Qrup 61 Maşınla və ya əllə toxunmuş trikotaj geyim əşyaları və geyim ləvazimatları

Qeydlər:

Bu qrupa yalnız əllə və ya maşınla toxunmuş hazır trikotaj məmulatlar daxildir.

Bu qrupa aşağıdakılar daxil deyil:

a) 6212 mal mövqeyinin məmulatları;

b) istifadə olunmuş geyim əşyaları və ya 6309 mal mövqeyindəki istifadə olunmuş digər məmulatlar; və ya

v) ortopedik aparatlar, cərrahiyyə kəmərləri, bandajlar və ya analoji məmulatlar (9021 mal mövqeyi);

6103 və 6104 mal mövqelərində:

a) «kostyum» termini üz tərəfi eyni materialdan tikilmiş iki və ya üç hissədən ibarət olan paltar dəstlərini bildirir. Onlar aşağıdakılardan ibarət olur:

• bir pencək və ya jaket, üz tərəfi (qolları istisna olmaqla) dörd və ya daha çox detaldan ibərarət olan, üst geyim üçün nəzərdə tutulmuş. Dəstin tərkibinə ciddi jilet də əlavə oluna bilər ki, onun da ön tərəfi pencək və jaketin üz tərəfi ilə eyni materialdan, arxa tərəfi isə pencək və jaketin astarlıq materialı ilə eyni materialdan tikilir; və

bədənin aşağı hissəsi üçün nəzərdə tutulmuş geyim, şalvar, brici və ya qısa şalvar (şortlar) (çimərlik şortlarından başqa), yubka və şalvar-yubka, aşırma və ya önlüksüz.

«Kostyum»-un bütün komponentləri eyni toxunuşlu, rəngli və ya tərkibli parçadan olmalıdır; onlar həmçinin eyni fasonlu və müvafiq və ya münasib ölçülü olmalıdır. Bununla yanaşı bu dəstlərin üzərində başqa materialdan kant (tikişə bərkidilmiş zolaq) da ola bilər.

Əgər bədənin aşağı hissəsi üçün nəzərdə tutulmuş bir neçə geyim ləvazimatı (məsələn, iki şalvar və ya şalvar və gödək şalvar, yubka və yubka-şalvarlar və şalvarlar) bir yerdə təndim olunubsa, onlardan yalnız biri (bir şalvar, və ya qadın və ya qızlar üçün nəzərdə tutulmuş kostyumlarda- yubka və ya yubka-şalvar) kostyumun komponentidir. Digər geyim əşyaları ayrıca təsnif olunmalıdır.

«Kişi kostyumu» termini yuxarıda göstərilən şərtlərə uyğun gəlib, gəlməməsindən asılı olmayaraq aşağıdakı geyim ləvazimatlarından ibarət olur:

• dairəvi ətəkli pencək (vizitka) və milə-mil şalvardan ibarət olan səhər kostyumu;
• adətən qara materialdan tikilən, pencəyinin ön hissəsi nisbətən qısa və düymələnməyən, ətəyi isə dar və öndən qısa və arxa tərəfdən isə ətəyi sallanan gecə kostyumları;
• smokinqi- adi kostyumla eyni fasona malik (bu zaman köynək ön tərəfdən daha çox açıq ola bilər), təbii və ya süni parçadan parlaq yaxalığı olan kostyum.

b) «Dəst» termini eyni materialdan tikilmiş, pərakəndə satış üçün nəzərdə tutlmuş, aşağıdakı bir neçə komponentdən ibarət olan geyim dəstlərini (6107, 6108 və ya 6109 mal mövqelərindəki kostyumlar və məmulatlar istisna olmaqla) bildirir:

• ikilik dəstlərdə ikinci geyim ləvazimatı olan, bədənin yuxarı tərəfi üçün nəzərdə tutulmuş bir geyim ləvazimatı (poluverlərdən başqa) və yuxarı geyim kimi ikinci komponent olan jiletlər;
• bədənin aşağı hissəsi üçün nəzərdə tutulmuş bir və ya iki müxtəlif geyim ləvazimatı, məsələn, kəmərli və önlüklü kombinezonlar, briclər, gödək şalvarlar (çimərlik şortlarından başqa), yubka və ya yubka-şalvarlar.

Dəstin bütün komponentləri eyni toxunuşlu, formalı, rəngli və ya tərkibli parçalardan tikilmiş olmalıdır; onlar həmçinin müvafiq və ya münasib ölçüdə olmalıdırlar. «Dəst» termini 6112 mal mövqeyində təsnif olunan idman və ya xizək kostyumlarına aid edilmir.

6105 və 6106 mal mövqelərinə beldən aşağıda cibləri, elastik kəmərləri və ya digər qayışları olan və ya 10sm x 10 sm ölçülü sahədə toxunuş sıxlığı orta hesabla hər 1 xətti sm-ə 10 ilmədən az olan paltarlar daxil deyil. 6105 mal mövqeyinə qolsuz paltarlar aid deyil.

6019 mal mövqeyinə dartma bağlı, elastik kəmərli və ya beldən aşağıda digər sıxma (bağlama) əşyaları olan geyimlər daxil olunmur.

6111 mal mövqeyində:

a) «uşaq geyimləri və ya uşaq geyim ləvazimatı» boyu 86 sm-dən hündür olmayan uşaqlar üçün nəzərdə tytulmuş paltarları bildiri; bu həmçinin uşaq bələklərinə də şamil edilir;

b) ilk baxışdan 6111 mal mövqeyi ilə yanaşı digər mal mövqelərinə də daxil edilə bilən məmulatlar 6111 mal mövqeyinə daxil olunur.

6112 mal mövqeyində təsnif olunan «xizək kostyumları» xarici görünüşü və materialının tərkibinə görə əsasən xizəklə sürüşmək (qaçış və dağ xizəkçiliyi) üçün nəzərdə tutulmuş geyim dəstlərini bildirir. Bu dəstlər aşağıdakılardan ibarət olur:

a) «xizək kombinezonları» — bədənin aşağı və yuxarı hissələri üçün nəzərdə tutlmuş geyim ləvazimatı; kombinezonların üzərində qol və yaxalıqlardan başqa ciblər və ya ayaqaltılar (üzəngi) ola bilər; və ya

b) «xizək dəstləri» — pərakəndə satış üçün nəzərdə tutulmuş, iki və ya üç geyim ləvazimatından və aşağıdakı əşyalardan ibarət olan geyim dəstləri:

• bir geyim ləvazimatı, məsələn, papaqlı gödəkçə, küləkçə, fıptınalıq və ya «molniya» zəncirbəndli analoji məmulatlar, qolsuz gödəkçələr əlavə oluna bilər, və
• beldən yuxarı olan və ya olmayan bir şalvar, önlüklü və ya kəmərli brici və ya kombinezon.

«Xizək dəsti» yuxarıda (a) bəndində təsnif olunan kombinezona bənzər kombinezon və onun üzərinə geyilən qolsuz gödəkçədən ibarət ola bilər.

«Xizək dəstinin» bütün komponentləri eyni toxunuşlu, formalı və tərkibli, eyni və ya müxtəlif rəngli parçadan tikilməli; müvafiq və ya münasib ölçüdə olmalıdırlar.

İlk baxışdan 6113 mal mövqeyi ilə yanaşı digər mal mövqelərinə (6111 mal mövqelərindən başqa) aid edilə bilən məmulatlar 6113 mal mövqeyinə aid edilir.

Bu qrupda, ön hissədə soldan sağa düymələnən paltarlar kişi və oğlanlar üçün, ön hissədən sağdan sola düymələnən paltarlar isə qadınlar və qızlar üçün nəzərdə tutulmuş paltar kimi təsnif olunmalıdır. Formasına görə hər iki cins üçün nəzərdə tutulan paltarlar üçün bu qayda tətbiq olunmur.

Paltarın qəti olaraq kişi və oğlan üçün və ya qadın və qızlar üçün nəzərdə tutulduğu müəyyən olunmursa, belə məmulatlar qadın və qızlar üçün nəzərdə tutulmuş paltarlar aid edilən mal mövqeyinə daxil olunmalıdır.

Bu qrupun məmulatları metal saplardan hazırlana bilər.

Əlavə qeydlər:

1. Bu qrupa 3b qeydinddən istifadə etmək üçün dəstin komponentləri tamamilə eyni materialdan hazırlanmalıdır, bir şərtlə ki, bu zaman yuxarıdakı qeydin digər şərtlərinə əməl olunsun.

Bunun üçün:

• parça ağardılmış, ağardılmamış, boyanmış, müxtəlif rəngli ipliklərdən və ya çap olunmuş ola bilər;
• rezinkalı puloverlər və ya jaketlər, bir şərtlə ki, rezin tikilməsin və bilavasitə toxunma nəticəsində alınsın, dəstin aşağı hissəsində rezin olmasa belə dəstin bir komponenti kimi təsnif olunur.
• Fərqli materiallardan tikilən paltarlar birlikdə dəst hesab olunmur, hətta fərq yalnız onların rəngində olsa belə.
• Dəstin bütün komponentləri birlikdə vahid məmulat kimi pərakəndə satış üçün təqdim olunmalıdır. Bu cür vahid məmulatın hər bir komponentinin ayrıca qablaşdırılması və etiketlənməsi onların dəst kimi təsnif olunmasına təsir etmir.

2. 6109 mal mövqeyində «mayka» və «alt fufaykalar» terminləri hətta fassonlu biçimə malik olan, yaxalıqsız, qollu və ya qolsuz, aşırmalar (lyamka) daxil olmaqla, alt paltarlarına şamil edilə bilər.

Bədənin yuxarı hissəsi üçün nəzərdə tutulmuş geyim ləvazimatlar çox zaman qollu fufaykalara və maykaların digər ənənəvi növlərinə və 6109 mal mövqeyinin digər alt geyimlərinə bənzəyir.

3. 6111 mal mövqeyinə və 6116 10 200 0 və 6116 10 800 0 alt yarımmövqelərinə , palstmasla və ya rezinlə hopdurulmuş və örtülmüş əlcəklər, təkbarmaqlar və yarıməlcəklər aid edilir. Hətta onlar:

- 5903 və ya 5906 mal mövqelərində təsnif olunan, palstmasla və ya rezinlə hopdurulmuş və örtülmüş, əllə və ya maşınla toxunmuş trikotaj parçadan hazırlanıbsa;

palstmasla və ya rezinlə hopdurulmamış və örtülməmiş, əllə və ya maşınla toxunmuş trikotaj parçadan hazırlanıbsa və bundan sonra palstmasla və ya rezinlə hopdurulub və ya örtülübsə belə.

Trikotaj parça yalnız armaturlaşdırıcı kimi istifadə olunarkən, məsaməli palstmasla və ya məsaməli rezinlə hopdurulmuş və örtülmüş əlcəklər, təkbarmaqlar və yarıməlcəklər 39 və ya 40-cı qrupa aid edilir. Onlar:

- 5903 və ya 5906 mal mövqelərində təsnif olunan, məsaməli palstmasla və ya məsaməli rezinlə hopdurulmuş və örtülmüş, əllə və ya maşınla toxunmuş trikotaj parçadan hazırlanıbsa:

palstmasla və ya rezinlə hopdurulmamış və örtülməmiş, əllə və ya maşınla toxunmuş trikotaj parçadan hazırlanıbsa və bundan sonra məsaməli palstmasla və ya məsaməli rezinlə hopdurulub və ya örtülübsə belə.