Qrup 82 Qiymətsiz metallardan alətlər, qurğular, bıçaq məmulatları, qaşıqlar və çəngəllər; onların qiymətsiz metallardan olan hissələri

Qeydlər:

1. 8209 mal mövqeyində təsnif olunan lehimləmə lampaları, daşınan kürələr (dəmirçi ocağı), dayaq konstruksiyaları olan cilalayıcı dairələr, manikür və pedikür üçün dəstlər və ləvazimatlardan əlavə, bu qrupa, yalnız, aşağıdakı metallardan ülgücləri, kəsici tiyələri, işlək səthləri və digər işlək hissələri olan məmulatlar daxil olunur:

a) qiymətsiz metallardan;

b) metal karbidlərindən və ya metal keramikadan;

v) qiymətsiz metallardan, metal karbidlərindən və ya metal keramikadan əsas üzərində qiymətli və ya azqiymətli daşlar (təbii, süni və ya rekonstruksiya edilmiş); və ya

q) qiymətsiz metallardan əsas üzərində abraziv materiallardan, bir şərtlə ki, məmulatın, qiymətsiz metaldan kəsici dişləri, kanalları, şırımları və analoji işlək hissələri (üzərinə abraziv material çəkildikdən sonra öz xüsusiyyətlərini və funksiyalarını qoruyub saxlayan) olsun.

2. Bu qrupun məmulatlarının qiymətsiz metallardan olan hissələri (məxsusi olaraq təsnif olunmuş hissələrdən və əl alətləri üçün dayaq qurğularından başqa) aid olduqları məmulatlarla birlikdə təsnif olunur(8466 mal mövqeyi). Lakin, XV qrupa 2k qeydində göstərildiyi kimi, ümumi təyinatlı hissələr bu qrupa daxil deyil.

Elektrik üzqırxanlarının və ya saç qırxmaq üçün elektrik maşınlarının başlıqları, ülgücləri və kəsici plastinaları 8510 mal mövqeyinə daxil olunur.

3. 8211 mal mövqeindəki bir və ya daha artıq bıçaqdan və ən azı həmin qədər 8215 mal mövqeyindəki məmulatlardan ibarət olan dəstlər 8510 mal mövqeyinə aid olunur.