsinə icazə verilir. 5 b (ii və iii) qeydində göstərilən maddələrin də olmasına yol verilir. Lakin köndələn rabitələrin yaranması üçün nəzərdə tutulmayan maddələrin (məsələn, durulaşdırıcılar, plastifikatorlar və aşqarlar) daxil edilməsinə yol verilmir.

b. tioplastlar (TM); və

v. plastik kütlələrlə peyvənd etmə və ya qarışdırılma yolu ilə modifikasiya edilmiş təbii kauçuk, depolimerləşdirilmiş təbii kauçuk, doymamış sintetik maddələrin doymuş sintetik yüksəkmolekulyar polimerlə qarışıqları, bir şərtlə ki, sadalanan maddələr yuxarıda bu qeydin 4a bəndində vulkanlaşdırma, gərilmə və ölçülərin bərpasına aid göstərilən tələblərə uyğun gəlsin.

5. a. 4001 və 4002 mal mövqelərinə kauçuk və ya kauçukların qarışıqları daxil edilmir, əgər onlar koaqulyasiyaya qədər və ondan sonra aşağıdakılarla qarışdırılıbsa:

i. vulkanlaşdırıcı agentlər, sürətləndiricilər, ləngidicilər və ya aktivləşdiricilər (yarıvulkanlaşmış kauçuk lateksinin hazırlanması üçün əlavə edilənlərdən başqa);

ii. piqmentlər və ya digər boyayıcı məddələr, yalnız identifikasiya məqsədləri üçün istifadə edilənlərdən başqa;

iii. plastifikatorlar və ya aşqarlar (yağ hopdurulmuş kauçuk halında mineral yağ istisna olmaqla); möhkəmlik gücləndiriciləri, üzvi həlledicilər və ya 5 b bəndində göstərilənlər istisna olmaqla, hər hansı digər maddələr;

5. b. Kauçukda və ya kauçukların qarışıqlarında bəzi materialların olması xam material kimi onun xarakterini dəyişmir və buna görə də, onların 4001 və 4002 mal mövqelərində göstərilməsinə mane olmur; belə məddələrə aşağıdakılar aiddir:

i. emulqatorlar və antiadgezivlər;

ii. emulqatorların az miqdarda parçalanma məhsulları;

iii. çox az miqdarda istiyəhəssas agentlər (əsasən istiyə həssas kauçuk latekslərinin), kationlu səthi-aktiv agentlər (adətən elektoromüsbət kauçuk latekslərinin), antioksidantlar, koaqulyantlar, kauçuku qırıntıya çevirən agentlər, şaxtaya davamlılığı təmin edən agentlər, peptizatorlar, koaqulyasiyaya qarşı maddələr, sabitləşdiricilər, özlülüyü tənzimləyən agentlər və ya xüsusi təyinatlı anoloji əlavələr.

6. 4004 mal mövqeyində «tullantılar, qırıqlar və skrap» termini rezinin və rezin məmulatlarının istehsalından və ya emalından qalan tullantıları, qırıqları və skrapı və ya kəsilmə, dağılma və diğər səbəblər üzündən tamamilə istifadəyə yararsız rezin məmulatlarını bildirir.

7. Bütövlükdə vulkanlaşmış rezindən ibarət olan, en kəsiyi 5 mm-dən çox olan saplar 4008 mal mövqeyinə zolaqlar və ya lentlər, millər və ya formalı profillər kimi daxil edilir.

8. 4010 mal mövqeyinə hopdurulmuş, örtüklü və ya rezinlə cütləşdirilmiş parçadan olan və ya hopdurulmuş və ya rezinlə örtülmüş, toxuculuq ipliyindən ya da kordadan rezin konveyer lentləri, ötürücü qayışlar və ya beltinq daxil edilir.

9. 4001, 4002, 4003, 4005 və 4008 mal mövqelərində «plastinlər», «təbəqələr» və ya «zolaqlar və ya lentlər» termini yalnız kəsilməmiş və ya düzbucaqlı (o cümlədən kvadrat) şəklində kəsilmiş, basılmış və ya basılmamış və ya səthi digər üsullarla işlənmiş düzgün həndəsi formalı plastinləri, vərəqləri və zolaqları və ya lentləri və blokları bildirir, digər formalı parçalara kəsilmiş və ya sonrakı emala məruz qalmış materiallardan başqa.

4008 mal mövqeyinə «millər» və ya «formalı profillər» yalnız uzununa kəsilmiş və ya kəsilməmiş, səthi emal olunmuş və ya olunmamış, lakin sonrakı emala məruz qalmamış məmulatları bildirir.