Qrup 91 Bütün növ saatlar və onların hissələri

Qeydlər:

1.Bu qrupa aşağıdakılar daxil olunmur:

a) saat şüşələrinin bütün növləri və ya daşlar (hazırlandıqları materiala görə təsnif olunan);

b) saatlar üçün zəncirlər (konkret hallardan asılı olaraq 7113 və ya 7117 mal mövqeləri);

v) XV bölməyə 2-ci qeydin şərtlərinə uyğun olaraq, qiymətsiz metallardan ümumi təyinatlı hissələr (XV bölmə) və ya plastmassdan (qrup 39) və ya qiymətli metallardan və ya üzərinə qiymətli metal çəkilmiş digər metallardan hazırlanan analoji məmulatlar (7115 mal mövqeyi); lakin, saat yayları bütün növ saatların hissələri kimi təsnif olunurlar (9114 mal mövqeyi);

q) kürəcikli podşipniklər üçün kürəciklər ( konkret haldan asılı olaraq 7326 və ya 8482 mal mövqeləri);

d) 8412 mal mövqeyində təsnif olunan, anker mexanizmsiz işləmək üçün nəzərdə tutulmuş konstruksiya olunmuş məmulatlar;

e) kürəcikli podşipniklər (8482 mal mövqeyi); və ya

j) 85-ci qrupda təsnif olunmuş, birlikdə və ya başqa komponentlərlə saat mexanizmləri və ya yalnız və ya əsasən bu mexanizmlərin hissələri kimi istifadə üçün nəzərdə tutulmuş, məmulatlar şəklində hələ yığılmamış (85-ci qrup).

2. 9101 mal mövqeyinə yalnız, korpusu tamamilə qiymətli və ya üzəri qiymətli metalla örtülmüş metaldan, və ya həmin materialların təbii və ya 7101-7104 mal mövqeyində təsnif olunan, becərilmiş mirvari, qiymətli və azqiymətli daşlarla (təbii, süni və ya rekonstruksiya olunmuş) birləşməsindən hazırlanan, gəzdirilə bilən (insanın üzərində və ya özü ilə) saatlar daxil olunur. Öz üzərində gəzdirilmək üçün nəzərdə tutulmuş, korpusları qiymətsiz metallardan hazırlanmış, qiymətli metallarla bəzədilmiş saatlar 9102 mal mövqeyində təsnif olunur.

3. Bu qrupda «öz üzərində gəzdirilmək üçün nəzərdə tutulmuş saatların mexanizmləri» termini işi balans-spiral, kvars ossilyatoru və ya indikatorlu və ya mexaniki indikator qoşula bilən sistemli, zaman intervalını müəyyən edən istənilən digər sistemlə tənzimlənən qurğuları bildirir. Belə saat mexanizmlərinin qalınlığı ən çoxu 12 mm, onların eni, uzunluğu və ya diametri isə ən çoxu 50 mm olmalıdır.

4. 1-ci qeyddə göstərilən hallardan başqa, saat mexanizmləri və istənilən növ saatlarda və digər məmulatlarda istifadə üçün nəzərdə tutulmuş digər hissələr ( məsələn, dəqiq alətlərdə) bu qrupa daxil edilir.