Qrup 48. Kağız və karton; kağız kütlədən, kağızdan və ya kartondan hazırlanan məmulatlar

Qeydlər:

1. Mətndə başqa şərt qoyulmayıbsa, bu qrupda «kağız» termini kartonlara şamil edilir (qalınlığından və ya 1m² —in kütləsindən asılı olmayaraq).

2. Bu qrupa aşağıdakılar daxil edilmir:

a) 30-cu qrupun məmulatları;

b) 3212 mal mövqeyindəki basma folqa;

v) aromatlaşdırılmış kağız, və ya üzəri kosmetik vasitələrlə örtülmüş və ya hopdurulmuş kağız

(33-cü qrup);

q) sabun və ya yuyucu vasitələrlə (3401 mal mövqeyi), və ya cilalayıcı maddələrlə, kremlərlə və ya analoji maddələrlə üzəri örtülmüş və ya hopdurulmuş kağız və ya sellüloz pambıq (3405 mal mövqeyi);

d) 3701-3704 mal mövqelərindəki həssas (işığa və ya digər şualara) kağız və karton;

e) diaqnostik və ya laboratoriya reagentlərlə hopdurulmuş kağız ( 3822 mal mövqeyi);

j) kağız içlikli laylı plastik lövhə, və ya bir layı plastik kütlə ilə örtülmüş kağız və ya karton (əgər plastik kütlə bütün materialın qalınlığının yarıdan çoxunu təşkil edirsə) və ya bu cür materiallardan hazırlanmış məmulatlar, 4814 mal mövqeyinin divar örtükləri istisna olmaqla (qrua 39);

z) 4202 mal mövqeyinin məmulatları (məsələn, yol ləvazimatı);

i) 46-cı qrupun məmulatları (hörmə materiallarından hazırlanan məmulatlar);

k) kağız iplik və ya ondan hazırlanan toxuculuq məmulatları (XI bölmə);

l) 64 və ya 65-ci qrupun məmulatları;

m) abraziv kağız və ya karton (6805 mal mövqeyi) və ya kağız və ya karton əsaslı slüda

(6814 mal mövqeyi) (lakin üzəri slüda ilə örtülmüş kağız və karton bu qrupa daxil edilir);

n) kağız və ya karton əsaslı metallik folqa (XI bölmə);

o) 9202 mal mövqeyinin məmulatları; və ya

p) 95-ci qrupun məmulatları (məsələn, oyuncaqlar, oyunlar, idman inventarı) və ya 96-cı qrupun məmulatrı (məsələn, düymələr).

3. Bu qrupun 7-ci qeydinin şərtlərinə müvafiq olaraq, 4801-4805 mal mövqelərinə kalandirləşməyə və ya superkalandirləşməyə məruz qalan, cilalanmaya və ya analoji emala məruz qalan , üzərinə su nişanı vurulmuş və ya səthi yapışqanlı kağız və karton, eləcə də istənilən üsullarla mərmər kimi bəzədilmiş və ya boyanmış kağız, karton, sellüloz pambıq və ya sellüloz liflərdən kətanlar daxildir. 4803 mal mövqeyində qoyulmuş xüsusi şərtlər istina olmaqla, digər yolla emal edilmiş kağız, karton, sellüloz pambıq və ya sellüloz lifindən hazırlanmış kətan bu mal mövqelərinə daxil deyil.

4. Bu qrupda «qəzet kağızı» termini qəzet çapı üçün nəzərdə tutulmuş, tərkibində oduncaq lifinin kütləsi ümumi lif kütləsinin 65%-dən az olmayan, mexaniki və ya kimyəvi yolla alınmış, yapışqanlanmamış və ya zəif yapışqanlanmış, hər iki səthinin kələ-kötürlüyü Parket Print Surf (1MPA) aparatı ilə ölçülərkən 2,5 mkm (mikron) —dan çox olan, 1m ² —nin kütləsi ən azı 40q, ən çoxu 65 q olan təbaşirlənməmiş kağızı bildirir.

5. 4802 mal mövqeyində «yazı, çap və digər qrafik məqsədlər üçün istifadə olunan kağız və karton» və «perforasiya olunmamış (deşilməmiş) kartlar və perforasiya olunmamış kağız lentlər» terminləri əsasən mexaniki və ya kimyəvi-mexaniki yolla alınmış, ağardılmış kütlədən hazırlanmış və aşağıdakı kriteriyaların hər birinə uyğyn gələn kağız və kartonu bildirir:

1m² kütləsi 150 q-dan artıq olmayan kağız və ya karton üçün :

a) tərkibində mexaniki və ya kimyəvi-mexaniki yolla alınmış liflər 10% və daha artıq olan, və

1) 1m² —nin kütləsi 80 q-dan çox olmayan, və ya

2) əksərən boyanmış; və ya

b) küllülük dərəcəsi 8%-dən çox olan, və

1) 1m² —nin kütləsi 80 q-dan çox olmayan, və ya

2) əksərən boyanmış; və ya

v) küllülük dərəcəsi 3%-dən çox və ağlığı 60% və daha artıq olan; və ya

q) küllülük dərəcəsi 3%-dən çox , lakin 8%-dən çox olmayan və ağlığı 60% az , əzilmə indeksi

2,5 kPA* m² /q-a bərabər və ya az olan.

d. ) küllülük dərəcəsi 3% və daha az və ağlığı 60% və daha artıq və əzilmə indeksi 2,5 kPA* m² /q-a bərabər və ya az olan

1m² kütləsi 150 q-dan artıq olan kağız və ya karton üçün :

a) əksərən boyanmış; və ya

b) ağlığı 60% və ya daha çox olan, və

1) qalınlığı 225 mkm (mikron) və ya daha az olan, və ya

2) qalınlığı 225 mkm-dan 508 mkm-na qədər və küllülük dərəcəsi 3%-dən çox olan ; və ya

v) ağlığı 60%-dən az, qalınlığı 254 mkm və daha az, küllülük dərəcəsi 8%-dən çox olan.

4802 mal mövqeyinə filtr kağızı və ya karton (çay paketləri üçün istifadə edlən kağız daxil olmaqla), və ya taxtapuş kartonu kimi istifadə olunan kağız-əsas və ya karton-əsas daxil deyil

6. Bu qrupda «krft-kağız və kraft-karton» termini tərkibində lifin kütləsi ümumi lif kütləsinin 80%-dən az olmayan, kimyəvi sulfat və ya natron üsulu ilə alınmış kağız və kartonu bildirir.

7. Mal mövqelərində xüsusi şərtləndirilmiş hallar istisna olmaqla, 4801-dən 4811-ə qədər mal mövqelərinin ikisinə və ya daha çoxuna daxil edilə bilən kağız, karton, sellüloz pambıq və sellüloz lifindən hazırlanmış kətan Nomenklaturada ən böyük sıra nömrəsi olan mal mövqeyinə daxil olunur.

8. 4801 və 4803-4809 mal mövqelərinə yalnız aşağıdakı kağız, karton, sellüloz pambıq və sellüloz lifindən hazırlanmış kətan daxildir:

a) eni 36 sm-dən çox olan lent və ya rulonlarda; və ya

b) açıq vəziyyətdə bir tərəfinin ölçüsü 36 sm-dən, digər tərəfi 15 sm-dən çox olan, düzbucaqlı

(həmçinin kvadrat) vərəqlər şəklində.

9. 4814 mal mövqeyində «divar kağızları və analoji divar örtükləri» termini yalnız aşağıdakıları bildirir:

a) eni 45 sm-dən az və 160 sm-dən çox olmayan rulonlarda olan, divar və tavanların dekorasiyası üçün nəzərdə tutulmuş kağız;

i) dənəvər basmalı, relyef şəkilli, səthi boyanmış, çap şəkilli və ya səthi digər üsullarla bəzədilmiş (məsələn, tekstil xovu ilə), üzəri qoruyucu şəffaf plastik kütlə qatı ilə örtülmüş və ya örtülməmiş;

ii) oduncaq hissələrinin, samanın və s.-nin iştirakı ilə əmələ gələn, kələ-kötur səthli; və ya

iii) üz tərəfi plastik kütlə qatı örtüklü, həmin qatın üzəri dənəvər basma, relyefli şəkil, boyanma, çap təsvirləri və ya digər üsullarla bəzədilmiş; və ya

iv) üst tərəfi paralel ipliklər şəklində birləşmiş və ya birləşməmiş, və ya toxunmuş və ya toxunmamış hörmə materialı ilə örtülü;

b) yuxarıda göstərilən üsullarla hazırlanan kağızdan düzəlmiş, divar və tavanların bəzədilməsi üçün yararlı bardürlər və frizlər, rulonlarda və ya rulonsuz;

v) bir neçə paneldən hazırlanmış, vərəqlərdə və rulonlarda, çap təsvirli, birlikdə divarda peyzaj, şəkil və naxış əmələ gətirən kağız divar örtükləri.

Kağız və karton əsasında hazırlanan, həm döşəmə həm də divar örtükləri kimi istifadəyə yararlı olan məmulatlar 4815 mal mövqeyinə daxil edilir.

10. 4820 mal mövqeyinə ölçü üzrə kəsilmiş, çap təsvirli və ya təsvirsiz, basma naxışlı və ya basma naxışsız, perforasiya olunan və ya olunmayan ayrı-ayrı vərəqlər və xəritələr daxil deyil.

11. 4823 mal mövqeyinə, inter alia, jakkard maşınları və ya analoji maşınlar üçün perforasiya olunmuş kağız və ya karton perfokartlar və krujeva kağız aid edilir,.

12. 4814 və ya 4821 mal mövqelərinə daxil olan məmulatlar istisna olmaqla, əsas təyinatlarına uyğun gələn, çap naxışlı, şəkilli və ya təsvirli kağız, karton, sellüloz pambıq və onlardan hazırlanan məhsullar 49-cu qrupa aiddir.

Yarımmövqelərə dair qeydlər:

4804 11 və 4804 19 yarımmövqelərində «kraft-layne» termini maşın üsulu ilə naxışlanmış və cilalanmış, rulonlarda təqdim edilən, tərkibində kimyəvi sulfat və natron üsulu ilə alınmış oduncaq lifləri ümumi lifin kütləsinin 80%-dən az olmayan kağız və kartonu bildirir. Belə məmulatların

1m² —nin kütləsi 115 q-dan artıq olur və Müllen üzrə minimal əzilmə müqaviməti aşağıdakı cədvəldəki qiymətlərə uyğun gəlir. 1m² —nin kütləsi fərqli olduqda əzilmə müqaviməti xətti interpolyasiya və ya ekstrapolyasiya üsulu ilə təyin edilir.