Qrup 62 Paltar və geyim ləvazimatları , maşınla və ya əllə toxunmuş trikotajdan başqa

Qeydlər:

Bu qrupa yalnız istənilən toxuculuq materialından olan (pambıqdan (vata) başqa) hazır məmulatlar daxildir, maşınla və ya əllə toxunmuş trikotaj məmulatlar istisna olmaqla (6212 mal mövqeyində təsnif olunanlardan başqa).

Bu qrupa aşağıdakılar daxil deyil:

a) istifadə olunmuş paltarlar və ya 6309 mal mövqeyində təsnif olunan digər istifadə olunmuş məmulatlar; və ya

b) ortopedik aparatlar, cərrahiyyə kəmərləri, bandajlar və ya analoji məmulatlar (9021 mal mövqeyi).

6203 və 6204 mal mövqelərində:

a. Kostyum termini iki və ya üç komponentdən ibarət olan, üz tərəfdən eyni materialdan tikilmiş paltar dəstlərini bildirir. Bu dəstlərə aşağıdakılar daxildir:

• bir pencək və ya jaket, üz tərəfi, qolları istisna olmaqla, dörd və ya daha çox detaldan ibərarət olan, üst geyim üçün nəzərdə tutulmuş. Dəstin tərkibinə ciddi jilet də əlavə oluna bilər ki, onun da ön tərəfi pencək və jaketin üz tərəfi ilə eyni materialdan, arxa tərəfi isə pencək və jaketin astarlıq materialı ilə eyni materialdan tikilir; və
• bədənin aşağı hissəsi üçün nəzərdə tutulmuş geyim, şalvar, brici və ya qısa şalvar (şortlar) (çimərlik şortlarından başqa), yubka və şalvar-yubka, aşırmalarsız və ya önlüksüz.

Kostyumun bütün komponentləri eyni toxunuşlu, rəngli və ya tərkibli materialdan tikilmiş olmalıdır; onlar həmçinin eyni fasonlu və müvafiq və ya münasib ölçülü olmalıdır. Bununla yanaşı bu dəstlərin üzərində başqa materialdan kant (tikişə bərkidilmiş zolaq) da ola bilər.

Əgər bədənin aşağı hissəsi üçün nəzərdə tutulmuş bir neçə geyim ləvazimatı (məsələn, iki şalvar və ya şalvar və gödək şalvar, yubka və yubka-şalvarlar və şalvarlar) bir yerdə təqdim olunubsa, onlardan yalnız biri (bir şalvar, və ya qadın vı ya qızlar üçün nəzərdə tutulmuş kostyumlarda- yubka və ya yubka-şalvar) kostyumun komponentidir. Digər geyim əşyaları ayrıca təsnif olunmalıdır.

Kişi kostyumu termini yuxarıda göstərilən şərtlərə uyğun gəlib, gəlməməsindən asılı olmayaraq aşağıdakı geyim ləvazimatlarından ibarət olur:

• dairəvi ətəkli pencək (vizitka) və milə-mil şalvardan ibarət olan səhər kostyumu;
• adətən qara materialdan tikilən, pencəyinin ön hissəsi nisbətən qısa və düymələnməyən, ətəyi isə dar və öndən qısa və arxa tərəfdən isə ətəyi sallanan gecə kostyumları;
• smokinqi- adi kostyumla eyni fasona malik (bu zaman köynək ön tərəfdən daha çox açıq ola bilər), təbii və ya süni parlaq parçadan yaxalığı olan kostyum.

b. Dəst termini eyni materialdan tikilmiş, pərakəndə satış üçün nəzərdə tutulmuş, aşağıdakı bir neçə komponentdən ibarət olan geyim dəstlərini (6207 və ya 6208 mal mövqelərindəki kostyumlar və məmulatlar istisna olmaqla) bildirir:

• bədənin yuxarı tərəfi üçün nəzərdə tutulmuş bir geyim ləvazimatı (yuxarı geyim kimi ikinci komponent olan jiletdən başqa);
• bədənin aşağı hissəsi üçün nəzərdə tutulmuş bir və ya iki müxtəlif geyim ləvazimatı, məsələn, aşırmalı və önlüklü kombinezonlar, bricilər, gödək şalvarlar (çimərlik şortlarından başqa), yubka və ya yubka-şalvarlar.

Dəstin bütün komponentləri eyni toxunuşlu, formalı, rəngli və ya tərkibli materiallardan tikilmiş olmalıdır; onlar həmçinin müvafiq və ya münasib ölçüdə olmalıdırlar. Dəst termini 6211 mal mövqeyində təsnif olunan idman və ya xizək kostyumlarına aid edilmir.

6209 mal mövqeyində:

a) uşaq geyimləri və ya uşaq geyim ləvazimatı boyu 86 sm-dən hündür olmayan uşaqlar üçün nəzərdə tytulmuş paltarları bildirir; bu həmçinin uşaq bələklərinə də şamil edilir;

b) ilk baxışdan 6209 mal mövqeyi ilə yanaşı həm də digər mal mövqelərinə daxil edilə bilən məmulatlar 6209 mal mövqeyinə daxil olunur.

İlk baxışdan 6210 mal mövqeyi ilə yanaşı həm də digər mal mövqelərinə, 6209 mal mövqeyindən başqa, daxil edilə bilən məmulatlar 6210 mal mövqeyinə daxil olunur.

6211 mal mövqeyində təsnif olunan xizək kostyumları xarici görünüşü və materialının tərkibinə görə, əsasən xizəklə sürüşmək (xizəklə qaçış və dağ xizəkçiliyi) üçün nəzərdə tutulmuş geyim dəstlərini bildirir. Bu dəstlər aşağıdakılardan ibarət olur:

a) xizək kombinezonları bədənin aşağı və yuxarı hissələri üçün nəzərdə tutulmuş bir geyim ləvazimatı; kombinezonların üzərində qol və yaxalıqlardan başqa ciblər və ya ayaqaltılar (üzəngi) ola bilər; və ya

b) xizək dəstləri pərakəndə satış üçün nəzərdə tutulmuş, iki və ya üç geyim ləvazimatından və aşağıdakı əşyalardan ibarət olan geyim dəstləri:

• bir geyim ləvazimatı, məsələn, papaqlı gödəkçə, küləkçə, fırtınalıq və ya molniya zəncirbəndli analoji məmulatlar, qolsuz gödəkçələr əlavə oluna bilər, və
• beldən yuxarı olan və ya olmayan bir şalvar, önlüklü və ya kəmərli brici və ya kombinezon.

Xizək dəsti yuxarıda (a) bəndində təsnif olunan kombinezona bənzər kombinezon və onun üzərinə geyilən qolsuz gödəkçədən ibarət ola bilər.

Xizək dəstinin bütün komponentləri eyni toxunuşlu, formalı və tərkibli, eyni və ya müxtəlif rəngli materialdan tikilməli; müvafiq və ya münasib ölçüdə olmalıdırlar.

Kvadrat və ya kvadrata oxşar formada, tərəflərindən heç birinin uzunluğu 60 sm-dən çox olmayan şarflar və ya şarflara analoji məmulatlar yaylıq kimi təsnif olunmalıdırlar. Tərəflərinin uzunluğu 60 sm-dən artıq olan yaylıqlar 6214 mal mövqeyinə daxil edilməlidir.

Bu qrupda təsnif olunmuş, ön hissədə soldan sağa düymələnən paltarlar kişi və oğlanlar üçün, ön hissədən sağdan sola düymələnən paltarlar isə qadınlar və qızlar üçün nəzərdə tutulmuş paltar kimi təsnif olunmalıdır. Formasına görə hər iki cins üçün nəzərdə tutulan paltarlar üçün bu qayda tətbiq olunmur.

Paltarın qəti olaraq kişi və oğlan üçün və ya qadın və qızlar üçün nəzərdə tutulduğu müəyyən olunmursa, belə məmulatlar qadın və qızlar üçün nəzərdə tutulmuş paltarlar aid edilən mal mövqeyinə daxil olynmalıdır.

Bu qrupun məmulatları metal saplardan hazırlana bilər.

Əlavə qeydlər:

1. Bu qrupa 3b qeydini istifadə etmək üçün dəstin komponentləri tamamilə eyni materialdan hazırlanmalıdır, bir şərtlə ki, bu zaman yuxarıdakı qeydin digər şərtlərinə əməl olunsun.

Bu məqsədlə istifadə olunan material ağardılmış, ağardılmamış, boyanmış, müxtəlif rəngli ipliklərdən və ya çap olunmuş ola bilər.

Müxtəlif materiallardan hazırlanmış paltar əşyaları birlikdə dəst adlandırıla bilməz, bu fərq yalnız onların rənglərində olsa belə.

Dəstin bütün komponentləri pərakəndə satış üçün vahid məmulat kimi təqdim olunmalıdır. Bu cür vahid məmulatın hər bir komponentinin individual bağlanması və ya ayrıca etiketləməsi onların dəst kimi təsnif olunmasına mane olmur.

2. 6209 və 6216 mal mövqelərinə plastmass və rezinlə hopdurulmuş və ya örtülmüş əlcəklər, təkbarmaqlar və yarıməlcəklər daxil olunur, hətta onlar:

5903 və ya 5906 mal mövqelərində təsnif olunan, plastmass və rezinlə hopdurulmuş və ya örtülmüş toxuculuq materialından olsa belə (maşınla və ya əllə toxunmuş trikotaj parçadan başqa);

hopdurulmamış və üzlüksüz toxuculuq materialından (maşınla və ya əllə toxunmuş trikotaj parçalardan fərqli) hazırlanan və bundan sonra plastmass və ya rezinlə hopdurulmuş və ya örtülmüş olsa belə.

Trikotaj parça yalnız armaturlaşdırıcı kimi istifadə olunarkən, məsaməli palstmassla və ya məsaməli rezinlə hopdurulmuş və ya örtülmüş əlcəklər, təkbarmaqlar və yarıməlcəklər 39 və ya 40-cı qrupa aid edilir. Hətta onlar:

- 5903 və ya 5906 mal mövqelərində təsnif olunan, məsaməli palstmasla və ya məsaməli rezinlə hopdurulmuş və örtülmüş, əllə və ya maşınla toxunmuş trikotaj parçadan hazırlanıbsa:

palstmassla və ya rezinlə hopdurulmamış və ya örtülməmiş (üzlüksüz) (əllə və ya maşınla toxunmuş trikotaj parçadan fərqli) toxuculuq materialından hazırlanıbsa və bundan sonra məsaməli palstmassla və ya məsaməli rezinlə hopdurulub və ya örtülübsə belə.