Qrup 56 Pambıq (vata), keçə və ya fetr və toxunmamış materiallar; xüsusi iplik; kəndir (viş), ip, kanat və troslar və onlardan məmulatlar

Qeydlər:

1.Bu qrupa aşağıdakılar daxil olunmur:

a) maddələr və ya preparatlarla hopdurulmuş və ya üzəri örtülmüş (məsələn, 33-cü qrupun ətriyyat və kosmetik vasitələri, 3401 mal mövqeyindəki sabun və ya yuyucu vasitələrlə, 3405 mal mövqeyinin cilalayıcı maddələri, kremləri və ya analoji vasitələri ilə, 3809 mal mövqeyindəki parça yumşaldıcıları ilə) pambıq, keçə və ya fetr və onlardan hazırlanan materiallar. Bu zaman toxuculuq materialı yalnız əsas(bazis) rolunu oynayır;

b) 5811 mal mövqeyinin toxuculuq məmulatları;

v) keçə və ya fetr və ya toxunmamış material əsasında təbii və ya süni abraziv toz və ya qranullar:

q) keçə və ya fetr və ya toxunmamış material əsasında aqlomerasiya olunmuş və ya regenerasiya olunmuş slüda:

d) keçə və ya fetr və ya toxunmamış materiallar əsasında metallik folqa (XV bölmə).

2. «keçə və ya fetr» termini həmçinin toxuculuq lifli kətandan hazırlanmış, aralarındakı birləşmə sırınma vasitəsilə, kətan liflərindən istifadə etməklə qüvvətləndirilmiş, keçə və ya fetr və ya toxunmamış materialları bildirir.

3. 5602 və 5603 mal mövqelərinə müvafiq olaraq plastik kütlə və ya rezinlə (onların quruluşundan asılı olmayaraq) üzəri örtülmüş və ya hopdurulmuş keçə və ya fetr və ya toxunmamış materiallar aid edilir.

5603 mal mövqeyinə həmçinin, tərkibindəki plastik kütlə və ya rezin birləşdirici maddə təşkil edən, toxunmamış materialları bildirir.

Lakin 5602 və 5603 mal mövqelərinə aşağıdakılar daxil edilmir:

a) plastik kütlə və ya rezinlə üzəri örtülmüş və ya cütləndirilmiş, hopdurulmuş, tərkibində ən çoxu 50 kütlə % toxuculuq materialı, və ya keçə və ya fetr olan, bütünlüklə plastik kütlə və ya rezinin içinə yeridilmiş (qrup 39 və ya 40) keçə və ya fetr;

b) bütünlüklə plastik kütlə və ya rezinin içinə yeridilmiş və ya hər iki üzü bu materiallarla örtülmüş toxunmamış materialları bildirir, bir şərtlə ki, bu örtük adi gözlə görünə bilsin, bunun nəticəsində yaranmış rəng dəyişmələri isə nəzərə alınmır (qrup 39 və ya 40); və ya

v) məsaməli plastik kütlə və ya məsaməli rezindən hazırlanmış, keçə və ya fetr və ya toxunmamış materialla birləşmiş plitələr, vərəqlər və ya zolaqlar və ya lentlər (tekstil material armaturlaşdırmaq (möhkəmləndərmək) üçün əlavə olunur) (qrup 39 və ya 40).

4. 5604 mal mövqeyinə toxuculuq iplikləri və ya yastı saplar və ya 5404 və ya 5405 mal mövqeyinin anoloji sapları (hansılarda ki, hopdurma və ya üst qat adi gözlə görünmür) daxil olunmur (adətən 50-55-ci qruplar); bu zaman hər hansı bir rəng dəyişməsi nəzərə alınmır.