Bölmə XIV. Təbii və ya becərilmiş mirvari, qiymətli və ya azqiymətli daşlar, qiymətli metallar, üzərinə qiymətli metal çəkilmiş metallar və onlardan hazırlanan məmulatlar; bijuteriya; sikkələr

Qrup 71 Təbii və ya becərilmiş mirvari, qiymətli və ya azqiymətli daşlar, qiymətli metallar, üzərinə qiymətli metal çəkilmiş metallar və onlardan hazırlanan məmulatlar; bijuteriya; sikkələr

Qeydlər:

1. VI bölməyə 1a qeydini və aşağıda göstərilən istisnalar nəzərə alınmaqla, bu qrupa qismən və ya tamamilə aşağıdakılardan ibarət olan bütün məmulatlar daxil olunur:

a) təbii və ya becərilmiş mirvaridən, qiymətli və azqiymətli daşlardan (təbii, süni və ya rekonstruksiya olunmuş); və ya

b) qiymətli metallardan və ya üzəri qiymətli metalla örtülmüş metallardan.

2a. 7113, 7114 və 7115 mal mövqelərinə tərkibində qiymətli metal və ya qiymətli metalla üzlənmiş metallardan ikinci dərəcəli komponent olan, kiçik furnitura və ya ikncidərəcəli bəzək kimi (məsələn, monoqrammalar, halqalar və kantlar), məmulatlar daxil olunmur və 1-ci qeydin (b) bəndi bu məmulatlara şamil edilmir.

2b. 7116 mal mövqeyinə tərkibində qiymətli metallar və ya qiymətli metalla örtülmüş metallar olan məmulatlar daxil olunmur (kiçik tərkib hissələrindən başqa).

3. Bu qrupa aşağıdakılar daxil olunmur:

a) qiymətli metalların amalqamaları və ya kolloid vəziyyətində olan qiymətli metallar(2843 mal mövqeyi);

b) cərrahiyyə tikişlərinin qoyulması üçün steril materiallar, diş plomblamaq üçün materiallar və ya 30-cu qrupun digər məmulatları;

v) 32-ci qrupun malları (məsələn, cilalar);

q) daşıyıcılarda katalizatorlar (3815 mal mövqeyi);

d) 4202 və ya 4203 mal mövqeyinin malları (bax. 42-ci qrupa 2B qeydi);

e) 4303 və ya 4304 mal mövqeyinin məmulatları;

j) XI bölmənin malları (tekstil materiallar və tekstil məmulatlar);

z) ayaqqabılar, baş geyimləri və ya 64 və ya 65-ci qrupun digər məmulatları;

i) çətirlər, çəliklər və ya 66-cı qrupun digər məmulatları;

k) tərkibində qiymətli və ya azqiymətli (təbii və ya süni) daşların qırıntıları və ya tozu olan, 6804 və ya 6805 mal mövqelərinin və ya 82-ci qrupun abraziv materialları; işlək hissəsi qiymətli və ya azqiymətli daşlardan (təbii, süni və ya rekonstruksiya olunmuş) olan, 82-ci qrupda təsnif olunan məmulatlar; XVI bölmədə təsnif olunan mexanizmlər, mexaniki qurğular, elektrik malları və ya onların hissələri. Eləcə də tamamilə qiymətli və azqiymətli daşlardan ibarət olan (təbii, süni və ya rekonstruksiya edilmiş) məmulatlar və onların hissələri bu qrupa aid edilir, səsləndiricilərin iynələri üçün emal olunmuş, bərkidilməmiş sapfir və almazlardan başqa (8522 mal mövqeyi);

l) 90, 91 və 92-ci qrupun məmulatlarından başqa (elmi cihazlar, hər növ saatlar, musiqi alətləri);

m) silahlar və onların hissələri (qrup 93);

n) 95-ci qrupa 2-ci qeyddə göstərilmiş məmulatlar;

o) 96-cı qrupun məmulatları, 96-cı qrupa 4-cü qeydin şərtləri nəzərə alınmaqla; və ya

p) heykəl və statuetkaların əslləri (9703 mal mövqeyi), kolleksiya ləvazimatları (9705 mal mövqeyi) və ya yaşı 100-dən artıq olan əntiq mallar (9706 mal mövqeyi), təbii və ya becərilmiş mirvaridən və qiymətli və ya azqiymətli daşlardan başqa.

4a. «Qiymətli metal» termini qızıl, gümüş və platini bildirir;

4b. «Platin» termini platin, iridium, osmium, palladium, rodium və ruteniumu bildirir.

4v. «qiymətli və azqiymətli daşlar» termini 96-cı qrupa 2b qeydində göstərilən materiallara şamil edilmir.

5. Bu qrupda tərkibində qiymətli metal olan istənilən ərintini yalnız o zaman qiymətli metal ərintisi hesab etmək olar ki, onun (qiymətli metalın) ərinti tərkibindəki payı 2 kütlə%-dən az olmasın. Qiymətli metal ərintilərini aşağıdakılara kimi təsnif etmək lazımdır:

a) tərkibində 2 kütlə % və daha artıq platin olan ərintini, platin ərintisi kimi;

b) tərkibində 2 kütlə % və daha çox qızıl olan, amma platin olmayan və ya 2 kütlə %-dən az olan ərintiləri, qızıl ərintisi kimi;

v) tərkibində 2 kütlə % və daha çox gümüş olan digər ərintiləri isə gümüş ərintisi kimi.

6. Əgər mətndə başqa şərt qoyulmayıbsa, Nomenklaturada qiymətli metallara və ya istənilən konkret qiymətli metala hər bir istinad, yuxarıdakı 5-ci qeydə uyğun olaraq qiymətli metal ərintilərinə və ya konkret qiymətli metalın ərintisinə istinadı da ehtiva edir. Lakin bu qayda üzəri qiymətli metalla örtülmüş metallara və üzəri qalvanik üsulla qiymətli metalla örtülmüş qiymətsiz metallara və qeyri-metallara şamil edilmir.

7. Bütün Nomenklaturada «qiymətli metalla örtülmüş metal» termini üzərinə qaynaq, lehimləmə, isti prokat və ya analoji mexaniki üsullarla qiymətli metal qatı çəkilmiş metal əsasında hazırlanan materialları bildirir. Əgər kontekstdə başqa şərt qoyulmayıbsa, bu termin həmçinin qiymətli metalla inkrustasiya olunmuş qiymətsiz metalı bildirir.

8. VI bölməyə 1a qeydinin şərtlərini nəzərə alaraq, 7112 mal mövqeyindəki təsnifata uyğun gələn mallar, Nomenklaturanın məhz həmin mal mövqeyinə aid edilir.

9. 7113 mal mövqeyində «zərgərlik məmulatları» termini aşağıdakıları bildirir:

a) istənilən kiçik şəxsi bəzək əşyaları (qiymətli daşlarla və ya onlarsız) (məsələn, üzük, bilərzik, boyunbağılar, sancaqlar, sırğalar, saat zəncirləri, breloklar, kulonlar, qalstuk üçün sancaqlar, qol düymələri, dini və ya digər medallar və nişanlar); və

b) şəxsi istifadə üçün əşyalar, adətən cibdə, qadınların əl çantalarında və ya üzərlərində gəzdirilə bilən (məsələn, portsiqar, pudra qabları, pul qabları, zəncirli pul qabları, həblər üçün qutular).

10. 7114 «qızıl və gümüş işləri ustalarının məmulatları» bəzək əşyalarını, qabları, tualet ləvazimatını, siqaret çəkmək üçün zəvazimatı və digər ev, idarə əşyalarını və ya dini əşyaları bildirir.

11. 7117 mal mövqeyində «bijuteriya» termini yuxarıda 9a qeydində təsnif olunan zinət əşyalarını ( 9606 mal mövqeyindəki düymələr və digər məmulatlardan və ya 9615 mal mövqeyində daraqlar, saç sancaqdları və şpilkalardan başqa), təbii və ya becərilmiş mirvaridən, qiymətli və azqiymətli daşlardan (təbii, süni və ya rekonstruksiya olunmuş), qiymətli metal və ya üzəri qiymətli metalla örtülmüş metallarsız (qalvanik örtülər və qiymətli metaldan və ya qiymətli metal örtüklü metaldan hazırlanmış ikinci dərəcəli detallar istisna olmaqla).

Yarımmövqelərə dair qeydlər:

1. 7106 10, 7108 11, 7110 11, 7110 21, 7110 31 və 7110 41 yarımmövqelərində «toz» termini və «tozşəkilli» ifadəsi 90 kütlə % və daha artıq hissəsi, deşiyinin ölçüsü 0,5 mm-lik ələkdən keçən məhsulları bildirir.

2. Bu qrupa 4b qeydinə baxmayaraq, 7110 11 və 7110 19 yarımmövqelərində «platin» termini iridium, osmium, palladium, rodium və ya ruteniumu bildirmir.

3. 7110 mal mövqeyindəki hər bir ərinti tərkibində kütləsinə görə üstünlük təşkil edən metala görə təsnif olunur, platin, palladium, rodium, iridium, osmium və ya rutenium olmasından asılı olmayaraq.