— Xaricdən fiziki şəxslər tərəfindən Azərbaycana gətirilən minik avtomobillərinə Azərbaycan Respublikası Nazirlər Kabinetinin 31.05.2001-ci il tarixli 105 nömrəli qərarı ilə təsdiq edilmiş «Fiziki şəxslər tərəfindən istehsal və kommersiya məqsədləri üçün nəzərdə tutulmayan malların Azərbaycan Respublikasının gömrük sərhədindən keçirilməsi Qaydaları»nın 2.14.3-cü bəndinə əsasən, fiziki şəxslər tərəfindən Azərbaycan Respublikasının gömrük ərazisinə ölkənin gömrük sərhədini keçənədək istehsal-buraxılış tarixindən 1 ilədək keçmiş avtonəqliyyat vasitələri mühərrikin həcminin hər kub santimetrinə görə 0,4 ABŞ dollarına ekvivalent məbləğdə gömrük rüsumu, 2.14.4-cü bəndinə əsasən fiziki şəxslər tərəfindən Azərbaycan Respublikasının gömrük ərazisinə bu gömrük sərhədini keçənədək istehsal-buraxılış tarixindən 1 ildən çox ötmüş avtonəqliyyat vasitələri mühərrikin həcminin hər kub santimetrinə görə 0,7 ABŞ dollarına ekvivalent məbləğdə gömrük rüsumu, Azərbaycan Respublikası Vergi Məcəlləsinə əsasən minik avtomobillərinin mühərrikinin həcmi 2000 kub santimetrədək olduqda, mühərrikin həcminin hər kub santimetrinə görə — 0,15 manat; mühərikin həcmi 3000 kub santimetrədək olduqda, 300 manat+mühərrikin həcminin 2001-3000 kub santimetr hissəsi üçün hər kub santimetrinə görə — 1 manat; mühərrikin həcmi 4000 kub santimetrədək olduqda, 1300 manat+mühərrikin həcminin 3001-4000 kub santimetr hissəsi üçün hər kub santimetrinə görə — 2 manat; mühərrikin həcmi 4000 kub santimetrdən çox olduqda, 3300 manat + mühərrikin həcminin 4000 kub santimetrdən çox hissəsi üçün hər kub santimetrinə görə — 4 manat aksiz vergisi, gömrük dəyərinin 0,15% miqdarında gömrük yığımı, nəqliyyat vasitələrinin qeydə alınması üçün vəsiqəyə görə 20 ABŞ dolları həcmində ödənc və nəqliyyat vasitəsinin gömrük dəyəri və ödənilməli olan gömrük vergi və rüsumların cəminin 18% həcmində əlavə dəyər vergisi alınır.