Qrup 75 Nikel və ondan hazırlanan məmulatlar

Qeyd:

1. Bu qrupda işlədilən terminlər aşağıdakı mənaları daşıyır:

a) Çubuqlar —yayılmış, preslənmiş, dartılmış və ya döyülmüş məmulatlar, buxtalara sarınmamış və bütün uzunluğu boyu en kəsiyinin forması dairə, aval, düzbucaqlı (kvadratlar daxil olmaqla), bərabərtərəfli üçbucaqlı və ya düzgün qabarıq çoxbucaqlı («yastı dairələr» və iki əks tərəfi qabarıq qövslər, digər iki tərəfi isə — bərabər uzunluqlu və paralel düzxətli olan «şəkildəyişmiş düzbucaqlılar» daxil olmaqla) şəklində olan. En kəsiyi düzbucaqlı (kvadrat daxil olmaqla), üçbucaqlı və çoxbucaqlı şəklində olan məmulatların bütün uzunluğu boyu dəyirmilənmiş bucaqları ola bilər. En kəsiyi düzbucaqlı (şəkildəyişmiş düzbucaqlılar daxil olmaqla) şəklində olan belə məmulatların qalınlığı onların eninin 0,1-dən artıq olmalıdır. Bu termin həmçinin tökmə və bişmə yolu ilə hazırlanmış, eyni forma və ölçülü, hazırlandıqdan sonra emal olunmuş (qırıntıların və oksid qalıqlarının təmizlənməsindən başqa) məmulatlara da aid edilir, bir şərtlə ki, bu zaman onlar başqa mal mövqelərində təsnif olunmuş malların xarakterik xassələrini qəbul etməsinlər.

b) Profillər- yayılmış, preslənmiş, dartılmış, döyülmüş və ya formalanmış məmulatlar, buxtalara sarınmış və ya sarınmamış, bütün uzunluğu boyu sabit en kəsiyi olan və məftil, çubuq, plitə, təbəqə (vərəq), zolaq və ya lent, folqa, boru və ya borucuqlar anlayışına uyğun gəlməyən. Bu termin həmçinin tökmə və bişmə yolu ilə hazırlanmış, eyni formalı, hazırlandıqdan sonra emal olunmuş (qırıntıların və oksid qalıqlarının təmizlənməsindən başqa) məmulatlara da aid edilir, bir şərtlə ki, bu zaman onlar başqa mal mövqelərində təsnif olunmuş malların xarakterik xassələrini qəbul etməsinlər.

v) Məftil — yayılmış, preslənmiş və ya dartılmış və bütün uzunluğu boyu en kəsiyinin forması dairə, oval, düzbucaqlı (kvadratlar daxil olmaqla), bərabərtərəfli üçbucaq və ya düzgün qabarıq çoxbucaqlı («yastı dairələr» və iki əks tərəfi qabarıq qövslər, digər iki tərəfi isə — bərabər uzunluqlu və paralel düzxətli olan «şəkildəyişmiş düzbucaqlılar» daxil olmaqla) şəklində olan məmulatlar. En kəsiyi düzbucaqlı (kvadrat daxil olmaqla), üçbucaqlı və çoxbucaqlı şəklində olan məmulatların bütün uzunluğu boyu dəyirmilənmiş bucaqları ola bilər. En kəsiyi düzbucaqlı («şəkildəyişmiş düzbucaqlılar» daxil olmaqla) şəklində olan belə məmulatların qalınlığı onların eninin 0,1-dən artıq olmalıdır.

q) Plitələr, təbəqələr, zolaqlar və ya lentlər və folqa- yastı məmulatlar (7502 mal mövqeyində təsnif olunan emal olunmamış məmulatlardan başqa), rulonlara bükülmüş və ya bükülməmiş və tam düzbucaqdı (kvadratdan başqa) en kəsiyi olan, dəyirmilənmiş və ya dəyirmilənməmiş bucaqlarla («yastı dairələr» və iki əks tərəfi qabarıq qövslər, digər iki tərəfi isə — bərabər uzunluqlu və paralel düzxətli olan «şəkildəyişmiş düzbucaqlılar» daxil olmaqla), sabit qalınlıqlı:

düzbucaqlı (kvadrat daxil olmaqla) formalı, qalınlığı eninin 0,1-dən artıq olmayan;

düzbucaqlı və kvadratdan fərqli, istənilən ölçülü formalarda, bir şərtlə ki, bu zaman onlar başqa mal mövqelərində təsnif olunmuş malların xarakterik xassələrini qəbul etməsinlər.

7506 mal mövqeyinə, inter alia, səthi relyefli olan (məsələn, çöküklər, çıxıntılar, məsalmələr (damalar), romblar) plitələr, təbəqələr, zolaqlar və ya lentlər və folqa, eləcə də perforasiya olunmuş, büzməli, cilalanmış və ya üzlüklü, bir şərtlə ki, bu zaman onlar başqa mal mövqelərində təsnif olunmuş malların xarakterik xassələrini qəbul etməsinlər.

d) Borular və borucuqlar —buxtalara sarınmış və ya sarınmamış, bütün uzunluğu boyu, dairə, oval, düzbucaqlı (kvadrat daxil olmaqla) , bərabərtərəfli üçbucaqlı və ya divarının qalınlığı sabit olan, düzgün qabarıq çoxbucaqlı formasında, yalnız bir qapalı sabit en kəsikli, içiboş məmulatlar. En kəsiyi düzbucaqdı (kvadrat daxil olmaqla), bərabərtərəfli üçbucaqlı və ya düzgün qabarıq çoxbucaqlı şəklində olan, bucaqları bütün uzunluğu boyu dəyirmilənmiş məmulatlar da borulara və borucuqlara aid edilir, bir şərtlə ki, onların daxili və xarici en kəsikləri konsentrik, eyni formalı və eyni oriyentasiyalı olsun. Yuxarıda göstərilən en kəsikli borular və borucuqlar cilalanmış, üzlüklü, əyilmiş, kəsikli, deşilmiş, daraldılmış, genişləndirilmiş, konus şəklinə salınmış və ya flans, manjet və ya halqa şəkilli sonluğu olan.

Yarımmövqelərə dair qeydlər:

1. Bu qrupda istifadə olunan terminlər aşağıdakıları bildirir:

a) Aşqarlanmamış nikel — tərkibində cəmi 99 kütlə % nikelli kobalt olan metallar, bir şərtlə ki:

i) kobalt 1,5 kütlə % -dən artıq olmasın;

ii) tərkibində digər elementlər aşağıdakı cədvəldə göstərilən həddən artıq olmasın:

Digər elementlər

b) Nikel ərintiləri- tərkibində nikel kütləsinə görə, bütün digər elementlərdən artıq olan, bir şərtlə ki:

i) tərkibində kobalt 1,5 kütlə %-dən artıq olsun;

ii) digər elementlərin heç olmasa birinin kütləsi yuxarıdakı cədvəldə göstərilən həddən artıq olsun; və ya

iii) nikel və kobaltdan başqa digər elementlərin kütləsi 1 kütlə %-dən artıq olsun.

1. Bu qrupa 1v qeydinin şərtlərinə baxmayaraq, 7508 10 yarımmövqeyinin daxilində «məftil» termini yalnız buxtalara sarınmış və ya sarınmamış, ölçüsü 6 mm-dən artıq olmayan istənilən formalı en kəsiyi olan məmulatları bildirir.