Bölmə XVI Maşınlar, avadanlıq və mexanizmlər; elektrotexniki avadanlıq; onların hissələri; səsyazma və səsləndirmə apparaturası, televiziya təsvirlərinin yazılması və göstərilməsi üçün apparatura, onların hissələri və ləvazimatları

Qeydlər:

1. Bu qrupa aşağıdakılar daxil olunmurlar:

a) 39-cu qrupda təsnif olunan plasstmas və ya vulkanlaşdırılmış rezindən hazırlanan konveyer lentləri və ya ötürücü qayışlar, və ya beltinq (mal mövqeyi 4010); maşınlarda, mexaniki və ya elektrik qurğularında və ya digər məqsədlərlə istifadə olunan, vulkanlaşdırılmış rezindən (bərk rezindən başqa) qurğular və ya digər məmulatlar (4016 mal mövqeyi);

b) maşınlarda və ya mexaniki qurğularda və ya texniki məqsədlərlə istifadə olunan, təbii dəri və ya kompozisiyalı dəridən (4204 mal mövqeyi) və ya xəzdən (4303 malm mövqeyi) hazırlanan məmulatlar;

v) istənilən materialdan olan bobinlər, qarqaralar, makaralar, konuslar, özəklər, gilizlər və analoji daşıyıcılar (məsələn, qrup 39, 40 44 və ya 48 və ya XV bölmə);

q) jakard və ya analoji maşınlar üçün perfokartlar (məsələn, 39 və ya 48-ci qrup və ya XV bölmə);

d) tekstil materiallardan hazırlanan konveyer lentləri (5910 mal mövqeyi) və ya ötürücü qayışlar və ya texniki məqsədli digər toxuculuq məmulatları (5911 mal mövqeyi) ;

e) 7102-7104 mal mövqelərindəki qiymətli və ya azqiymətli daşlar və ya tamamilə bu daşlardan hazırlanan məmulatlar (7116 mal mövqeyi), adapter iynələri üçün emal olunmuş, bərkidilməmiş sapfirlər və almazlar (8522 mal mövqeyi);

j) XV bölməyə 2-ci qeyddə təsnif olunan, qiymətsiz metallardan (XV bölmə) hazırlanan ümumi təyinatlı hissələr və ya platmasdan (39-cu qrup) analoji məmulatlar;

z) qazma boruları (7304 mal mövqeyi);

i) metallik məftillərdən sonsuz lentlər və ya zolaqlar (XV bölmə);

k) 82 və 83-cü qrupun məmulatları;

l) XVII bölmənin məmulatları;

m) 90-cı qrupun məmulatları;

n) saatların bütün növləri və ya 91-ci qrupun digər məmulatları;

o) 8207 mal mövqeyində təsnif olunan, dəyişkən əmək alətləri və ya maşın hissələri kimi istifadə olunan fırçalar (9603 mal mövqeyi); işlək hissələrinin hazırlandığı materiallara müvafiq olaraq təsnif olunan (məsələn, 40, 42, 43, 45 və ya 59 və ya 6804 və ya 6909 mal mövqeləri), analoji dəyişkən alətlər;

p) 95-ci qrupun məmulatları;

r) çap maşınları üçün lentlər və ya analoji lentlər, makaralarda və ya kassetlərdə və ya onlarsız (hazırlandıqları materiallara müvafiq olaraq təsnif olunmalıdır və ya surət alınması üçün mürəkkəblə hopdurulubsa və ya digər üsulla emal olunubsa, 9612 mal mövqeyinə aid olunur).

2. Bu qrupa 1-ci qeydin, 84-cü qrupa 1 və 85-ci qrupa 1-ci qeydin şərtlərini nəzərə alaraq, maşın hissələri (8484, 8544, 8545, 8546 və ya 8547 mal mövqelərində təsnif olunan məmulatların hissələrindən başqa) aşağıdakı qaydalara uyğun olaraq təsnif olunmalıdır:

a. 84 və 85-ci qrupların mal mövqelərinə daxil edilmiş hissələr (8409, 8431, 8448, 8466, 8473, 8485, 8503, 8522, 8529, 8538 və 8548 mal mövqelərindən başqa), hər bir halda onlar üçün nəzərdə tutulmuş mal mövqelərində təsnif olunmalıdırlar.

b. Yalnız və əsasən bir tip maşınla və ya eyni mal mövqeyinə daxil olan bir neçə maşınla (8479 və ya 8553 mal mövqeyində təsnif olunan maşınlar da daxil olmaqla) istifadə üçün nəzərdə tutulmuş digər hissələr, müvafiq olaraq bu maşınlarla birlikdə və ya 8409, 8431, 8448, 8466, 8473, 8503, 8522, 8529 və ya 8538 mal mövqelərində təsnif olunmalıdırlar. Lakin, əsasən 8517 və 8525-8528 mal mövqelərinin məmulatları ilə eyni dərəcədə istifadə üçün yararlı hissələr 8517 mal mövqeyində təsnif olunur.

v. Bütün digər hissələr isə müvafiq olaraq 8409, 8431, 8448, 8466, 8473, 8503, 8522, 8539 və ya 8538 mal mövqelərində və ya bundan əlavə, 8485 və ya 8548 mal mövqelərində təsnif olunur.

3. Vahid tam yaratmaq üçün birləşdirilmiş iki və daha artıq maşından ibarət olan kombinə olunmuş maşınlar və bir-birini tamamlayan və ya bir-biri ilə əlaqədar olmayan iki və ya daha artıq funksiyanı yerinə yetirmək üçün nəzərdə tutulmuş digər maşınlar, kontekstdə başqa şərt qoyklmayıbsa, yalnız əsas funksiyanı yerinə yetirən komponentə müvafiq olaraq və ya həmin maşın kimi təsnif olunmalıdır.

4. Əgər maşın (kombinə olunmuş maşınlar da daxil olmaqla) 84 və ya 85-ci qruplarda göstərilmiş, dəqiq müəyyənləşmiş funksiyaları yerinə yetirmək üçün nəzərdə tutulmuş ayrı-ayrı komponentlərdən (fərqi yoxdur, onlar ayrı-ayrı yerləşib və ya borularla, transmissiya qurğuları ilə, elektrik kabelləri və ya digər qurğular ilə birləşib) ibarətdirsə, həmin maşın göstərilən dəqiq funksiyaya müvafiq mal mövqeyində təsnif olunmalıdır.

5. Bu qeyddə «maşın» termini 84 və ya 85-ci mal mövqeyində təsnif olunan istənilən maşını, avadanlığı, mexanizmi, aqreqatı, qurğunu, aparatı və ya cihazı bildirir.

XVI bölməyə dair əlavə qeydlər:

1. Maşınları yığmaq və onlara xidmət üçün vacib olan alətlər, maşınlarla birlikdə ixrac edilirsə, onlarla birlikdə təsnif olunmalıdırlar. Əgər, maşınlarla birlikdə ixrac olunan dəyişkən alətlər adi maşın avadanlığının bir hissəsini təşkil edirsə və onlarla birlikdə satılırsa, onlar həmin maşınlarla birlikdə təsnif olunmalıdır.

2. Gömrük orqanlarının tələbi ilə, deklarant, deklarasiyada göstərilmiş məlumatları təsdiq etmək üçün, maşının təsviri, təyinatı və əsas xüsusiyyətlərini təsvir edən, yığılmamış maşınlar olduqda isə — yığma sxemi və müxtəlif yük yerlərində olanların siyahısı da daxil olan illüstrasiyalı sənəd (məsələn, instruksiyalar, prospektlər, kataloq vərəqləri, fotoşəkillər) təqdim etməlidir.

3. Deklarantın ərizəsinə əsasən və əlaqədar orqanların təyin etdikləri şərtlərə əməl olunaraq, Nomenklaturanın Əsas interpritasiya qaydasının 2a müddəası ayrı-ayrı partiyalar şəklində gətirilən maşınlara da aid edilir.

Qrup 84 Nüvə reaktorları, qazanlar, avadanlıq və mexaniki qurğular; onların hissələri

Qeydlər:

1.Bu qrupa aşağıdakılar daxil olunmur:

a) dəyirman daşı, itiləyici daşlar və ya 68-ci mal mövqeyinin digər məmulatları;

b) keramika materiallarından avadanlıq və ya qurğular (məsələn, nasoslar) və istənilən materiallardan olan maşın və qurğuların (qrup 69) keramikadan hazırlanmış hissələri;

v) şüşə laboratoriya qabları (7017 mal mövqeyi); texniki məqsədlərlə istifadə olunan avadanlıqlar, qurğular və ya digər məmulatlar və ya onların şüşədən olan hissələri (7019 və ya 7020 mal mövqeyi);

q) 7321 və ya 7322 mal mövqeyində təsnif olunan məmulatlar və ya qiymətsiz metallardan analoji məmulatlar (74-76 və ya 78-81-ci qruplar);

d) 8509 mal mövqeyində təsnif olunan elektromexanıkı məişət maşınları; 8525 mal mövqeyində təsnif olunan elektron kameralar; və ya

e) döşəmələri təmizləmək üçün mühərriksiz əl şotkaları (9603 mal mövqeyi).

2. XVI bölməyə 3-cü qeydin şərtlərini nəzərə almaqla, 8401-8424 mal mövqelərindən biri və ya bir neçəsinin və eyni zamanda 8425-8480 mal mövqelərindən biri və ya bir neçəsinin təriflərinə uyğun gələn maşınlar və qurğular müvafiq olaraq, mal mövqelərinin aid olduğu birinci (ikinci deyil) qrupun mal mövqelərinə daxil olunur.

Lakin, 8419 mal mövqeyinə aşağıdakılar daxil olunmur:

a) toxumların yetişdirilməsi üçün avadanlıqlar, inkubatorlar və ya bruderlər (8436 mal mövqeyi);

b) toxum isladıcı maşınlar (8437 mal mövqeyi);

v) şəkərtərkibli şirələrin çıxarılması üçün diffuzion aparatlar (8438 mal mövqeyi);

q) ipliklərin, parçaların və ya hazır toxuculuq məmulatlarının termo emalı üçün avadanlıq (8451 mal mövqeyi);

d) temperatur dəyişməsi ikinci dərəcəli proses olan (bu vacid olsa belə) mexaniki emal üçün avadanlıq və ya aqreqatlar.

8422 mal mövqeyinə aşağıdakılar daxil olunmur:

a) kisələrin və ya digər taraların tikilməsi üçün tikiş maşınları (8452 mal mövqeyi); və ya

b) 8472 mal mövqeyindəki dəftərxana avadanlığı.

8424 mal mövqeyinə rəng axınlı çap maşınları daxil olunmur (8443 və ya 8471 mal mövqeyi).

3. 8456 mal mövqeyinin, eyni zamanda 8457-8461, 8464 və ya 8465 mal mövqelərinin tələblərinə cavab verən istənilən materialın emalı üçün dəzgah, 8456 mal mövqeyinə daxil olunur.

4. 8457 mal mövqeyinə yalnız, xarrat dəzgahlarından fərqli (çoxməqsədli xarrat dəzgahlar da daxil olmaqla) olan, metal emal edən dəzgahlar daxil olunur. Həmin dəzgahlar müxtəlif tipli əməliyyatları aşağıdakı üsullarla yerinə yetirə bilir və ya:

a) alət mağazasından verilmiş alətin və ya oxşar qurğunun emal proqramına müvafiq olaraq avtomatik dəyişdirilməsi (emal mərkəzləri);

b) bərkidilmiş biçmələrlə işləyən, müxtəlif emaledici başlıqların (çoxpozisiyalı aqreqat dəzgahları) eyni zamanda və ya ardıcıl olaraq, avtomatik tətbiqi; və ya

v) biçmələrin müxtəlif emal edici başlıqlara (təkpozisiyalı aqreqat dəzgahları) görə avtomatik hərəkəti;

5A. 8471 mal mövqeyində «hesablayıcı maşınlar» termini bildirir:

a) elektron maşınlar:

1) proqram və ya proqram tətbiqi və ən azı, proqramın yerinə yetirilməsi üçün vacib olan informasiyanı qoruyan, ;

2) istifadəçinin tələbinə uyğun olaraq sərbəst proqramlaşdırıla bilən;

3) istifadəçi tərəfindən təyin olunmuş riyazi hesablamaları yerinə yetirə bilən;

4) istifadəçinin iştirakı olmadan, hesablama maşınından təkmilləşmə prosesi zamanı məntiqi qərarların qəbul olunması ilə əməlin dəyişməsini tələb edərək təkmilləşmə proqramını həyata keçirən.

b) riyazi modelləri imitasiya edə bilən, və özündə ən azı analoq elementləri, idarəetmə elementlərini və ya proqramlaşdırma elementlərini cəmləşdirən analoq maşınlar;

v) analoq elementli elektron maşınlardan və ya elektron elementli analoq maşınlardan ibarət olan analoq-rəqəm hibrid maşınlar.

5B. Hesablayıcı maşınlar müxtəlif saylı ayrı-ayrı bloklardan ibarət olan sistem şəklində yığıla bilər. Aşağıda, 5d qeydində göstərilən, şərtləri nəzərə almaqla, blok aşağıdakı tələblərə cavab verirsə, tamamlanmış sistem kimi nəzərdən keçirilməlidir:

a) yalnız və ya əsasən hesablama sistemində istifadə olunan;

b) mərkəzi informasiya təkmilləşmə blokuna birbaşa və ya bir və ya bir neçə digər bloklar vasitəsilə qoşula bilən; və ya

v) informasiyanı, sistem tərəfindən istifadə olunan formada (kodlar və ya siqnallar) qəbul və ya təqdim edə bilən.

5V. Hesablayıcı maşınların ayrıca təqdim olunmuş blokları 8471 mal mövqeyinə daxil olunur.

5Q. Printerlər, klaviatura, x-y koordinatlı daxiletmə cihazları və yuxarıdakı 5B(b) və 5B(v) qedlərinin şərtlərinə uyğun gələn, məlumatın disklərdə saxlanması blokları, hər bir halda 8471 mal mövqeyinin blokları kimi qəbul olunmalıdır.

5D. İnformasiyanın təkmilləşdirilməsindən fərqli spesifk funksiyaları həyata keçirən və hesablama maşınlarından ibarət olan və ya onlarla birlikdə işləyən maşınlar, spesifik funksiyalarına müvafiq mal mövqelərinə və ya bu mümkün olmadıqda- qalıq mal mövqeyinə («digərləri») daxil edilir.

6. 8482 mal mövqeyinə, inter alia, maksimal və minimal diametri nominal diametrindən 1%-dən və ya 0,05 mm-dən artıq fərqlənməyən(hansının daha kiçik olmasından asılı olaraq) pardaxlanmış polad kürələr daxil olunur. Digər polad kürələr 7326 mal mövqeyinə daxil olunur.

7. Birdən artıq məqsəd üçün istifadə olunan maşınlar, təsnifat zamanı yeganə funksiya kimi nəzərdə tutulan əsas funksiyasına görə təsnif olunur.

Bu qrupa 2-ci qeydin və ya XVI bölməyə 3-cü qeydin şərtlərini nəzərə alaraq, əsas təyinatı heç bir mal mövqeyində təsvir olunmayan və ya təyinatlarından heç biri əsas olmayan maşın, əgər kontekstdə başqa şərt qoyulmayıbsa, 8479 mal mövqeyində təsnif olunmalıdır. 8479 mal mövqeyinə metallik məftillərdən, toxuculuq liflərindən və ya digər materiallardan və ya belə materialların kombinasiyaından kəndir və ya tros (məsələn, hörmə maşınları) hazırlayan maşınlar da daxil edilir.

8. 8470 mal mövqeyində «cib» termini yalnız ölçüsü 70*100*45 mm-dən artıq olmayan cihazlara şamil edilir.

Yarımmövqelərə dair qeydlər:

1. 8471 49 yarımmövqeyində «sistemlər» termini, 84-cü qrupa 5B qeydinin şərtlərini ödəyən blokları olan və ən azı bir informasiya təkmilləşdirmə bloku, bir daxiletmə bloku (məsələn, klaviatura və ya skaner) və bir çıxış blokundan (məsələn, displey və ya printer) ibarət olan hesablayıcı maşınları bildirir.

2. 8482 40 yarımmövqeyinə yalnız diametri 5 mm-dən artıq olmayan və uzunluğu ən azı diametrindən 3 dəfə artıq olan silindrik diyircəkli podşipniklər daxil olunur. Diyircəklərin sonluqları dəyirmi ola bilər.

Əlavə qeydlər:

1. 8407 10 və 8409 10 yarımmövqelərində «aviasiya mühərrikləri» termini yalnız hava və ya aparıcı vintlə quraşdırma üçün nəzərdə tutulmuş mühərriklərə şamil edilməlidir.

2. 8471 70 510 alt yarımmövqeyinə hesablama maşınların yaddaş qurğusu olan kompakt disklərin, CD-ROM siqnallarının, audio-kompakt-disklərin və fotokompakt-disklərin oxunması üçün nəzərdə tutulmuş, qulaqlıq (nauşnik) yerləri, səs tənzimləyicisi və ya «start/ stop» düymələri ilə təchiz olunmuş cihazlar da daxil olunur.